‘ಪ್ರೊ ಟ್ರಂಪ್‘ ಹಿಂಸಾಚಾರದಲ್ಲಿ ಇಣುಕಿದ ಭಾರತದ ಧ್ವಜ: ನೆಟ್ಟಿಗರಿಂದ ಖಂಡನೆ

ವಾಷಿಂಗ್ಟನ್ ಡಿ ಸಿ: ನಿಯೋಜಿತ ಅಧ್ಯಕ್ಷ ಜೋ ಬಿಡೈನ್​ಗೆ ಅಧಿಕಾರ ಘೋಷಣೆ ವಿರುದ್ಧ ಡೊನಾಲ್ಡ್ ಟ್ರಂಪ್ ಬೆಂಬಲಿಗರ ಪ್ರತಿಭಟನೆಯಲ್ಲಿ ಭಾರತದ ಧ್ವಜ ಕಾಣಿಸಿಕೊಂಡಿದೆ. ಇದು ಭಾರತೀಯ ನೆಟ್ಟಿಗರ ಭಾರಿ ಆಕ್ರೋಶಕ್ಕೆ ಕಾರಣವಾಗಿದೆ.

ಡೊನಾಲ್ಡ್ ಟ್ರಂಪ್ ಪರ ಪ್ರತಿಭಟನೆಯಲ್ಲಿ ಅನಿವಾಸಿ ಭಾರತೀಯರು ಭಾಗವಹಿಸಿರುವ ಸಾಧ್ಯತೆಯಿದೆ ಎಂಬ ಅನುಮಾನ ಈ ಘಟನೆಯಿಂದ ಉದ್ಭವವಾಗಿದೆ. ಡೊನಾಲ್ಡ್ ಟ್ರಂಪ್​ಗೆ ಕೆಲವೆಡೆ ಅನಿವಾಸಿ ಭಾರತೀಯರ ಬೆಂಬಲವಿದ್ದು, ಈ ವಿಡಿಯೋಗೆ ವಿಷಾದ ವ್ಯಕ್ತಪಡಿಸಿ ಹಲವು ನಾಯಕರು ಟ್ವೀಟ್ ಮಾಡಿದ್ದಾರೆ.