ಫೇಸ್​ಬುಕ್​ ಪರಿಚಯ: 35 ವರ್ಷದ ಪುರುಷನನ್ನು ಮದುವೆಯಾದ 81 ವರ್ಷ ವಯಸ್ಸಿನ ಅಜ್ಜಿ!

ಪ್ರೀತಿ ಕುರುಡು ಅನ್ನೋ ಮಾತಿದೆ. ಈ ವಿಚಾರ ಈಗ ಮತ್ತೊಮ್ಮೆ ಸಾಬೀತಾಗಿದೆ. 81 ವರ್ಷದ ಅಜ್ಜಿ 35 ವರ್ಷದ ಪುರುಷನನ್ನು ಮದುವೆ ಆಗಿದ್ದಾರೆ! ವಿಚಿತ್ರ ಎಂದರೆ, ಇಬ್ಬರ ನಡುವೆ ಪರಿಚಯವಾಗಲು ಕಾರಣ ಫೇಸ್​ಬುಕ್​.

ಈಜಿಪ್ಟ್​ನ ಮೊಹಮದ್ ಅಹ್ಮದ್​ ಇಬ್ರಾಹಿಂ (35) ಮತ್ತು ಇಂಗ್ಲೆಂಡ್ ಅಜ್ಜಿ ಐರಿಸ್ ಜಾನ್ಸ್​ (81) ನಡುವೆ ವಿವಾಹ ನಡೆದಿದೆ. ಇಬ್ಬರ ನಡುವಿನ ವುಯಸ್ಸಿನ ಅಂತರ ಬರೋಬ್ಬರಿ 45 ವರ್ಷ. ಮೊಹಮದ್​ ಈಜಿಪ್ಟ್​ನಲ್ಲಿ ವಾಸವಾಗಿದ್ದಾರೆ. ಐರಿಸ್​ ಮೊಹಮದ್​ಗೆ ಫೇಸ್​ಬುಕ್​ನಲ್ಲಿ ಪರಿಚಯವಾಗಿದ್ದರು. ಇಬ್ಬರೂ ಮದುವೆಯಾಗುವ ನಿರ್ಧಾರಕ್ಕೆ ಕೂಡ ಬಂದಿದ್ದರು. ಆದರೆ, ಮೊಹಮದ್​ಗೆ ವೀಸಾ ಸಿಕ್ಕಿರಲಿಲ್ಲ.

ಹೀಗಾಗಿ, ಐರಿಸ್​​ ವೀಸಾ ಪಡೆದು ಈಜಿಪ್ಟ್​ಗೆ ಬಂದಿದ್ದರು. ಇಬ್ಬರೂ ಈಜಿಪ್ಟ್​ನಲ್ಲಿ ಸರಳವಾಗಿ ಮದುವೆ ಆಗಿದ್ದಾರೆ. ನನಗೆ ಪದೇ ಪದೇ ಈಜಿಪ್ಟ್​ಗೆ ತೆರಳಲು ಸಾಧ್ಯವಾಗುವುದಿಲ್ಲ. ಅಲ್ಲಿ ತುಂಬಾನೇ ಟ್ರಾಫಿಕ್​ ಮತ್ತು ಅಲ್ಲಿಯ ಹವಾಮಾನ ಚೆನ್ನಾಗಿಲ್ಲ. ಹೀಗಾಗಿ, ಇಂಗ್ಲೆಂಡ್​ಗೆ ಬರುವಂತೆ ನಾನೇ ಹೇಳಿದ್ದೇನೆ. ವೀಸಾ ಸಿಗುವವರೆಗೆ ನಮಗೆ ನೆಮ್ಮದಿ ಇಲ್ಲ ಎಂದಿದ್ದಾರೆ ಐರಿಸ್.

ನನ್ನ ಕೊನೆ ಉಸಿರು ಇರುವರೆಗೂ ಐರಿಸ್​ ಅವರನ್ನು ಬಿಟ್ಟಿರುವುದಿಲ್ಲ ಎಂದಿದ್ದಾರೆ ಮೊಹಮದ್​. ಇದನ್ನು ಅನೇಕರು ಟ್ರೋಲ್​ ಮಾಡಿದ್ದಾರೆ. ಅವಳು ಇನ್ನು, ಕೆಲವೇ ವರ್ಷ ಮಾತ್ರ ಬದುಕಿರುವುದು. ನೀನು ಬಿಡದಿದ್ದರೂ ಅವರೇ ಹೋಗುತ್ತಾರೆ ಎಂದು ಅವರ ಟೀಕಿಸಿದ್ದಾರೆ. ಇನ್ನು ಕೆಲವರು ಪ್ರೀತಿಯನ್ನು ಕೊಂಡಾಡಿದ್ದಾರೆ.

ಪ್ರೀತಿಸಿ ಮದುವೆಯಾದ ಪತ್ನಿಗೆ ವರದಕ್ಷಿಣೆ ಕಿರುಕುಳ.. 3ನೆ ಮಹಡಿಯಿಂದ ನೂಕಿ ಕೊಲೆಗೈದೇಬಿಟ್ಟ ಪಾಪಿ ಪತಿ