ನೈಜೀರಿಯಾದಲ್ಲಿ ಸೇನಾ ವಿಮಾನ ಪತನ: 32 ಮಂದಿ ಸಾವು

ಅಬುಜಾ, ಅಕ್ಟೋಬರ್ 06: ಪಶ್ಚಿಮ ಆಫ್ರಿಕಾದ ನೈಜೀರಿಯಾದಲ್ಲಿ ಸೇನಾ ವಿಮಾನವೊಂದು ಪತನಗೊಂಡು 25 ಪ್ರಯಾಣಿಕರು ಹಾಗೂ 7 ಸಿಬ್ಬಂದಿ ಸೇರಿದಂತೆ ಒಟ್ಟು 32 ಮಂದಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ದೇಶದ ಇತ್ತೀಚಿನ ವರ್ಷಗಳ ಅತ್ಯಂತ ಭೀಕರ ವಾಯು ದುರಂತಗಳಲ್ಲಿ ಒಂದಾದ ಈ ಘಟನೆಗೆ ರಾಷ್ಟ್ರಪತಿ ಬೋಲಾ ಟಿನುಬು ತೀವ್ರ ಸಂತಾಪ ವ್ಯಕ್ತಪಡಿಸಿದ್ದು, ದೇಶಾದ್ಯಂತ ಮೂರು ದಿನಗಳ ಕಾಲ ರಾಷ್ಟ್ರೀಯ ಶೋಕಾಚರಣೆ ಘೋಷಿಸಿದ್ದಾರೆ.

ಘಟನಾ ಸ್ಥಳ: ದಕ್ಷಿಣ ನೈಜೀರಿಯಾದ ಕರಾವಳಿ ತೈಲ ಉತ್ಪಾದನಾ ಪ್ರದೇಶವಾದ ಒಂಡೋ ರಾಜ್ಯದ ಇಗ್ಬೊಕೊಡಾ ಬಳಿ ಈ ಅವಘಡ ಸಂಭವಿಸಿದೆ. ವಿಮಾನವು ಸಮೀಪದ ನೌಕಾ ನೆಲೆಯ ಬಳಿಯ ಜೌಗು ಪ್ರದೇಶಕ್ಕೆ ಅಪ್ಪಳಿಸಿದೆ. ವಿಮಾನವು ಬೆನಿನ್ ನಗರದಿಂದ ದೇಶದ ಪ್ರಮುಖ ಆರ್ಥಿಕ ಕೇಂದ್ರವಾದ ಲಾಗೋಸ್‌ಗೆ ವಾಡಿಕೆಯ ಕಾರ್ಯಾಚರಣೆಯಲ್ಲಿದ್ದಾಗ ಬೆಳಗ್ಗೆ ಸುಮಾರು 9 ಗಂಟೆಗೆ ಪತನಗೊಂಡಿದೆ.

ಪತನಗೊಂಡ ವಿಮಾನವನ್ನು ಅವಳಿ-ಎಂಜಿನ್‌ನ ಟರ್ಬೊಪ್ರೊಪ್ ATR-42 ಎಂದು ಗುರುತಿಸಲಾಗಿದೆ. ಇದು ಸಾಮಾನ್ಯವಾಗಿ 30 ರಿಂದ 50 ಪ್ರಯಾಣಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.ಅಪಘಾತದ ವೇಳೆ ಭಾರೀ ಗುಡುಗಿನಂತಹ ಶಬ್ದ ಕೇಳಿಬಂತು ಎಂದು ಸ್ಥಳೀಯರು ತಿಳಿಸಿದ್ದಾರೆ. ಜೌಗು ಪ್ರದೇಶದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದವರು ಸ್ಥಳೀಯ ನೌಕಾ ನೆಲೆಗೆ ಮಾಹಿತಿ ನೀಡಿದ ಬಳಿಕ ದೋಣಿಗಳ ಮೂಲಕ ರಕ್ಷಣಾ ತಂಡಗಳು ಸ್ಥಳಕ್ಕೆ ತಲುಪಿದವು.

ಮತ್ತಷ್ಟು ಓದಿ: 6 ಜನರೊಂದಿಗೆ ಬರ್ಮುಡಾದಿಂದ ಬೋಸ್ಟನ್‌ಗೆ ತೆರಳುತ್ತಿದ್ದ ವಿಮಾನ ನಿಗೂಢವಾಗಿ ನಾಪತ್ತೆ

ಮೃತ ಸೈನಿಕರು ಹಾಗೂ ಸಿಬ್ಬಂದಿಗೆ ಗೌರವ ಸಲ್ಲಿಸಲು ಮೂರು ದಿನ ದೇಶಾದ್ಯಂತ ರಾಷ್ಟ್ರಧ್ವಜವನ್ನು ಅರ್ಧಕ್ಕೆ ಹಾರಿಸಲು ಆದೇಶಿಸಲಾಗಿದೆ.ಉನ್ನತ ಮಟ್ಟದ ತನಿಖೆಗೆ ಆದೇಶಿಸಲಾಗಿದೆ. ದುರಂತಕ್ಕೆ ತಾಂತ್ರಿಕ ದೋಷವೇ ಅಥವಾ ಹವಾಮಾನ ವೈಪರೀತ್ಯವೇ ಕಾರಣ ಎಂಬ ಬಗ್ಗೆ ಸಮಗ್ರ ತನಿಖೆ ನಡೆಸಲು ವಾಯುಪಡೆಗೆ ಅಧ್ಯಕ್ಷರು ನಿರ್ದೇಶನ ನೀಡಿದ್ದಾರೆ.ಗುರುತು ಪತ್ತೆ ಕಾರ್ಯಮೃತರ ಕುಟುಂಬಸ್ಥರಿಗೆ ಅಧಿಕೃತವಾಗಿ ಮಾಹಿತಿ ರವಾನಿಸಿದ ನಂತರ ಅವರ ಹೆಸರು ಮತ್ತು ವಿವರಗಳನ್ನು ವಾಯುಪಡೆ ಬಿಡುಗಡೆ ಮಾಡಲಿದೆ.

ನೈಜೀರಿಯಾದ ಹಿಂದಿನ ಪ್ರಮುಖ ವಾಯು ದುರಂತಗಳು ಮೇ 2021: ಉತ್ತರ ಕಡುನಾ ವಿಮಾನ ನಿಲ್ದಾಣದ ಬಳಿ ಕೆಟ್ಟ ಹವಾಮಾನದ ಕಾರಣ ಸೇನಾ ವಿಮಾನ ಪತನಗೊಂಡು, ನೈಜೀರಿಯಾದ ಸೇನಾ ಮುಖ್ಯಸ್ಥ ಲೆಫ್ಟಿನೆಂಟ್ ಜನರಲ್ ಇಬ್ರಾಹಿಂ ಅಟ್ಟಹಿರು ಸೇರಿದಂತೆ 11 ಹಿರಿಯ ಸೇನಾ ಅಧಿಕಾರಿಗಳು ಮೃತಪಟ್ಟಿದ್ದರು.

ಪೋಸ್ಟ್​

INFORMATION ON CRASH OF A MILITARY AIRCRAFT

I regret to inform the general public that Air Traffic Controllers have informed me of the disappearance of a military aircraft with tail number NGR 931, enroute Lagos from Benin at 0913 hours earlier today. All efforts to raise the aircraft on radio proved abortive.

Subsequently information however confirmed that the military aircraft has crashed close to the Naval Base in Igbokoda, Ondo State. The wreckage has been located and search and rescue operations are ongoing.

Preliminary information suggests that there were 25 passengers and 7 crew members on board.

Whilst the control and regulation of military aircraft are completely outside the authority of the Ministry of Aviation, and Civil Aviation Authority, I have just spoken to the Chief of Air Staff, Air Marshal Sunday Kelvin Aneke and pledged our total cooperation and assistance in the search and rescue efforts ongoing.

Further information on this unfortunate incident will be made available subsequently.

— Festus Keyamo, SAN, CON, FCIArb (UK) (@fkeyamo) October 5, 2026

ಆಗಸ್ಟ್ 2015: ಉತ್ತರ ನೈಜೀರಿಯಾದಲ್ಲಿ ಮಿಲಿಟರಿ ಡೋರ್ನಿಯರ್ ವಿಮಾನವೊಂದು ವಸತಿ ಕಟ್ಟಡಕ್ಕೆ ಅಪ್ಪಳಿಸಿ ಅದರಲ್ಲಿದ್ದ ಎಲ್ಲಾ 7 ಮಂದಿ ಸಾವನ್ನಪ್ಪಿದ್ದರು.

ಆಗಸ್ಟ್ 2015 (ಲಾಗೋಸ್): ಬ್ರಿಸ್ಟೋ ಹೆಲಿಕಾಪ್ಟರ್ ಲಾಗೋಸ್ ಲಗೂನ್‌ಗೆ ಬಿದ್ದು ಅಮೆರಿಕದ ಪೈಲಟ್ ಸೇರಿದಂತೆ 6 ಮಂದಿ ಜಲಸಮಾಧಿಯಾಗಿದ್ದರು. ನೈಜೀರಿಯಾ ವಾಯುಪಡೆಯ ವಿಮಾನಗಳ ನಿರ್ವಹಣೆ ಮತ್ತು ವಾಯುಯಾನ ಸುರಕ್ಷತಾ ಮಾನದಂಡಗಳ ಬಗ್ಗೆ ಈ ದುರಂತವು ಮತ್ತೊಮ್ಮೆ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

Published On - 7:35 am, Tue, 6 October 26