ಯೇಸುಕ್ರಿಸ್ತನ ಜನ್ಮಸ್ಥಳವಾದ ಬೆಥ್ ಲೆಹೆಮ್‌ನಲ್ಲಿ ಕ್ರಿಸ್‌ಮಸ್ ಟ್ರೀ ಇಲ್ಲ, ಹಬ್ಬದ ಸಂಭ್ರಮವೂ ಇಲ್ಲ

ಬೆಥ್ ಲೆಹೆಮ್: ಬೆಥ್ ಲೆಹೆಮ್ (Bethlehem) ಸಾಮಾನ್ಯವಾಗಿ ಕ್ರಿಸ್‌ಮಸ್ (Christmas) ಸಮಯದಲ್ಲಿ ಅತ್ಯಂತ ಜನನಿಬಿಡವಾಗಿರುತ್ತದೆ ಆದರೆ ಈ ವರ್ಷ ಯುದ್ಧದಿಂದಾಗಿ ಇಸ್ರೇಲಿ ಆಕ್ರಮಿತ ವೆಸ್ಟ್ ಬ್ಯಾಂಕ್‌ನಲ್ಲಿರುವ ಪ್ಯಾಲೆಸ್ತೀನ್ ಪಟ್ಟಣದಿಂದ ಪ್ರವಾಸಿಗರು ಮತ್ತು ಯಾತ್ರಾರ್ಥಿಗಳು ಹೆದರಿ ಹೋಗಿದ್ದು ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು ಭಣಗುಟ್ಟುತ್ತಿವೆ. ಅಕ್ಟೋಬರ್ 7 ರಿಂದ ದಕ್ಷಿಣ ಇಸ್ರೇಲ್‌ನಲ್ಲಿ ಹಮಾಸ್ ದಾಳಿ (Hamas attack), ಗಾಜಾದ ಮೇಲೆ ಇಸ್ರೇಲ್‌ನ ಮಿಲಿಟರಿ ದಾಳಿ ಮತ್ತು ವೆಸ್ಟ್ ಬ್ಯಾಂಕ್‌ನಲ್ಲಿ ಹಿಂಸಾಚಾರದ ಹೆಚ್ಚಳದಿಂದಾಗಿ,ಯಾರೂ ಬರುತ್ತಿಲ್ಲ ಅಂತಾರೆ ಬೆಥ್‌ಲೆಹೆಮ್‌ನಲ್ಲಿನ ವ್ಯಾಪಾರಿಗಳು.

“ನಮ್ಮಲ್ಲಿಗೆ ಯಾರೊಬ್ಬರೂ ಅತಿಥಿಗಳು ಬಂದಿಲ್ಲ ಎಂದು ಅಲೆಕ್ಸಾಂಡರ್ ಹೋಟೆಲ್‌ನ ಮಾಲೀಕ ಜೋಯಿ ಕನವಾಟಿ ಹೇಳುತ್ತಾರೆ. ಅವರ ಕುಟುಂಬವು ಬೆಥ್ಲೆಹೆಮ್‌ನಲ್ಲಿ ನಾಲ್ಕು ತಲೆಮಾರುಗಳಿಂದ ವಾಸಿಸುತ್ತಿದ್ದು ಅಲ್ಲೇ ಕೆಲಸ ಮಾಡುತ್ತಿದೆ. ಇದು ಅತ್ಯಂತ ಕೆಟ್ಟ ಕ್ರಿಸ್ಮಸ್ ಆಗಿದೆ. ಬೆಥ್ ಲೆಹೆಮ್ ಅನ್ನು ಕ್ರಿಸ್ಮಸ್‌ಗಾಗಿ ಮುಚ್ಚಲಾಗಿದೆ. ಕ್ರಿಸ್‌ಮಸ್ ಟ್ರೀ ಇಲ್ಲ, ಸಂತೋಷವಿಲ್ಲ, ಕ್ರಿಸ್‌ಮಸ್ ಉತ್ಸಾಹವಿಲ್ಲ ಎಂದು ಅವರು ಹೇಳಿದರು.

ಜೆರುಸಲೆಮ್‌ನ ದಕ್ಷಿಣದಲ್ಲಿ ನೆಲೆಗೊಂಡಿರುವ ಬೆಥ್ ಲೆಹೆಮ್, ಜೀಸಸ್ ಜನಿಸಿದ ಸ್ಥಳ ಎಂದು ಕ್ರಿಶ್ಚಿಯನ್ನರು ನಂಬಿರುವ ನೇಟಿವಿಟಿ ಚರ್ಚ್ ಅನ್ನು ನೋಡಲು ಬರುವ ಪ್ರಪಂಚದಾದ್ಯಂತದ ಸಂದರ್ಶಕರ ಮೇಲೆ ಇಲ್ಲಿನ ಜನರ ಆದಾಯ ಮತ್ತು ಉದ್ಯೋಗಗಳು ಹೆಚ್ಚು ಅವಲಂಬಿತವಾಗಿದೆ.

ಅಕ್ಟೋಬರ್ 7 ರ ಮೊದಲು, ಅವರ ಹೋಟೆಲ್ ಕ್ರಿಸ್‌ಮಸ್‌ಗಾಗಿ ಸಂಪೂರ್ಣವಾಗಿ ಕಾಯ್ದಿರಿಸಲ್ಪಡುತ್ತಿತ್ತು. ಆದರೆ ಯುದ್ಧ ಪ್ರಾರಂಭವಾದಾಗಿನಿಂದ, ಮುಂದಿನ ವರ್ಷಕ್ಕೆ ಬುಕಿಂಗ್ ಸೇರಿದಂತೆ ಎಲ್ಲರೂ ರದ್ದುಗೊಳಿಸಿದರು ಎಂದು ಕನವಾಟಿ ಹೇಳಿದ್ದಾರೆ ನಾವು ಇಲ್ಲಿ ಪ್ರತಿ ರಾತ್ರಿ ಕನಿಷ್ಠ 120 ಜನರು ಭೋಜನ ಸಿದ್ಧಪಡಿಸುತ್ತಿದ್ದೆವು. ಕೋಣೆಗಳು ತುಂಬಿರುತ್ತಿತ್ತು. ಈಗ ಎಲ್ಲವೂ ಖಾಲಿ ಖಾಲಿ. ಕ್ರಿಸ್ಮಸ್ ಬ್ರೇಕ್ಫಾಸ್ಟ್ ಇಲ್ಲ, ಕ್ರಿಸ್ಮಸ್ ಡಿನ್ನರ್ ಇಲ್ಲ, ಕ್ರಿಸ್ಮಸ್ ಬಫೆ ಇಲ್ಲ ಎಂದು ರಾಯಿಟರ್ಸ್ ಜತೆ ಮಾತನಾಡಿದ ಕನವಾಟಿ ಹೇಳಿದ್ದಾರೆ.

ಇದನ್ನೂ ಓದಿ: ಕ್ರಿಸ್​ಮಸ್ ಹಬ್ಬ: ಬೆಂಗಳೂರಿನ ಸೇಂಟ್ ಮೇರಿ ಬೆಸಿಲಿಕಾ ಚರ್ಚ್​​​ಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳಲ್ಲಿ ವಾಹನ ಸಂಚಾರ ನಿಷೇಧ

ದಾಳಿಗಳಲ್ಲಿ ಉಲ್ಬಣ

ಇಸ್ರೇಲ್ ಮತ್ತು ನೆರೆಯ ಅರಬ್ ದೇಶಗಳ ನಡುವಿನ 1967 ರ ಯುದ್ಧದ ನಂತರ, ಇಸ್ರೇಲ್ ಪಶ್ಚಿಮ ದಂಡೆಯನ್ನು ವಶಪಡಿಸಿಕೊಂಡಿದೆ, ಇದು ಭವಿಷ್ಯದ ಸ್ವತಂತ್ರ ರಾಷ್ಟ್ರದ ಕೋರ್ ಎಂದು ಪ್ಯಾಲೆಸ್ಟೀನಿಯಾದವರು ಬಯಸುತ್ತಾರೆ.  ಇಸ್ರೇಲ್ ಭೂಪ್ರದೇಶದಾದ್ಯಂತ ಯಹೂದಿ ವಸಾಹತುಗಳನ್ನು ನಿರ್ಮಿಸಿದೆ. ಹೆಚ್ಚಿನ ದೇಶಗಳಿಂದ ಕಾನೂನುಬಾಹಿರವೆಂದು ಪರಿಗಣಿಸಲಾಗಿದೆ. ಭೂಮಿಗೆ ಐತಿಹಾಸಿಕ ಮತ್ತು ಬೈಬಲ್ ಸಂಬಂಧಗಳನ್ನು ಉಲ್ಲೇಖಿಸಿ ಇಸ್ರೇಲ್ ಇದನ್ನು ವಿವಾದಿಸುತ್ತದೆ. ಅದರ ಹಲವಾರು ಮಂತ್ರಿಗಳು ವಸಾಹತುಗಳಲ್ಲಿ ವಾಸಿಸುತ್ತಿದ್ದಾರೆ ಮತ್ತು ಅವರ ವಿಸ್ತರಣೆಗೆ ಒಲವು ತೋರುತ್ತಾರೆ.

ಅಕ್ಟೋಬರ್ 7 ರಿಂದ, ವೆಸ್ಟ್ ಬ್ಯಾಂಕ್ ಪ್ಯಾಲೆಸ್ಟೀನಿಯನ್ನರ ಮೇಲೆ ಯಹೂದಿ ವಸಾಹತುಗಾರರ ದಾಳಿಯಲ್ಲಿ ಏರಿಕೆ ಕಂಡಿದೆ, ಇದು ಹಮಾಸ್ ದಾಳಿಯ ಮೊದಲು ಈ ವರ್ಷ ಈಗಾಗಲೇ 15 ವರ್ಷಗಳ ಗರಿಷ್ಠ ಮಟ್ಟದಲ್ಲಿತ್ತು. ಬೆಥ್ ಲೆಹೆಮ್‌ನ ಮ್ಯಾಂಗರ್ ಸ್ಕ್ವೇರ್, ಚರ್ಚ್ ಆಫ್ ದಿ ನೇಟಿವಿಟಿಯ ಮುಂಭಾಗದಲ್ಲಿರುವ ದೊಡ್ಡ ಸುಸಜ್ಜಿತ ಸ್ಥಳವು ಸಾಮಾನ್ಯವಾಗಿ ಕ್ರಿಸ್ಮಸ್ ಆಚರಣೆಗಳಿಗೆ ಕೇಂದ್ರಬಿಂದುವಾಗಿ ಕಾರ್ಯನಿರ್ವಹಿಸುತ್ತದೆ.  ಇದು ಸ್ತಬ್ಧ ಮತ್ತು ಬಹುತೇಕ ಖಾಲಿಯಾಗಿತ್ತು, ಹತ್ತಿರದ ಬೀದಿಗಳಲ್ಲಿ ಹೆಚ್ಚಿನ ಅಂಗಡಿಗಳನ್ನು ಮುಚ್ಚಲಾಗಿತ್ತು.

ತನ್ನ ಕುಟುಂಬದ ಅಂಗಡಿಯಲ್ಲಿ ಶಿಲುಬೆಗೇರಿಸುವಿಕೆ, ವರ್ಜಿನ್ ಮೇರಿಯ ಪ್ರತಿಮೆಗಳು ಮತ್ತು ಇತರ ಧಾರ್ಮಿಕ ಟ್ರಿಂಕೆಟ್‌ಗಳನ್ನು ಮಾರಾಟ ಮಾಡುವ ರೋನಿ ತಬಾಶ್, ಸಮಯ ಕಳೆಯಲು ಕಪಾಟುಗಳು ಮತ್ತು ಸರಕುಗಳನ್ನು ಅಚ್ಚುಕಟ್ಟಾಗಿ ಇಡುತ್ತಿದ್ದರು. “ಇಲ್ಲಿ ಯಾವುದೇ ಯಾತ್ರಿಗಳು, ಯಾವುದೇ ಪ್ರವಾಸಿಗರಿಲ್ಲದೆ ಸುಮಾರು ಎರಡು ತಿಂಗಳುಗಳಾಗಿದೆ. “ಸಾಮಾನ್ಯ ಜೀವನಕ್ಕೆ ಎಲ್ಲವೂ ಹಿಂತಿರುಗುತ್ತದೆ ಎಂದು ನಾವು ಭಾವಿಸಲು ಬಯಸುತ್ತೇವೆ” ಎಂದು ಅವರು ಹೇಳಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ