ಕೊರೊನಾ ಭಯ: ತಮ್ಮ 3 ಮಕ್ಕಳನ್ನು 4 ತಿಂಗಳವರೆಗೆ ರೂಮಿನಲ್ಲೇ ಬಂಧಿಸಿದ್ದ ದಂಪತಿ

ಕೊರೊನಾ ವೈರಸ್ ಹರಡಬಹುದೆಂಬ ಭಯದಿಂದ ಮೂರು ಮಕ್ಕಳನ್ನು ನಾಲ್ಕು ತಿಂಗಳ ಕಾಲ ಪೋಷಕರು ತಮ್ಮ ಕೋಣೆಗಳಲ್ಲಿ ಬಂಧಿಸಿರುವ ಘಟನೆ ಸ್ವೀಡನ್​ ದೇಶದಲ್ಲಿ ನಡೆದಿದೆ.

ಮಕ್ಕಳ ಮೇಲಿನ ಪ್ರೀತೀನೋ, ಸೋಂಕಿನ ಭೀತೀನೋ.. ಎಲ್ಲ ಕೊರೊನಾ ಮಹಿಮೆ
ಸ್ವೀಡನ್​ ದೇಶದ ದಂಪತಿ ಮಕ್ಕಳಿಗೆ ಕೊರೊನಾ ವೈರಸ್ ಹರಡಬಹುದೆಂಬ ಭಯದಿಂದ ತಮ್ಮ ಅಪಾರ್ಟ್ಮೆಂಟ್ನಿಂದ ಹೊರಹೋಗದಂತೆ ತಡೆದು, ರೂಮಿನಲ್ಲಿ ಕೂಡಿ ಹಾಕಿದ್ದಾರೆ. ಜೊತೆಗೆ ಮಕ್ಕಳನ್ನು ಕೂಡಿ ಹಾಕಿದ್ದ ರೂಮಿನ ಬಾಗಿಲನ್ನು ಹಲಗೆಗಳಿಂದ ಮುಚ್ಚಿದ್ದಾರೆ. ಇದರಿಂದ ಮಕ್ಕಳು 4 ತಿಂಗಳವರೆಗೆ ರೂಮಿನಲ್ಲಿಯೆ ಬಂಧಿಯಾಗಿದ್ದರು.

ಪ್ರಕರಣ ಬೆಳಕಿಗೆ ಬಂದ ನಂತರ ಅಲ್ಲಿನ ನ್ಯಾಯಾಲಯವು ವಿಚಾರಣೆ ನಡೆಸಿ, ಸುಮಾರು 4 ತಿಂಗಳುಗಳ ಕಾಲ ಪೋಷಕರಿಂದ ಬಂಧಿಸಲ್ಪಟ್ಟ ಮೂರು ಮಕ್ಕಳನ್ನು ಮನೆಗೆ ಮರಳಲು ಅನುಮತಿಸಬಾರದು ಎಂದು ಸ್ವೀಡನ್‌ನ ಆಡಳಿತ ನ್ಯಾಯಾಲಯವು ತೀರ್ಪು ನೀಡಿದೆ.