ಮಿಲಿಟರಿ ವಿಮಾನದಲ್ಲೇ ದರೋಡೆ! 39 ರೇಡಿಯೋ ಉಪಕರಣಗಳ ಕಳವು; ದರೋಡೆಕೋರರ​ ಶೂ-ಬೆರಳಚ್ಚು ಪತ್ತೆ

ರಷ್ಯಾದಲ್ಲಿ ಒಂದು ಬಹುದೊಡ್ಡ ಮಟ್ಟದ ವಿಮಾನ ದರೋಡೆ ನಡೆದಿದೆ. ಅದೂ ಸಕಲ ಭದ್ರತೆಯನ್ನೂಳಗೊಂಡ ಮಿಲಿಟರಿ ವಿಮಾನಕ್ಕೇ ಕನ್ನ ಹಾಕಿದ ದರೋಡೆಕೋರರು 39 ರೇಡಿಯೋ ಉಪಕರಣಗಳನ್ನು ದೋಚಿದ್ದಾರೆ.

ದಕ್ಷಿಣ ರಷ್ಯಾದ ವಾಯುನೆಲೆಯಲ್ಲಿ ಇದ್ದ ಇಲ್ಯುಷಿನ್-80 ಎಂಬ ಡೂಮ್ಸ್​ಡೇ ವಿಮಾನದಲ್ಲಿ ಈ ಕಳವಾಗಿದೆ. ಡೂಮ್ಸ್​ಡೇ ಜೆಟ್​ ಎಂದರೆ ಅಣುಯುದ್ಧ ಸೇರಿ ದೊಡ್ಡ ಮಟ್ಟದ ಸಂಘರ್ಷ ಅಥವಾ ಸೈನ್ಯ ಮತ್ತು ಸರ್ಕಾರಕ್ಕೆ ಇನ್ಯಾವುದೇ ರೀತಿಯ ವಿಪತ್ತು ಎದುರಾದ ಸಂದರ್ಭದಲ್ಲಿ ವಾಯುಗಾಮಿ ಕಮಾಂಡ್ ಪೋಸ್ಟ್ ಆಗಿ ಬಳಸುತ್ತಾರೆ.

ದರೋಡೆಕೋರರ​ ಶೂ-ಬೆರಳಚ್ಚು ಪತ್ತೆ ಅದರಲ್ಲೂ ನ್ಯೂಕ್ಲಿಯರ್​ ಯುದ್ಧದ ಸಂದರ್ಭದಲ್ಲಿ ಪ್ರಮುಖ ನಾಯಕರು, ಮಿಲಿಟರಿಯ ಉನ್ನತ ಅಧಿಕಾರಿಗಳನ್ನು ಪ್ರಾಣಾಪಾಯದಿಂದ ಕಾಪಾಡಲು ಈ ಜೆಟ್​ಗಳನ್ನು ಬಳಸಲಾಗುತ್ತದೆ. ಹಾಗೇ ಇಂಥ ಡೂಮ್ಸ್​ಡೇ ಪ್ಲೇನ್​ಗಳಿಗೆ ಬಿಗಿ ಭದ್ರತೆಯನ್ನೂ ಕಲ್ಪಿಸಲಾಗಿರುತ್ತದೆ. ಅಷ್ಟೆಲ್ಲ ಬಿಗಿ ಭದ್ರತೆಯ ನಡುವೆಯೂ ವಿಮಾನದ ಕಾರ್ಗೋ ದ್ವಾರವನ್ನು ತೆರೆದ ಕಳ್ಳರು ದರೋಡೆ ಮಾಡಿದ್ದು, ಅವರನ್ನು ಇನ್ನೂ ಹಿಡಿಯಲು ಸಾಧ್ಯವಾಗಿಲ್ಲ.

ವಿಮಾನದೊಳಗೆ ದರೋಡೆಕೋರರ​ ಶೂ ಮತ್ತು ಬೆರಳಚ್ಚು ಪೊಲೀಸರಿಗೆ ಪತ್ತೆಯಾಗಿದೆ ಎಂದು ರಷ್ಯಾದ ಮಾಧ್ಯಮಗಳು ವರದಿ ಮಾಡಿವೆ. ರಷ್ಯಾದಲ್ಲಿ ಇಲ್ಯುಷಿನ್​-80ಯ ಒಟ್ಟು 4 ವಿಮಾನಗಳಿವೆ. ಹಾಗೇ, ಇಲ್​-86 ( Il-86)ನ್ನು ಪರಮಾಣು ಯುದ್ಧದ ಸಂದರ್ಭದಲ್ಲಿ ಹಡಗಿನಲ್ಲಿ ಇದ್ದವರನ್ನು ರಕ್ಷಿಸಲು ಸಹಾಯವಾಗುವಂತೆ ವಿನ್ಯಾಸಗೊಳಿಸಲಾಗಿದೆ.

Covid 19 ಲಸಿಕೆ ಪಡೆದವರ ತುಟಿ ಓರೆಯಾಗಿದ್ದೇಕೆ? ಅಡ್ಡ ಪರಿಣಾಮದ ಬಗ್ಗೆ ತಜ್ಞರ ಸಮರ್ಥನೆ?

Published On - 1:27 pm, Wed, 9 December 20