ಪತ್ನಿಯ ಖಾತೆ ವಿವರ ಬಹಿರಂಗವಾಗಿ ಹಂಚಿಕೊಂಡಿದ್ದ ಸ್ವಿಸ್​ ಬ್ಯಾಂಕ್​ ಕೋರ್ಟ್​ ಕಟಕಟೆಗೆ ಎಳೆದ ದಂಪತಿ: ಏನಿದರ ವೃತ್ತಾಂತ?

ನ್ಯೂಯಾರ್ಕ್​: ಪತ್ನಿಯ ಬ್ಯಾಂಕ್​ ಖಾತೆ ವಿವರಗಳನ್ನು (UBS Bank Account Info) ಬಹಿರಂಗವಾಗಿ ಹಂಚಿಕೊಂಡಿದ್ದ ಸ್ವಿಸ್​ ಬ್ಯಾಂಕ್ ಯುಬಿಎಸ್​ (Swiss Bank UBS) ವಿರುದ್ಧ ದಂಪತಿ (Couple) ಕೋರ್ಟ್​ ಮೆಟ್ಟಿಲೇರಿದ್ದಾರೆ. ನಷ್ಟದ ಬಾಬತು ಸರಿದೂಗಿಸಲು ಲಕ್ಷಾಂತರ ಅಮೆರಿಕನ್​ ಡಾಲರ್​ ನೀಡುವಂತೆ ಸೂಚಿಸಲಾಗಿದೆ. ಜೊನಾಥನ್​ ಮತ್ತು ಎಸ್ತರ್​ ಜುಹೋವಿಟ್​ಸ್ಕಿ ದಂಪತಿ ಸ್ವಿಸ್​ ಬ್ಯಾಂಕ್ ಯುಬಿಎಸ್​ ವಿರುದ್ಧ ಕಾನೂನು ಸಮರ ಸಾರಿದ್ದು, ಕೂಲಂಕಷ ಆಡಿಟ್​ ತನಿಖೆ ಬಳಿಕ ಭಾರೀ ಪ್ರಮಾಣದಲ್ಲಿ ಖಾತೆಯಲ್ಲಿ ನಷ್ಟ ಅನುಭವಿಸಿರುವುದು ಬೆಳಕಿಗೆ ಬಂತು. ಒಂದು ಹಂತದಲ್ಲಿ ಐಆರ್​ಎಸ್ ಅಪರಾಧ ವಿಭಾಗದ (IRS criminal division) ವಿರುದ್ಧವೂ ಪ್ರಕರಣ ದಾಖಲಿಸಲು ಉಲ್ಲೇಖ ಮಾಡಿದೆವು. ತಮ್ಮ ಖಾತೆ ಮಾಹಿತಿ ಹಂಚಿಕೆ ಅಗಾಧ ಪ್ರಮಾಣದಲ್ಲಿ ಏರುಪೇರು ಕಂಡಬಂದಿತ್ತು. ಕೊನೆಗೆ ಮಿಲಿಯನ್​ಗಟ್ಟಲೆ ದಂಡ ಕಟ್ಟಲು ಬ್ಯಾಂಕ್​ ಒಪ್ಪಿತು ಎಂದು ದಂಪತಿ ತಿಳಿಸಿದ್ದಾರೆ.

ಎಸ್ತರ್​ ಜುಹೋವಿಟ್​ಸ್ಕಿ ಯುಎಸ್ ಪೌರತ್ವ (U.S. citizen) ಹೊಂದಿಲ್ಲ. ಆದರೂ ​ಐಆರ್​ಎಸ್ (Internal Revenue Service) ಆಣಿತಿಯಂತೆ ತನ್ನ ಪತ್ನಿಯ ಬ್ಯಾಂಕ್​ ವಿವರವನ್ನು ಸ್ವಿಸ್​ ಬ್ಯಾಂಕ್ ಯುಬಿಎಸ್ ಹಸ್ತಾಂತರಿಸಿತ್ತು. ಇದು ಸರಿಯಲ್ಲ ಎಂಬುದು ದಂಪತಿಯ ವಾದವಾಗಿದೆ. ಈ ಸಂಬಂಧ ಆರ್ಥಿಕ ನಗರಿ ಮ್ಯಾನ್​ಹಟ್ಟನ್ ನಲ್ಲಿರುವ ಫೆಡರಲ್​ ಕೋರ್ಟ್​ಗೆ ಅರ್ಜಿ ಹಾಕಿಕೊಂಡಿದ್ದಾರೆ.​ ಎಸ್ತರ್​ ಜುಹೋವಿಟ್​ಸ್ಕಿ ಇಸ್ರೇಲ್​ ಮತ್ತು ಆಸ್ಟ್ರಿಯಾ ದೇಶಗಳ ಪೌರತ್ವ ಹೊಂದಿದ್ದಾರೆ. ಅವತು ಮೆದುಳು ಸಂಬಂಧಿ ಕಾಯಿಲೆಯಿಂದ (ಡಿಸ್ಲೆಕ್ಸಿಯಾ -dyslexia) ಬಳಲುತ್ತಿದ್ದರು. ಅವರ ಖಾತೆಯನ್ನು ಪತಿ ಜೊನಾಥನ್ ನಿರ್ವಹಿಸುತ್ತಿದ್ದರು. ಆದರೆ ಜೊನಾಥನ್ ದ್ವಿಪೌರತ್ವ ಪಡೆದಿದ್ದರು.

ಕಾಳ ಧನ ಸಂಗ್ರಹಕ್ಕೆ ಸ್ವರ್ಗವೆನಿಸಿದ್ದ ಸ್ವಿಸ್​ ಬ್ಯಾಂಕ್​ಗಳ ಮೇಲೆ ಅಮೆರಿಕಾದ ತೆರಿಗೆ ಅಧಿಕಾರಿಗಳು ಇತ್ತೀಚೆಗೆ ನಿರಂತರವಾಗಿ ಕಣ್ಣಿಟ್ಟಿದ್ದಾರೆ. ಅಮೆರಿಕ ಪ್ರಜೆಗಳು ತೆರಿಗೆ ತಪ್ಪಿಸಿ, ಈ ಬ್ಯಾಂಕ್​ಗಳಲ್ಲಿ ಹಣ ಠೇವಣಿಯಿಡುವುದಕ್ಕೆ ಕುಮ್ಮಕ್ಕು ನೀಡಿದ್ದ ಆರೋಪದ ಮೇಲೆ UBS ಬ್ಯಾಂಕ್​ಗಳಿಗೆ 780 ದಶಲಕ್ಷ ಡಾಲರ್​ ದಂಡ ವಿಧಿಸಿದ್ದರು. ಅದಾದ ಬಳಿಕ ಸಾವಿರಾರು ಅಮೆರಿಕ ಪ್ರಜೆಗಳ ಮಾಹಿತಿಯನ್ನು UBS ಬ್ಯಾಂಕ್​ ಅಮೆರಿಕಾದ ತೆರಿಗೆ ಅಧಿಕಾರಿಗಳಿಗೆ ಒದಗಿಸಿತ್ತು.

ಎಸ್​ಬಿಐ ಬ್ಯಾಂಕ್​ ರಾಬರಿ, ಓರ್ವ ಉದ್ಯೋಗಿ ಹತ್ಯೆ, ಕ್ಯಾಮರಾದಲ್ಲಿ ಘಟನೆ ಸೆರೆ
ಮುಂಬೈ: ಆಘಾತಕಾರಿ ಘಟನೆಯಲ್ಲಿ ಮುಂಬೈನ ಸ್ಟೇಟ್​ ಬ್ಯಾಂಕ್​​ ಆಫ್​ ಇಂಡಿಯಾದ ದಹಿಸರ್​ ಶಾಖೆಯಲ್ಲಿ ದರೋಡೆ ನಡೆದಿದ್ದು, ಘಟನೆಯ ವೇಳೆ ಓರ್ವ ಉದ್ಯೋಗಿ ಹತ್ಯೆಗೀಡಾಗಿದ್ದು, ಇಡೀ ಘಟನೆ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಬುಧವಾರ ಸಾಯಂಕಾಲ ಈ ಘಟನೆ ನಡೆದಿದೆ. ಬ್ಯಾಂಕ್​ನ ಸರ್ವೈಲೆನ್ಸ್ ಕ್ಯಾಮರಾಗಳಲ್ಲಿ ಇಡೀ ವೃತ್ತಾಂತ ದಾಖಲಾಗಿದ್ದು ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ. ದರೋಡೆಯ ಬಳಿಕ ಇಬ್ಬರೂ ಆಗುಂತಕರು ಪರಾರಿಯಾಗಿದ್ದಾರೆ. ಮೃತ ಉದ್ಯೋಗಿ ಎಸ್​ಬಿಐನ ಹೊರಗುತ್ತಿಗೆ ನೌಕರ ಎಂದು ತಿಳಿದುಬಂದಿದೆ.

ಇಬ್ಬರು ಮುಸುಕುಧಾರಿ ಆಗುಂತಕರು ಒಳ ಪ್ರವೇಶಿಸಿದ್ದರು. ಒಬ್ಬ ದರೋಡೆ ಮಾಡುತ್ತಿದ್ದರೆ ಮತ್ತೊಬ್ಬ ಗನ್​ ಝಳಪಿಸುತ್ತಾ ಬ್ಯಾಂಕ್​ ಸಿಬ್ಬಂದಿಯನ್ನು ಬೆದರಿಸುತ್ತಿರುವುದು ಕಂಡುಬಂದಿದೆ. ದರೋಡೆಯ ಬಳಿಕ ಸುದ್ದಿ ತಲುಪುತ್ತಿದ್ದಂತೆ ಉನ್ನತ ಪೊಲೀಸ್​ ಅಧಿಕಾರಿಗಳು ಘಟನಾ ಸ್ಥಳಕ್ಕೆ ಧಾವಿಸಿ ಬಂದಿದ್ದಾರೆ.

ಸ್ಟೇಟ್​ ಬ್ಯಾಂಕ್​​ ಆಫ್​ ಇಂಡಿಯಾದ ದಹಿಸರ್​ ಶಾಖೆಯಲ್ಲಿ ದರೋಡೆ ನಡೆಸುವಾಗ ಗುಂಡು ಹಾರಿಸಿ, ಒಬ್ಬ ಸಿಬ್ಬಂದಿಯನ್ನು ಸಾಯಿಸಿದ್ದ ಪ್ರಕರಣದಲ್ಲಿ ಮುಂಬೈ ಪೊಲೀಸರು ಇಬ್ಬರು ದರೋಡೆಕೋರರನ್ನು ಬಂಧಿಸಿದ್ದಾರೆ. ಆರೋಪಿಗಳಿಂದ ದರೋಡೆ ಮಾಡಿದ್ದ ಸುಮಾರು 2.5 ಲಕ್ಷ ರೂಪಾಯಿ ಹಣ ಮತ್ತು ಆಯುಧಗಳನ್ನ ವಶಪಡಿಸಿಕೊಂಡಿದ್ದಾರೆ. ಒಟ್ಟು 8 ಪೊಲೀಸ್​ ತಂಡಗಳು ದರೋಡೆಕೋರರ ಬೆನ್ನುಹತ್ತಿದ್ದವು.