Maruti Suzuki: ದೀಪಾವಳಿಯ ಬಂಪರ್ ಕೊಡುಗೆ: ಮಾರುತಿ ಕಾರುಗಳ ಬೆಲೆ ಇಷ್ಟೊಂದು ಕಡಿಮೆ

ಬೆಂಗಳೂರು (ಅ. 12): ಭಾರತೀಯ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಕಂಪನಿಗಳಲ್ಲಿ ಒಂದಾದ ಮಾರುತಿ ಸುಜುಕಿ (Maruti Suzuki) ಇಂಡಿಯಾ ಲಿಮಿಟೆಡ್, ಈ ಹಣಕಾಸು ವರ್ಷದಲ್ಲಿ ದಾಖಲೆಯ ಮಾರಾಟವನ್ನು ಗುರಿಯಾಗಿಸಿಕೊಂಡಿದೆ. ಕಂಪನಿಯು ಆಕರ್ಷಕ ಬೆಲೆ ಕಡಿತ, ವಿಶೇಷ ಹಣಕಾಸು ಕೊಡುಗೆಗಳು ಮತ್ತು ದ್ವಿಚಕ್ರ ವಾಹನ ಗ್ರಾಹಕರ ಮೇಲೆ ಹೆಚ್ಚಿನ ಗಮನವನ್ನು ಕೇಂದ್ರೀಕರಿಸಿ ತನ್ನ ಆರಂಭಿಕ ಹಂತದ ಮಾದರಿಗಳಾದ ಆಲ್ಟೊ ಮತ್ತು ಎಸ್ – ಪ್ರೆಸ್ಸೊ ಮಾರಾಟವನ್ನು ಹೆಚ್ಚಿಸಲು ಮುಂದಾಗಿದೆ.

ಮಾಧ್ಯಮ ವರದಿಗಳ ಪ್ರಕಾರ, ಮಾರುತಿ ಕಂಪನಿಯು 2025-26ನೇ ಹಣಕಾಸು ವರ್ಷದಲ್ಲಿ ಸರಿಸುಮಾರು 2.2 ಲಕ್ಷದಿಂದ 2.5 ಲಕ್ಷ ಮಿನಿ ಕಾರುಗಳನ್ನು ಮಾರಾಟ ಮಾಡುವ ಗುರಿ ಹೊಂದಿದೆ. ಈ ಅಂಕಿ ಅಂಶವು FY20 ರಲ್ಲಿ ದಾಖಲಾದ ಸಾರ್ವಕಾಲಿಕ ಗರಿಷ್ಠ ಮಾರಾಟವಾದ 2.47 ಲಕ್ಷ ಯುನಿಟ್‌ಗಳಿಗೆ ಹತ್ತಿರದಲ್ಲಿದೆ. ಇದು ಸಣ್ಣ ಕಾರು ವಿಭಾಗದ ಮೇಲೆ ಕುಸಿಯುತ್ತಿರುವ ಮಾರುಕಟ್ಟೆ ಪಾಲನ್ನು ಮರಳಿ ಪಡೆಯಲು ಸಹಾಯ ಮಾಡುತ್ತದೆ ಎಂದು ಕಂಪನಿ ನಂಬುತ್ತದೆ.

ಮಾರುಕಟ್ಟೆ ಪಾಲಿನ ಒತ್ತಡ ಮತ್ತು ಹೊಸ ನಿರೀಕ್ಷೆಗಳು

ಕಳೆದ ವರ್ಷ ಸಣ್ಣ ಕಾರುಗಳ ಬೇಡಿಕೆ ತೀವ್ರವಾಗಿ ಕುಸಿದಿದೆ, ಆದರೆ ಎಸ್‌ಯುವಿ ಮಾರಾಟವು ವೇಗವಾಗಿ ಬೆಳೆದಿದೆ. ಇದರ ಪರಿಣಾಮವಾಗಿ, ಮಾರುತಿಯ ಮಾರುಕಟ್ಟೆ ಪಾಲು FY24 ರ ಅಂತ್ಯದ ವೇಳೆಗೆ ಶೇಕಡಾ 40.9 ಕ್ಕೆ ಇಳಿದಿದೆ, ಇದು ಒಂದು ದಶಕದಲ್ಲಿಯೇ ಅತ್ಯಂತ ಕಡಿಮೆ. FY19 ಮತ್ತು FY20 ರಲ್ಲಿ ಈ ಅಂಕಿ ಅಂಶವು ಶೇಕಡಾ 51 ರಷ್ಟಿತ್ತು. ಸಣ್ಣ ಕಾರುಗಳ ಮೇಲಿನ GST ಕಡಿತ (11-13 ಪ್ರತಿಶತ ) ಮತ್ತು ₹1,999 EMI ಯೋಜನೆಯಂತಹ ಉಪಕ್ರಮಗಳು ಮಾರಾಟವನ್ನು ಹೆಚ್ಚಿಸುತ್ತವೆ ಎಂದು ಕಂಪನಿಯು ಈಗ ಆಶಿಸುತ್ತಿದೆ. ಈ ಕೊಡುಗೆಗಳು ನವರಾತ್ರಿಯಿಂದ ದೀಪಾವಳಿಯವರೆಗೆ ನಡೆಯುತ್ತವೆ ಮತ್ತು ನಿರ್ದಿಷ್ಟವಾಗಿ ದ್ವಿಚಕ್ರ ವಾಹನ ಸವಾರರು ಕಾರುಗಳನ್ನು ಖರೀದಿಸಲು ಪ್ರೋತ್ಸಾಹಿಸುವ ಗುರಿಯನ್ನು ಹೊಂದಿವೆ.

SUV Sale: ಭಾರತೀಯರಲ್ಲಿ ಹೆಚ್ಚುತ್ತಿದೆ SUV ಕ್ರೇಜ್: ನವರಾತ್ರಿ ಸಮಯದಲ್ಲಿ ವಾಹನ ಮಾರಾಟವು ಶೇ. 60 ರಷ್ಟು ಹೆಚ್ಚಳ

ಗ್ರಾಹಕರು ಮತ್ತು ವಿತರಕರಿಂದ ಉತ್ಸಾಹ

ಡೀಲರ್‌ಗಳ ಪ್ರಕಾರ, ಈ ಯೋಜನೆಯು ಗ್ರಾಮೀಣ ಮತ್ತು ಸಣ್ಣ ಪಟ್ಟಣಗಳ ಗ್ರಾಹಕರಲ್ಲಿ ಬಹಳ ಜನಪ್ರಿಯವಾಗಿದೆ. ಪ್ರಸ್ತುತ ಬುಕಿಂಗ್‌ಗಳು ಸೀಮಿತವಾಗಿದ್ದರೂ, ಶೋರೂಮ್‌ಗೆ ಭೇಟಿ ನೀಡುವವರ ಸಂಖ್ಯೆ ಹೆಚ್ಚಾಗಿದೆ. ಪಶ್ಚಿಮ ಭಾರತದ ಮಾರುತಿ ಡೀಲರ್‌ ಒಬ್ಬರು ಈ ಕೊಡುಗೆ ತುಂಬಾ ಆಕರ್ಷಕವಾಗಿದೆ ಎಂದು ಹೇಳಿದರು. ಧಂತೇರಸ್ ಮತ್ತು ದೀಪಾವಳಿಯ ಸಮಯದಲ್ಲಿ ಬುಕಿಂಗ್‌ಗಳಲ್ಲಿ ಗಮನಾರ್ಹ ಏರಿಕೆಯಾಗುವ ನಿರೀಕ್ಷೆಯಿದೆ.

ದೊಡ್ಡ ಬೆಲೆ ಕಡಿತಗಳು

ಕಂಪನಿಯು ಇತ್ತೀಚೆಗೆ ತನ್ನ ಕಾರುಗಳ ಬೆಲೆಯನ್ನು ಶೇ. 2 ರಿಂದ ಶೇ. 21 ರಷ್ಟು ಕಡಿಮೆ ಮಾಡಿದೆ. ಆಲ್ಟೊ, ಎಸ್- ಪ್ರೆಸ್ಸೊ ಮತ್ತು ಸೆಲೆರಿಯೊ ಕಾರುಗಳ ಬೆಲೆಯಲ್ಲಿ ಅತಿ ಹೆಚ್ಚು ಕಡಿತ ಕಂಡುಬಂದಿದೆ (13-22%). ಬ್ರೆಝಾ, ಗ್ರ್ಯಾಂಡ್ ವಿಟಾರಾ ಮತ್ತು ಇನ್ವಿಕ್ಟೊದಂತಹ ದೊಡ್ಡ ಮಾದರಿಗಳು 2-8% ರಷ್ಟು ಕಡಿತಗೊಂಡಿವೆ.

ಅಟೋಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ