ಹಬ್ಬದ ಋತುವಿನಲ್ಲಿ ದಾಖಲೆಯ ಮಾರಾಟ ಕಂಡ ಈ ಬಜೆಟ್ ಎಸ್​ಯುವಿ ಕಾರು: ನೀವೂ ಖರೀದಿಸಿ

ಹಬ್ಬದ ಋತುವಿನಲ್ಲಿ ಕೈಗೆಟುಕುವ ಎಸ್​ಯುವಿಗಳಿಗೆ ಬಂಪರ್ ಬೇಡಿಕೆ ಕಂಡುಬಂದಿದೆ. ಈ ಕಾರಣದಿಂದಾಗಿ, ಮಾರುತಿ ಸುಜುಕಿ, ಟಾಟಾ ಮೋಟಾರ್ಸ್, ಹ್ಯುಂಡೈ, ಮಹೀಂದ್ರಾ, ಟೊಯೋಟಾ ಮತ್ತು ಕಿಯಾ, ನಿಸ್ಸಾನ್ ನಂತಹ ಕಂಪನಿಯು ತನ್ನ ಎಸ್​ಯುವಿಗಳನ್ನು ಮಾರಾಟ ಭರ್ಜರಿ ಆಗಿ ಮಾಡಿದೆ. ಈ ಕಾರುಗಳ ಮಾರಾಟದಲ್ಲಿ ಭಾರಿ ಏರಿಕೆ ಕಂಡುಬಂದಿದೆ. ಅದರಲ್ಲೂ ನಿಸ್ಸಾನ್ ಮೋಟಾರ್ ಇಂಡಿಯಾದ ಇತ್ತೀಚಿನ ಹೊಸ ಮ್ಯಾಗ್ನೈಟ್ ಅಕ್ಟೋಬರ್‌ನಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಸಂಚಲನವನ್ನು ಸೃಷ್ಟಿಸಿದೆ. ಹಬ್ಬದ ಋತುವಿನಲ್ಲಿ, ನಿಸ್ಸಾನ್ ಅಕ್ಟೋಬರ್ 2024 ರಲ್ಲಿ ಸಗಟು ಮಾರುಕಟ್ಟೆಯಲ್ಲಿ ಒಟ್ಟು 5570 ಕಾರುಗಳನ್ನು ಮಾರಾಟ ಮಾಡಿದೆ.

ಭಾರತದ ಜೊತೆಗೆ ವಿದೇಶಗಳಲ್ಲಿಯೂ ಹೆಚ್ಚು ಮಾರಾಟ:

ಕಳೆದ ಅಕ್ಟೋಬರ್‌ನಲ್ಲಿ ನಿಸ್ಸಾನ್ ಮೋಟಾರ್ ಇಂಡಿಯಾ ದೇಶೀಯ ಮಾರುಕಟ್ಟೆಯಲ್ಲಿ ಒಟ್ಟು 3121 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು ಮತ್ತು 2449 ಕಾರುಗಳನ್ನು ರಫ್ತು ಮಾಡಿದೆ. ಕಳೆದ ತಿಂಗಳು ಹೊಸ ಫೀಚರ್ಸ್​ನೊಂದಿಗೆ ನಿಸ್ಸಾನ್ ಮ್ಯಾಗ್ನೈಟ್ ಅನ್ನು ಬಿಡುಗಡೆ ಮಾಡಿದ ಸಂದರ್ಭದಲ್ಲಿ, ಕಂಪನಿಯು ಭಾರತೀಯ ಮಾರುಕಟ್ಟೆಗೆ ರೈಟ್ ಹ್ಯಾಂಡ್ ಡ್ರೈವ್ ಮಾಡೆಲ್‌ಗಳನ್ನು ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಗೆ ಎಡಗೈ ಡ್ರೈವ್ ಮಾಡೆಲ್‌ಗಳನ್ನು ಪರಿಚಯಿಸಿತು.

ಸದ್ಯ ಭಾರತವು ನಿಸ್ಸಾನ್‌ಗೆ ಉತ್ಪಾದನಾ ಕೇಂದ್ರವಾಗಿ ಮಾರ್ಪಟ್ಟಿದೆ ಮತ್ತು ಇಲ್ಲಿ ತಯಾರಾದ ಕಾರುಗಳನ್ನು 65 ಕ್ಕೂ ಹೆಚ್ಚು ದೇಶಗಳಿಗೆ ರಫ್ತು ಮಾಡಲಾಗುತ್ತದೆ. ಹೊಸ ಮ್ಯಾಗ್ನೈಟ್‌ನ ಬಿಡುಗಡೆಯು ಕಂಪನಿಯ ‘ಒಂದು ಕಾರು, ಒಂದು ಪ್ರಪಂಚ’ ತತ್ವಕ್ಕೆ ಅನುಗುಣವಾಗಿದೆ.

ಗುಣಮಟ್ಟ ಮತ್ತು ನಾವೀನ್ಯತೆಗೆ ಹೆಚ್ಚಿನ ಒತ್ತು:

ನಿಸ್ಸಾನ್ ಮೋಟಾರ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಸೌರಭ್ ವಾಟ್ಸ್, ಈ ಹಬ್ಬದ ಋತುವಿನಲ್ಲಿ ಹೊಸ ನಿಸ್ಸಾನ್ ಮ್ಯಾಗ್ನೈಟ್‌ಗೆ ಉತ್ತಮ ಪ್ರತಿಕ್ರಿಯೆ ಬಂದಿದೆ, ನಾವು ನಮ್ಮ ಮೌಲ್ಯಯುತ ಗ್ರಾಹಕರಿಗೆ ಧನ್ಯವಾದ ಹೇಳಲು ಬಯಸುತ್ತೇವೆ. ನಾವು ಗುಣಮಟ್ಟ, ನಾವೀನ್ಯತೆ ಮತ್ತು ಸುಲಭವಾದ ಕಾರ್ ಮಾಲೀಕತ್ವದ ಅನುಭವವನ್ನು ಒದಗಿಸುವುದರ ಮೇಲೆ ಕೇಂದ್ರೀಕರಿಸಿದ್ದೇವೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಮೇಡ್ ಇನ್ ಇಂಡಿಯಾ ಮ್ಯಾಗ್ನೈಟ್‌ಗೆ ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ, ನಿಸ್ಸಾನ್ ತನ್ನ ರಫ್ತುಗಳನ್ನು 45 ಕ್ಕೂ ಹೆಚ್ಚು ಹೊಸ ಮಾರುಕಟ್ಟೆಗಳಿಗೆ ಹೆಚ್ಚಿಸಲು ಸಾಧ್ಯವಾಯಿತು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಟ್ರಾಫಿಕ್​ನಲ್ಲಿ 1 ನಿಮಿಷ ಕಾರು ನಿಲ್ಲಿಸಿದ್ರೆ ಎಷ್ಟು ಪೆಟ್ರೋಲ್ ಖಾಲಿ ಆಗುತ್ತದೆ?: ಇಲ್ಲಿದೆ ಮಾಹಿತಿ

ಬೆಲೆ 6 ಲಕ್ಷದಿಂದ ಪ್ರಾರಂಭ:

ಭಾರತದಲ್ಲಿ ಹೊಸ ನಿಸ್ಸಾನ್ ಮ್ಯಾಗ್ನೈಟ್‌ನ ಎಕ್ಸ್ ಶೋ ರೂಂ ಬೆಲೆ 5.99 ಲಕ್ಷದಿಂದ 11.50 ಲಕ್ಷ ರೂಪಾಯಿಗಳವರೆಗೆ ಇರುತ್ತದೆ. ಈ ಕಾರಿನ ಇಂಟೀರ್ಯರ್ ಮತ್ತು ಹೊರಾಂಗಣ ದಪ್ಪ ಮತ್ತು ಸೊಗಸಾದ ವಿನ್ಯಾಸಗೊಳಿಸಲಾಗಿದೆ. ಹೊಸ ನಿಸ್ಸಾನ್ ಮ್ಯಾಗ್ನೈಟ್ 20 ಕ್ಕೂ ಹೆಚ್ಚು ಮೊದಲ ಮತ್ತು ಅತ್ಯುತ್ತಮ-ವಿಭಾಗದ ವೈಶಿಷ್ಟ್ಯಗಳು ಮತ್ತು 55 ಕ್ಕೂ ಹೆಚ್ಚು ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.
999 cc ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ, ಇದು 71 BHP ಯಿಂದ 99 BHP ಮತ್ತು ಗರಿಷ್ಠ ಟಾರ್ಕ್ 96 Nm ನಿಂದ 160 ನ್ಯೂಟನ್ ಮೀಟರ್ ವರೆಗೆ ಶಕ್ತಿಯನ್ನು ಉತ್ಪಾದಿಸುತ್ತದೆ. ಮ್ಯಾನ್ಯುವಲ್ ಮತ್ತು ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆಗಳೊಂದಿಗೆ ಬಂದಿರುವ ಹೊಸ ಮ್ಯಾಗ್ನೈಟ್​ನ ಮೈಲೇಜ್ ಕೂಡ ಉತ್ತಮವಾಗಿದೆ.

ಮತ್ತಷ್ಟು ಆಟೋ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ