ಎನ್​ಆರ್​ಐಗಳು ಆಧಾರ್ ಕಾರ್ಡ್ ಹೇಗೆ ಮಾಡಿಸುವುದು? ಯಾವ್ಯಾವ ದಾಖಲೆಗಳು ಅಗತ್ಯ? ಇಲ್ಲಿದೆ ವಿವರ

Follow us on

ಆಧಾರ್ ಕಾರ್ಡ್ ಎಂಬುದು ಭಾರತದಲ್ಲಿ ಪ್ರಮುಖ ನಾಗರಿಕ ದಾಖಲೆಯಾಗಿದೆ. ಭಾರತದಲ್ಲಿ ಹಲವು ಕಾರ್ಯಗಳಿಗೆ ಇದನ್ನು ದಾಖಲೆಯಾಗಿ ಕೊಡಬಹುದು. ಯುಐಡಿಎಐ ಸಂಸ್ಥೆ ವಿತರಿಸುವ ಈ ಕಾರ್ಡ್ ಭಾರತೀಯ ನಾಗರಿಕರಿಗೆ ಗುರುತಿನ ದಾಖಲೆ ಮತ್ತು ವಿಳಾಸ ದಾಖಲೆಯೂ ಆಗಿರುತ್ತದೆ. ಅನಿವಾಸಿ ಭಾರತೀಯರೂ ಕೂಡ ಆಧಾರ್ ಪಡೆಯಬಹುದು. ಭಾರತೀಯ ಪ್ರಜೆಗಳಿಂದ ಪಡೆಯುವ ಬಯೋಮೆಟ್ರಿಕ್ ಮಾಹಿತಿಯನ್ನೇ ಎನ್​ಆರ್​ಐಗಳಿಂದಲೂ ಪಡೆಯಲಾಗುತ್ತದೆ. ಫೋಟೋ, ಕಣ್ಣಿನ ಸ್ಕ್ಯಾನ್, ಫಿಂಗರ್ ಪ್ರಿಂಟ್​ಗಳನ್ನು ಪಡೆಯಲಾಗುತ್ತದೆ.

ಎನ್​ಆರ್​ಐಗಳು ಆಧಾರ್ ಪಡೆಯಲು ಅಗತ್ಯ ದಾಖಲೆಗಳು

• ಭಾರತದ ಪಾಸ್​​ಪೋರ್ಟ್ ಹೊಂದಿರಬೇಕು.
• ಭಾರತದ ಮೊಬೈಲ್ ನಂಬರ್ ಇರಬೇಕು
• ಇಮೇಲ್ ನಂಬರ್ ಕೊಡಬೇಕು

ಎನ್​ಆರ್​ಐಗಳ ಅಂತಾರಾಷ್ಟ್ರೀಯ ಮೊಬೈಲ್ ನಂಬರ್​ಗೆ ಆಧಾರ್ ಕಾರ್ಡ್ ಕೊಡಲಾಗುವುದಿಲ್ಲ. ಹೀಗಾಗಿ, ಭಾರತದ ಸಕ್ರಿಯ ಮೊಬೈಲ್ ನಂಬರ್ ಇರಬೇಕು.

ಇದನ್ನೂ ಓದಿ: RBI: ಎಫ್​ಡಿ ಪ್ರೀಮೆಚ್ಯೂರ್ ವಿತ್​ಡ್ರಾಗೆ 15 ಲಕ್ಷ ರೂ ಇದ್ದ ಕನಿಷ್ಠ ಠೇವಣಿ 1 ಕೋಟಿ ರೂಗೆ ಏರಿಕೆ

ಆಧಾರ್​ಗೆ ಎನ್​ರೋಲ್ ಆಗುವ ಕ್ರಮ

ಇದು ಭಾರತೀಯರಿಗೆ ಇರುವ ರೀತಿಯದ್ದೇ ಕ್ರಮಗಳಿರುತ್ತವೆ. ಆಧಾರ್ ಮಾಡಿಸಬೇಕೆನ್ನುವ ಎನ್​ಆರ್​ಐಗಳು ಭಾರತದ ಯಾವುದಾದರೂ ಆಧಾರ್ ಕೇಂದ್ರಕ್ಕೆ ಹೋಗಿ ಈ ಕೆಳಗಿನ ಕ್ರಮಗಳನ್ನು ಅನುಸರಿಸಬೇಕು.

• ಆಧಾರ್ ಕೇಂದ್ರದಲ್ಲಿ ಸಿಗುವ ಎನ್​ರೋಲ್ಮೆಂಟ್ ಫಾರ್ಮ್​ನಲ್ಲಿ ವಿವರವನ್ನು ಭರ್ತಿ ಮಾಡಬೇಕು.
• ಎನ್​ಆರ್​ಐ ಆಗಿ ಎನ್​ರೋಲ್ ಮಾಡುವಂತೆ ಆಧಾರ್ ಕೇಂದ್ರದಲ್ಲಿರುವ ನಿರ್ವಾಹಕರಿಗೆ ತಿಳಿಸಬೇಕು.
• ನಿಮ್ಮ ಗುರುತಿನ ದಾಖಲೆಯಾಗಿ ಪಾಸ್​ಪೋರ್ಟ್ ನೀಡಬಹುದು.
• ಜನನ ಮತ್ತು ವಿಳಾಸದ ದಾಖಲೆಯಾಗಿ ಪಾಸ್​ಪೋರ್ಟ್ ಅನ್ನೇ ನೀಡಬಹುದು. ಅವುಗಳಿಗೆ ಬೇರೆ ದಾಖಲೆಗಳಿದ್ದರೂ ಕೊಡಬಹುದು.
• ಇದಾದ ಬಳಿಕ ಬಯೋಮೆಟ್ರಿಕ್ ಮಾಹಿತಿಯನ್ನು ನಿಮ್ಮಿಂದ ಪಡೆಯಲಾಗುತ್ತದೆ.

ಇದನ್ನೂ ಓದಿ: ಬಾಪ್ ಆಫ್ ಚಾರ್ಟ್: ಷೇರುಮಾರುಕಟ್ಟೆಯ ಕಿಂಗ್ ಮೇಕರ್ ಆಗುತ್ತೇನೆಂದು ಜನರಿಗೆ ಮಂಕುಬೂದಿ ಹಾಕಿರುವ ನಸೀರ್ ಅನ್ಸಾರಿ ಕಥೆ ಕೇಳಿ..!

ಎನ್​ರೋಲ್ಮೆಂಟ್ ಮುಗಿದ ಬಳಿಕ ನಿಮಗೆ ಅಕ್ನಾಲೆಜ್ಮೆಂಟ್ ಸ್ಲಿಪ್ ಅಥವಾ ಎನ್ರೋಲ್ಮೆಂಟ್ ಸ್ಲಿಪ್ ಕೊಡಲಅಗುತ್ತದೆ. ಇದರಲ್ಲಿ 15 ಅಂಕಿಗಳ ಎನ್ರೋಲ್ಮೆಂಟ್ ಐಡಿ ಮತ್ತು ದಿನಾಂಕದ ಮುದ್ರೆ ಇರುತ್ತದೆ.

ಇನ್ನು, ಅನಿವಾಸಿ ಭಾರತೀಯರ ಮಕ್ಕಳಿಗೂ ಆಧಾರ್ ಮಾಡಿಸಬಹುದು. ಈ ಮಕ್ಕಳು ಎನ್​ಆರ್​ಐ ಆಗಿದ್ದರೆ ಪಾಸ್​ಪೋರ್ಟ್ ದಾಖಲೆ ಒದಗಿಸುವುದು ಕಡ್ಡಾಯ. ಹಾಗೆಯೇ, ಪೋಷಕರು ದೃಢೀಕರಣ ನೀಡಬೇಕು.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ