ಅಮೇಜಾನ್ ಕಂಟೆಂಟ್ ಕ್ರಿಯೇಟರ್ಸ್ಗೆ ಕಮಿಷನ್ ಎರಡು ಪಟ್ಟು ಹೆಚ್ಚಳ; ನೀವೂ ಆದಾಯ ಗಳಿಸುವ ಅವಕಾಶ; ಹೇಗೆ?
Amazon content creators: ಫ್ಲಿಪ್ ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಮಹಾ ಮಾರಾಟ ಆರಂಭವಾಗುತ್ತಿರುವ ದಿನವೇ ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಶುರುವಾಗುತ್ತಿದೆ. ಇದೇ ಹೊತ್ತಲ್ಲಿ ಸಾಕಷ್ಟು ಗ್ರಾಹಕರ ಮೇಲೆ ಪ್ರಭಾವ ಬೀರಬಲ್ಲ ಸೋಷಿಯಲ್ ಮೀಡಿಯಾ ಇನ್ಫ್ಲುಯನ್ಸರ್ಗಳನ್ನು ಸೆಳೆಯಲು ಅಮೇಜಾನ್ ಯತ್ನಿಸಿದೆ. ಅಮೇಜಾನ್ ಉತ್ಪನ್ನಗಳನ್ನು ಪ್ರಚಾರ ಮಾಡುವ ಕಂಟೆಂಟ್ ಕ್ರಿಯೇಟರ್ಗಳಿಗೆ ನೀಡಲಾಗುವ ಕಮಿಷನ್ ಮೊತ್ತವನ್ನು ಹೆಚ್ಚಿಸಲಾಗಿದೆ.
Updated on: Sep 23, 2024 | 5:31 PM
ನವದೆಹಲಿ, ಸೆಪ್ಟೆಂಬರ್ 23: ವಿಶ್ವದ ಅತಿದೊಡ್ಡ ಇಕಾಮರ್ಸ್ ಪ್ಲಾಟ್ಫಾರ್ಮ್ ಆಗಿರುವ ಅಮೇಜಾನ್ ಇದೀಗ ವಿವಿಧ ವಸ್ತುಗಳನ್ನು ಮಾರ್ಕೆಟಿಂಗ್ ಮಾಡುವ ಕಂಟೆಂಟ್ ಕ್ರಿಯೇಟರ್ಗಳಿಗೆ ನೀಡಲಾಗುವ ಕಮಿಷನ್ ದರವನ್ನು ಹೆಚ್ಚಿಸಿದೆ. ಇಪ್ಪತ್ತಕ್ಕೂ ಹೆಚ್ಚು ಸಬ್ ಕೆಟಗರಿಗಳಿಗೆ ಕಮಿಷನ್ ಹೆಚ್ಚಿಸಲಾಗಿದೆ. ಐವತ್ತು ಸಾವಿರಕ್ಕೂ ಅಧಿಕ ಕಂಟೆಂಟ್ ಕ್ರಿಯೇಟರ್ಸ್ ಅಥವಾ ಇನ್ಫ್ಲುಯನ್ಸರ್ಗಳಿಗೆ ಖುಷಿ ಸುದ್ದಿ ಇದು. ಫ್ಯಾಷನ್, ಅಡುಗೆ ಮನೆ ವಸ್ತು, ಆಟಿಕೆ, ಪುಸ್ತಕ, ಬ್ಯೂಟಿ ಪ್ರಾಡಕ್ಟ್ಸ್ ಇತ್ಯಾದಿ ಜನಪ್ರಿಯ ವಿಭಾಗಗಳಲ್ಲಿನ ಹಲವು ಉತ್ಪನ್ನಗಳಲ್ಲಿ ಈ ಕಂಟೆಂಟ್ ಕ್ರಿಯೇಟ್ಗಳಿಗೆ ಸಿಗುವ ಕಮಿಷನ್ ಒಂದೂವರೆಯಿಂದ ಎರಡು ಪಟ್ಟಿನವರೆಗೂ ಹೆಚ್ಚಳ ಮಾಡಲಾಗಿದೆ.
ಸೆಪ್ಟೆಂಬರ್ 27ರಂದು ದಿ ಅಮೇಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಆರಂಭವಾಗಲಿದೆ. ಈ ಅವಧಿಯಲ್ಲಿ ಕಂಟೆಂಟ್ ಕ್ರಿಯೇಟರ್ಗಳ ಪಾತ್ರ ಬಹಳ ದೊಡ್ಡದು. ಹೊಸ ಗ್ರಾಹಕರನ್ನು ಸೆಳೆಯಲು ಇವರು ಸಹಾಯವಾಗುತ್ತಾರೆ. ಕಂಟೆಂಟ್ ಕ್ರಿಯೇಟರ್ಗಳಿಗೂ ಆದಾಯ ಹೆಚ್ಚಿಸಿಕೊಳ್ಳಲು ಇದು ಸರಿಯಾದ ಸೀಸನ್ ಆಗಿರುತ್ತದೆ.
ಇದನ್ನೂ ಓದಿ: Lalbaugcha Raja Ganeshotsav Auction: ಲಾಲ್ಬಾಗ್ಚ ರಾಜ ಗಣಪ; ಭಕ್ತರ ಚಿನ್ನಾಭರಣ ಕಾಣಿಕೆಗಳ ಹರಾಜು; ಸಿಕ್ಕ ಆದಾಯ ಎಷ್ಟು?
ಅಮೇಜಾನ್ ಲೈವ್ ಪ್ರೋಗ್ರಾಮ್ ಕೂಡ ಚಾಲನೆಯಲ್ಲಿದೆ. ಮೊಬೈಲ್, ಡೆಕೋರೇಶನ್, ಬ್ಯೂಟಿ, ಫ್ಯಾಷನ್ ಇತ್ಯಾದಿ ವಿಭಾಗಗಳಲ್ಲಿ ವಿವಿಧ ಉತ್ಪನ್ನಗಳನ್ನು ಮಾರ್ಕೆಟಿಂಗ್ ಮಾಡಲಾಗುತ್ತದೆ. ಆಯ್ದ ನೂರಾರು ಕಂಟೆಂಟ್ ಕ್ರಿಯೇಟರ್ಗಳಿಂದ ಒಂದೂವರೆ ಸಾವಿರಕ್ಕೂ ಅಧಿಕ ಲೈವ್ ಸ್ಟ್ರೀಮ್ಗಳು ನಡೆಯುತ್ತವೆ.
ಅಮೇಜಾನ್ ಕಂಟೆಂಟ್ ಕ್ರಿಯೇಟರ್ಸ್ ಆಗುವುದು ಹೇಗೆ?
ಯೂಟ್ಯೂಬ್, ಫೇಸ್ಬುಕ್ ಅಥವಾ ಇನ್ಸ್ಟಾಗ್ರಾಮ್ನಲ್ಲಿ ಸಾಕಷ್ಟು ಫಾಲೋಯರ್ಸ್ ಬಳಗ ನಿಮಗೆ ಇದ್ದರೆ ಇನ್ಫ್ಲುಯೆನ್ಸರ್ಸ್ ಆಗಿ ಹೋಗುತ್ತೀರಿ. ನಿಮಗೆ ಆ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ನಿಂದ ಆದಾಯ ಬರುತ್ತಿರುತ್ತದೆ. ಜೊತೆಗೆ, ವಿವಿಧ ಕಂಪನಿಗಳು ನಿಮ್ಮ ಮೂಲಕ ತಮ್ಮ ಉತ್ಪನ್ನಗಳನ್ನು ಪ್ರಚಾರ ಮಾಡಿಸಲು ಮುಂದಾಗುತ್ತವೆ. ಅವುಗಳಿಂದಲೂ ನೀವು ಕಮಿಷನ್ ಪಡೆಯಬಹುದು.
ಇದನ್ನೂ ಓದಿ: ಸ್ಕಾಚ್ ವಿಸ್ಕಿ; ಅಮೆರಿಕ, ಚೀನೀಯರಿಗಿಂತಲೂ ಭಾರತೀಯರು ಫಾಸ್ಟ್; ಭಾರತದಲ್ಲಿ ಯಾಕಿಷ್ಟು ಕಿಕ್?
ನೀವು ಉತ್ತಮ ಸೋಷಿಯಲ್ ಮೀಡಿಯಾ ಫಾಲೋಯರ್ಸ್ ಹೊಂದಿದ್ದಲ್ಲಿ ಅಮೇಜಾನ್ ಕಂಟೆಂಟ್ ಕ್ರಿಯೇಟರ್ ಆಗಬಹುದು. ಅಮೇಜಾನ್ನ ಉತ್ಪನ್ನಗಳನ್ನು ನಿಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಪ್ರಚಾರ ಮಾಡಬಹುದು. ಆ ಉತ್ಪನ್ನದ ಅಮೇಜಾನ್ ಲಿಂಕ್ ಅನ್ನು ಯಾರಾದರೂ ವೀಕ್ಷಕರು ಕ್ಲಿಕ್ ಮಾಡಿ ಆ ಪ್ರಾಡಕ್ಟ್ ಖರೀದಿಸಿದಲ್ಲಿ ನಿಮಗೆ ನೇರವಾಗಿ ಕಮಿಷನ್ ಸಿಗುತ್ತದೆ.
ಅಮೇಜಾನ್ ಪ್ಲಾಟ್ಫಾರ್ಮ್ನಲ್ಲಿ ನೀವು ಸೈನ್ ಅಪ್ ಆಗಿ ಅಮೇಜಾನ್ ಇನ್ಫ್ಲುಯೆನ್ಸರ್ ಪ್ರೋಗ್ರಾಮ್ನ ಮುಖ್ಯಪುಟಕ್ಕೆ ಹೋಗಿ ನೊಂದಣಿ ಮಾಡಿಕೊಳ್ಳಬೇಕು. ನಿಮ್ಮ ಸೋಷಿಯಲ್ ಮೀಡಿಯಾ ಅಕೌಂಟ್ಗಳನ್ನು ಲಿಂಕ್ ಮಾಡುವುದು ಹೀಗೆ ವಿವಿಧ ಕ್ರಮಗಳನ್ನು ನೀವು ಅನುಸರಿಸಬೇಕಾಗುತ್ತದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
