ಇ- ಕಾಮರ್ಸ್ ಕಂಪೆನಿ ಅಮೆಜಾನ್ ಸಿಇಒ ಆಗಿ ಜುಲೈ 5ಕ್ಕೆ ಆ್ಯಂಡಿ ಜಸ್ಸಿ ಅಧಿಕಾರ; ಹೊಸ ಸೂತ್ರಧಾರನ ಬಗ್ಗೆ 10 ಮುಖ್ಯ ಸಂಗತಿ

ಇ- ಕಾಮರ್ಸ್ ಕಂಪೆನಿ ಅಮೆಜಾನ್ ಸಿಇಒ ಆಗಿರುವ ಜೆಫ್​ ಬೆಜೋಸ್​ ಸ್ಥಾನಕ್ಕೆ ಆ್ಯಂಡಿ ಜಸ್ಸಿ ಬರುವುದು ಅಧಿಕೃತವಾಗಿದೆ. ಜುಲೈ 5ನೇ ತಾರೀಕಿನಂದು ಜಸ್ಸಿ ಜವಾಬ್ದಾರಿ ವಹಿಸಿಕೊಳ್ಳಲಿದ್ದಾರೆ. ಈ ದಿನದ ವಿಶೇಷ ಏನೆಂದರೆ, 27 ವರ್ಷಗಳ ಹಿಂದೆ ಜೆಫ್​ ಬೆಜೋಸ್ ಅವರು ಅಮೆರಿಕದ ವಾಷ್ಟಿಂಗ್ಟ್​ನಲ್ಲಿನ ಬೆಲ್ಲೆವ್ಯೂ ಗ್ಯಾರೇಜ್​ನಲ್ಲಿ ಇದ್ದ್ದದ್ದನ್ನು ಆನ್​ಲೈನ್ ಬುಕ್​ಸ್ಟೋರ್​ ಆಗಿ, ಕಂಪೆನಿ ಇನ್​ಕಾರ್ಪೊರೇಟ್ ಮಾಡಿದ್ದರು. ಅಂದ ಹಾಗೆ ಆ್ಯಂಡಿ ಜಸ್ಸಿ ವಿಶ್ವದ ಅತಿ ದೊಡ್ಡ ಇ-ಕಾಮರ್ಸ್ ಕಂಪೆನಿಯಯನ್ನು ಮುನ್ನಡೆಸಲಿದ್ದಾರೆ. ಅವರ ಬಗ್ಗೆ ಮನಿಕಂಟ್ರೋಲ್​ನಲ್ಲಿ ಪ್ರಕಟಿಸಿರುವ 10 ಸಂಗತಿಗಳನ್ನು ಇಲ್ಲಿ ನೀಡಲಾಗುತ್ತಿದೆ.

1) ಯಹೂದಿ ಕುಟುಂಬದಲ್ಲಿ ಜನಿಸಿದ ಜಸ್ಸಿ, ಬೆಳೆದಿದ್ದು ನ್ಯೂಯಾರ್ಕ್​ನ ಸ್ಕಾರ್ಸ್​ಡೇಲ್​ನಲ್ಲಿ.
2) 1997ರಲ್ಲಿ ಜಸ್ಸಿ ಹಾರ್ವರ್ಡ್ ಬಿಜಿನೆಸ್ ಸ್ಕೂಲ್​ನಲ್ಲಿ ಎಂಬಿಎ ಮುಗಿಸಿದ ತಕ್ಷಣ ಅವರು ಮಾರ್ಕೆಟಿಂಗ್ ಮ್ಯಾನೇಜರ್ ಆಗಿ ಅಮೆಜಾನ್ ಸೇರಿದರು. 2003 ಅಮೆಜಾನ್ ವೆಬ್​ಸರ್ವೀಸಸ್ ಸ್ಥಾಪಿಸಿದ ಅವರು, 2016ರಲ್ಲಿ ಅದರ ಸಿಇಒ ಆದರು.
3) ಅಮೆಜಾನ್​ನಲ್ಲಿ ಸೀನಿಯರ್ ಟೀಮ್ ಅಥವಾ ಎಸ್​- ಟೀಮ್ ಎಂದು ಕರೆಯುವ ಉನ್ನತ ಮಟ್ಟದ ಗುಂಪಿಗೆ ಸೇರಿದವರು ಈತ.
4) ಗ್ರಾಹಕರು ಮೊದಲು ಎಂಬ ಧೋರಣೆಗೆ ಜಸ್ಸಿ ಬಹಳ ಖ್ಯಾತರು ಮತ್ತು ಅಮೆಜಾನ್​ನ ಅತಿ ಮುಖ್ಯ ಅಂಶ ಅದು.
5) ಅಮೆಜಾನ್​ನಲ್ಲಿ ಜೆಫ್​ ಬೆಜೋಸ್​ಗೆ ಸೂಕ್ತ ಉತ್ತರಾಧಿಕಾರಿ ಎಂಬ ಮಾನ್ಯತೆ ಜಸ್ಸಿ ಅವರಿಗೆ ಇದೆ. ಈ ಹಿಂದೆ ಜೆಫ್ರಿ ಎ. ವಿಲ್ಕೆ ಅವರನ್ನು ಸಮರ್ಥ ಅಭ್ಯರ್ಥಿ ಎನ್ನಲಾಗಿತ್ತು. ಆದರೆ ಅವರು 2020ರ ಆಗಸ್ಟ್​ನಲ್ಲಿ ನಿವೃತ್ತಿ ಘೋಷಣೆ ಮಾಡಿದರು.
6) ಅಮೆರಿಕದ ಹೊರಗೆ ಅಮೆಜಾನ್ ಪಾಲಿನ ಅತಿ ದೊಡ್ಡ ಮಾರುಕಟ್ಟೆ ಅಂದರೆ ಅದು ಭಾರತ. ಆದರೆ ಜಸ್ಸಿ ಭಾರತಕ್ಕೆ ಪದೇಪದೇ ನೀಡುವವರೇನೂ ಅಲ್ಲ. ಆದರೆ ಕಂಪೆನಿಯ ಇಂಡಿಯಾ ಕಸ್ಟಮರ್ಸ್ ಆನ್​ಲೈನ್​ನಿಂದ ನೇರವಾಗಿ ವಿಮರ್ಶೆಗಳನ್ನು ತೆಗೆದುಕೊಳ್ಳುತ್ತಾರೆ.
7) ತಮ್ಮ ಹಾಸ್ಯ ಪ್ರವೃತ್ತಿ, ತಮಾಷೆ ಮಾತುಗಳಿಗೆ ಜಸ್ಸಿ ಬಹಳ ಖ್ಯಾತಿ ಪಡೆದಿದ್ದಾರೆ. ಸೋಷಿಯಲ್ ಮೀಡಿಯಾ ಪ್ಲಾಟ್​ಫಾರ್ಮ್​ನಲ್ಲಿ ತಮ್ಮ ಪ್ರತಿಸ್ಪರ್ಧಿಗಳಾದ ಐಬಿಎಂ ಮತ್ತು ಒರಾಕಲ್ ವಿರುದ್ಧ ಟೀಕೆ ಮಾಡಿದ್ದು ಸಹ ಉಂಟು.
8) ಕ್ರೀಡಾಭಿಮಾನಿಯಾದ ಅವರು ನ್ಯಾಷನಲ್ ಹಾಕಿ ಲೀಗ್​ನಲ್ಲಿನ ಸೀಟಲ್ ಕ್ರಾಕೆನ್​ನಲ್ಲಿ ಅಲ್ಪ ಪ್ರಮಾಣದ ಷೇರನ್ನು ಹೊಂದಿದ್ದಾರೆ.
9) ಮಾಧ್ಯಮ ವರದಿಗಳ ಪ್ರಕಾರ, ಅಮೆಜಾನ್​ನಿಂದ ಜಸ್ಸಿಗೆ 2019ರಕ್ಕು 3,48,409 ಅಮೆರಿಕನ್ ಡಾಲರ್ ಪಾವತಿಸಲಾಗಿದೆ. 2018ರಲ್ಲಿ 19.7 ಮಿಲಿಯನ್ ಡಾಲರ್ ಪಾವತಿಸಲಾಗಿತ್ತು, 19 ಮಿಲಿಯನ್ ಡಾಲರ್ ಸ್ಟಾಕ್ ನೀಡಲಾಗಿತ್ತು.
10) ಜಸ್ಸಿ ಕೂಡ ಬೆಜೋಸ್​ರಂತೆಯೇ ವರ್ಣರಂಜಿತ ವ್ಯಕ್ತಿತ್ವದವರು. ಹೇಗೆ ತಮ್ಮ ಮುಖ್ಯ ಭಾಷಣದ ಸಲುವಾಗಿ ಅಮೆಜಾನ್ ಪ್ರಚಾರ ಕಾರ್ಯಕ್ರಮಕ್ಕೆ ಭಾರತದಲ್ಲಿ ಬೆಜೋಸ್ ಟ್ರಕ್ ಚಲಾಯಿಸಿದ್ದರೋ ಅದೇ ರೀತಿ ವೇದಿಕೆ ಮೇಲೆ ಪ್ರದರ್ಶನಕ್ಕೆ ಜಸ್ಸಿ 18 ಚಕ್ರದ ಟ್ರಕ್- ಸ್ನೋಮೊಬೈಲ್ ಅನ್ನು ವೇದಿಕೆ ಮೇಲೆ ಪ್ರದರ್ಶನಕ್ಕೆ ತಂದಿದ್ದರು.

ಇದನ್ನೂ ಓದಿ: Amazon One: ಅಂಗೈ ತೋರಿಸಿ ಏನನ್ನಾದರೂ ಖರೀದಿಸುವ ಅವಕಾಶ; ಹಬ್ಬುತ್ತಿದೆ ಹೊಸ ಅಮೆಜಾನ್ ಒನ್ ಟೆಕ್ನಾಲಜಿ

(Andy Jassi will be the new CEO of Amazon company from July 5th, 2021. And He is the replacement to Jeff Bezos)