Bank Holidays: ಇಂದಿನಿಂದ 4 ದಿನಗಳ ಕಾಲ ಈ ರಾಜ್ಯಗಳಲ್ಲಿ ಬ್ಯಾಂಕ್​ಗಳಿಗೆ ರಜಾ ದಿನ

ಬ್ಯಾಂಕ್​ ಶಾಖೆಗೆ ಹೋಗಿ ಮಾಡುವಂಥ ಅಥವಾ ಪೂರ್ತಿಗೊಳಿಸಬೇಕಾದ ಜವಾಬ್ದಾರಿಗಳು ಏನಾದರೂ ಇದ್ದವಾ? ಹಾಗಿದ್ದರೆ ಅದಕ್ಕಾಗಿ ಸೋಮವಾರದ ತನಕ ಕಾಯಲೇಬೇಕು ಬಿಡಿ. ಖಾಸಗಿ ವಲಯವೇ ಇರಲಿ ಅಥವಾ ಸರ್ಕಾರಿ ಬ್ಯಾಂಕ್​ಗಳೇ ಆಗಿರಲಿ, ಕೆಲವು ನಗರಗಳಲ್ಲಿ 4 ದಿನಗಳ ಕಾಲ ರಜಾ ಇದೆ. ಆದರೆ ಆನ್​ಲೈನ್​ ಬ್ಯಾಂಕಿಂಗ್ ವಹಿವಾಟುಗಳಿಗೇನೂ ಸಮಸ್ಯೆ ಆಗಲ್ಲ ಮತ್ತು ಎಟಿಎಂ ಮಶೀನ್​ಗಳಿಂದ ಹಣ ತೆಗೆದುಕೊಳ್ಳುವುದಕ್ಕೆ ಏನೂ ತೊಂದರೆ ಇಲ್ಲ. ರಿಸರ್ವ್​ ಬ್ಯಾಂಕ್​ ಆಫ್ ಇಂಡಿಯಾದಿಂದ ಆಯಾ ರಾಜ್ಯಗಳಿಗೆ ಅನ್ವಯ ಆಗುವಂತೆ ರಜಾ ದಿನಗಳ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಭಾರತದ ಬಹುತೇಕ ರಾಜ್ಯಗಳಿಗೆ ಅನ್ವಯ ಆಗುವ ಸಾಮಾನ್ಯ ರಜಾ ದಿನಗಳು ಅಂದರೆ ಅದು ಮೊಹರಂ ಹಾಗೂ ಕೃಷ್ಣಾಷ್ಟಮಿ.

ಆಗಸ್ಟ್ 19- ಗುರುವಾರ
ಆಗಸ್ಟ್ 19ನೇ ತಾರೀಕಿನಂದು ಮೊಹರಂ ಪ್ರಯುಕ್ತ ಬಹುತೇಕ ರಾಜ್ಯಗಳಲ್ಲಿ ರಜಾ ಇದೆ. 17 ನಗರಗಳಲ್ಲಿ ಬ್ಯಾಂಕ್​ಗಳು ಕೆಲಸ ನಿರ್ವಹಿಸುವುದಿಲ್ಲ. ಅಗರ್ತಲ, ಅಹ್ಮದಾಬಾದ್, ಬೆಲಾಪುರ್, ಭೋಪಾಲ್, ಹೈದರಾಬಾದ್, ಜೈಪುರ್, ಜಮ್ಮು, ಕಾನ್ಪುರ್, ಕೋಲ್ಕತ್ತಾ, ಲಖನೌ, ಮುಂಬೈ, ನಾಗ್ಪುರ್, ನವದೆಹಲಿ, ಪಾಟ್ನಾ, ರಾಯ್​ಪುರ್​, ರಾಂಚಿ ಮತ್ತು ಶ್ರೀನಗರ್ ಒಳಗೊಂಡಿವೆ.

ಆಗಸ್ಟ್ 20- ಶುಕ್ರವಾರ
ಆಗಸ್ಟ್ 20ನೇ ತಾರೀಕಿನ ಶುಕ್ರವಾರದಂದು ಕರ್ನಾಟಕ, ಕೇರಳ, ತಮಿಳುನಾಡು ಈ ರಾಜ್ಯಗಳಲ್ಲಿ ಓಣಂ ಪ್ರಯುಕ್ತ ಬ್ಯಾಂಕ್​ಗಳಿಗೆ ರಜಾ ಇರುತ್ತದೆ.

ಆಗಸ್ಟ್ 21- ಶನಿವಾರ
ತಿರುಓಣಂ ಪ್ರಯುಕ್ತ ಶನಿವಾರದಂದು ಕೇರಳದಲ್ಲಿ ಬ್ಯಾಂಕ್​ಗಳ ವಹಿವಾಟು ಇರುವುದಿಲ್ಲ.

ಆಗಸ್ಟ್ 22- ಭಾನುವಾರ
ಆಗಸ್ಟ್ 22ರ ಭಾನುವಾರ ರಕ್ಷಾಬಂಧನ ಇದೆ. ಅಂದಹಾಗೆ ಎಲ್ಲ ಭಾನುವಾರಗಳಂದು, ಎರಡು ಹಾಗೂ ನಾಲ್ಕನೇ ಶನಿವಾರ ಸಾಮಾನ್ಯ ರಜಾ ದಿನಗಳು.

ಇದನ್ನೂ ಓದಿ: Bank Holidays in August 2021; ಆಗಸ್ಟ್​ ತಿಂಗಳ ಬ್ಯಾಂಕ್ ರಜಾ ದಿನಗಳ ಪಟ್ಟಿ ಇಲ್ಲಿದೆ; ಈ ದಿನಗಳು ವಹಿವಾಟು ಇರಲ್ಲ

RBI Rules: ಆಗಸ್ಟ್ 1ರಿಂದ ಭಾನುವಾರ, ಬ್ಯಾಂಕ್​ ರಜಾ ದಿನಗಳಲ್ಲೂ ಖಾತೆಗೆ ಜಮೆ ಆಗುತ್ತದೆ ವೇತನ, ಪೆನ್ಷನ್

(Bank Holidays Banks To Remain Shut In 4 Days From Today In These States)