ಕಂಪನಿ ಸಿಇಒ ನಡತೆಗೆ ಬೇಸರ; ಜಾಬ್ ಆಫರ್ ತಿರಸ್ಕರಿಸಿದ ಬೆಂಗಳೂರಿನ ಮಹಿಳೆ; ಅಂಥದ್ದೇನಿತ್ತು ಸಿಇಒ ವರ್ತನೆ..!

ಬೆಂಗಳೂರು, ಡಿಸೆಂಬರ್ 10: ಇಂಟರ್​ವ್ಯೂ ವೇಳೆ ಕಂಪನಿಯ ಸಿಇಒ ವರ್ತನೆ ಬಗ್ಗೆ ಅಸಮಾಧಾನಗೊಂಡು ಮಹಿಳೆಯೊಬ್ಬರು ಕೆಲಸದ ಆಫರ್ ಅನ್ನೇ ತಿರಸ್ಕರಿಸಿ ಬಂದ ಘಟನೆ ಬೆಳಕಿಗೆ ಬಂದಿದೆ. ವೃತ್ತಿಯಲ್ಲಿ ಕಂಟೆಂಟ್ ರೈಟರ್ ಆಗಿರುವ ವಿಭಾ ಗುಪ್ತಾ ಎಂಬಾಕೆ ಲಿಂಕ್ಡ್ ಇನ್ ಪೋಸ್ಟ್​ವೊಂದರಲ್ಲಿ ತಮ್ಮ ಜಾಬ್ ಇಂಟರ್​ವ್ಯೂ ಪ್ರಸಂಗವನ್ನು ಹಂಚಿಕೊಂಡಿದ್ದಾರೆ. ತನಗಾಗಲೀ, ತನ್ನ ಕೆಲಸಕ್ಕಾಗಿ ಆ ಕಂಪನಿಯಲ್ಲಿ ಯಾವ ಬೆಲೆಯೂ ಇರುವುದಿಲ್ಲ ಎಂಬುದು ಸಿಇಒ ವರ್ತನೆಯಿಂದ ಸ್ಪಷ್ಟವಾಯಿತು ಎಂದು ಬೆಂಗಳೂರಿನ ಈಕೆ ಬರೆದಿದ್ದಾರೆ.

ಯಾವ ಕಂಪನಿಯ ಕೆಲಸದ ಸಂದರ್ಶನಕ್ಕೆ ಈಕೆ ಹೋಗಿದ್ದು, ಆ ಸಿಇಒ ಯಾರು ಎಂಬುದನ್ನು ಈಕೆ ಪೋಸ್ಟ್​ನಲ್ಲಿ ಪ್ರಸ್ತಾಪಿಸಿಲ್ಲ. ಬೆಂಗಳೂರಿನ ಕಂಪನಿ ಅದಾಗಿದ್ದು, ಐದಾರು ಅಂಶಗಳಲ್ಲಿ ವಿಭಾ ಗುಪ್ತಾ ಅವರು ಸಿಇಒ ನಡತೆಯಲ್ಲಿ ಹುಳುಕುಗಳನ್ನು ಗಮನಿಸಿದ್ದಾರೆ. ತಾನು ಯಾಕೆ ಜಾಬ್ ಆಫರ್ ಅನ್ನು ತಿರಸ್ಕರಿಸುತ್ತಿರುವುದಾಗಿ ಕಾರಣವನ್ನೂ ತಿಳಿಸಿದ್ದಾರೆ.

ಉದ್ಯೋಗಿಗಳ ಬಗ್ಗೆ ಗೌರವ ಇಲ್ಲದ ಸಿಇಒ

ಕಂಪನಿ ಬಗ್ಗೆ ಎಚ್​ಆರ್​ರಿಂದ ವಿಡಿಯೋ ಕಳುಹಿಸಲಾಗಿತ್ತಾ ಎಂದು ಸಿಇಒ ಕೇಳಿದರು. ನಾನು ಇಲ್ಲ ಎಂದೆ. ಅವರು ಆಕೆಯನ್ನು ಕ್ಯಾಬಿನ್​ಗೆ ಕರೆದು ನನ್ನೆದುರೇ ಬಯ್ದರು. ಅವರ ಉದ್ಯೋಗಿಗಳ ಬಗ್ಗೆ ಗೌರವವೇ ಇರಲಿಲ್ಲ. ಎಚ್​ಆರ್ ತಪ್ಪು ಮಾಡಿದ್ದು ಹೌದು. ಆದರೆ, ಆಗಂತುಕ ವ್ಯಕ್ತಿ ಎದುರು ನಿಮ್ಮ ಉದ್ಯೋಗಿಗೆ ಅಗೌರವ ತೋರಿದ್ದು ಸರಿ ಅಲ್ಲ ಎಂದು ವಿಭಾ ಗುಪ್ತಾ ಹೇಳುತ್ತಾರೆ.

ಇದನ್ನೂ ಓದಿ: ಕೆಲ ಭಾರತೀಯರನ್ನು ರೊಚ್ಚಿಗೆಬ್ಬಿಸಿರುವ ಜಾರ್ಜ್ ಸೋರೋಸ್ ಎಂಬ ಉದ್ಯಮಿ ಯಾರು? ಇವರ ಆಸ್ತಿ, ಶಕ್ತಿ ಎಷ್ಟು?

ಕೆಲಸದ ಬಗ್ಗೆ ನಂಬಿಕೆ ಇಲ್ಲ…

ಕಾಪಿರೈಟಿಂಗ್ ಕೆಲಸವನ್ನು ಚಾಟ್​ಜಿಪಿಟಿ ಎಂದು ಅವರು ಕರೆದರು. ನನ್ನ ಕೆಲಸವನ್ನು ಅವರು ಗೌರವಿಸುವುದಿಲ್ಲ ಎಂಬುದು ಗೊತ್ತಾಯಿತು ಎಂದು ತಿಳಿಸಿದ್ದಾರೆ ವಿಭಾ.

ಬೇರೆ ಸಂಸ್ಥೆಗಳಿಗೆ ಅಗೌರವ…

ನಾನು ಕೆಲಸ ಮಾಡುತ್ತಿರುವ ಮತ್ತು ಹಿಂದೆ ಮಾಡಿರುವ ಸಂಸ್ಥೆಗಳಲ್ಲಿನ ಕೆಲಸವನ್ನು ಬೋರಿಂಗ್ ಎಂದು ಈ ಸಿಇಒ ಹೇಳುತ್ತಾರೆ. ಆದು ಆ ಕಂಪನಿಗಳ ರೀತಿ ರಿವಾಜು ಎಂಬುದನ್ನು ಅರ್ಥ ಮಾಡಿಕೊಳ್ಳಲು ಅವರಿಗೆ ಆಗಲಿಲ್ಲ. ಎಲ್ಲ ಕಂಟೆಂಟ್​ಗಳೂ ಕ್ಯಾಚಿಯಾಗಿರಬೇಕು, ಆಕರ್ಷಕವಾಗಿರಬೇಕು ಎಂದೇನಿಲ್ಲ. ನಾನು ಅವರ ಬಗ್ಗೆ ರೀಸರ್ಚ್ ಮಾಡಿದಾಗ ಅವರ ಕಂಟೆಂಟ್​ಗಳು ಎಐನಿಂದ ಸೃಷ್ಟಿಯಾದಂತೆ ಕಂಡವು ಎಂದು ವಿಭಾ ಗುಪ್ತಾ ಅಸಮಾಧಾನ ತೋರ್ಪಡಿಸಿದ್ದಾರೆ.

ಇದನ್ನೂ ಓದಿ: ಆಯುಷ್ಮಾನ್ ಭಾರತ್: ಕೇವಲ 40 ದಿನದಲ್ಲಿ 25 ಲಕ್ಷ ಹಿರಿಯ ನಾಗರಿಕರಿಗೆ ಹೆಲ್ತ್ ಇನ್ಷೂರೆನ್ಸ್ ಕಾರ್ಡ್

ಆ ವ್ಯಕ್ತಿ ಆ ಸ್ಥಾನಕ್ಕೆ ಏರಲು ಸಾಕಷ್ಟು ಶ್ರಮ ಪಟ್ಟಿರಬಹುದು. ಆದರೆ, ನಿಮ್ಮ ಜೊತೆ ಕೆಲಸ ಮಾಡುವ ಜನರನ್ನು ಗೌರವದಿಂದ ನಡೆಸಿಕೊಳ್ಳಬೇಕು ಎಂಬುದು ನನ್ನ ಅನಿಸಿಕೆ. ಸಂದರ್ಶನದ ಬಳಿಕ, ಕ್ಯಾಬಿನ್​ನಲ್ಲಿ ನಡೆದ ಸಂಗತಿಯನ್ನು ಎಚ್​ಆರ್​ಗೆ ಮೆಸೇಜ್ ಮೂಲಕ ತಿಳಿಸಿ, ನನ್ನ ಕ್ಯಾಂಡಿಡೇಚರ್ ಅನ್ನು ವಾಪಸ್ ಪಡೆಯುತ್ತಿರುವುದಾಗಿ ಹೇಳಿದೆ ಎಂದು ಈಕೆ ತಮ್ಮ ಪೋಸ್ಟ್​ನಲ್ಲಿ ಬರೆದಿದ್ದಾರೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ