October 2022 Rule Change: ಅಕ್ಟೋಬರ್-1 ರಿಂದ ಭಾರತದಲ್ಲಿ ಆಗುವ ಎಂಟು ದೊಡ್ಡ ಬದಲಾವಣೆಗಳು

ಅಡುಗೆ ಅನಿಲ ಬಳಕೆಯಿಂದ ಆದಾಯ ತೆರಿಗೆಯವರೆಗೆ ದೇಶದಲ್ಲಿ ಕೆಲವು ದೊಡ್ಡ ಬದಲಾವಣೆಗಳು ನಡೆಯಲಿವೆ. ಈ ಬದಲಾವಣೆಗಳು ಅಕ್ಟೋಬರ್ 1ರಿಂದ ನೇವಾಗಿ ಆಗಲಿದ್ದು, ನಿಮ್ಮ ಪಾಕೆಟ್ ಅನ್ನು ನೀವು ಹೆಚ್ಚು ಸಡಿಲಗೊಳಿಸಬೇಕಾಗುತ್ತದೆ.

October 2022 Rule Change: ಅಕ್ಟೋಬರ್-1 ರಿಂದ ಭಾರತದಲ್ಲಿ ಆಗುವ ಎಂಟು ದೊಡ್ಡ ಬದಲಾವಣೆಗಳು
ಅಕ್ಟೋಬರ್-1 ರಿಂದ ಭಾರತದಲ್ಲಿ ಆಗುವ ಎಂಟು ದೊಡ್ಡ ಬದಲಾವಣೆಗಳು
TV9kannada Web Team

| Edited By: TV9 SEO

Sep 26, 2022 | 1:15 PM

ದೇಶದಲ್ಲಿ ಅಡುಗೆ ಅನಿಲ (LPG) ಬಳಕೆಯಿಂದ ಆದಾಯ ತೆರಿಗೆ (Income Tax)ವರೆಗೆ ಕೆಲವು ದೊಡ್ಡ ಬದಲಾವಣೆಗಳು ನಡೆಯಲಿದ್ದು, ಈ ಪ್ರಕ್ರಿಯೆಯು ಅಕ್ಟೋಬರ್ 1ರಿಂದ ಜಾರಿಯಾಗಲಿವೆ. ಮಾತ್ರವಲ್ಲದೆ ಇದು ನಿಮ್ಮ ಜೇಬನ್ನು ಹೆಚ್ಚು ಸಡಿಲಗೊಳಿಸಬೇಕಾಗಬಹುದು. ಆದಾಯ ತೆರಿಗೆ ರಿಟರ್ನ್ಸ್ (Income Tax Returns) ಸಲ್ಲಿಸುವ ತೆರಿಗೆದಾರರು ಅಕ್ಟೋಬರ್ 1 ರಿಂದ ಅಟಲ್ ಪಿಂಚಣಿ ಯೋಜನೆ (Atal Pension Yojana)ಯ ಲಾಭವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ. ಇದರೊಂದಿಗೆ, ಮ್ಯೂಚುವಲ್ ಫಂಡ್‌ (Mutual Fund)ಗಳಲ್ಲಿ ಹೂಡಿಕೆ ಮಾಡುವ ನಿಯಮಗಳು ಕೂಡ ಬದಲಾಗಲಿದ್ದು, ನಾಮನಿರ್ದೇಶನ ಪ್ರಕ್ರಿಯೆಯು ಅಗತ್ಯವಾಗಿರುತ್ತದೆ. ಈ ರೀತಿ ಒಟ್ಟು ಎಂಟು ಬದಲಾವಣೆಗಳು ಆಗಲಿದ್ದು, ಅವುಗಳು ಈ ಕೆಳಗಿನಂತಿವೆ.

ಇಳಿಕೆಯಾಗಲಿರುವ ಎಲ್‌ಪಿಜಿ ದರ (LPG Price): ನೀವು LPG ಗ್ರಾಹಕರಾಗಿದ್ದರೆ ನಿಮಗೆ ಮುಂದಿನ ತಿಂಗಳಲ್ಲಿ ಸಂತಸ ಸುದ್ದಿ ಸಿಗುವ ಸಾಧ್ಯತೆ ಹೆಚ್ಚಿದೆ. ಸಿಲಿಂಡರ್‌ಗಳ ಬೆಲೆಗಳನ್ನು ಪ್ರತಿ ತಿಂಗಳ 1 ರಂದು ಪರಿಶೀಲಿಸಲಾಗುತ್ತದೆ. ಈ ಪರಿಸ್ಥಿತಿಯಲ್ಲಿ ಕಚ್ಚಾ ತೈಲ ಮತ್ತು ನೈಸರ್ಗಿಕ ಅನಿಲದ ಬೆಲೆಗಳು ಮೃದುವಾಗಿರುವುದರಿಂದ ಈ ಬಾರಿ ಗೃಹಬಳಕೆಯ ಮತ್ತು ವಾಣಿಜ್ಯ ಅನಿಲ ಸಿಲಿಂಡರ್‌ಗಳ ಬೆಲೆಗಳು ಕಡಿಮೆಯಾಗುವ ನಿರೀಕ್ಷೆಯಿದೆ. ಇದರೊಂದಿಗೆ ಗೃಹಬಳಕೆಯ ಗ್ಯಾಸ್ ಸಿಲಿಂಡರ್‌ಗಳ ಮೇಲೆ ಜನರು ಸ್ವಲ್ಪ ಪರಿಹಾರವನ್ನು ಪಡೆಯಬಹುದು.

ಖರೀದಿಗೆ ಟೋಕನ್ ವ್ಯವಸ್ಥೆ ಜಾರಿ (Tokenization):

ಆರ್‌ಬಿಐ ಸೂಚನೆಯಂತೆ ಅಕ್ಟೋಬರ್ 1ರಿಂದ ಕಾರ್ಡ್ (ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್) ಪಾವತಿಗೆ ಟೋಕನ್ ವ್ಯವಸ್ಥೆ ಜಾರಿಯಾಗಲಿದೆ. ಟೋಕನೈಸೇಶನ್ ಅಂದರೆ, ದೇಶದ ಸೆಂಟ್ರಲ್ ಬ್ಯಾಂಕ್ ಟೋಕನೈಸೇಶನ್ ಅನ್ನು ‘ಟೋಕನ್’ ಎಂಬ ಪರ್ಯಾಯ ಕೋಡ್‌ನೊಂದಿಗೆ ನಿಜವಾದ ಕಾರ್ಡ್ ವಿವರಗಳನ್ನು ಬದಲಾಯಿಸುವುದು ಎಂದು ವಿವರಿಸುತ್ತದೆ. ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ಟೋಕನೈಸೇಶನ್ ಕಡ್ಡಾಯವಲ್ಲ ಎಂಬುದನ್ನು ಗಮನಿಸಬೇಕು. ಗ್ರಾಹಕರು ತಮ್ಮ ಕಾರ್ಡ್‌ಗಳನ್ನು ಟೋಕನೈಸ್ ಮಾಡದೇ ಇರಬಹುದು. ಆದರೆ, ಆನ್‌ಲೈನ್‌ನಲ್ಲಿ ಪಾವತಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಆನ್‌ಲೈನ್ ಬ್ಯಾಂಕಿಂಗ್ ವಂಚನೆಗಳನ್ನು ತಡೆಯುವುದು ಇದರ ಮುಖ್ಯ ಉದ್ದೇಶವಾಗಿದೆ.

ತೆರಿಗೆ ಪಾವತಿದಾರರಿಗೆ ಅಟಲ್ ಪಿಂಚಣಿ ಸಿಗುವುದಿಲ್ಲ (Atal Pension)

ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವವರು ಅಕ್ಟೋಬರ್ 1ರಿಂದ ಅಟಲ್ ಪಿಂಚಣಿ ಯೋಜನೆ (Atal Pension Scheme)ಯ ಲಾಭ ಪಡೆಯಲು ಸಾಧ್ಯವಾಗುವುದಿಲ್ಲ. ಅಂದರೆ, 2.50 ಲಕ್ಷಕ್ಕಿಂತ ಹೆಚ್ಚು ಆದಾಯ ಹೊಂದಿರುವ ಜನರು ಅಟಲ್ ಪಿಂಚಣಿ ಯೋಜನೆಯಲ್ಲಿ ಹೂಡಿಕೆ ಮಾಡಲು ಸಾಧ್ಯವಾಗುವುದಿಲ್ಲ. ನಿಯಮಗಳ ಪ್ರಕಾರ, 18 ವರ್ಷದಿಂದ 40 ವರ್ಷ ವಯಸ್ಸಿನ ಯಾವುದೇ ಭಾರತೀಯ ನಾಗರಿಕರು ಅವರು ಆದಾಯ ತೆರಿಗೆ ಪಾವತಿಸಲಿ ಅಥವಾ ಇಲ್ಲದಿರಲಿ ಸರ್ಕಾರದ ಈ ಪಿಂಚಣಿ ಯೋಜನೆಗೆ ಸೇರಬಹುದು. ಈ ಯೋಜನೆಯಡಿ ಪ್ರತಿ ತಿಂಗಳು ಐದು ಸಾವಿರ ರೂಪಾಯಿ ಪಿಂಚಣಿ ನೀಡಲಾಗುತ್ತದೆ.

ಮ್ಯೂಚುವಲ್ ಫಂಡ್‌ನಲ್ಲಿ ನಾಮನಿರ್ದೇಶನ (Mutual Fund)

ಮಾರುಕಟ್ಟೆ ನಿಯಂತ್ರಕ ಸೆಬಿಯ ಹೊಸ ನಿಯಮಗಳ ಪ್ರಕಾರ, ಅಕ್ಟೋಬರ್ 1ರಿಂದ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವ ಜನರು ನಾಮನಿರ್ದೇಶನ ಮಾಹಿತಿಯನ್ನು ನೀಡುವುದು ಕಡ್ಡಾಯವಾಗಿದೆ. ಹಾಗೆ ಮಾಡಲು ವಿಫಲರಾದ ಹೂಡಿಕೆದಾರರು ಡಿಕ್ಲರೇಶನ್ ಫಾರ್ಮ್ ಅನ್ನು ಭರ್ತಿ ಮಾಡಬೇಕು ಮತ್ತು ಅವರು ನಾಮನಿರ್ದೇಶನದ ಸೌಲಭ್ಯವನ್ನು ಪಡೆಯುವುದಿಲ್ಲ ಎಂದು ಘೋಷಿಸಬೇಕು. ನೀವು ಮ್ಯೂಚುವಲ್ ಫಂಡ್‌ನಲ್ಲಿ ನಾಮನಿರ್ದೇಶನವನ್ನು ಪಡೆಯದಿದ್ದರೆ ನೀವು ಅದರಿಂದ ಆರ್ಥಿಕ ನಷ್ಟವನ್ನು ಸಹ ಅನುಭವಿಸಬಹುದು.

ಸಣ್ಣ ಉಳಿತಾಯದ ಮೇಲೆ ಹೆಚ್ಚಿನ ಬಡ್ಡಿ (Interest on Savings)

ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೋ ದರವನ್ನು ಹೆಚ್ಚಿಸಿದ ನಂತರ ಬ್ಯಾಂಕ್‌ಗಳು ಉಳಿತಾಯ ಖಾತೆ ಮತ್ತು ಸ್ಥಿರ ಠೇವಣಿಗಳ (ಎಫ್‌ಡಿ) ಮೇಲಿನ ಬಡ್ಡಿಯನ್ನು ಹೆಚ್ಚಿಸಿವೆ. ಅಂತಹ ಪರಿಸ್ಥಿತಿಯಲ್ಲಿ ಅಂಚೆ ಕಚೇರಿಯ ಆರ್‌ಡಿ, ಕೆಸಿಸಿ, ಪಿಪಿಎಫ್ ಮತ್ತು ಇತರ ಸಣ್ಣ ಉಳಿತಾಯ ಯೋಜನೆಗಳ ಮೇಲಿನ ಬಡ್ಡಿ ಹೆಚ್ಚಾಗಬಹುದು. ಹಣಕಾಸು ಸಚಿವಾಲಯ ಸೆಪ್ಟೆಂಬರ್ 30ರಂದು ಇದನ್ನು ಪ್ರಕಟಿಸಲಿದೆ. ಇದು ಸಂಭವಿಸಿದಲ್ಲಿ ಸಣ್ಣ ಉಳಿತಾಯವೂ ಹೆಚ್ಚಿನ ಬಡ್ಡಿಯನ್ನು ಗಳಿಸಬಹುದು.

ಡಿಮ್ಯಾಟ್ ಖಾತೆ ಡಬಲ್ ವೆರಿಫಿಕೇಶನ್ (Demat Account Verification)

ಡಿಮ್ಯಾಟ್ ಖಾತೆದಾರರನ್ನು ರಕ್ಷಿಸಲು ಅಕ್ಟೋಬರ್ 1ರಿಂದ ಎರಡು ಬಾರಿ ಪರಿಶೀಲನೆ ಮಾಡುವ ನಿಯಮವನ್ನು ಜಾರಿಗೆ ತರಲು ಮಾರುಕಟ್ಟೆ ನಿಯಂತ್ರಕ ಸೆಬಿ ಘೋಷಿಸಿದೆ. ಇದರ ಅಡಿಯಲ್ಲಿ ಡಿಮ್ಯಾಟ್ ಖಾತೆದಾರರು ಎರಡು ಬಾರಿ ಪರಿಶೀಲನೆಯ ನಂತರ ಮಾತ್ರ ಲಾಗ್-ಇನ್ ಮಾಡಲು ಸಾಧ್ಯವಾಗುತ್ತದೆ. ಇಲ್ಲದಿದ್ದರೆ ಅವನು ತನ್ನ ಡಿಮ್ಯಾಟ್‌ಗೆ ಲಾಗ್-ಇನ್ ಮಾಡಲು ಸಾಧ್ಯವಾಗುವುದಿಲ್ಲ.

ಎನ್‌ಪಿಎಸ್‌ನಲ್ಲಿ ಇ-ನಾಮನಿರ್ದೇಶನ ಕಡ್ಡಾಯ (NPS e-Nomination)

PFRDA ಇತ್ತೀಚೆಗೆ ಸರ್ಕಾರಿ ಮತ್ತು ಖಾಸಗಿ ಅಥವಾ ಕಾರ್ಪೊರೇಟ್ ವಲಯದ ಉದ್ಯೋಗಿಗಳಿಗೆ ಇ-ನಾಮನಿರ್ದೇಶನ ಪ್ರಕ್ರಿಯೆಯನ್ನು ಬದಲಾಯಿಸಿದೆ. ಬದಲಾವಣೆಯು ಅಕ್ಟೋಬರ್ ಆರಂಭದಿಂದಲೇ ಜಾರಿಗೆ ಬರಲಿದೆ. ಹೊಸ NPS (ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ) ಇ-ನಾಮನಿರ್ದೇಶನ ಪ್ರಕ್ರಿಯೆಯ ಪ್ರಕಾರ, NPS ಖಾತೆದಾರರ ಇ-ನಾಮನಿರ್ದೇಶನ ವಿನಂತಿಯನ್ನು ಸ್ವೀಕರಿಸುವ ಅಥವಾ ತಿರಸ್ಕರಿಸುವ ಆಯ್ಕೆಯನ್ನು ನೋಡಲ್ ಕಚೇರಿ ಹೊಂದಿರುತ್ತದೆ. ನೋಡಲ್ ಕಛೇರಿಯು ತನ್ನ ಹಂಚಿಕೆಯ 30 ದಿನಗಳೊಳಗೆ ವಿನಂತಿಯ ವಿರುದ್ಧ ಯಾವುದೇ ಕ್ರಮವನ್ನು ಪ್ರಾರಂಭಿಸದಿದ್ದರೆ ಇ-ನಾಮನಿರ್ದೇಶನ ವಿನಂತಿಯನ್ನು ಕೇಂದ್ರೀಯ ದಾಖಲೆ ಕೀಪಿಂಗ್ ಏಜೆನ್ಸಿಗಳ (CRAs) ವ್ಯವಸ್ಥೆಯಲ್ಲಿ ಸ್ವೀಕರಿಸಲಾಗುತ್ತದೆ.

CNG-PNG ಗ್ಯಾಸ್ ಬೆಲೆ ಹೆಚ್ಚಳ (CNG PNG Gas Cylinder Price Hike)

ನೈಸರ್ಗಿಕ ಅನಿಲದ ಬೆಲೆಯನ್ನು ಅಕ್ಟೋಬರ್ 1 ರಂದು ಪರಿಷ್ಕರಿಸಲಾಗುತ್ತದೆ. ಆದರೆ ಈ ಬಾರಿಯೂ ಬೆಲೆಯನ್ನು ಹೆಚ್ಚಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ, ಇದರಲ್ಲಿ ಅದರ ಬೆಲೆ ಪ್ರತಿ ಯೂನಿಟ್‌ಗೆ 9 ರೂ. ವರೆಗೆ ಹೆಚ್ಚಾಗಬಹುದು. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೆಲೆ ಏರಿಕೆಯ ನಡುವೆ ಏಪ್ರಿಲ್ 2019 ರಿಂದ ನೈಸರ್ಗಿಕ ಅನಿಲದ ಬೆಲೆಯಲ್ಲಿ ಇದು ಮೂರನೇ ಹೆಚ್ಚಳವಾಗಿದೆ. ಸರ್ಕಾರವು ಪ್ರತಿ ಆರು ತಿಂಗಳಿಗೊಮ್ಮೆ (1 ಏಪ್ರಿಲ್ ಮತ್ತು 1 ಅಕ್ಟೋಬರ್) ಗ್ಯಾಸ್ ಬೆಲೆಯನ್ನು ನಿಗದಿಪಡಿಸುತ್ತದೆ.

ಮತ್ತಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada