ಭಾರತೀಯ ವಿದ್ಯಾರ್ಥಿಗಳಿಗೆ ಒಂದು ವರ್ಷ ಉಚಿತ ಎಐ ಪ್ಲಸ್ ಪ್ಲಾನ್; ಏನಿದರಿಂದ ಲಾಭ? ಕ್ಲೇಮ್ ಹೇಗೆ?
Google offers free AI plus plan for students: ಗೂಗಲ್ ಸಂಸ್ಥೆ ವಿದ್ಯಾರ್ಥಿಗಳಿಗೆ ಎಐ ಪ್ಲಸ್ ಪ್ಲಾನ್ ಅನ್ನು ಉಚಿತವಾಗಿ ನೀಡಲಿದೆ. ಅರ್ಹ ವಿದ್ಯಾರ್ಥಿಗಳು ಇದನ್ನು ಪಡೆಯಬಹುದು. ರಿಯಾಯಿತಿ ದರದಲ್ಲಿ ಗೂಗಲ್ ಎಐ ಪ್ರೋ ಪ್ಲಾನ್ಗಳನ್ನೂ ವಿದ್ಯಾರ್ಥಿಗಳಿಗೆ ಆಫರ್ ಮಾಡಲಾಗಿದೆ. ಈ ಎಐ ಪ್ಲಸ್ ಮತ್ತು ಪ್ರೋ ಪ್ಲಾನ್ಗಳನ್ನು ಪರೀಕ್ಷೆಗಳಿಗೆ ಮತ್ತು ಕಲಿಕೆಗಳಿಗೆ ಬಳಸಬಹುದು.
Updated on: Aug 20, 2026 | 7:53 PM
ನವದೆಹಲಿ, ಆಗಸ್ಟ್ 20: ಭಾರತದ ವಿದ್ಯಾರ್ಥಿಗಳಿಗೆ ಗೂಗಲ್ ಭರ್ಜರಿ ಕೊಡುಗೆಯ ಆಫರ್ ನೀಡಿದೆ. ಗೂಗಲ್ ತನ್ನ AI ಸೇವೆಗಳಿಗೆ ಸಂಬಂಧಿಸಿದಂತೆ ವಿದ್ಯಾರ್ಥಿಗಳಿಗಾಗಿ ವಿಶೇಷ ಯೋಜನೆಗಳನ್ನು ಘೋಷಿಸಿದೆ. ಭಾರತದ ಅರ್ಹ ಕಾಲೇಜು ವಿದ್ಯಾರ್ಥಿಗಳಿಗೆ 12 ತಿಂಗಳ ಕಾಲ ‘Google AI Plus’ ಸಬ್ಸ್ಕ್ರಿಪ್ಷನ್ ಸಂಪೂರ್ಣ ಉಚಿತವಾಗಿ (Free subscription) ದೊರೆಯಲಿದೆ.
ಈ ಆಫರ್ನಲ್ಲಿ ಜೆಮಿನಿ ಎಐ ಪ್ಲಸ್ ಪೂರ್ಣ ಉಚಿತವಾಗಿ ಲಭ್ಯ ಇದ್ದರೆ, ಸ್ಟುಡೆಂಟ್ ಹಬ್, ಸ್ಟಡಿ ನೋಟ್ಬುಕ್ಸ್ ಇತ್ಯಾದಿ ಇನ್ನೂ ಹಲವು ಕಲಿಕಾ ಸಾಧನಗಳು (learning tools) ಈ ಸಬ್ಸ್ಕ್ರಿಪ್ಷನ್ನಲ್ಲಿ ಬರುತ್ತದೆ. ಭಾರತ ಸೇರಿದಂತೆ ಜಾಗತಿಕವಾಗಿ ಹಲವಾರು ದೇಶಗಳಲ್ಲಿ ವಿದ್ಯಾರ್ಥಿಗಳಿಗೆ ಈ ಎಐ ಪ್ಲಸ್ ಸಬ್ಸ್ಕ್ರಿಪ್ಷನ್ ಆಫರ್ ಮಾಡಲಾಗಿದೆ. ಎಐ ಪ್ಲಸ್ ಇಲ್ಲದ ಕಡೆ ಎಐ ಪ್ರೋ ಸಬ್ಸ್ಕ್ರಿಪ್ಷನ್ ಅನ್ನು ಪರ್ಯಾಯವಾಗಿ ನೀಡಲಾಗುತ್ತದೆ.
ಭಾರತದಲ್ಲಿ ‘Google AI Pro’ ಪ್ಲಾನ್ ಅನ್ನು ವಿದ್ಯಾರ್ಥಿಗಳಿಗೆ ರಿಯಾಯಿತಿ ದರದಲ್ಲಿ ನೀಡಲಾಗುತ್ತದೆ. ಈ ಪ್ರೋ ಪ್ಲಾನ್ ಅನ್ನು ತಿಂಗಳಿಗೆ ಕೇವಲ ₹489 ರೂನಂತೆ 4 ವರ್ಷಗಳವರೆಗೆ ನೀಡಲಾಗುತ್ತದೆ. ಯೂಟ್ಯೂಬ್ ಪ್ರೀಮಿಯಮ್ ಕೂಡ ಇದರ ಜೊತೆ ಬೇಕೆಂದರೆ ತಿಂಗಳಿಗೆ ₹550 ರೂ ಪ್ರೋ ಪ್ಲಾನ್ ಪಡೆಯಬಹುದು.
ಇದನ್ನೂ ಓದಿ: ಮೊಬೈಲ್ಗೆ ಹಣ ಕಡಿತಗೊಂಡ ಮೆಸೇಜ್ ಬಂದ್ರೂ ಎಟಿಎಂನಿಂದ ಹಣ ಬಂದಿಲ್ವಾ? ಹಾಗಾದ್ರೆ ಈ ಕೆಲಸ ಮಾಡಿ
ಹೊಸ ಸ್ಟಡಿ ಟೂಲ್ಗಳು (Study Tools)
- Student Hub: Gemini ಆ್ಯಪ್ನಲ್ಲಿ ವಿದ್ಯಾರ್ಥಿಗಳಿಗಾಗಿ ಪ್ರತ್ಯೇಕ ವಿಭಾಗವನ್ನು ತೆರೆಯಲಾಗಿದೆ (gemini.google.com/students).
- Study Notebooks: ವಿದ್ಯಾರ್ಥಿಗಳು ತಮ್ಮ ಶೈಕ್ಷಣಿಕ ದಾಖಲೆಗಳನ್ನು ಅಪ್ಲೋಡ್ ಮಾಡಿ, ಸಂವಾದಾತ್ಮಕ ಕಲಿಕೆ ಮತ್ತು ಪರೀಕ್ಷೆಗಳಿಗೆ (quizzes) ಸಿದ್ಧರಾಗಬಹುದು. ಇದು NotebookLM ನೊಂದಿಗೆ ಸಿಂಕ್ ಆಗುತ್ತದೆ.
- Deep Research: Gemini Live ನಲ್ಲಿ ಸಂಶೋಧನಾ ಕಾರ್ಯಗಳನ್ನು ಹಿನ್ನೆಲೆಯಲ್ಲಿ (background) ನಡೆಸಲು ಅವಕಾಶವಿದೆ.
- AI Mode in Search: ಸರ್ಚ್ ಮಾಡುವಾಗ AI ಮೂಲಕ ಸ್ಟಡಿ ಗೈಡ್ಗಳು ಮತ್ತು ಕ್ವಿಜ್ಗಳನ್ನು ರಚಿಸಬಹುದು.
ಇದನ್ನೂ ಓದಿ: ಒಬ್ಬ ವ್ಯಕ್ತಿ ಎಷ್ಟು ಸಿಮ್ ಕಾರ್ಡ್ ಹೊಂದಬಹುದು? ಸರ್ಕಾರ ತಂದಿದೆ ಹೊಸ ಮಾರ್ಗಸೂಚಿ; ಈ ಹೊಸ ನಿಯಮಗಳೇನು?
ವಿದ್ಯಾರ್ಥಿಗಳು ಎಐ ಪ್ಲಸ್ ಪ್ಲಾನ್ ಪಡೆಯುವುದು ಹೇಗೆ?
- ವಿದ್ಯಾರ್ಥಿಗಳು ಮಾನ್ಯತೆ ಪಡೆದ ಶಿಕ್ಷಣ ಸಂಸ್ಥೆಯಲ್ಲಿ ನೋಂದಾಯಿತರಾಗಿರಬೇಕು.
- Google One ನ ವಿದ್ಯಾರ್ಥಿ ಆಫರ್ ಪುಟಕ್ಕೆ ಭೇಟಿ ನೀಡಿ, ನಿಮ್ಮ Google ಖಾತೆಯೊಂದಿಗೆ ಲಾಗಿನ್ ಆಗಿ.
- ‘Get student offer’ ಆಯ್ಕೆ ಮಾಡಿ.
- SheerID ಮೂಲಕ ನಿಮ್ಮ ವಿದ್ಯಾರ್ಥಿ ದಾಖಲಾತಿಯನ್ನು ಪರಿಶೀಲಿಸಿದ ನಂತರ ಈ ಆಫರ್ಗಳನ್ನು ಪಡೆಯಬಹುದು.
ಈ ಯೋಜನೆಗಳು ವಿದ್ಯಾರ್ಥಿಗಳಿಗೆ ತಮ್ಮ ಅಧ್ಯಯನವನ್ನು ಹೆಚ್ಚು ಸುಲಭ ಮತ್ತು ಪರಿಣಾಮಕಾರಿಯಾಗಿಸಲು ಸಹಾಯ ಮಾಡಲಿವೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
