ಮಧ್ಯಪ್ರಾಚ್ಯ ಯುದ್ಧಕ್ಕೆ ಗಡಗಡ ನಡುಗಿದ ಪಾಕಿಸ್ತಾನದ ಷೇರುಪೇಟೆ; ಒಂದೇ ದಿನ 15,000 ಅಂಕಗಳು ಪತನ; ಶೇ. 9ರಷ್ಟು ಸಂಪತ್ತು ನಷ್ಟ
Pakistan stock market down by 9pc in a single session: ಇಂದು ಸೋಮವಾರ ಭಾರತವೂ ಒಳಗೊಂಡಂತೆ ವಿಶ್ವದ ಷೇರು ಮಾರುಕಟ್ಟೆಗಳು ಗಡಗಡ ನಡುಗಿವೆ. ಆದರೆ, ಪಾಕಿಸ್ತಾನದ ಮಾರುಕಟ್ಟೆ ಅಕ್ಷರಶಃ ಪ್ರಕ್ಷುಬ್ದಗೊಂಡಿತ್ತು. ಹೂಡಿಕೆದಾರರು ಮನಬಂದಂತೆ ಷೇರುಗಳನ್ನು ಮಾರಹೊರಟಿದ್ದರು. ಒಂದೇ ದಿನ, ಪಾಕಿಸ್ತಾನದ ಪೇಟೆ ಶೇ. 9ರಷ್ಟು ಕುಸಿತ ಕಂಡಿತ್ತು.
Updated on: Mar 02, 2026 | 7:15 PM
ಇಸ್ಲಾಮಾಬಾದ್, ಮಾರ್ಚ್ 2: ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧವು ಜಾಗತಿಕವಾಗಿ ಎಲ್ಲಾ ಷೇರು ಮಾರುಕಟ್ಟೆಗಳನ್ನು ಅಲುಗಾಡಿಸುತ್ತಿದೆ. ಭಾರತದ ಸೆನ್ಸೆಕ್ಸ್, ನಿಫ್ಟಿ ಸೂಚ್ಯಂಕಗಳು ತತ್ತರಿಸಿವೆ. ಶೇ. 1-2ರಷ್ಟು ಕುಸಿತ ಕಂಡಿವೆ. ಆದರೆ, ಪಾಕಿಸ್ತಾನದ ಷೇರು ಮಾರುಕಟ್ಟೆ (Pakistan Stock Market) ಅತಿ ಹೆಚ್ಚು ಕರಡಿ ಕುಣಿತ ಕಂಡಿದೆ. ಇಂದು ಸೋಮವಾರದ ವಹಿವಾಟಿನಲ್ಲಿ ಪಾಕಿಸ್ತಾನ ಷೇರು ವಿನಿಮಯ ಕೇಂದ್ರದ ಕೆಎಸ್ಇ-100 ಇಂಡೆಕ್ಸ್ (KSE-100 index) ಶೇ. 9ರಷ್ಟು ಕುಸಿತ ಕಂಡಿದೆ., ಕೆಎಸ್ಇ-30 ಇಂಡೆಕ್ಸ್ ಕೂಡ ಕೆಳಗಿನ ಸರ್ಕ್ಯುಟ್ ಮಿತಿ ಮುಟ್ಟಿದೆ.
ಪಾಕಿಸ್ತಾನದ ಷೇರು ಮಾರುಕಟ್ಟೆ ಬಹಳ ಅಸ್ತಿರತೆಯಿಂದ ಕೂಡಿದೆ. ಇಲ್ಲಿ ಲಿಸ್ಟ್ ಆಗಿರುವ ಷೇರುಗಳ ಸಂಖ್ಯೆ ಕಡಿಮೆ ಇರುವುದರಿಂದ ವೊಲಾಟಾಲಿಟಿ ಅಥವಾ ಪ್ರಕ್ಷುಬ್ದತೆ ಅಥವಾ ಕುಲುಕಾಟ ತೀವ್ರವಾಗಿರುತ್ತದೆ.
ಇದನ್ನೂ ಓದಿ: ಜನವರಿವರೆಗೂ ಭಾರತದ ಒಟ್ಟಾರೆ ರಫ್ತು 720 ಬಿಲಿಯನ್ ಡಾಲರ್; ಹಿಂದಿನ ವರ್ಷದಕ್ಕಿಂತ ಶೇ. 6.15 ಹೆಚ್ಚಳ
ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧವು ಇಸ್ರೇಲ್, ಅಮೆರಿಕ, ಇರಾನ್ ಮಧ್ಯೆ ಮಾತ್ರ ಸೀಮಿತವಾಗಿಲ್ಲ. ಕೊಲ್ಲಿ ದೇಶಗಳನ್ನೂ ಇರಾನ್ ಗುರಿ ಮಾಡಿ ದಾಳಿ ಮಾಡುತ್ತಿರುವುದು ಪಾಕಿಸ್ತಾನೀಯರಿಗೆ ಅನಿರೀಕ್ಷಿತ ಬೆಳವಣಿಗೆ ಎನಿಸಿದೆ. ಪಾಕಿಸ್ತಾನದ ಹೆಚ್ಚಿನ ವ್ಯಾಪಾರ ವಹಿವಾಟು ಗಲ್ಫ್ ದೇಶಗಳೊಂದಿಗೆ ಇರುವುದರಿಂದ ಅಲ್ಲಿಯ ಬಿಕ್ಕಟ್ಟು ಈ ದೇಶಕ್ಕೆ ಅತಿಹೆಚ್ಚು ಬಾಧೆ ಉಂಟುಂ ಮಾಡುವ ವಿಚಾರ.
ಕುಸಿತದ ತೀವ್ರತೆಯಿಂದ ಟ್ರೇಡಿಂಗೇ ಬಂದ್
ಪಾಕಿಸ್ತಾನದ ಬ್ಯಾಂಕ್ಗಳು, ಇಂಧನ ಸಂಸ್ಥೆಗಳು, ಸಿಮೆಂಟ್, ರಸಗೊಬ್ಬರ, ಆಟೊಮೊಬೈಲ್ ಅಸೆಂಬ್ಲಿಂಗ್, ವಿದ್ಯುತ್ ಕಂಪನಿಗಳ ಷೇರುಗಳಿಗೆ ಸೋಮವಾರ ತೀವ್ರ ಹಿನ್ನಡೆಯಾಗಿದೆ.
ಇದನ್ನೂ ಓದಿ: ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನ ಫಲ; ಭಾರತದಲ್ಲಿ ಚಿನ್ನದ ಬೆಲೆ ಸದ್ಯದಲ್ಲೇ 20,000 ರೂ ಮುಟ್ಟುತ್ತಾ?
ಕೆಎಸ್ಇ-100 ಮತ್ತು ಕೆಎಸ್ಇ-30 ಸೂಚ್ಯಂಕಗಳಲ್ಲಿ ಕುಸಿತ ಬಹಳ ತೀವ್ರವಾಗಿತ್ತು. ಹೂಡಿಕೆದಾರರು ಮನಬಂದಂತೆ ಷೇರುಗಳನ್ನು ಮಾರುತ್ತಿರುವ ಟ್ರೆಂಡ್ ಗೋಚರಿಸುತ್ತಿದ್ದಂತೆಯೇ ಟ್ರೇಡಿಂಗ್ ಅನ್ನೇ ನಿಲ್ಲಿಸಲಾಯಿತು. ಟ್ರೇಡಿಂಗ್ ಮುಂದುವರಿದಿದ್ದೇ ಆದಲ್ಲಿ ಪಾಕಿಸ್ತಾನದ ಷೇರು ಮಾರುಕಟ್ಟೆಯ ಕುಸಿತ ಇನ್ನಷ್ಟು ತೀವ್ರವಾಗಿರುತ್ತಿತ್ತು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
