Netweb: ನೆಟ್​ವೆಬ್ ಟೆಕ್ನಾಲಜೀಸ್ ಐಪಿಒದಲ್ಲಿ ಷೇರುಪಡೆದವರಿಗೆ ಭರ್ಜರಿ ಸುಗ್ಗಿ; ನಿಮಗೆ ಷೇರು ಸಿಕ್ಕಿದೆಯಾ ಪರಿಶೀಲಿಸುವುದು ಹೇಗೆ?

ಮುಂಬೈ, ಜುಲೈ 24: ಕಳೆದ ವಾರ ಐಪಿಒ ಅಫರ್ ಕೊಟ್ಟ ನೆಟ್​ವೆಬ್ ಟೆಕ್ನಾಲಜೀಸ್ ಸಂಸ್ಥೆ ಇಂದು (ಜುಲೈ 24) ಷೇರುಗಳನ್ನು ಹಂಚಿಕೆ ಮಾಡುತ್ತಿದೆ. ಅಂದರೆ, ಐಪಿಒದಲ್ಲಿ ಷೇರುಗಳಿಗೆ ಬಿಡ್ ಸಲ್ಲಿಸಿದವರ ಪೈಕಿ ಯಾರೆ ಷೇರುಗಳ ಅಲಾಟ್ಮೆಂಟ್ ಮಾಡಲಾಗುತ್ತದೆ ಎಂಬುದು ಇಂದು ತಿಳಿಯಲಿದೆ. ಬಾಂಬೆ ಸ್ಟಾಕ್ ಎಕ್ಸ್​ಚೇಂಜ್​ನಲ್ಲಿ ನೆಟ್​ವೆಬ್ ಟೆಕ್ನಾಲಜೀಸ್ ಸಂಸ್ಥೆಯ ಷೇರುಗಳು ಲಿಸ್ಟ್ ಆಗಲಿವೆ.

ಕುತೂಹಲದ ಸಂಗತಿ ಎಂದರೆ ನೆಟ್​ವೆಬ್ ಟೆಕ್ನಾಲಜೀಸ್ (Netweb Technologies) ಐಪಿಒದಲ್ಲಿ ಇದ್ದುದ್ದಕ್ಕಿಂತ ಹೆಚ್ಚಿನ ಬೆಲೆಯ ಜಿಎಂಪಿ ಇದೆ. ಗ್ರೇ ಮಾರ್ಕೆಟ್ ಪ್ರೀಮಿಯಮ್​ನಲ್ಲಿ (GMP) ನೆಟ್​ವೆಬ್ ಟೆಕ್ನಾಲಜೀಸ್ 368 ರೂ ಬೆಲೆ ಪಡೆದಿದೆ. ಇದರ ಐಪಿಒ 375ರಿಂದ 400 ರೂ ಆಫರ್ ಇತ್ತು. ಜಿಎಂಪಿ ದರವಾದ 368 ರೂ ಅನ್ನು ಗಮನಿಸಿದರೆ ನೆಟ್​ವೆಬ್ ಟೆಕ್ನಾಲಜೀಸ್ ಸಂಸ್ಥೆ ಬಿಎಸ್​ಇನಲ್ಲಿ 868 ರೂಪಾಯಿಗೆ ಲಿಸ್ಟ್ ಆಗುವ ಸಾಧ್ಯತೆ ಇದೆ. ಅಂದರೆ ನೆಟ್​ವೆಬ್ ಸಂಸ್ಥೆಯ ಐಪಿಒ ಆಫರ್​ನಲ್ಲಿ ಷೇರುಖರೀದಿಸಿದವರೆ ಒಮ್ಮೆಗೇ ಶೇ. 75ರಷ್ಟು ಲಾಭ ಮಾಡಿಕೊಳ್ಳಲಿದ್ದಾರೆ.

ಇದನ್ನೂ ಓದಿ: BSE 148 Years: ಆಲದ ಮರದ ಕೆಳಗೆ ಶುರುವಾದ ಬಾಂಬೆ ಸ್ಟಾಕ್ ಎಕ್ಸ್​ಚೇಂಜ್​ನ 148 ವರ್ಷಗಳ ಇಂಟರೆಸ್ಟಿಂಗ್ ಇತಿಹಾಸ

ನೆಟ್​ವೆಬ್ ಟೆಕ್ನಾಲಜೀಸ್ 41 ಲಕ್ಷ ರೀಟೇಲ್ ಷೇರುಗಳು

ನೆಟ್​ವೆಬ್ ಟೆಕ್ನಾಲಜೀಸ್ ಸಂಸ್ಥೆ ಜುಲೈ 17ರಿಂದ 19ರವರೆಗೆ ಐಪಿಒ ಆಫರ್ ಕೊಟ್ಟಿತ್ತು. ಒಟ್ಟು 1,26,20,000 ಷೇರುಗಳನ್ನು ಮಾರಾಟಕ್ಕಿಡಲಾಗಿತ್ತು. ಇದರಲ್ಲಿ 41,20,000 ರೀಟೇಲ್ ಷೇರುಗಳಾಗಿದ್ದವು. ಉಳಿದವು ಇತರ ದೊಡ್ಡ ಹೂಡಿಕೆದಾರರಿಗೆ ಆಫರ್ ಕೊಡಲಾಗಿದೆ. ನೆಟ್​ವೆಬ್ ಟೆಕ್ನಾಲಜೀಸ್ ಸಂಸ್ಥೆ ಒಟ್ಟು 5,09,23,980 (5.1 ಕೋಟಿ) ಷೇರುಗಳನ್ನು ಹೊಂದಿದೆ.

ನೆಟ್​ವೆಬ್ ಟೆಕ್ನಾಲಜೀಸ್ ಐಪಿಒ ಅಲಾಟ್ಮೆಂಟ್ ಆಗಿದೆಯಾ ಪರಿಶೀಲಿಸುವ ವಿಧಾನ

ನೀವು ನೆಟ್​ವೆಬ್ ಐಪಿಒದಲ್ಲಿ ಷೇರುಗಳಿಗೆ ಬಿಡ್ ಸಲ್ಲಿಸಿದ್ದರೆ ಇವತ್ತು ಅಲಾಟ್ಮೆಂಟ್ ಘೋಷಣೆಯಲ್ಲಿ ನಿಮಗೆ ಷೇರು ಹಂಚಿಕೆ ಆಗಿದೆಯಾ ಎಂಬುದನ್ನು ತಿಳಿಯಬಹುದು. ಬಿಎಸ್​ಇ ವೆಬ್​ಸೈಟ್​ನಲ್ಲಿ ಈ ನೇರ ಲಿಂಕ್​ಗಳ ಮೂಲಕ ಪರಿಶೀಲನೆ ನಡೆಸಬಹುದು.

www.bseindia.com/investors/appli_check.aspx

linkintime.co.in/mipo/ipoallotment.html

ಇದನ್ನೂ ಓದಿ: Reliance: ಆರ್​ಐಎಲ್​ನಿಂದ ಡೀಮರ್ಜ್ ಆದ ಜಿಯೋ ಫೈನಾನ್ಷಿಯಲ್; 273 ರೂ ಷೇರುಬೆಲೆ ಪಡೆದ ಜೆಎಫ್​ಎಸ್​ಎಲ್

ಇಲ್ಲಿ ಐಪಿಒ ಅಪ್ಲಿಕೇಶನ್ ನಂಬರ್, ಪ್ಯಾನ್ ಇತ್ಯಾದಿ ವಿವರ ಕೊಟ್ಟು ಸಬ್ಮಿಟ್ ಮಾಡಿದರೆ ನಿಮಗೆ ಷೇರು ಅಲಾಟ್ ಆಗಿದೆಯಾ ಇಲ್ಲವಾ ಎಂಬುದು ತಿಳಿಯುತ್ತದೆ.

ಒಂದು ವೇಳೆ ನಿಮಗೆ ಷೇರು ಅಲಾಟ್ ಆಗದೇ ಇದ್ದರೆ ಜುಲೈ 25, ಮಂಗಳವಾರ ನಿಮ್ಮ ಹಣ ರೀಫಂಡ್ ಆಗುತ್ತದೆ. ಒಂದು ವೇಳೆ ಷೇರು ಅಲಾಟ್ಮೆಂಟ್ ಆಗಿದ್ದರೆ ಜುಲೈ 26ರಂದು ನಿಮ್ಮ ಡೀಮ್ಯಾಟ್ ಖಾತೆಗೆ ಷೇರುಗಳು ಕ್ರೆಡಿಟ್ ಆಗುತ್ತವೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ