ಧಾರ್ಮಿಕ ಸಂಸ್ಥೆಗಳು ನಿರ್ವಹಿಸುವ ಕಡಿಮೆ ದರದ ವಸತಿ ಗೃಹಗಳಿಗೆ ಜಿಎಸ್​ಟಿ ವಿನಾಯ್ತಿ: ಸಿಬಿಐಸಿ

ದೆಹಲಿ: ವಸತಿ ಗೃಹಗಳ ಮೇಲೆ ಸರಕು ಸೇವಾ ಸುಂಕ (Goods and Services Tax – GST) ವಿಧಿಸಿರುವ ಕೇಂದ್ರ ಸರ್ಕಾರವು ಇದೀಗ ನಿಯಮಗಳಿಗೆ ಸಂಬಂಧಿಸಿದಂತೆ ಎದ್ದಿದ್ದ ವಿವಾದವನ್ನು ಶಮನಗೊಳಿಸಲು ಮುಂದಾಗಿದೆ. ಧಾರ್ಮಿಕ ಅಥವಾ ದತ್ತಿ (ಚಾರಿಟೇಬಲ್) ಟ್ರಸ್ಟ್​ಗಳು ನಡೆಸುವ ವಸತಿ ಗೃಹಗಳಿಗೆ ಜಿಎಸ್​ಟಿ ಅನ್ವಯವಾಗುವುದಿಲ್ಲ ಎಂದು ಕೇಂದ್ರ ಸರ್ಕಾರವು ಸ್ಪಷ್ಟಪಡಿಸಿದೆ. ಈ ಮೂಲಕ ಜಿಎಸ್​ಟಿ ಬಗ್ಗೆ ಎದ್ದಿರುವ ಸಂದೇಹಗಳನ್ನು ಪರಿಹರಿಸಿದೆ.

‘ಸಮೂಹ ಮಾಧ್ಯಮ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಕೆಲ ಮೆಸೇಜ್​ಗಳಲ್ಲಿ ಧಾರ್ಮಿಕ ಅಥವಾ ಚಾರಿಟೇಬಲ್ ಟ್ರಸ್ಟ್​ಗಳು ನಡೆಸುವ ವಸತಿ ಗೃಹಗಳ ಮೇಲೆಯೂ ಜಿಎಸ್​ಟಿ ವಿಧಿಸಿದ್ದಾಗಿ ಆರೋಪಿಸಿವೆ. ಇದು ಸತ್ಯವಲ್ಲ’ ಎಂದು ಪರೋಕ್ಷ ತೆರಿಗೆಗಳು ಮತ್ತು ಅಬಕಾರಿ ಸುಂಕಗಳ ಕೇಂದ್ರೀಯ ಮಂಡಳಿ (Central Board of Indirect Taxes and Customs – CBIC) ಟ್ವೀಟ್ ಮೂಲಕ ಸ್ಪಷ್ಟಪಡಿಸಿದೆ.

ಚಂಡಿಗಡದಲ್ಲಿ ನಡೆದಿದ್ದ 47ನೇ ಜಿಎಸ್​ಟಿ ಮಂಡಳಿಯ ಸಭೆಯಲ್ಲಿ ₹ 1000ಕ್ಕೂ ಕಡಿಮೆ ದರ ವಿಧಿಸುತ್ತಿದ್ದ ಹೊಟೆಲ್ ವಸತಿ ಕೊಠಡಿಗಳಿಗೆ ನೀಡಿದ್ದ ಜಿಎಸ್​ಟಿ ವಿನಾಯ್ತಿ ಹಿಂಪಡೆದು, ಶೇ 12ರಷ್ಟು ತೆರಿಗೆ ವಿಧಿಸಲಾಗಿತ್ತು. ಈ ನಿಯಮದ ಬಗ್ಗೆ ಹಲವು ಪ್ರಶ್ನೆಗಳು ಉದ್ಭವಿಸಿದ್ದವು. ಸಿಖ್ ಸಮುದಾಯದ ಪ್ರಭಾವಿ ಹಾಗೂ ಮುಂಚೂಣಿ ಸಂಘಟನೆ ಶಿರೋಮಣಿ ಗುರುದ್ವಾರ ಪ್ರಬಂಧಕ ಸಮಿತಿ ಮತ್ತು ಆಮ್ ಆದ್ಮಿ ಪಕ್ಷದ ನಾಯಕರಾದ ರಾಘವ್ ಛಡ್ಡ ಜಿಎಸ್​ಟಿ ವಿಧಿಸುವ ನಿರ್ಧಾರವನ್ನು ಪ್ರಬಲವಾಗಿ ವಿರೋಧಿಸಿದ್ದರು.

However, there is another exemption which exempts renting of rooms in religious precincts by a charitable or religious trust, where amount charged for the room is less than Rs. 1000/- per day. This exemption continues to be in force without any change. (3/9)

— CBIC (@cbic_india) August 4, 2022

ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ರಾಜ್ಯಸಭಾ ಸದಸ್ಯ ರಾಘವ್ ಛಡ್ಡಾ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರನ್ನು ಭೇಟಿ ಮಾಡಿ, ಕಡಿಮೆ ದರ ವಿಧಿಸುವ ವಸತಿ ಗೃಹಗಳ ಮೇಲೆ ಜಿಎಸ್​ಟಿ ರದ್ದುಪಡಿಸುವಂತೆ ಆಗ್ರಹಿಸಿದ್ದರು. ಈ ಬೆಳವಣಿಗೆ ನಡೆದ ನಂತರ ಹಣಕಾಸು ಇಲಾಖೆಯು ಸ್ಪಷ್ಟನೆ ನೀಡಿದ್ದು, ಧಾರ್ಮಿಕ ಅಥವಾ ಚಾರಿಟೇಬಲ್ ಟ್ರಸ್ಟ್​ಗಳು ನಡೆಸುವ ವಸತಿ ಸೌಕರ್ಯಗಳ ಮೇಲೆ ತೆರಿಗೆ ಇರುವುದಿಲ್ಲ ಎಂದು ಹೇಳಿದೆ.

Certain sections of the media and social media are spreading the message that GST has recently been imposed with effect from 18 July, 2022 even on ‘Sarais’ run by religious/charitable trusts. This is not true. (1/9) The correct position is detailed below: @nsitharaman @PIB_India

— CBIC (@cbic_india) August 4, 2022

ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಮತ್ತೊಂದು ಟ್ವೀಟ್ ಮಾಡಿರುವ ಸಿಬಿಐಸಿ, ‘ಧಾರ್ಮಿಕ ಸ್ಥಳಗಳ ಆವರಣದಲ್ಲಿರುವ ವಸತಿ ಗೃಹಗಳು ₹ 1000ಕ್ಕಿಂತಲೂ ಕಡಿಮೆ ಶುಲ್ಕ ವಿಧಿಸಿದರೆ ಅದರ ಮೇಲೆಯೂ ಜಿಎಸ್​ಟಿ ಇರುವುದಿಲ್ಲ. ಈ ವಸತಿ ಗೃಹ ವಿಚಾರದಲ್ಲಿಯೂ ತೆರಿಗೆ ನಿಯಮಗಳು ಎಂದಿನಂತೆಯೇ ಮುಂದುವರಿಯಲಿವೆ’ ಎಂದು ಸ್ಪಷ್ಟಪಡಿಸಿದೆ.

This view has been consistently taken by the Centre even in the pre-GST regime. State Tax authorities may also take the same view in their jurisdiction. (8/9)

— CBIC (@cbic_india) August 4, 2022

ಶಿರೋಮಣಿ ಗುರುದ್ವಾರ ಪ್ರಬಂಧ ಸಮಿತಿ ನಿರ್ವಹಿಸುತ್ತಿರುವ ಗುರು ಗೋವಿಂದ್ ಸಿಂಗ್ ಎನ್​ಆರ್​ಐ ನಿವಾಸ್, ಬಾಬಾ ದೀಪ್ ಸಿಂಗ್ ನಿವಾಸ್ ಮತ್ತು ಮಾತಾ ಭಾಗ್ ಕೌಸ್​ ನಿವಾಸಗಳು ಕಳೆದ ಜುಲೈ 18ರಿಂದಲೇ ಜಿಎಸ್​ಟಿ ಪಾವತಿಸುತ್ತಿವೆ ಎಂದು ಕೆಲ ಮಾಧ್ಯಮಗಳ ವರದಿಗಳನ್ನು ಉಲ್ಲೇಖಿಸಿ ಸಿಬಿಐಸಿ ತಿಳಿಸಿದೆ. ಸಾರಿಯಾಸ್ ಎಂದು ಕರೆಯುವ ಈ ವಸತಿ ಗೃಹಗಳು ಸ್ವಯಂ ಪ್ರೇರಣೆಯಿಂದ ಜಿಎಸ್​ಟಿ ಪಾವತಿ ಆರಂಭಿಸಿರಬಹುದು. ದೇಶದಲ್ಲಿ ಜಿಎಸ್​ಟಿ ಜಾರಿಗೆ ಮೊದಲೂ ಇಂಥ ವಸತಿಗೃಹಗಳಿಗೆ ತೆರಿಗೆ ವಿಧಿಸುತ್ತಿರಲಿಲ್ಲ ಎಂದು ಹೇಳಿದೆ.

Published On - 12:33 pm, Fri, 5 August 22