ಮನೆಗೆ ಡೆಲಿವರಿ ಬರುತ್ತವೆ ಪತಂಜಲಿ ಉತ್ಪನ್ನಗಳು; ಪತಂಜಲಿ ವೆಬ್​ನಲ್ಲಿ ಆನ್ಲೈನ್ ಶಾಪಿಂಗ್

ಯೋಗ ಗುರು ಬಾಬಾ ರಾಮದೇವ್ ಅವರ ಪತಂಜಲಿ ಸಂಸ್ಥೆ (Patanjali Ayurveda) ತನ್ನ ಗ್ರಾಹಕರಿಗೆ ಆನ್‌ಲೈನ್ ಶಾಪಿಂಗ್ ಸೌಲಭ್ಯ ನೀಡುತ್ತಿದೆ. ಪತಂಜಲಿ ಉತ್ಪನ್ನಗಳನ್ನು ಕೊಳ್ಳಲು ನೀವು ಅಂಗಡಿಗೆಯೇ ತೆರಳಬೇಕಿಲ್ಲ. ನಿಮ್ಮ ಮನೆಯಲ್ಲೇ ಕೂತು ಬೇಕಾದ ಉತ್ಪನ್ನಗಳನ್ನು ಆನ್​ಲೈನ್​ನಲ್ಲಿ ಆರ್ಡರ್ ಮಾಡಬಹುದು. ಅಮೇಜಾನ್, ಫ್ಲಿಪ್​ಕಾರ್ಟ್​ನಂತಹ ಆನ್ಲೈನ್ ಪ್ಲಾಟ್​ಫಾರ್ಮ್​ಗಳಲ್ಲಿ (Online platform) ಶಾಪಿಂಗ್ ಮಾಡುವ ರೀತಿಯಲ್ಲಿ ಪತಂಜಲಿ ವೆಬ್​ಸೈಟ್​ನಿಂದಲೇ ನೀವು ಖರೀದಿಸಬಹುದು. ಈ ಪತಂಜಲಿ ವೆಬ್​ನಲ್ಲಿ ನೀವು ಉತ್ಪನ್ನಗಳನ್ನು ಖರೀದಿಸಿದರೆ ಶೇ. 10ರವರೆಗೂ ರಿಯಾಯಿತಿ ಪಡೆಯಲು ಅವಕಾಶ ಇರುತ್ತದೆ.

ಪತಂಜಲಿಯ ಅಧಿಕೃತ ಆನ್‌ಲೈನ್ ಪ್ಲಾಟ್​ಫಾರ್ಮ್​ನಲ್ಲಿ ಜನರು ಪತಂಜಲಿಯ ವಿವಿಧ ಉತ್ಪನ್ನಗಳನ್ನು ಖರೀದಿಸಿ ತಮ್ಮ ಮನೆ ಬಾಗಿಲಿಗೆ ತರಿಸಿಕೊಳ್ಳಬಹುದು. ಪತಂಜಲಿಯ ವಿವಿಧ ಸೋಪುಗಳು, ಟೂತ್​ಪೇಸ್ಟ್, ಹಿಟ್ಟು, ತುಪ್ಪ, ಹರ್ಬಲ್ ಜ್ಯೂಸ್ ಸೇರಿದಂತೆ ನೂರಾರು ಉತ್ಪನನ್ಗಳನ್ನು ವೆಬ್​ಸೈಟ್​ನಲ್ಲಿ ಆರ್ಡರ್ ಮಾಡಬಹುದು. ಪತಂಜಲಿ ಆ್ಯಪ್​ನಲ್ಲೂ ಕೂಡ ಇವುಗಳನ್ನು ಖರೀದಿಸಿ, ಮನೆಗೆ ಡೆಲಿವರಿ ತರಿಸಬಹುದು. ಈ ಆನ್ಲೈನ್ ಪ್ಲಾಟ್​ಫಾರ್ಮ್​ನಿಂದ ಪತಂಜಲಿ ಉತ್ಪನ್ನಗಳು ಗ್ರಾಮೀಣ ಹಾಗೂ ಪಟ್ಟಣ ಪ್ರದೇಶಗಳ ಗ್ರಾಹಕರನ್ನೂ ತಲುಪಲು ಸಾಧ್ಯವಾಗುತ್ತದೆ.

ಇದನ್ನೂ ಓದಿ: ಪಶ್ಚಿಮ ಯುಪಿ ಅಭಿವೃದ್ಧಿಗೆ ಪತಂಜಲಿ ಸಹಕಾರ; ಏರ್​ಪೋರ್ಟ್ ಸಮೀಪ ಅಗ್ರಿ ಎಕ್ಸ್​ಪೋರ್ಟ್ ಹಬ್

ಗ್ರಾಹಕರಿಗೆ 10% ವರೆಗೆ ರಿಯಾಯಿತಿ

ಆನ್‌ಲೈನ್ ಪ್ಲಾಟ್‌ಫಾರ್ಮ್‌ನಿಂದ ಖರೀದಿಸುವಾಗ ಗ್ರಾಹಕರು 10% ವರೆಗೆ ರಿಯಾಯಿತಿ ಸಹ ಪಡೆಯುತ್ತಾರೆ. ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಪತಂಜಲಿ (PNB-ಪತಂಜಲಿ) ಕ್ರೆಡಿಟ್ ಕಾರ್ಡ್ ಮತ್ತು RBL ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ನೊಂದಿಗೆ, ನೀವು 10% ಕ್ಯಾಶ್‌ಬ್ಯಾಕ್ ಪಡೆಯಬಹುದು. ಜೊತೆಗೆ, ಕೆಲವು ಉತ್ಪನ್ನಗಳಿಗೆ ಫ್ರೀ ಡೆಲಿವರಿ ಸೇವೆಯೂ ಇರುತ್ತದೆ. patanjaliayurved.net ವೆಬ್‌ಸೈಟ್‌ನಿಂದ ನೀವು ಪತಂಜಲಿಯ ಯಾವುದೇ ಉತ್ಪನ್ನವನ್ನು ಆರ್ಡರ್ ಮಾಡಬಹುದು. ಪತಂಜಲಿ ಆಯುರ್ವೇದವು ವಿವಿಧ ಔಷಧಗಳನ್ನೂ ಆನ್​ಲೈನ್ ಪ್ಲಾಟ್​ಫಾರ್ಮ್​ನಲ್ಲಿ ಲಭ್ಯ ಇರಿಸಿದೆ.

ಆನ್​ಲೈನ್​ನಲ್ಲಿ ಆರ್ಡರ್ ಮಾಡುವ ಕ್ರಮ

• ಪತಂಜಲಿ ವೆಬ್​ಸೈಟ್​ನ ಅಧಿಕೃತ ವೆಬ್​ಸೈಟ್ www.patanjaliayurved.net ಗೆ ಹೋಗಿ
• ಫ್ಲಿಪ್‌ಕಾರ್ಟ್ ಅಥವಾ ಅಮೆಜಾನ್‌ನಲ್ಲಿ ಲಾಗಿನ್ ಆಗುವ ರೀತಿಯಲ್ಲೇ ಪತಂಜಲಿ ವೆಬ್​ಸೈಟ್​ನಲ್ಲೂ ನಿಮ್ಮ ಖಾತೆ ವಿವರಗಳನ್ನು ನಮೂದಿಸುವ ಮೂಲಕ ಲಾಗಿನ್ ಆಗಬೇಕು,
• ಹೆಸರು, ವಿಳಾಸ, ಮೊಬೈಲ್ ನಂಬರ್ ಇತ್ಯಾದಿಯನ್ನು ಕೇಳಲಾಗುತ್ತದೆ. ಅವನ್ನು ಸರಿಯಾಗಿ ನಮೂದಿಸಿ ಲಾಗಿನ್ ಆಗಬೇಕು.
• ನಿಮಗೆ ಬೇಕಾದ ಉತ್ಪನ್ನಗಳನ್ನು ಆಯ್ಕೆ ಮಾಡಿಕೊಂಡು ಕಾರ್ಟ್​ಗೆ ಸೇರಿಸಿ
• ಇದಾದ ಬಳಿಕ ‘ಆರ್ಡರ್ಸ್​’ಗೆ ಹೋಗಿ, ಅಲ್ಲಿ ವಿಳಾಸ ಆಯ್ಕೆ ಮಾಡಿಕೊಂಡು ಆನ್​ಲೈನ್​ನಲ್ಲಿ ಹಣವನ್ನೂ ಪಾವತಿಸಿ.

ಇದನ್ನೂ ಓದಿ: ಪತಂಜಲಿ ವೆಲ್ನೆಸ್​ನಿಂದ ಬದಲಾದ ಜೀವನ; ಜನರ ಅನುಭವಗಳ ಕಥೆ ಕೇಳಿ

ಹೀಗೆ ಬುಕ್ ಮಾಡಲಾದ ಸರಕುಗಳು ಕೆಲ ದಿನಗಳಲ್ಲೇ ನೀವು ನಮೂದಿಸಿದ ವಿಳಾಸಕ್ಕೆ ಡೆಲಿವರಿ ಆಗುತ್ತವೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ