Oil Price: ಪೆಟ್ರೋಲ್, ಡೀಸೆಲ್ ಬೆಲೆ ಲೀಟರ್ಗೆ 15 ರೂಪಾಯಿ ಏರಿಕೆ ಸಾಧ್ಯತೆಯ ನಿರೀಕ್ಷೆಯಲ್ಲಿ ತಜ್ಞರು
ಪೆಟ್ರೋಲ್, ಡೀಸೆಲ್ ಬೆಲೆ ಲೀಟರ್ಗೆ 15 ರೂಪಾಯಿಯಷ್ಟು ಏರಿಕೆ ಆಗಬಹುದು ಎಂಬ ನಿರೀಕ್ಷೆಯಿದ್ದು, ಉಕ್ರೇನ್ನ ಬಿಕ್ಕಟ್ಟಿನ ಪರಿಣಾಮದಿಂದ ಈ ಬೆಳವಣಿಗೆ ಆಗಿದೆ.
ಉತ್ತರಪ್ರದೇಶ ಸೇರಿದಂತೆ ಐದು ರಾಜ್ಯಗಳ ವಿಧಾನಸಭೆ ಚುನಾವಣೆಗೆ ಪೂರ್ವಭಾವಿಯಾಗಿ ನಾಲ್ಕು ತಿಂಗಳ ಕಾಲ ದರವನ್ನು ಸ್ಥಿರವಾಗಿ ಇರಿಸಿಕೊಂಡಿದ್ದರಿಂದ ತೈಲ ದರ (Oil Price) ಪ್ರತಿ ಬ್ಯಾರೆಲ್ಗೆ 13 ವರ್ಷಗಳ ಗರಿಷ್ಠ ಮಟ್ಟವಾದ 140 ಯುಎಸ್ಡಿ ತಲುಪಿದ್ದರ ಹೊರತಾಗಿಯೂ ಬೆಲೆ ಏರಿಕೆ ಮಾಡಿರಲಿಲ್ಲ. ಇದೀಗ ಸಂಗ್ರಹವಾದ ನಷ್ಟವನ್ನು ಸರಿದೂಗಿಸಲು ತೈಲ ಕಂಪೆನಿಗಳು ತಯಾರಿ ನಡೆಸುತ್ತಿದ್ದು, ಅಂತಾರಾಷ್ಟ್ರೀಯ ತೈಲ ಬೆಲೆಗಳು ಈ ವಾರದಲ್ಲಿ ಏರಿಕೆ ಆಗುವ ಸಾಧ್ಯತೆಯಿದೆ. ಇಂಧನದ ಪ್ರತಿ ಲೀಟರ್ ಅಸಲಿನ ಮೊತ್ತಕ್ಕೆ ಬರಬೇಕು ಅಂದರೆ, ಲೀಟರ್ಗೆ ರೂ. 15 ಹೆಚ್ಚಿಸಬೇಕಾಗಿದೆ ಎಂದು ಉದ್ಯಮದ ಮೂಲಗಳು ತಿಳಿಸಿವೆ. ಅಮೆರಿಕದ ತೈಲ ಮಾನದಂಡವಾದ ವೆಸ್ಟ್ ಟೆಕ್ಸಾಸ್ ಇಂಟರ್ಮೀಡಿಯೇಟ್ ಕಚ್ಚಾ ಫ್ಯೂಚರ್ ಭಾನುವಾರ ಸಂಜೆ ಪ್ರತಿ ಬ್ಯಾರೆಲ್ಗೆ 130.50 ಡಾಲರ್ಗೆ ಏರಿದ್ದು, ಇದು ಇಳಿಕೆ ಆಗುವ ಮೊದಲು 2008ರ ಜುಲೈನಿಂದ ಈಚೆಗೆ ಇದು ಅತ್ಯಧಿಕವಾಗಿದೆ. ಅಂತಾರಾಷ್ಟ್ರೀಯ ಮಾನದಂಡವಾದ ಬ್ರೆಂಟ್ ಕಚ್ಚಾ ತೈಲ ರಾತ್ರೋರಾತ್ರಿ ಒಂದು ಹಂತದಲ್ಲಿ ಗರಿಷ್ಠ 139.13 ಯುಎಸ್ಡಿ ಅನ್ನು ಮುಟ್ಟಿತು, ಇದು 2008ರ ಜುಲೈ ನಂತರ ಅತ್ಯಧಿಕವಾಗಿದೆ.
ಈ ಎಲ್ಲವನ್ನೂ ಒಗ್ಗೂಡಿಸಿ ಹೇಳುವುದಾದರೆ, ರೂಪಾಯಿ ಮೌಲ್ಯವು ಸೋಮವಾರ ಪ್ರತಿ ಡಾಲರ್ಗೆ ದಾಖಲೆಯ ಕನಿಷ್ಠ 77.01ಕ್ಕೆ ಕುಸಿಯಿತು. ಭಾರತವು ತನ್ನ ತೈಲ ಅಗತ್ಯದ ಸುಮಾರು ಶೇ 85ರಷ್ಟನ್ನು ಪೂರೈಸಲು ವಿದೇಶೀ ಖರೀದಿಗಳನ್ನು ಅವಲಂಬಿಸಿದ್ದು, ಇದು ಹೆಚ್ಚಿನ ತೈಲ ಬೆಲೆಗಳಿಗೆ ಏಷ್ಯಾದಲ್ಲಿ ಅತ್ಯಂತ ದುರ್ಬಲವಾಗಿದೆ. ತೈಲ ಬೆಲೆಗಳ ಅವಳಿ ಹೊಡೆತ ಬಿದ್ದಿದೆ. ಈಗಾಗಲೇ ಈ ವರ್ಷ ಶೇಕಡಾ 60ಕ್ಕಿಂತ ಹೆಚ್ಚು ಏರಿಕೆಯಾಗಿದೆ ಮತ್ತು ದುರ್ಬಲಗೊಳ್ಳುತ್ತಿರುವ ರೂಪಾಯಿಯು ದೇಶದ ಹಣಕಾಸು ಸ್ಥಿತಿಯನ್ನು ಹಾನಿಗೊಳಿಸಬಹುದು. ಹೊಸ ಆರ್ಥಿಕ ಚೇತರಿಕೆ ಹೆಚ್ಚಿಸಬಹುದು ಮತ್ತು ಹಣದುಬ್ಬರವನ್ನು ಹೆಚ್ಚಿಸಿದೆ. ಹಿಂದಿನ 15 ದಿನಗಳಲ್ಲಿ ಬೆಂಚ್ಮಾರ್ಕ್ ಅಂತರಾಷ್ಟ್ರೀಯ ದರಕ್ಕೆ ಅನುಗುಣವಾಗಿ 2017ರಿಂದ ಈಚೆಗೆ ಇಂಧನ ಬೆಲೆಗಳನ್ನು ಪ್ರತಿ ದಿನ ಸರಿಹೊಂದಿಸಲಾಗುತ್ತಿದೆ. ಆದರೆ ನವೆಂಬರ್ 4, 2021ರಿಂದ ದರಗಳು ಹಾಗೇ ಉಳಿದುಕೊಂಡಿವೆ. ತೈಲ ಸಚಿವಾಲಯದ ಪೆಟ್ರೋಲಿಯಂ ಯೋಜನೆ ಮತ್ತು ವಿಶ್ಲೇಷಣಾ ಸೆಲ್ನ (ಪಿಪಿಎಸಿ) ಮಾಹಿತಿ ಪ್ರಕಾರ ಭಾರತವು ಖರೀದಿಸುವ ಕಚ್ಚಾ ತೈಲದ ಬುಟ್ಟಿಯು ಮಾರ್ಚ್ 1ರಂದು ಪ್ರತಿ ಬ್ಯಾರೆಲ್ಗೆ 111 ಯುಎಸ್ಡಿಗಿಂತ ಹೆಚ್ಚಿದೆ.
ನಾಲ್ಕು ತಿಂಗಳ ಹಿಂದೆ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳನ್ನು ಸ್ಥಗಿತಗೊಳಿಸುವ ಸಮಯದಲ್ಲಿ ಭಾರತೀಯ ಬ್ಯಾಸ್ಕೆಟ್ ಕಚ್ಚಾ ತೈಲದ ಪ್ರತಿ ಬ್ಯಾರೆಲ್ ಬೆಲೆ ಸರಾಸರಿ 81.5 ಯುಎಸ್ಡಿ ಇತ್ತು. “ಸೋಮವಾರದಂದು ಕೊನೆ ಹಂತದ ಮತದಾನ ಮುಕ್ತಾಯ ಆಗುವುದರೊಂದಿಗೆ ಸರ್ಕಾರಿ ಸ್ವಾಮ್ಯದ ಇಂಧನ ರೀಟೇಲ್ ವ್ಯಾಪಾರಿಗಳಿಗೆ ದೈನಂದಿನ ಬೆಲೆ ಪರಿಷ್ಕರಣೆಗೆ ಮರಳಲು ಸರ್ಕಾರವು ಅನುಮತಿಸುವ ನಿರೀಕ್ಷೆಯಿದೆ,” ಎಂದು ಸಂಬಂಧಿಸಿದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಆದರೆ ತೈಲ ಕಂಪೆನಿಗಳು ಸಂಪೂರ್ಣ ನಷ್ಟವನ್ನು ಒಂದೇ ಬಾರಿಗೆ ವರ್ಗಾಯಿಸುವ ನಿರೀಕ್ಷೆಯಿಲ್ಲ ಮತ್ತು ಅವರು ಅದನ್ನು ಮಿತಗೊಳಿಸುತ್ತದೆ – ಪ್ರತಿದಿನ ಲೀಟರ್ಗೆ 50 ಪೈಸೆಗಿಂತ ಕಡಿಮೆ ದರವನ್ನು ಹೆಚ್ಚಿಸುತ್ತಾರೆ.
ಕಳೆದ ತಿಂಗಳು ರಷ್ಯಾ ತನ್ನ ಪಡೆಗಳನ್ನು ಉಕ್ರೇನ್ ಗಡಿಯಲ್ಲಿ ನಿಲ್ಲಿಸಿದಾಗಿನಿಂದ ಅಂತರರಾಷ್ಟ್ರೀಯ ತೈಲ ಬೆಲೆಗಳು ವಿಪರೀತ ಏರಿಕೆ ಆಗುತ್ತಲೇ ಇವೆ. ಉಕ್ರೇನ್ನಲ್ಲಿನ ಸಂಘರ್ಷ ಅಥವಾ ಪ್ರತೀಕಾರವಾಗಿ ಪಾಶ್ಚಾತ್ಯರ ನಿರ್ಬಂಧಗಳಿಂದ ರಷ್ಯಾದಿಂದ ತೈಲ ಮತ್ತು ಅನಿಲ ಪೂರೈಕೆ ಅಡ್ಡಿಪಡಿಸಬಹುದು ಎಂಬ ಭಯದಿಂದ ಇಂಥ ಬೆಳವಣಿಗೆ ಆಗಿದೆ. ಪಾಶ್ಚಾತ್ಯ ನಿರ್ಬಂಧಗಳು ಇಲ್ಲಿಯವರೆಗೆ ಇಂಧನ ವ್ಯವಹಾರವನ್ನು ನಿರ್ಬಂಧದಿಂದ ಹೊರಗಿಟ್ಟಿದ್ದರೂ ರಷ್ಯಾದ ತೈಲ ಮತ್ತು ಉತ್ಪನ್ನಗಳ ಸಂಪೂರ್ಣ ನಿರ್ಬಂಧದ ನಿರೀಕ್ಷೆಯು ಅಂತರರಾಷ್ಟ್ರೀಯ ತೈಲ ಬೆಲೆಗಳಲ್ಲಿ ಇತ್ತೀಚಿನ ಭಾರೀ ಏರಿಕೆಗೆ ಕಾರಣವಾಗಿದೆ.
ರೇಟಿಂಗ್ ಏಜೆನ್ಸಿ ICRA ವರದಿಯಲ್ಲಿ ತಿಳಿಸಿರುವಂತೆ, ಕಚ್ಚಾ ತೈಲ ಬೆಲೆಯು ಬ್ಯಾರೆಲ್ಗೆ ಸರಾಸರಿ ಯುಎಸ್ಡಿ 130 ಆಗಿದ್ದರೆ, ದಶಕದಲ್ಲಿ ಮೊದಲ ಬಾರಿಗೆ ಶೇಕಡಾ 3ರಷ್ಟು ದಾಟಿದೆ. 2022-23ರಲ್ಲಿ ಭಾರತದ ಚಾಲ್ತಿ ಖಾತೆ ಕೊರತೆಯು ಜಿಡಿಪಿಯ ಶೇ 3.2ಕ್ಕೆ ಹೆಚ್ಚಾಗುತ್ತದೆ ಎಂದು ನಿರೀಕ್ಷಿಸಲಾಗುತ್ತಿದೆ ಎಂದು ಹೇಳಿದೆ. “ಉಕ್ರೇನ್ ಸಂಘರ್ಷ ಕಡಿಮೆ ಆಗುವವರೆಗೆ ಡಾಲರ್-ರೂಪಾಯಿ ಮೌಲ್ಯವು ಪ್ರತಿ ಡಾಲರ್ಗೆ 76ರಿಂದ 79ರ ವ್ಯಾಪ್ತಿಯಲ್ಲಿ ವಹಿವಾಟು ನಡೆಸಲಿದೆ ಎಂದು ನಾವು ನಿರೀಕ್ಷಿಸುತ್ತೇವೆ,” ಎಂಬುದಾಗಿ ಅದು ಹೇಳಿದೆ. ಭಾರತೀಯ ಕಚ್ಚಾ ಬ್ಯಾಸ್ಕೆಟ್ನ ಸರಾಸರಿ ಬೆಲೆಯಲ್ಲಿ ಪ್ರತಿ ಬ್ಯಾರೆಲ್ಗೆ ಪ್ರತಿ 10 ಯುಎಸ್ಡಿ ಏರಿಕೆಗೆ ಚಾಲ್ತಿ ಖಾತೆ ಕೊರತೆ (ಸಿಎಡಿ) 14-15 ಶತಕೋಟಿ ಯುಎಸ್ಡಿ (ಜಿಡಿಪಿಯ 0.4 ಶೇಕಡಾ)ರಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ.
ಯುರೋಪಿನ ನೈಸರ್ಗಿಕ ಅನಿಲದ ಮೂರನೇ ಒಂದು ಭಾಗವನ್ನು ಮತ್ತು ಜಾಗತಿಕ ತೈಲ ಉತ್ಪಾದನೆಯ ಸುಮಾರು ಶೇ 10ರಷ್ಟನ್ನು ರಷ್ಯಾವು ಹೊಂದಿದೆ. ಯುರೋಪ್ಗೆ ರಷ್ಯಾದ ಅನಿಲ ಸರಬರಾಜಿನ ಮೂರನೇ ಒಂದು ಭಾಗವು ಸಾಮಾನ್ಯವಾಗಿ ಉಕ್ರೇನ್ ದಾಟುವ ಪೈಪ್ಲೈನ್ಗಳ ಮೂಲಕ ಹೋಗುತ್ತದೆ. ಸದ್ಯಕ್ಕೆ ಪೂರೈಕೆಗಳು ಭಾರತಕ್ಕೆ ಸ್ವಲ್ಪ ಚಿಂತೆ ಎನಿಸಿದರೂ ಬೆಲೆಗಳು ಆತಂಕಕ್ಕೆ ಕಾರಣವಾಗಿವೆ. ದೆಹಲಿಯಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ ರೂ. 95.41 ಮತ್ತು ಡೀಸೆಲ್ ಬೆಲೆ ರೂ. 86.67 ಆಗಿದೆ. ದೆಹಲಿ ಸರ್ಕಾರದಿಂದ ಅಬಕಾರಿ ಸುಂಕ ಕಡಿತ ಮತ್ತು ವ್ಯಾಟ್ ದರದಲ್ಲಿ ಕಡಿತವನ್ನು ಲೆಕ್ಕ ಹಾಕಿದ ನಂತರ ಈ ಬೆಲೆಗೆ ಬಂದಿದೆ.