ರೆಪೋ ದರ ಯಥಾಸ್ಥಿತಿ, ತಟಸ್ಥ ನೀತಿ; ಜಿಡಿಪಿ ಶೇ. 6.7, ಹಣದುಬ್ಬರ ಶೇ. 5; ಇದು ಆರ್ಬಿಐ ಎಂಪಿಸಿ ಸಭೆ ಮುಖ್ಯಾಂಶಗಳು
RBI MPC meeting updates: ಆರ್ಬಿಐನ ಮಾನಿಟರಿ ಪಾಲಿಸಿ ಕಮಿಟಿ ತನ್ನ ದರಗಳನ್ನು ಪ್ರಕಟಿಸಿದ್ದು, ರೆಪೋ ದರವನ್ನು ಶೇ. 5.25ರಲ್ಲಿ ಮುಂದುವರಿಸಿದೆ. ಇತರ ದರಗಳೂ ಯಥಾಸ್ಥಿತಿಯಲ್ಲಿ ಮುಂದುವರಿಸಲಾಗಿದೆ. ಜಿಡಿಪಿ ಈ ಹಣಕಾಸು ವರ್ಷ ಶೇ. 6.7ರಷ್ಟು ಉತ್ತಮ ಬೆಳವಣಿಗೆ ಕಾಣಬಹುದು ಎಂದು ಎಂಪಿಸಿ ಅಂದಾಜಿಸಿದೆ. ಹಣದುಬ್ಬರ ಶೇ. 5ಕ್ಕೆ ಸೀಮಿತವಾಗಬಹುದು ಎಂದು ರಿಸರ್ವ್ ಬ್ಯಾಂಕ್ ನಿರೀಕ್ಷಿಸಿದೆ.
Updated on:Aug 05, 2026 | 10:45 AM
ಮುಖ್ಯಾಂಶಗಳು
- ಆರ್ಬಿಐ ತನ್ನ ರೆಪೋ ದರವನ್ನು ಶೇ. 5.25ರಲ್ಲಿ ಮುಂದುವರಿಸಿದೆ.
- ಜಿಡಿಪಿ ಈ ವರ್ಷ ಶೇ. 6.7ರಷ್ಟು ಬೆಳವಣಿಗೆ ಕಾಣಬಹುದು ಎಂದು ಎಂಪಿಸಿ ಅಂದಾಜಿಸಿದೆ.
- ಹಣದುಬ್ಬರ ಶೇ. 5ಕ್ಕೆ ಸೀಮಿತವಾಗಬಹುದು ಎಂದು ರಿಸರ್ವ್ ಬ್ಯಾಂಕ್ ನಿರೀಕ್ಷಿಸಿದೆ.
ನವದೆಹಲಿ, ಆಗಸ್ಟ್ 5: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ತನ್ನ ದ್ವೈಮಾಸಿಕ ಹಣಕಾಸು ನೀತಿ ಸಮಿತಿ (MPC) ಸಭೆಯ ನಿರ್ಧಾರಗಳನ್ನು ಪ್ರಕಟಿಸಿದ್ದು, ಪ್ರಮುಖ ಬಡ್ಡಿದರವಾದ ರೆಪೋ ದರವನ್ನು ಶೇ. 5.25 ರಲ್ಲಿ ಯಥಾಸ್ಥಿತಿಯಲ್ಲಿ ಕಾಯ್ದುಕೊಳ್ಳಲು ಸರ್ವಾನುಮತದಿಂದ ನಿರ್ಧರಿಸಿದೆ. ಜಾಗತಿಕ ಅಸ್ಥಿರತೆ ಮತ್ತು ಹಣದುಬ್ಬರದ ಕಳವಳಗಳ ನಡುವೆಯೂ ಆರ್ಬಿಐ ತನ್ನ ‘ತಟಸ್ಥ’ (Neutral) ನೀತಿ ನಿಲುವನ್ನು ಮುಂದುವರಿಸಿದೆ. ಆಗಸ್ಟ್ 3ರಿಂದ ನಡೆದ ಎಂಪಿಸಿ ಸಭೆ ಇಂದು ಮುಕ್ತಾಯಗೊಂಡಿದ್ದು, ಗವರ್ನರ್ ಸಂಜಯ್ ಮಲ್ಹೋತ್ರಾ ಪತ್ರಿಕಾಗೋಷ್ಠಿಯಲ್ಲಿ ಪಾಲಿಸಿ ನಿರ್ಧಾರಗಳನ್ನು ಪ್ರಕಟಿಸಿದ್ದಾರೆ.
ಆರ್ಬಿಐನ ವಿವಿಧ ದರಗಳು
- ರೆಪೋ ದರ (Repo Rate): ಶೇ. 5.25
- ನೀತಿ ನಿಲುವು (Policy Stance): ತಟಸ್ಥ (Neutral)
- ಎಸ್‌ಡಿಎಫ್ ದರ (Standing Deposit Facility): ಶೇ. 5.00
- ಎಂಎಸ್‌ಎಫ್ ದರ (Marginal Standing Facility: ಶೇ. 5.50
ಇದನ್ನೂ ಓದಿ: ಒಬ್ಬ ವ್ಯಕ್ತಿ ತನ್ನ ಹೆಸರಿನಲ್ಲಿ ಎಷ್ಟು ಹಣ ಫಿಕ್ಸೆಡ್ ಡೆಪಾಸಿಟ್ ಇಡಬಹುದು?
ಹಣದುಬ್ಬರ ಈ ವರ್ಷ ಶೇ. 5 ಎಂದು ಅಂದಾಜು
ರೀಟೇಲ್ ಹಣದುಬ್ಬರ ಅಥವಾ ಸಿಪಿಐ ಆಧಾರಿತ ಹಣದುಬ್ಬರವು ನಿಗದಿತ ಗುರಿಗಿಂತ ಹೆಚ್ಚು ಇರಲಿದೆ ಎಂದು ಆರ್ಬಿಐ ಗವರ್ನರ್ ಸಂಜಯ್ ಮಲ್ಹೋತ್ರಾ ತಿಳಿಸಿದರು. ಆರ್ಬಿಐನ ಎಂಪಿಸಿ ಸಭೆಯು ಈ ವರ್ಷದಲ್ಲಿ ಹಣದುಬ್ಬರ ಶೇ. 5ರಷ್ಟು ಇರಬಹುದು ಎಂದು ಅಂದಾಜು ಮಾಡಿದೆ. ಆರ್ಬಿಐ ಹಣದುಬ್ಬರ ಅಂದಾಜು ಈ ರೀತಿ ಇದೆ.
2026-27ರಲ್ಲಿ ಹಣದುಬ್ಬರ ಹೀಗಿರಬಹುದು:
ಒಟ್ಟು ರೀಟೇಲ್ ಹಣದುಬ್ಬರ ಶೇ. 5
- ಕ್ವಾರ್ಟರ್ 1: ಶೇ. 5.3
- ಕ್ವಾರ್ಟರ್ 2: ಶೇ. 4.7
- ಕ್ವಾರ್ಟರ್ 3: ಶೇ. 4.9
- ಕ್ವಾರ್ಟರ್ 4: ಶೇ. 5.5
ಇದನ್ನೂ ಓದಿ: ಎಂಡಿಆರ್ ಶುಲ್ಕ ಜಾರಿಯಾದರೆ 3,000 ರೂಗಿಂತ ಹೆಚ್ಚಿನ ಪಾವತಿಗೆ ಶೇ. 53 ಮಂದಿ ಹಿಂದೇಟು; ಸಮೀಕ್ಷೆ ಅಭಿಪ್ರಾಯ
ಜಿಡಿಪಿ ಈ ಹಣಕಾಸು ವರ್ಷ ಶೇ. 6.7: ಆರ್ಬಿಐ ಎಂಪಿಸಿ
ರಿಸರ್ವ್ ಬ್ಯಾಂಕ್ನ ಹಣಕಾಸು ನೀತಿ ಸಮಿತಿಯು ಭಾರತದ ಜಿಡಿಪಿ ಬೆಳವಣಿಗೆ ಈ ಹಣಕಾಸು ವರ್ಷದಲ್ಲಿ ಶೇ. 6.7ರಷ್ಟು ಹೆಚ್ಚಬಹುದು ಎಂದು ಅಂದಾಜು ಮಾಡಿದೆ. ಇದು ಉತ್ತಮ ಬೆಳವಣಿಗೆ ಎನಿಸಲಿದೆ. ತ್ರೈಮಾಸಿಕವಾರು ಜಿಡಿಪಿ ಅಂದಾಜು ದರ ಇಂತಿದೆ:
- ಕ್ವಾರ್ಟರ್ 1: ಶೇ. 7
- ಕ್ವಾರ್ಟರ್ 2: ಶೇ. 6.4
- ಕ್ವಾರ್ಟರ್ 3: ಶೇ. 6.5
- ಕ್ವಾರ್ಟರ್ 4: ಶೇ. 6.8
ಸಾಲಗಾರರ ಮೇಲಾಗುವ ಪರಿಣಾಮ: ರೆಪೋ ದರದಲ್ಲಿ ಯಾವುದೇ ಬದಲಾವಣೆ ಮಾಡದಿರುವುದರಿಂದ ಬ್ಯಾಂಕ್‌ಗಳ ಗೃಹ ಸಾಲ (Home Loan), ವಾಹನ ಸಾಲ (Car Loan) ಮತ್ತು ವೈಯಕ್ತಿಕ ಸಾಲಗಳ (Personal Loan) ಮಾಸಿಕ ಕಂತುಗಳ (EMI) ದರಗಳಲ್ಲಿ ಯಾವುದೇ ಹೆಚ್ಚಳವಾಗದೆ ಸಾಲಗಾರರಿಗೆ ಸ್ಥಿರತೆ ಸಿಗಲಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 10:35 am, Wed, 5 August 26
