ಬ್ಯಾಂಕುಗಳಿಗೆ ಸಿಂಗಲ್ ಡೆಪಾಸಿಟ್ ಮಿತಿ 3 ಕೋಟಿ ರೂಗೆ ಹೆಚ್ಚಳ; ಹೆಚ್ಚಿನ ಮೊತ್ತ ರೀಟೇಲ್ ಎಫ್​ಡಿಗೆ ವರ್ಗ

ನವದೆಹಲಿ, ಜೂನ್ 7: ನೀವು ಒಂದ ಬ್ಯಾಂಕ್ ಖಾತೆಗೆ ಒಮ್ಮೆಗೆ ಕಳುಹಿಸಬಹುದಾದ ಹಣದ ಮೊತ್ತದ ಮಿತಿಯನ್ನು ಆರ್​ಬಿಐ ಹೆಚ್ಚಿಸಿದೆ. ಈಗ ಸಿಂಗಲ್ ಡೆಪಾಸಿಟ್​ನಲ್ಲಿ 3 ಕೋಟಿ ರೂಗೂ ಹೆಚ್ಚು ಹಣವನ್ನು ಇಡಬಹುದು. ಎಂಪಿಸಿ ಸಭೆ ಬಳಿಕ ಅರ್​ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಈ ವಿಚಾರವನ್ನು ಪ್ರಕಟಿಸಿದ್ದಾರೆ. ಈವರೆಗೆ ಬ್ಯಾಂಕುಗಳಲ್ಲಿ ನೀವು ಸಿಂಗಲ್ ಡೆಪಾಸಿಟ್​ನಲ್ಲಿ ಎರಡು ಕೋಟಿ ರೂವರೆಗೆ ಹಣ ಹಾಕಬಹುದಿತ್ತು. ಅದಕ್ಕೂ ಮೇಲ್ಪಟ್ಟ ಹಣವನ್ನು ಡೆಪಾಸಿಟ್ ಮಾಡಿದರೆ ಅದನ್ನು ಬಲ್ಕ್ ಎಫ್​ಡಿ ಎಂದು ಪರಿಗಣಿಸಲಾಗುತ್ತಿತ್ತು. ಈಗ ಆರ್​ಬಿಐ ಬಲ್ಕ್ ಡೆಪಾಸಿಟ್ ಮಿತಿಯನ್ನು ಮೂರು ಕೋಟಿ ರೂಗೆ ಹೆಚ್ಚಿಸಿದೆ. ಅಂದರೆ ಮೂರು ಕೋಟಿ ರೂ ಹಾಗೂ ಅದಕ್ಕಿಂತ ಕಡಿಮೆ ಮೊತ್ತದ ಸಿಂಗಲ್ ಡೆಪಾಸಿಟ್​ಗಳನ್ನು ಬಲ್ಕ್ ಡೆಪಾಸಿಟ್ ಎಂದು ಪರಿಗಣಿಸಲಾಗುವುದಿಲ್ಲ.

ಬಲ್ಕ್ ಡೆಪಾಸಿಟ್ ವ್ಯಾಖ್ಯಾನದಲ್ಲಿ ಬದಲು

ಈ ಮೊದಲು ಶೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕುಗಳು ಮತ್ತು ಸ್ಮಾಲ್ ಫೈನಾನ್ಸ್ ಬ್ಯಾಂಕುಗಳಲ್ಲಿ ಸಿಂಗಲ್ ಡೆಪಾಸಿಟ್​​ನಲ್ಲಿ ಎರಡು ಕೋಟಿ ರೂಗಿಂತ ಹೆಚ್ಚು ಹಣ ಇಟ್ಟರೆ ಅದನ್ನು ಬಲ್ಕ್ ಡೆಪಾಸಿಟ್ ಆಗಿ ಪರಿಗಣಿಸಲಾಗುತ್ತಿತ್ತು. ಈಗ ಅದರ ವ್ಯಾಖ್ಯಾನ ಬದಲಿಸಲಾಗಿದೆ.

ಇದನ್ನೂ ಓದಿ: ಬಡ್ಡಿದರ ಯಥಾಸ್ಥಿತಿ ಮುಂದುವರಿಸಲು ಆರ್​ಬಿಐ ನಿರ್ಧಾರ

‘ಎಸ್​ಸಿಬಿ ಮತ್ತು ಎಸ್​ಎಫ್​ಬಿಗಳಲ್ಲಿ 3 ಕೋಟಿ ರೂ ಹಾಗೂ ಅದಕ್ಕಿಂತ ಹೆಚ್ಚಿನ ಮೊತ್ತದ ಠೇವಣಿಯನ್ನು ಸಿಂಗಲ್ ರುಪೀ ಟರ್ಮ್ ಡೆಪಾಸಿಟ್ ಎಂದು ಪರಿಗಣಿಸಲಾಗುತ್ತದೆ,’ ಎಂದು ಆರ್​ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಶುಕ್ರವಾರ ಹೇಳಿದ್ದಾರೆ.

ಅಂದರೆ, ಶೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕುಗಳು ಮತ್ತು ಸ್ಮಾಲ್ ಫೈನಾನ್ಸ್ ಬ್ಯಾಂಕುಗಳ ಠೇವಣಿಗಳಿಗೆ 3 ಲಕ್ಷ ರೂಗಿಂತ ಕಡಿಮೆ ಮೊತ್ತದ ಹಣವನ್ನು ಸಿಂಗಲ್ ಡೆಪಾಸಿಟ್​ನಲ್ಲಿ ಜಮೆ ಮಾಡಬಹುದು. ಮೂರು ಲಕ್ಷ ರೂ ಹಾಗೂ ಅದಕ್ಕೆ ಮೇಲ್ಪಟ್ಟ ಹಣವಾದರೆ ಅದು ಬಲ್ಕ್​ ಡೆಪಾಸಿಟ್ ಎನಿಸುವುದಿಲ್ಲ. ಬದಲಾಗಿ ರೀಟೇಲ್ ಎಫ್​ಡಿಯಾಗಿ ವರ್ಗೀಕೃತವಾಗುತ್ತದೆ. ಈ ಎಫ್​ಡಿಗೆ ಮಾಮೂಲಿಗಿಂತ ಕಡಿಮೆ ಬಡ್ಡಿ ಸಿಗುತ್ತದೆ.

ಗ್ರಾಮೀಣ ಬ್ಯಾಂಕುಗಳಲ್ಲಿ ಬಲ್ಕ್ ಡೆಪಾಸಿಟ್ ಮಿತಿ 1 ಕೋಟಿ ರೂ

ಪ್ರಾದೇಶಿಕ ಬ್ಯಾಂಕುಗಳು ಮತ್ತು ಗ್ರಾಮೀಣ ಬ್ಯಾಂಕುಗಳಲ್ಲಿ ಒಂದು ಕೋಟಿ ರೂಗಿಂತ ಹೆಚ್ಚು ಠೇವಣಿಗಳನ್ನು ಬಲ್ಕ್ ಡೆಪಾಸಿಟ್ ಆಗಿ ಪರಿಗಣಿಸಲಾಗುತ್ತದೆ. ಹಿಂದೆಯೂ ಅದಕ್ಕೆ ಅಷ್ಟು ಮಿತಿ ಇತ್ತು. ಅದನ್ನು ಮುಂದುವರಿಸಲಾಗಿದೆ.

ಇಲ್ಲಿ ಶೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕುಗಳೆಂದರೆ ಎಸ್​ಬಿಐ, ಎಚ್​ಡಿಎಫ್​ಸಿ, ಐಸಿಐಸಿಐ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಇತ್ಯಾದಿ ಬ್ಯಾಂಕ್​ಗಳು.

ಇದನ್ನೂ ಓದಿ: ಒಂದೇ ದಿನ ಅತಿಹೆಚ್ಚು ಷೇರು ವಹಿವಾಟು; ಭಾರತದ ಎನ್​ಎಸ್​ಇ ಹೊಸ ವಿಶ್ವದಾಖಲೆ

ಬ್ಯಾಂಕ್ ಎಫ್​ಡಿ ದರಗಳಲ್ಲಿ ಪರಿಷ್ಕರಣೆ?

ಬಲ್ಕ್ ಡೆಪಾಸಿಟ್​ಗಳಿಗೆ ಮಾಮೂಲಿಯ ಎಫ್​ಡಿಗಿಂತ ಹೆಚ್ಚು ಬಡ್ಡಿಯನ್ನು ಬ್ಯಾಂಕುಗಳು ನೀಡುತ್ತವೆ. ಈಗ ಬಲ್ಕ್ ಡೆಪಾಸಿಟ್ ಮಿತಿ ಹೆಚ್ಚಿರುವುದರಿಂದ ಬ್ಯಾಂಕುಗಳು ಟರ್ಮ್ ಡೆಪಾಸಿಟ್​ಗಳಲ್ಲಿ ಬದಲಾವಣೆ ಮಾಡುವ ಸಾಧ್ಯತೆ ಇದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ