Reliance Jio Prepaid Plans: ಡಿಸ್ನಿ ಹಾಟ್​ಸ್ಟಾರ್​ನೊಂದಿಗೆ ಬರುವ ರಿಲಯನ್ಸ್ ಜಿಯೋ ಪ್ರೀಪೇಯ್ಡ್​ ಪ್ಲಾನ್​ಗಳು ಹೀಗಿವೆ

ರಿಲಯನ್ಸ್ ಜಿಯೋ ಪ್ರಿಪೇಯ್ಡ್ ಪ್ಲಾನ್​ ದರಗಳನ್ನು ಡಿಸೆಂಬರ್ 1, 2021ರಿಂದ ಹೆಚ್ಚಿಸಿದೆ ಮತ್ತು ಕಂಪೆನಿಯು ಡಿಸ್ನಿ+ಹಾಟ್‌ಸ್ಟಾರ್ ಚಂದಾದಾರಿಕೆ ಒಳಗೊಂಡಿರುವ ಒಂದು ಪ್ರಿಪೇಯ್ಡ್ ಪ್ಲಾನ್​ ಮಾತ್ರ ಹೊಂದಿತ್ತು. ಜಿಯೋ ಈ ಹಿಂದೆ ಐದು ಇತರ ಪ್ರಿಪೇಯ್ಡ್ ಯೋಜನೆಗಳಲ್ಲಿ ಚಂದಾದಾರಿಕೆ ನೀಡಿತ್ತು, ಅದು ಪಟ್ಟಿಯಲ್ಲಿ ಕಂಡಿಲ್ಲ. ಇದೀಗ ತನ್ನ ವೆಬ್‌ಸೈಟ್‌ನಲ್ಲಿ ಕ್ರಿಕೆಟ್ ಪ್ಲಾನ್​ಗಳ ವಿಭಾಗದ ಅಡಿಯಲ್ಲಿ ಹೊಸ ಯೋಜನೆಗಳನ್ನು ಘೋಷಿಸಿದೆ. ಇದು 12 ತಿಂಗಳ ಕಾಲ Disney+Hotstar ಮೊಬೈಲ್ ಸದಸ್ಯತ್ವದೊಂದಿಗೆ ಬರುತ್ತದೆ. ಹೊಸ ಯೋಜನೆಗಳ ದರಗಳು ಸಹ ಹೆಚ್ಚಾಗಿವೆ. ನಿಯಮಗಳು ಮತ್ತು ನಿಬಂಧನೆಗಳ ಪ್ರಕಾರ, ಅರ್ಹ ಪ್ಲಾನ್ ರೀಚಾರ್ಜ್‌ನ ಮೊದಲ ಬಾರಿಗೆ ಬಳಕೆದಾರರು 12 ತಿಂಗಳ Disney+ Hotstar ಮೊಬೈಲ್ ಸದಸ್ಯತ್ವವನ್ನು ಪಡೆಯುತ್ತಾರೆ. ಆದ್ದರಿಂದ ಡಿಸೆಂಬರ್ 6, 2021 ರಂದು ರೀಚಾರ್ಜ್ ಮಾಡಿದರೆ, ಈ ಪ್ಲಾನ್ ಡಿಸೆಂಬರ್ 6, 2022ರ ವರೆಗೆ ಮಾನ್ಯವಾಗಿರುತ್ತದೆ. ವರ್ಷದ ಅವಧಿಯಲ್ಲಿ ಮತ್ತೊಮ್ಮೆ ಅರ್ಹ ಯೋಜನೆಯೊಂದಿಗೆ ರೀಚಾರ್ಜ್ ಮಾಡಿದರೂ ಸದಸ್ಯತ್ವವನ್ನು ವಿಸ್ತರಿಸಲು ಆಗುವುದಿಲ್ಲ. ಮೂಲ ರೀಚಾರ್ಜ್ ದಿನಾಂಕದ ಒಂದು ವರ್ಷದ ನಂತರ ಸದಸ್ಯತ್ವವು ಮುಕ್ತಾಯಗೊಳ್ಳುತ್ತದೆ.

ಆದರೆ, ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಸದಸ್ಯತ್ವದ 12 ತಿಂಗಳ ಮುಕ್ತಾಯದ ನಂತರ, ಗ್ರಾಹಕರು ಅರ್ಹ ಯೋಜನೆಯೊಂದಿಗೆ ರೀಚಾರ್ಜ್ ಮಾಡಬಹುದು ಮತ್ತು ಸದಸ್ಯತ್ವದ ಬೆನಿಫಿಟ್ ಇನ್ನೊಂದು 12 ತಿಂಗಳ ಲಾಭವನ್ನು ಪಡೆಯಬಹುದು. ಡಿಸ್ನಿ+ಹಾಟ್‌ಸ್ಟಾರ್‌ನ ಮೊಬೈಲ್ ಪ್ಲಾನ್‌ನ ಬೆಲೆ 499 ರೂಪಾಯಿ. ಇಲ್ಲದಿದ್ದರೆ ಒಂದು ಮೊಬೈಲ್ ಸಾಧನದಿಂದ ಮಾತ್ರ ವೆಬ್​ಸೈಟ್‌ಗೆ ಪ್ರವೇಶವನ್ನು ನೀಡುತ್ತದೆ. ಸದಸ್ಯತ್ವವು ನೇರ ಪ್ರಸಾರದ ಕ್ರೀಡೆಗಳು, ಚಲನಚಿತ್ರಗಳು ಇತ್ಯಾದಿ ಸೇರಿದಂತೆ ಎಲ್ಲ ವಿಷಯಗಳಿಗೆ ಪ್ರವೇಶ ನೀಡುತ್ತದೆ. ಆದರೆ ಇದು ಜಾಹೀರಾತು-ಮುಕ್ತವಾಗಿಲ್ಲ ಮತ್ತು ಗರಿಷ್ಠ ವೀಡಿಯೊ ಗುಣಮಟ್ಟ 720p ಆಗಿದೆ. ಅಲ್ಲದೆ, ಈ ಸದಸ್ಯತ್ವವು ಮೊಬೈಲ್ ಸಾಧನದಲ್ಲಿ ಮಾತ್ರ ಕಾರ್ಯ ನಿರ್ವಹಿಸುತ್ತದೆ. ಅಂದರೆ ನಿಮ್ಮ ಟಿವಿ ಅಥವಾ ಲ್ಯಾಪ್‌ಟಾಪ್‌ನಿಂದ ಬಳಕೆ ಸಾಧ್ಯವಿಲ್ಲ.

ಡಿಸ್ನಿ+ಹಾಟ್‌ಸ್ಟಾರ್ ಮೊಬೈಲ್‌ನೊಂದಿಗೆ ಜಿಯೋದ ಹೊಸ ಪ್ರಿಪೇಯ್ಡ್ ಪ್ಲಾನ್​ಗಳು ಹೀಗಿವೆ: – ಲಿಸ್ಟ್​ ಮಾಡಲಾದ ಯೋಜನೆಗಳು 28 ದಿನಗಳ ಮಾನ್ಯತೆಯೊಂದಿಗೆ ರೂ. 601ರ ಪ್ಲಾನ್​ನಲ್ಲಿ , ದಿನಕ್ಕೆ 3GB ಡೇಟಾ, ಮತ್ತು ಅನಿಯಮಿತ ಕರೆಗಳು ಹಾಗೂ ದಿನಕ್ಕೆ 100 SMS ಜೊತೆಗೆ ಮತ್ತೊಂದು 6GB ಹೆಚ್ಚುವರಿ ಡೇಟಾ. – 365 ದಿನಗಳ ವ್ಯಾಲಿಡಿಟಿ, ದಿನಕ್ಕೆ 2GB ಡೇಟಾ ಮತ್ತು 10GB ಹೆಚ್ಚುವರಿ ಡೇಟಾದೊಂದಿಗೆ ರೂ. 3119 ದರದ ಯೋಜನೆಯು ಅತ್ಯಂತ ದುಬಾರಿಯಾಗಿದೆ. ಇದರಲ್ಲಿ ಅನಿಯಮಿತ ಧ್ವನಿ ಕರೆ ಮತ್ತು ದಿನಕ್ಕೆ 100 SMS ಉಚಿತವಾಗಿದೆ. – 1066 ರೂಪಾಯಿ ದರ ಮತ್ತು 84 ದಿನಗಳ ಮಾನ್ಯತೆಯೊಂದಿಗೆ ಯೋಜನೆ ಇದೆ. ಇದು ದಿನಕ್ಕೆ 2GB ಡೇಟಾವನ್ನು ಹೊಂದಿದೆ. ಜೊತೆಗೆ 5GB ಹೆಚ್ಚುವರಿ ಡೇಟಾ ಮತ್ತು ಅನಿಯಮಿತ ಧ್ವನಿ ಕರೆಗಳು ಮತ್ತು ದಿನಕ್ಕೆ 100 SMS ದೊರೆಯುತ್ತದೆ. – ಅನಿಯಮಿತ ಧ್ವನಿ ಕರೆಗಳು ಮತ್ತು ದಿನಕ್ಕೆ 100 SMS ಜೊತೆಗೆ 56 ದಿನಗಳ ಮಾನ್ಯತೆ ಹಾಗೂ ದಿನಕ್ಕೆ 2GB ಡೇಟಾದೊಂದಿಗೆ ಮತ್ತೊಂದು ಯೋಜನೆಯು 799 ರೂಪಾಯಿಗೆ ಇದೆ. – 56 ದಿನಗಳ ವ್ಯಾಲಿಡಿಟಿ, 1.5GB ದೈನಂದಿನ ಡೇಟಾ ಮತ್ತು ಅನಿಯಮಿತ ಕರೆಗಳೊಂದಿಗೆ ದಿನಕ್ಕೆ 100 SMS ಜೊತೆಗೆ ರೂ. 659ರ ಯೋಜನೆಯನ್ನು ಹೊಂದಿದೆ.

ಈ ಯೋಜನೆಗಳಲ್ಲಿ ಒದಗಿಸಿದ ಡೇಟಾ ಖಾಲಿಯಾದ ನಂತರ, ಇಂಟರ್​ನೆಟ್ ವೇಗವನ್ನು 64Kbps ವೇಗಕ್ಕೆ ಇಳಿಸಲಾಗುತ್ತದೆ ಎಂಬುದನ್ನು ಗಮನಿಸಬೇಕು. ಎಲ್ಲ ಜಿಯೋ ಪ್ರಿಪೇಯ್ಡ್ ಯೋಜನೆಗಳಂತೆ ಜಿಯೋಟಿವಿ, ಜಿಯೋ ಸೆಕ್ಯೂರಿಟಿ, ಜಿಯೋಕ್ಲೌಡ್ ಮತ್ತು ಜಿಯೋಸಿನಿಮಾ ಸೇರಿದಂತೆ ಎಲ್ಲ ರಿಲಯನ್ಸ್ ಜಿಯೋ ಅಪ್ಲಿಕೇಷನ್‌ಗಳಿಗೆ ಬಳಕೆದಾರರು ಉಚಿತ ಸಂಪರ್ಕ ಪಡೆಯುತ್ತಾರೆ. ಈ ಹಿಂದೆ ಜಿಯೋ ರೂ. 499, ರೂ. 888 ಪ್ರಿಪೇಯ್ಡ್ ಯೋಜನೆಯೊಂದಿಗೆ ಡಿಸ್ನಿ + ಹಾಟ್‌ಸ್ಟಾರ್ ಅನ್ನು ನೀಡಿತ್ತು.

ಇದನ್ನೂ ಓದಿ: Jio Cashback Offer: ಬೆಲೆ ಏರಿಕೆ ಬೆನ್ನಲ್ಲೇ ಆಫರ್​ಗಳ ಸುರಿಮಳೆ: ಏರ್ಟೆಲ್ ಬಳಿಕ ಜಿಯೋದಿಂದ ಬಂಪರ್ ಆಫರ್ ಘೋಷಣೆ