Swiggy: ಸ್ವಿಗ್ಗಿಯಲ್ಲಿ ಊಟಕ್ಕೆ ಆರ್ಡರ್ ಮಾಡಿದರೆ ಹೆಚ್ಚುವರಿ ಪ್ಲಾಟ್ಫಾರ್ಮ್ ಶುಲ್ಕ; ಎಲ್ಲಾ ಫೂಡ್ ಆರ್ಡರ್ಗೂ ಫೀಸ್ ಅನ್ವಯ; ಬೆಂಗಳೂರು, ಹೈದರಾಬಾದ್ನಲ್ಲಿ ಆರಂಭಿಕ ಪ್ರಯೋಗ
Platform Fee of Rs 2 In Swiggy: ಆನ್ಲೈನ್ ಫುಡ್ ಡೆಲಿವರಿ ಪ್ಲಾಟ್ಫಾರ್ಮ್ ಸ್ವಿಗ್ಗಿಯಲ್ಲಿ ಮಾಡಲಾಗುವ ಎಲ್ಲಾ ಫುಡ್ ಆರ್ಡರ್ಗೂ 2 ರೂ ಹೆಚ್ಚುವರಿ ಶುಲ್ಕ ವಿಧಿಸಲಾಗುತ್ತಿದೆ. ಇದು ಸ್ವಿಗ್ಗಿ ಪ್ಲಾಟ್ಫಾರ್ಮ್ನ ಗುಣಮಟ್ಟ ಹೆಚ್ಚಿಸಲು ಬಳಕೆಯಾಗಲಿದೆ.
Updated on:Apr 28, 2023 | 7:28 PM
ಮುಖ್ಯಾಂಶಗಳು
- ಸ್ವಿಗ್ಗಿಯಲ್ಲಿ ಮಾಡಲಾಗುವ ಫುಡ್ ಆರ್ಡರ್ಗೆ 2 ರೂ ಪ್ಲಾಪ್ಫಾರ್ಮ್ ಶುಲ್ಕವನ್ನು ವಿಧಿಸಲಾಗುತ್ತಿದೆ.
- ಬೆಂಗಳೂರು ಮತ್ತು ಹೈದರಾಬಾದ್ನಲ್ಲಿ ಮಾತ್ರ ಸದ್ಯಕ್ಕೆ ಪ್ಲಾಟ್ಫಾರ್ಮ್ ಫೀ ವಿಧಿಸುವ ಪ್ರಯೋಗವನ್ನು ಸ್ವಿಗ್ಗಿ ನಡೆಸಿದೆ.
- ಆನ್ಲೈನ್ ಡೆಲಿವರಿ ಬ್ಯುಸಿನೆಸ್ ಹಿನ್ನಡೆಯಲ್ಲಿರುವುದರಿಂದ ಸ್ವಿಗ್ಗಿ ಈ ಸಂಕಷ್ಟವನ್ನು ತಡೆದುಕೊಳ್ಳಲು ಪ್ಲಾಟ್ಫಾರ್ಮ್ ಶುಲ್ಕದ ಕ್ರಮ ಕೈಗೊಂಡಿರಬಹುದು.
ಬೆಂಗಳೂರು: ಪ್ರತೀ ಫುಡ್ ಅರ್ಡರ್ಗೂ 2 ರೂಗಳ ಪ್ಲಾಟ್ಫಾರ್ಮ್ ಫೀ (Platform Fee) ಸಂಗ್ರಹಿಸುವ ಕೆಲಸವನ್ನು ಸ್ವಿಗ್ಗಿ (Swiggy) ಆರಂಭಿಸಿದೆ. ನೀವು ಸ್ವಿಗ್ಗಿ ಆ್ಯಪ್ನಲ್ಲಿ ಆರ್ಡರ್ ಮಾಡುವ ಯಾವುದೇ ಆಹಾರಕ್ಕೂ (Food Orders) ಪ್ಲಾಟ್ಫಾರ್ಮ್ ಶುಲ್ಕ ತೆರಬೇಕು. ಇದು ಮಾಮೂಲಿಯಾಗಿ ಇರುವ ಇತರ ಶುಲ್ಕ, ತೆರಿಗೆಗಳಿಗೆ ಹೆಚ್ಚುವರಿಯಾಗಿ ನೀಡುವ ಶುಲ್ಕವಾಗಿದೆ. ಸದ್ಯ ಈ ಹೊಸ ಪ್ರಯೋಗವನ್ನು ಸ್ವಿಗ್ಗಿ ಬೆಂಗಳೂರು ಮತ್ತು ಹೈದರಾಬಾದ್ನಲ್ಲಿ ಆರಂಭಿಸಿದೆ. ಸದ್ಯ ಎರಡು ರುಪಾಯಿಯನ್ನು ಪ್ಲಾಟ್ಫಾರ್ಮ್ ಶುಲ್ಕವಾಗಿ ಪ್ರತಿಯೊಂದು ಆರ್ಡರ್ಗೂ ಸ್ವಿಗ್ಗಿ ವಿಧಿಸುತ್ತಿದೆ. ಇತರ ಪ್ರಮುಖ ನಗರಗಳಾದ ದೆಹಲಿ ಮತ್ತು ಮುಂಬೈನಲ್ಲಿ ಸದ್ಯಕ್ಕೆ ಈ ಹೊಸ ಶುಲ್ಕ ಜಾರಿಗೆ ಬಂದಿಲ್ಲ. ಇನ್ನೂ ಒಂದು ಸಂಗತಿ ಎಂದರೆ ಸ್ವಿಗ್ಗಿ ಆ್ಯಪ್ನಲ್ಲಿ ಲಭ್ಯ ಇರುವ ಇನ್ಸ್ಟಾಮಾರ್ಟ್ ಡೆಲಿವರಿ ಸೇವೆಗೆ ಪ್ಲಾಟ್ಫಾರ್ಮ್ ಫೀ ಜಾರಿ ಆಗುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ.
ಯಾಕೆ ಪ್ಲಾಟ್ಫಾರ್ಮ್ ಶುಲ್ಕ ವಿಧಿಸುತ್ತಿದೆ ಸ್ವಿಗ್ಗಿ?
ಫುಡ್ ಆರ್ಡರ್ಗಳ ಪ್ಲಾಟ್ಫಾರ್ಮ್ ಶುಲ್ಕದಿಂದ ಬರುವ ಹಣವನ್ನು ನಮ್ಮ ಪ್ಲಾಟ್ಫಾರ್ಮ್ ಗುಣಮಟ್ಟ ವೃದ್ಧಿಸಲು ಮತ್ತು ಆ್ಯಪ್ನ ಫೀಚರ್ಗಳನ್ನು ಸುಧಾರಿಸಲು ಬಳಸಲಾಗುತ್ತದೆ ಎಂದು ಸ್ವಿಗ್ಗಿಯ ವಕ್ತಾರರು ಹೇಳಿದ್ದಾರೆ.
ಆದರೆ, ಪ್ಲಾಟ್ಫಾರ್ಮ್ ಶುಲ್ಕ ಹೇರುವ ಸ್ವಿಗ್ಗಿ ನಿರ್ಧಾರದ ಹಿಂದೆ ಈ ಕ್ಷೇತ್ರದಲ್ಲಾಗಿರುವ ಹಿನ್ನಡೆ ಕಾರಣ ಎನ್ನಲಾಗಿದೆ. ಸ್ವಿಗ್ಗಿಯಲ್ಲಿ 380 ಮಂದಿಯನ್ನು ಕೆಲಸದಿಂದ ತೆಗೆಯಲಾಗಿತ್ತು. ಈ ಸಂಬಂಧ ಉದ್ಯೋಗಿಗಳಿಗೆ ಇಮೇಲ್ ಮೂಲಕ ಉದ್ಯಮ ಸಂಕಷ್ಟದ ಸ್ಥಿತಿಯನ್ನು ಸ್ವಿಗ್ಗಿ ಸಿಇಒ ಶ್ರೀಹರ್ಷ ಮಜೇಟಿ ಅವರು ತಿಳಿಸಿದ್ದರು.
ಭಾರತದಲ್ಲಿ ಡೆಲಿವರಿ ಬ್ಯುಸಿನೆಸ್ ಮಂದಗೊಂಡಿದೆ. ನಮ್ಮ ಕಂಪನಿಯೂ ಇದರಿಂದ ಹೊರತಾಗಿಲ್ಲ ಎಂದು ಸ್ವಿಗ್ಗಿ ಸಹ–ಸಂಸ್ಥಾಪಕರೂ ಆದ ಶ್ರೀಹರ್ಷ ತಮ್ಮ ಇಮೇಲ್ನಲ್ಲಿ ತಿಳಿಸಿದ್ದರು.
ಇದನ್ನೂ ಓದಿ: Bank Customers Alert: ಬ್ಯಾಂಕ್ ಗ್ರಾಹಕರೇ ಜಾಗ್ರತೆ! ಈ ಬ್ಯಾಂಕ್ನಲ್ಲಿ ವಾರ್ಷಿಕ ಶುಲ್ಕಗಳು ಭಾರೀ ಪ್ರಮಾಣದಲ್ಲಿ ಹೆಚ್ಚಳ
ಫುಡ್ ಡೆಲಿವರಿ ಬ್ಯುಸಿನೆಸ್ ಬೆಳವಣಿಗೆ ನಾವು ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚು ಕುಂಠಿತಗೊಂಡಿದೆ. ನಮ್ಮಲ್ಲಿ ಕಠಿಣ ಸಂದರ್ಭಗಳನ್ನು ಎದುರಿಸುವಷ್ಟು ಸುಭದ್ರ ಹಣಕಾಸು ಸ್ಥಿತಿ ಇದೆಯಾದರೂ ಅದನ್ನೇ ನೆಚ್ಚಿಕೊಂಡಿರಲು ಅಗುವುದಿಲ್ಲ. ದೀರ್ಘ ಕಾಲ ಮುನ್ನಡೆಯಲು ನಾವು ಏನಾದರೂ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕು ಎಂದು ಸ್ವಿಗ್ಗಿ ಸಿಇಒ ಅವರು ಉದ್ಯೋಗಿಗಳಿಗೆ ಕಳುಹಿಸಿದ ಇಮೇಲ್ನಲ್ಲಿ ಹೇಳಿದ್ದರು.
ಇನ್ನಷ್ಟು ವ್ಯವಹಾರ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 7:28 pm, Fri, 28 April 23
