I-WFA: ಎಲ್ಲಿಂದಾದರೂ ಕೆಲಸ ಮಾಡುವ ಫ್ರೇಮ್​ವರ್ಕ್ ಅಭಿವೃದ್ಧಿಗೆ ಹಾರ್ವರ್ಡ್ ಜತೆಗೆ ಐಟಿಸಿ ಇನ್​ಫೋಟೆಕ್ ಸಹಭಾಗಿತ್ವ

ಬೆಂಗಳೂರು ಮೂಲದ ಮಾಹಿತಿ ತಂತ್ರಜ್ಞಾನ ಕಂಪೆನಿಯಾದ ಐಟಿಸಿ ಇನ್​ಫೋಟೆಕ್​ ಹಾರ್ವರ್ಡ್ ಬಿಜಿನೆಸ್ ಸ್ಕೂಲ್ ಸಹಯೋಗದಲ್ಲಿ “ವಿಶಿಷ್ಟ ಮತ್ತು ಕೈಗಾರಿಕೆಯಿಂದ ವ್ಯಾಖ್ಯಾನಿಸಲಾದ” ಉತ್ಪಾದಕತೆ ವ್ಯಾಪ್ತಿಯನ್ನು ಅಭಿವೃದ್ಧಿಪಡಿಸಲಿದೆ. ಇದಕ್ಕಾಗಿ ಹಾರ್ವರ್ಡ್​ ಬಿಜಿನೆಸ್ ಸ್ಕೂಲ್​ನ ಲುಮ್ರಿ ಫ್ಯಾಮಿಲಿ ಅಸೋಸಿಯೇಟ್ ಪ್ರೊಫೆಸರ್ ಪೃಥ್ವಿರಾಜ್ ಚೌಧರಿ ಜತೆಯಾಗಲಿದೆ. ಐಟಿಸಿ ಇನ್​ಫೋಟೆಕ್​ನ ವರ್ಕ್ ಫ್ರಮ್ ಎನಿವೇರ್ (I-WFA) ಫ್ರೇಮ್​ವರ್ಕ್ ಗುರಿಯು ಅತ್ಯುತ್ತಮ ಫಲಿತಾಂಶ ನೀಡಲು ಗ್ರಾಹಕರು ಮತ್ತು ಉದ್ಯೋಗಿಗಳಿಗೆ ದಕ್ಷವಾದ ಮತ್ತು ತಡೆರಹಿತವಾದ ಕಾರ್ಯ ನಿರ್ವಹಣೆ ಫ್ರೇಮ್​ವರ್ಕ್ ಒದಗಿಸುವುದಾಗಿದೆ. ಫೀಡ್​ಬ್ಯಾಕ್ ಇನ್​ಸೈಟ್ಸ್​ ಎಂಬ ಸಂಶೋಧನಾ ಸಂಸ್ಥೆಯು ವಿವಿಧ ಭೌಗೋಳಿಕ ಪ್ರದೇಶದಲ್ಲಿ ಕೈಗೊಂಡ ಉದ್ಯೋಗಿಗಳು ಮತ್ತು ಗ್ರಾಹಕರ ಸಮೀಕ್ಷೆಗಳ ದತ್ತಾಂಶದ ಆಧಾರದಲ್ಲಿ ಈ ಫ್ರೇಮ್​ವರ್ಕ್ ರೂಪಿಸಲಾಗುವುದು. ಐಟಿಸಿ ಇನ್​ಫೋಟೆಕ್​ನ ಗ್ರಾಹಕರ ಮತ್ತು ಸಿಬ್ಬಂದಿ ಕೇಂದ್ರಿತ ಕಾರ್ಯತಂತ್ರ ಸ್ತಂಬದಂತೆ ಈ ಫ್ರೇಮ್​ವರ್ಕ್ ಇರಲಿದೆ.

ತಂತ್ರಜ್ಞಾನವು ಕೇವಲ ಉದ್ಯಮದ ಫಲಿತಾಂಶಕ್ಕೆ ಮಾತ್ರ ಸಹಾಯ ಮಾಡುತ್ತಿರುವುದಲ್ಲ. ಇದರ ಜತೆಗೆ ಭವಿಷ್ಯದಲ್ಲಿನ ಉದ್ಯೋಗಗಳು- ಡಿಜಿಟಲ್, ವಿತರಣೆ, ಆರಾಮ, ಫಲಿತಾಂಶ ಆಧಾರಿತ ಮತ್ತು ಸುರಕ್ಷತೆಯ ಮರುವ್ಯಾಖ್ಯಾನ ಇದಾಗಲಿದೆ. ಐಟಿಸಿ ಇನ್​ಫೋಟೆಕ್ ಹೇಳಿರುವಂತೆ, ಹೊಸ ರೀತಿಯ ಆವಿಷ್ಕಾರದ ಮಾರ್ಗದಲ್ಲಿ ಹಂಚಿಕೆಯಾದ ಉದ್ಯೋಗ ಸ್ಥಳ ಮಾದರಿಯಲ್ಲಿ ಈ ಫ್ರೇಮ್​ವರ್ಕ್​ನಿಂದ ವಿಕೇಂದ್ರೀಕೃತ ಉದ್ಯೋಗಿಗಳ ಬಲದ ಮೂಲಕ ಸಾಧ್ಯವಾಗುತ್ತದೆ.

“ಪೃಥ್ವಿ ಅವರ ಜತೆಗೆ ಕೆಲಸ ಮಾಡುತ್ತಾ ನಾವು ಈ ಫ್ರೇಮ್​ವರ್ಕ್ ನಿರ್ಮಿಸುತ್ತಿದ್ದೇವೆ. ಗ್ರಾಹಕರ ದೃಷ್ಟಿಯಿಂದ ಉತ್ಪಾದಕತೆ ಹಾಗೂ ಉದ್ಯೋಗಿಗಳ ದೃಷ್ಟಿಯಿಂದ ಆರಾಮದಾಯಕ ಆಗಿದೆಯೇ ಎಂದು ದತ್ತಾಂಶದ ಭದ್ರತೆಯನ್ನು ಪ್ರಮುಖವಾಗಿ ಗಮನದಲ್ಲಿ ಇಟ್ಟುಕೊಳ್ಳುತ್ತೇವೆ. ಈ ಡೇಟಾ ಚಾಲಿತ ಫ್ರೇಮ್​ವರ್ಕ್​ ತಂತ್ರಜ್ಞಾನ ಕ್ಷೇತ್ರದಲ್ಲಿ ಹೊಸ ಬಗೆಯ ಉದ್ಯೋಗ ಸ್ಥಳ ಮಾಡೆಲ್​ ಅನ್ನು ರೂಪಿಸಲು ಸಹಾಯ ಆಗುತ್ತದೆ. ಮತ್ತು ಅದರಲ್ಲಿ ನಾವಿರುತ್ತೇವೆ ಎಂಬ ವಿಶ್ವಾಸ ಇದೆ,” ಎಂದು ಐಟಿಸಿ ಇನ್ಫೋಟೆಕ್​ ಎಂ.ಡಿ. ಮತ್ತು ಸಿಇಒ ಸುದೀಪ್ ಸಿಂಗ್ ಹೇಳಿದ್ದಾರೆ.

ಇಡೀ ವಿಶ್ವದಾದ್ಯಂತ ಈಗಿರುವ ಪ್ರಶ್ನೆ ಏನೆಂದರೆ, ಎಲ್ಲ ಕೈಗಾರಿಕೆಗಳವರು ಎಲ್ಲಿಂದಾದರೂ ಕೆಲಸ ಮಾಡುವ ಸಾಧ್ಯತೆ ಇದೆಯಾ? ಇದು ಸಾಧ್ಯವಾಗಲು ಏನು ಮಾಡಬೇಕಿದೆ ಎಂದು ನೋಡುತ್ತಿದ್ದಾರೆ. I-WFA ಎಂಬುದು ಕಂಪೆನಿಗೆ ಮೌಲ್ಯ ತುಂಬುವ ಶಕ್ತಿ ಹೊಂದಿದೆ. ಎಲ್ಲಿಂದ ಬೇಕಾದರೂ ನೇಮಿಸಿಕೊಳ್ಳುವ ಅವಕಾಶ ಒದಗಿಸುತ್ತದೆ. ಉದ್ಯೋಗಸ್ಥಳ ಒಳಗೊಳ್ಳುವಿಕೆ, ಹೆಚ್ಚಿದ ಉತ್ಪಾದಕತೆ, ವೆಚ್ಚ ಉಳಿತಾಯ ಮತ್ತು ಕಾರ್ಯ ನಿರ್ವಹಣೆ ಅನುಕೂಲಗಳನ್ನು ಒದಗಿಸುತ್ತದೆ ಎಂದು ಹಾರ್ವರ್ಡ್ ಬಿಜಿನೆಸ್ ಸ್ಕೂಲ್​ನ ಚೌಧರಿ ಹೇಳುತ್ತಾರೆ.

ಇದನ್ನೂ ಓದಿ: ಡಿಸೆಂಬರ್​ಗೆ ವರ್ಕ್ ಫ್ರಮ್ ಹೋಮ್ ಕೊನೆ? ಉದ್ಯೋಗಿಗಳನ್ನು ಕಚೇರಿಗೆ ವಾಪಸ್ ಕರೆತರಲು ಐಟಿ ಕಂಪೆನಿಗಳ ಯೋಜನೆ

Published On - 1:39 pm, Thu, 11 November 21