ನಿಮ್ಮ ಬ್ಯಾಂಕ್ನಿಂದ ಟಿಡಿಎಸ್ ಕ್ರೆಡಿಟ್ ಕ್ಲೇಮ್ ಮಾಡಲು ಆಗುತ್ತಿಲ್ಲವೇ? ಏಕೆಂಬ ಕಾರಣ ಇಲ್ಲಿದೆ
ನೀವು ಗಳಿಸಿದ ಬಡ್ಡಿಯ ಆದಾಯಕ್ಕೆ (Interest Income) ಬ್ಯಾಂಕ್ನಂಥ ಸಂಸ್ಥೆಗಳು ಟಿಡಿಎಸ್ (ಟ್ಯಾಕ್ಸ್ ಡಿಡಕ್ಟಡ್ ಅಟ್ ಸೋರ್ಸ್) ಶೇ 20ರಷ್ಟು ಕಡಿತ ಮಾಡಬಹುದು. ಒಂದು ವೇಳೆ ಅದಾಗಲೇ ಬಡ್ಡಿ ಆದಾಯದ ಮೇಲಿನ ಟಿಡಿಎಸ್ ಪಾವತಿ ಮಾಡಿದ್ದಲ್ಲಿ, ಅದನ್ನು ಒಟ್ಟಾರೆ ತೆರಿಗೆ ಜವಾಬ್ದಾರಿಗೆ ಹೊಂದಿಸಬಹುದು. ಇನ್ನು ತೆರಿಗೆ ಜವಾಬ್ದಾರಿಗಿಂತ ಹೆಚ್ಚಿನದನ್ನು ಕಡಿತ ಮಾಡಿದ್ದಲ್ಲಿ ರೀಫಂಡ್ಗೆ ಕ್ಲೇಮ್ ಮಾಡಬಹುದು. ತೆರಿಗೆ ಪಾವತಿದಾರರು ತೆರಿಗೆ- ಪೂರ್ವ ಅಥವಾ ಗ್ರಾಸ್ ಆದಾಯವನ್ನು ಐಟಿಆರ್ನಲ್ಲಿ ತೋರಿಸಬೇಕು. ಮತ್ತು ತೆರಿಗೆ ಪಾವತಿಸಿರುವ ಕ್ರೆಡಿಟ್ ಅನ್ನು ಪ್ರತ್ಯೇಕವಾಗಿ […]
Updated on: Jul 30, 2021 | 12:57 PM
ನೀವು ಗಳಿಸಿದ ಬಡ್ಡಿಯ ಆದಾಯಕ್ಕೆ (Interest Income) ಬ್ಯಾಂಕ್ನಂಥ ಸಂಸ್ಥೆಗಳು ಟಿಡಿಎಸ್ (ಟ್ಯಾಕ್ಸ್ ಡಿಡಕ್ಟಡ್ ಅಟ್ ಸೋರ್ಸ್) ಶೇ 20ರಷ್ಟು ಕಡಿತ ಮಾಡಬಹುದು. ಒಂದು ವೇಳೆ ಅದಾಗಲೇ ಬಡ್ಡಿ ಆದಾಯದ ಮೇಲಿನ ಟಿಡಿಎಸ್ ಪಾವತಿ ಮಾಡಿದ್ದಲ್ಲಿ, ಅದನ್ನು ಒಟ್ಟಾರೆ ತೆರಿಗೆ ಜವಾಬ್ದಾರಿಗೆ ಹೊಂದಿಸಬಹುದು. ಇನ್ನು ತೆರಿಗೆ ಜವಾಬ್ದಾರಿಗಿಂತ ಹೆಚ್ಚಿನದನ್ನು ಕಡಿತ ಮಾಡಿದ್ದಲ್ಲಿ ರೀಫಂಡ್ಗೆ ಕ್ಲೇಮ್ ಮಾಡಬಹುದು. ತೆರಿಗೆ ಪಾವತಿದಾರರು ತೆರಿಗೆ- ಪೂರ್ವ ಅಥವಾ ಗ್ರಾಸ್ ಆದಾಯವನ್ನು ಐಟಿಆರ್ನಲ್ಲಿ ತೋರಿಸಬೇಕು. ಮತ್ತು ತೆರಿಗೆ ಪಾವತಿಸಿರುವ ಕ್ರೆಡಿಟ್ ಅನ್ನು ಪ್ರತ್ಯೇಕವಾಗಿ ತೆಗೆದುಕೊಳ್ಳಬೇಕು. ಆದರೂ ಟಿಡಿಎಸ್ ಕ್ರೆಡಿಟ್ ಕ್ಲೇಮ್ ಮಾಡುವುದಕ್ಕೆ ಕಷ್ಟ ಎದುರಾಗಬಹುದು. ಫಾರ್ಮ್ 26ASನಲ್ಲಿ ಅದು ರಿಫ್ಲೆಕ್ಟ್ ಆಗುವುದಿಲ್ಲ. ಏಕೆಂದರೆ ಬ್ಯಾಂಕ್ಗೆ PAN ನೀಡಿರುವುದಿಲ್ಲ. ಬ್ಯಾಂಕ್ನಿಂದ ಫೈಲ್ ಮಾಡಿರುವ ಟಿಡಿಎಸ್ ರಿಟರ್ನ್ನಲ್ಲಿ, “ಪ್ಯಾನ್ ಲಭ್ಯವಿಲ್ಲ” ಎಂದು ಬರುತ್ತದೆ.
ಬ್ಯಾಂಕ್ಗಳು ಸೇರಿದಂತೆ ಯಾವುದೇ ವ್ಯಕ್ತಿಯು ಟಿಡಿಎಸ್ ಕಡಿತ ಮಾಡುವಾಗ ಯಾವ ವ್ಯಕ್ತಿಯ ಟಿಡಿಎಸ್ ಕಡಿತ ಮಾಡುತ್ತಿದ್ದಾರೋ ಮತ್ತು ಹಣ ಪಾವತಿಸುತ್ತಿದ್ದಾರೋ ಅವರ ಪ್ಯಾನ್ ನಂಬರ್ (ಮತ್ತು ಟ್ಯಾಕ್ಸ್ ಖಾತೆ ಸಂಖ್ಯೆ ಅಥವಾ TAN) ತಿಳಿದುಕೊಳ್ಳಬೇಕಾಗುತ್ತದೆ. ಹೀಗೆ ತೆರಿಗೆ ಕಡಿತ ಮಾಡುವವರು ತ್ರೈಮಾಸಿಕ ಸ್ಟೇಟ್ಮಂಟ್ (ಟಿಡಿಎಸ್ ರಿಟರ್ನ್ಸ್) ಸಲ್ಲಿಸಬೇಕು. ಹೀಗೆ ಆ ವ್ಯಕ್ತಿಗಳ ಸರಿಯಾದ PAN/TAN ಸಂಖ್ಯೆಯನ್ನು ಹಾಕಿ, ಟಿಡಿಎಸ್ ಕಡಿತ ಮಾಡಿ, ಪಾವತಿಸಲಾಗುತ್ತದೆ ಎನ್ನುತ್ತಾರೆ ವಿಶ್ಲೇಷಕರು. ಪ್ಯಾನ್ ಆಧಾರದ ಮೇಲೆ ಟಿಡಿಎಸ್ ರಿಟರ್ನ್ಸ್ ಫೈಲ್ ಮತ್ತು ಟಿಡಿಎಸ್ ಕ್ರೆಡಿಟ್ಸ್ ಪಡೆಯಲಾಗುತ್ತದೆ. ಈಗ ಒಂದು ವೇಳೆ ಬ್ಯಾಂಕ್ ಬಳಿ ಖಾತೆದಾರರ ಪ್ಯಾನ್ ಕಾರ್ಡ್ ಮಾಹಿತಿ ಇಲ್ಲದಿದ್ದಲ್ಲಿ ಅಥವಾ ತಪ್ಪಾದ ಪ್ಯಾನ್ ಇದ್ದಲ್ಲಿ ಆಗಲೂ ಟಿಡಿಎಸ್ ಕಡಿತ ಮಾಡಿ- ಪಾವತಿಸುತ್ತಾರೆ. ಆದರೆ ಟಿಡಿಎಸ್ ರಿಟರ್ನ್ ಸರಿಯಾದ ಪ್ಯಾನ್ ಸಂಖ್ಯೆ ತೋರಿಸುವುದಿಲ್ಲ. ಆದ್ದರಿಂದ ಪ್ಯಾನ್ ಸಂಖ್ಯೆಯ ಆಧಾರದಲ್ಲಿ ಟಿಡಿಎಸ್ ಕ್ರೆಡಿಟ್ ಎಷ್ಟಾಗಿದೆ ಎಂದು ಸಿಸ್ಟಮ್ನಲ್ಲಿ ಅಪ್ಡೇಟ್ ಆಗುವುದಿಲ್ಲ.
ಆ ಕಾರಣಕ್ಕೆ ಈ ಕ್ರೆಡಿಟ್ ಕ್ಲೇಮ್ ಮಾಡುವುದಕ್ಕೆ ಅಗತ್ಯ ಮಾಹಿತಿ ಬೇಕಾಗುತ್ತದೆ. ಮೊದಲೇ ಹೇಳಿದಂತೆ ಸಿಸ್ಟಮ್ನಲ್ಲಿ ಇದು ಅಪ್ಡೇಟ್ ಆಗುವುದಿಲ್ಲ. ಇದು ಹೇಗೆಂದರೆ, ಒಬ್ಬ ವ್ಯಕ್ತಿ ನಿಮ್ಮ ಹಣವನ್ನು ತಪ್ಪಾದ ಬ್ಯಾಂಕ್ ಖಾತೆ ಸಂಖ್ಯೆಗೆ ಪಾವತಿಸಿದಂತೆ. ಅವರು ಪ್ರಯತ್ನಿಸಿ, ಹಣವನ್ನು ವರ್ಗಾವಣೆ ಮಾಡಬಹುದು. ಆದರೆ ಅದು ನಿಮ್ಮ ಖಾತೆಗೆ ತಲುಪುವುದಿಲ್ಲ. ಆದ್ದರಿಂದ ಟಿಡಿಎಸ್ ಕ್ರೆಡಿಟ್ ಕ್ಲೇಮ್ ಮಾಡುವುದಕ್ಕೆ ಇರುವ ಒಂದೇ ದಾರಿ ಅಂದರೆ, ಸರಿಯಾದ ಪ್ಯಾನ್ ಸಂಖ್ಯೆಯನ್ನು ಬ್ಯಾಂಕ್ ಜತೆಗೆ ಅಪ್ಡೇಟ್ ಮಾಡಬೇಕು. ಟಿಡಿಎಸ್ ರಿಟರ್ನ್ಸ್ ಪರಿಷ್ಕೃತಗೊಳಿಸುವಂತೆ ಕೇಳಬೇಕು.
(Your Bank Unable To Claim TDS Credits Here Is The Reason Why )
