ಚಂದ್ರಶೇಖರ ಗುರೂಜಿ ಬರ್ಬರ ಹತ್ಯೆ ಪ್ರಕರಣ: ಹಂತಕರಿಗೆ ಕನಿಷ್ಟ ಜೀವಾವಧಿ ಶಿಕ್ಷೆ ಪಕ್ಕಾ, ಗಲ್ಲು ಶಿಕ್ಷೆಗೆ ಛಾನ್ಸ್​ ಇಲ್ಲವಾ?

ಕೊಲೆಯ ಉದ್ದೇಶ ಸಾಬೀತುಪಡಿಸಲು ಪೊಲೀಸರು ಈ ಸಾಕ್ಷ್ಯಾಧಾರಗಳ ಬೆನ್ನುಹತ್ತುವುದು ಅತ್ಯಗತ್ಯವಿದೆ. ಏನೇ ಆಗಲಿ, ಸಾಕ್ಷ್ಯ ಅಧಿನಿಯಮದ ಪ್ರಕಾರ ಸಿಸಿಟಿವಿ ದೃಶ್ಯ ಸಂಗ್ರಹಿಸಿಡಬೇಕು. ಈ ದೃಶ್ಯ ಆರೋಪಿಗಳ ಕುಕೃತ್ಯಕ್ಕೆ‌ ಅತ್ಯಮೂಲ್ಯ ಸಾಕ್ಷ್ಯವಾಗಲಿದೆ.

ಚಂದ್ರಶೇಖರ ಗುರೂಜಿ ಬರ್ಬರ ಹತ್ಯೆ ಪ್ರಕರಣ: ಹಂತಕರಿಗೆ ಕನಿಷ್ಟ ಜೀವಾವಧಿ ಶಿಕ್ಷೆ ಪಕ್ಕಾ, ಗಲ್ಲು ಶಿಕ್ಷೆಗೆ ಛಾನ್ಸ್​ ಇಲ್ಲವಾ?
ಚಂದ್ರಶೇಖರ ಗುರೂಜಿ ಬರ್ಬರ ಹತ್ಯೆ ಪ್ರಕರಣ: ಹಂತಕರಿಗೆ ಕನಿಷ್ಟ ಜೀವಾವಧಿ ಶಿಕ್ಷೆ ಪಕ್ಕಾ, ಗಲ್ಲು ಶಿಕ್ಷೆಗೆ ಛಾನ್ಸ್​ ಇಲ್ಲವಾ?
TV9kannada Web Team

| Edited By: sadhu srinath

Jul 06, 2022 | 9:17 PM

ಬೆಂಗಳೂರು:ನಿನ್ನೆ ಹುಬ್ಬಳ್ಳಿಯಲ್ಲಿ ನಡೆದ ಚಂದ್ರಶೇಖರ ಗುರೂಜಿ ಬರ್ಬರ ಹತ್ಯೆ (Chandrashekhar Guruji murder) ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಂತಕ ಆರೋಪಿಗಳು ನಾಲ್ಕೇ ಗಂಟೆಯಲ್ಲಿ ಪೊಲೀಸರಿಗೆ ಶರಣಾಗಿದ್ದರು. ಇಡೀ ರಾಜ್ಯವಲ್ಲದೆ ಉತ್ತರ ಭಾರತದ ಕೆಲ ರಾಜ್ಯಗಳಿಗೂ ಚಂದ್ರಶೇಖರ ಗುರೂಜಿಯ ವಾಸ್ತು ಸಲಹೆ ವಿಸ್ತರಿಸಿದ್ದರಿಂದ ಆ ಭಾಗಗಳ ಜನ ಗುರೂಜಿ ಭೀಕರ ಕೊಲೆಗೆ ಮಮ್ಮಲ ಮರುಗಿದ್ದರು. ಅದೇ ವೇಳೆ ಆರೋಪಿಗಳು ಸಿಕ್ಕಿಬಿದ್ದಿದ್ದಾರೆ, ಅವರಿಗೆ ತಕ್ಕ ಶಿಕ್ಷೆಯಾಗಬೇಕು ಎಂದು ಬಯಸಿದ್ದರು. ಇನ್ನು ಕಾನೂನು ಚೌಕಟ್ಟಿನಲ್ಲಿ ಪ್ರಕರಣವನ್ನು ನೋಡುವುದಾದರೆ ಆರೋಪಿಗಳಿಗೆ ಕನಿಷ್ಟವೆಂದರೂ ಜೀವಾವಧಿ ಶಿಕ್ಷೆ ಪಕ್ಕಾ (life imprisonment) ಎನ್ನುತ್ತಾರೆ ಕಾನೂನು ತಜ್ಞರು.

ಅಪರೂಪದಲ್ಲಿ ಅಪರೂಪದ ಪ್ರಕರಣವೆಂದು ಪರಿಗಣಿಸಿದರೆ ಮಾತ್ರ ಇಬ್ಬರು ಹಂತಕರಿಗೆ ಗಲ್ಲು ಶಿಕ್ಷೆಯಾಗಬಹುದು (death sentence). ಆರೋಪಿಗಳ ವಿರುದ್ಧ ಸಿಸಿಟಿವಿ ದೃಶ್ಯಾವಳಿ ಪ್ರಮುಖ ಸಾಕ್ಷಿಯಾಗಲಿದೆ. ಹೋಟೆಲ್ ನಲ್ಲಿ ಹತ್ಯೆ ಕುಕೃತ್ಯವನ್ನು ಕಣ್ಣಾರೆ ಕಂಡಿರುವ ಪ್ರತ್ಯಕ್ಷದರ್ಶಿಗಳೂ ಇದ್ದಾರೆ. ಸಿಸಿ ಟಿವಿ ಯಲ್ಲಿ ಕಾಣಿಸಿದ ಸಿಬ್ಬಂದಿಗಳೂ ಸಾಕ್ಷಿಯಾಗಬಹುದಾಗಿದೆ.

ಮೋಟೀವ್ ಕಂಡುಹಿಡಿಯುವುದು ಮುಖ್ಯ:

ಹುಬ್ಬಳ್ಳಿ ಪೊಲೀಸರು ಕೊಲೆಗಡುಕರನ್ನು ಸೆರೆಹಿಡಿದಿಟ್ಟುಕೊಂಡಿದ್ದಾರಾದರೂ, ಗುರೂಜಿ ಕೊಲೆಯ ಹಿಂದಿನ ಉದ್ದೇಶವಾದರೂ ಏನು ಎಂಬುದನ್ನು ನಿಖರವಾಗಿ ಗುರುತಿಸಬೇಕಾಗಿದೆ. ಇದೇ ಸದ್ಯದ ಚಾಲೆಂಜ್. ಮೂಲಗಳ ಪ್ರಕಾರ ಆಸ್ತಿ ಜಗಳವೇ ಗುರೂಜಿ ಪ್ರಾಣಕ್ಕೆ ಎರವಾಯಿತು ಎನ್ನಲಾಗಿದೆ. ಈ ನಿಟ್ಟಿನಲ್ಲೂ ಪೊಲೀಸರ ತನಿಖೆ ಮುಂದುವರಿದಿದೆ.

ಆದರೂ ಕೊಲೆಯಂತಹ ಪರಾಕಾಷ್ಠ ಕೃತ್ಯಕ್ಕೆ ಆರೋಪಿಗಳಿಬ್ಬರೂ ಕೈಹಾಕಿದ್ದು ಏಕೆ? ಕೊಲೆಗೆ ಬೇರೆಯವರ ಪ್ರಚೋದನೆ, ಒಳಸಂಚು ಏನಾದರೂ ಇದೆಯೇ? ಆರೋಪಿಗಳು ಕೊಲೆಗೆ ಹೇಗೆ ಸಿದ್ದತೆ ಮಾಡಿಕೊಂಡಿದ್ದರು? ಈ ಎಲ್ಲದರ ಬಗ್ಗೆ ಸಾಕ್ಷ್ಯಾಧಾರ ಕಲೆಹಾಕಬೇಕಿದೆ. ಕೊಲೆಯ ಉದ್ದೇಶ ಸಾಬೀತುಪಡಿಸಲು ಪೊಲೀಸರು ಈ ಸಾಕ್ಷ್ಯಾಧಾರಗಳ ಬೆನ್ನುಹತ್ತುವುದು ಅತ್ಯಗತ್ಯವಿದೆ. ಏನೇ ಆಗಲಿ, ಸಾಕ್ಷ್ಯ ಅಧಿನಿಯಮದ ಪ್ರಕಾರ ಸಿಸಿಟಿವಿ ದೃಶ್ಯ ಸಂಗ್ರಹಿಸಿಡಬೇಕು. ಈ ದೃಶ್ಯ ಆರೋಪಿಗಳ ಕುಕೃತ್ಯಕ್ಕೆ‌ ಅತ್ಯಮೂಲ್ಯ ಸಾಕ್ಷ್ಯವಾಗಲಿದೆ. ಅದರಿಂದ ಆರೋಪಿಗಳಿಬ್ಬರಿಗೂ ಜೀವಾವಧಿ ಶಿಕ್ಷೆ ಪಕ್ಕಾ ಎನ್ನಬಹುದು. ಇನ್ನು, ಕೃತ್ಯದ ಭೀಕರತೆ, ಹಂತಕರ ಧಾಡಸಿತನ ಪರಿಗಣಿಸಿದರೆ ಆರೋಪಿಗಳಿಗೆ ಗಲ್ಲು ಶಿಕ್ಷೆಗೂ ಛಾನ್ಸ್​ ಇದೆ.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada