ಪತ್ನಿಯ ಇನ್ಶೂರೆನ್ಸ್​ ಹಣ ದೋಚಲು ಹಾವಿನ ವಿಷವಿರುವ ಇಂಜೆಕ್ಷನ್​ ಕೊಟ್ಟ ಪತಿ

ಪತ್ನಿಯ ಇನ್ಶೂರೆನ್ಸ್​ ಹಣವನ್ನು ದೋಚಲು ವ್ಯಕ್ತಿಯೊಬ್ಬ ಪತ್ನಿಗೆ ಹಾವಿನ ವಿಷವಿರುವ ಇಂಜೆಕ್ಷನ್ ಕೊಟ್ಟು ಹತ್ಯೆ ಮಾಡಿರುವ ಘಟನೆ ಉತ್ತರಾಖಂಡದಲ್ಲಿ ನಡೆದಿದೆ. ಹಾವು ಕಡಿತದಿಂದ ಸಾವನ್ನಪ್ಪಿರುವ ಬಗ್ಗೆ ಆಕೆಯ ತಾಯಿಯ ಕುಟುಂಬಕ್ಕೆ ಮಾಹಿತಿ ನೀಡಲಾಗಿತ್ತು. ಮೃತ ಮಹಿಳೆಯ ಸಹೋದರನಿಗೆ ಅನುಮಾನ ಬಂದು ಪೊಲೀಸರಿಗೆ ದೂರು ನೀಡಿದ್ದರು.

ದೂರಿನ ಆಧಾರದ ಮೇಲೆ ಪೊಲೀಸರು ಆರೋಪಿ ಸೋದರ ಮಾವ ಸೇರಿದಂತೆ ನಾಲ್ವರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಈ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಜಿಲ್ಲೆಯ ಬಡಿಯೋವಾಲ ಅಮ್ಕಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ನಿವಾಸಿ ಶುಭಂ ಚೌಧರಿ ಅವರು 12 ವರ್ಷಗಳ ಹಿಂದೆ ಮೊರಾದಾಬಾದ್‌ನ ಭಗತ್‌ಪುರ ಪೊಲೀಸ್ ಠಾಣೆಯ ಕುಕರ್‌ಜುಂಡಿ ಗ್ರಾಮದ ನಿವಾಸಿ ಸಲೋನಿ ಚೌಧರಿ ಅವರನ್ನು ವಿವಾಹವಾಗಿದ್ದರು.

ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. 10 ದಿನಗಳ ಹಿಂದೆ ಸಲೋನಿ ಅನುಮಾನಾಸ್ಪದವಾಗಿ ಸಾವನ್ನಪ್ಪಿದ್ದರು. ಸಲೋನಿ ಅವರ ತಾಯಿಯ ಮನೆಯಲ್ಲಿ ಈ ಮಾಹಿತಿ ನೀಡುವಾಗ, ಅವರ ಪತಿ ಶುಭಂ ಅವರು ತಮ್ಮ ಹೆಂಡತಿ ಮಲಗಿದ್ದಾಗ ಹಾವು ಕಚ್ಚಿದೆ, ಇದರಿಂದಾಗಿ ಅವರು ಸಾವನ್ನಪ್ಪಿದ್ದಾರೆ ಎಂದು ಹೇಳಿದರು. ತಾಯಿಯ ಕಡೆಯ ಜನರು ಅಲ್ಲಿಗೆ ಬಂದರು.

ಮತ್ತಷ್ಟು ಓದಿ: ಬೆಂಗಳೂರು: ಅಂತಿಮ ದರ್ಶನಕ್ಕೆ ಬಂದು ಸ್ನೇಹಿತನಿಂದಲೇ ಕೊಲೆಯಾದ ವ್ಯಕ್ತಿ

ಸಲೋನಿಯ ಸಹೋದರ ಅಜಿತ್ ಸಿಂಗ್ ತನ್ನ ಸಹೋದರಿಯನ್ನು ಕೊಲೆ ಮಾಡಲಾಗಿದೆ ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಬಾವ ಆಕೆಗೆ 25 ಲಕ್ಷದ ವಿಮೆ ಮಾಡಿಸಿದ್ದ, ಆ ಹಣವನ್ನು ಪಡೆಯಲು ಆತ ಸಂಚು ರೂಪಿಸಿದ್ದಾನೆ, ಆತನೇ ತಂಗಿಗೆ ವಿಷದ ಚುಚ್ಚುಮದ್ದು ನೀಡಿದ್ದಾನೆ, ಆತನಿಗೆ ಬೇರೊಬ್ಬಳ ಜತೆ ಸಂಬಂಧವಿದೆ ಅದು ನನ್ನ ತಂಗಿಗೆ ತಿಳಿದಿತ್ತು ಎಂದು ಆರೋಪಿಸಿದ್ದಾರೆ.

ಈ ವಿಚಾರವಾಗಿ ಇಬ್ಬರ ನಡುವೆ ಜಗಳ ನಡೆಯುತ್ತಿತ್ತು, ಆತ ಆಕೆಯನ್ನು ಥಳಿಸಿ ವಿಚ್ಛೇದನ ನೀಡುವಂತೆ ಬೆದರಿಕೆ ಹಾಕುತ್ತಿದ್ದ, ಹಲವು ಬಾರಿ ಪಂಚಾಯಿತಿ ಕೂಡ ನಡೆಸಲಾಗಿತ್ತು, ಆತ ತನ್ನ ತಂಗಿಯನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದ. ಆತ ತಂಗಿಯ ಮಾವ ಹಾಗೂ ಪತಿ ವಿರುದ್ಧ ದೂರು ದಾಖಲಿಸಿದ್ದಾರೆ.

ಕ್ರೈಂ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ