Karnataka 2nd PUC Result: ದ್ವಿತೀಯ ಪಿಯುಸಿ ಫಲಿತಾಂಶವನ್ನು ಹೆಚ್ಚಿಸಲು ಸಹಾಯ ಮಾಡಿದ ಪ್ರಶ್ನೆ ಪತ್ರಿಕೆಯ ಮಾದರಿಯಲ್ಲಿನ ಬದಲಾವಣೆಗಳು

ಪ್ರಶ್ನೆ ಪತ್ರಿಕೆ ಮಾದರಿಯಲ್ಲಿ (Question Paper Pattern) ಬದಲಾವಣೆ ಮತ್ತು ವಿದ್ಯಾರ್ಥಿಗಳಿಗೆ ಗ್ರೇಸ್ ಅಂಕಗಳನ್ನು (Grace marks patter) ಒದಗಿಸುವ ಸೂತ್ರದ ಪಲವಾಗಿ ದ್ವಿತೀಯ ಪಿಯುಸಿ ಫಲಿತಾಂಶಗಳಲ್ಲಿ (Karnataka 2nd PUC Result) ದಾಖಲೆಯ ಉತ್ತೀರ್ಣ ಶೇಕಡಾವಾರು ಪ್ರಮಾಣಕ್ಕೆ ಕಾರಣವಾಗಿದೆ. ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯಮಾಪನ ಮಂಡಳಿ (KSEAB) ಈ ವರ್ಷ ದ್ವಿತೀಯ ಪಿಯುಸಿ ಪ್ರಶ್ನೆ ಪತ್ರಿಕೆ ಮಾದರಿಯನ್ನು ಬದಲಾಯಿಸಿದೆ. ಪ್ರಶೆ ಪತ್ರಿಕೆಯಲ್ಲಿ ಒಂದು ಅಂಕಕ್ಕೆ 20 ಹೆಚ್ಚು ವಸ್ತುನಿಷ್ಠ ಪ್ರಶ್ನೆಗಳನ್ನು ಇವುಗಳಿದ್ದವು, ಅದರಲ್ಲಿ 12 ಪ್ರಶ್ನೆಗಳನ್ನು ಬಹು ಆಯ್ಕೆ ಮಾದರಿಯ ಪ್ರಶ್ನೆಗಳಾಗಿ (MCQ ಗಳು) ಪರಿವರ್ತಿಸಲಾಗಿದೆ. ಈ ವಿಧಾನವು ವಿದ್ಯಾರ್ಥಿಗಳಿಗೆ ಉತ್ತಮ ಅಂಕಗಳನ್ನು ಗಳಿಸಲು ಸಹಾಯ ಮಾಡಿತು.

ದ್ವಿತೀಯ ಪಿಯುಸಿ ಪರೀಕ್ಷೆಗಳ ಇತಿಹಾಸದಲ್ಲೇ ಈ ವರ್ಷದ 74.67% ಉತ್ತೀರ್ಣತೆಯು ಅತ್ಯಧಿಕವಾಗಿದೆ. ಫಲಿತಾಂಶಗಳನ್ನು ಪ್ರಕಟಿಸಲು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕೆಎಸ್‌ಇಎಬಿ ಅಧ್ಯಕ್ಷ ಆರ್.ರಾಮಚಂದ್ರನ್, “ಈ ವರ್ಷ ನಾವು ದ್ವಿತೀಯ ಪಿಯುಸಿ ಪ್ರಶ್ನೆ ಪತ್ರಿಕೆ ಮಾದರಿಯನ್ನು ಬದಲಾಯಿಸಿದ್ದೇವೆ ಮತ್ತು ಬಹು ಆಯ್ಕೆ ಪ್ರಶ್ನೆಗಳನ್ನು (ಎಂಸಿಕ್ಯೂ) ಪರಿಚಯಿಸಿದ್ದೇವೆ. ಇದು ವಿದ್ಯಾರ್ಥಿಗಳಿಗೆ ಸಹಾಯ ಮಾಡಿತು. ಮುಂಬರುವ ವರ್ಷಗಳಲ್ಲಿ, ಫಲಿತಾಂಶವನ್ನು ಸುಧಾರಿಸಲು ನಾವು ಇನ್ನೂ ಕೆಲವು ಕ್ರಮಗಳನ್ನು ತರುತ್ತೇವೆ. ” ಎಂದು ಹೇಳಿದರು

ಈ ವಿಧಾನವನ್ನು ಏಕೆ ಬಳಸಲಾಯಿತು?

ಕರ್ನಾಟಕವು ಹೆಚ್ಚಿನ ಸಂಖ್ಯೆಯ ಉನ್ನತ ಶಿಕ್ಷಣ ಸಂಸ್ಥೆಗಳನ್ನು ಹೊಂದಿದೆ, ಆದರೆ ರಾಜ್ಯ ಮಂಡಳಿಯ ವಿದ್ಯಾರ್ಥಿಗಳು ಉನ್ನತ ಶಿಕ್ಷಣಕ್ಕೆ ಪ್ರವೇಶ ಪದ್ದುಕೊಳ್ಳುವುದು ಕಡಿಮೆಯಾಗಿದೆ. ಪ್ರತಿ ವರ್ಷ ಸುಮಾರು 6 ಲಕ್ಷ ವಿದ್ಯಾರ್ಥಿಗಳು ದ್ವಿತೀಯ ಪಿಯುಸಿ ಪರೀಕ್ಷೆಗಳಿಗೆ ದಾಖಲಾಗುತ್ತಾರೆ. ಈ ಮೊದಲು ಉತ್ತೀರ್ಣರ ಪ್ರಮಾಣವು ಸರಾಸರಿ 61% ದಾಟಿರಲಿಲ್ಲ ಮತ್ತು ಪ್ರಶ್ನೆ ಪತ್ರಿಕೆಗಳು ಕಠಿಣವಾಗಿವೆ ಎಂದು ವಿದ್ಯಾರ್ಥಿಗಳು ಮತ್ತು ಪೋಷಕರು ಆರೋಪಿಸಿದರು. ಅದೇ ಸಮಯದಲ್ಲಿ, ಸೆಂಟ್ರಲ್ ಬೋರ್ಡ್ ಸಂಸ್ಥೆಗಳ ವಿದ್ಯಾರ್ಥಿಗಳು 90% ಕ್ಕಿಂತ ಹೆಚ್ಚು ಅಂಕಗಳನ್ನು ಗಳಿಸಿದರು ಎಂದು ದಿ ಹಿಂದೂ ಪತ್ರಿಕೆ ವರದಿ ಮಾಡಿದೆ.

ಕೇಂದ್ರೀಯ ಮಂಡಳಿಯ ಶಿಕ್ಷಣ ಸಂಸ್ಥೆಗಳು ವಸ್ತುನಿಷ್ಠ ಪ್ರಕಾರ ಮತ್ತು MCQ ಮಾದರಿಯ ಪ್ರಶ್ನೆಗಳಿಗೆ ಪ್ರಾಮುಖ್ಯತೆಯನ್ನು ನೀಡುತ್ತವೆ, ಇದು ಉತ್ತಮ ಫಲಿತಾಂಶಗಳನ್ನು ನೀಡಿತು. ಕೆಲವು ನೆರೆಯ ರಾಜ್ಯಗಳು ಸಹ ಫಲಿತಾಂಶವನ್ನು ಸುಧಾರಿಸಲು ತಮ್ಮ XII ತರಗತಿಯ ಪರೀಕ್ಷೆಗಳಲ್ಲಿ ಅದೇ ಸೂತ್ರವನ್ನು ಅಳವಡಿಸಿಕೊಂಡಿವೆ. ಆದ್ದರಿಂದ, ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ದಾಖಲಾತಿಯನ್ನು ಸುಧಾರಿಸಲು ಕೆಲವು ತಿಂಗಳ ಹಿಂದೆ, ಉನ್ನತ ಶಿಕ್ಷಣ ಸಚಿವರು, ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯ ಸಚಿವರು ಮತ್ತು ಇತರ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದರು.

ಇದನ್ನೂ ಓದಿ: ದ್ವಿತೀಯ ಪಿಯುಸಿ ಪೂರಕ ಪರೀಕ್ಷೆಯ ನೋಂದಣಿ ಏಪ್ರಿಲ್ 21 ರಿಂದ ಆರಂಭ

ಅಂತಿಮವಾಗಿ, ಅವರು ದ್ವಿತೀಯ ಪಿಯುಸಿ ಪ್ರಶ್ನೆ ಪತ್ರಿಕೆಯನ್ನು ಬದಲಾಯಿಸಲು ಮತ್ತು MCQ ಜೊತೆಗೆ ಒಂದು ಅಂಕಕ್ಕೆ ಹೆಚ್ಚು ವಸ್ತುನಿಷ್ಠ ಪ್ರಶ್ನೆಗಳನ್ನು ಅಳವಡಿಸಿಕೊಳ್ಳಲು ನಿರ್ಧರಿಸಿದರು. ಮೊದಲು, ಪ್ರತಿ ವಿಷಯದಲ್ಲಿ ಕೇವಲ 5 ರಿಂದ 10 ವಸ್ತುನಿಷ್ಠ ಪ್ರಶ್ನೆಗಳಿದ್ದವು. ಆದರೆ, ಈ ವರ್ಷ ಅದು 20ಕ್ಕೆ ಏರಿತು. ಇವುಗಳಲ್ಲಿ 12 ಪ್ರಶ್ನೆಗಳನ್ನು MCQ ಆಗಿ ಪರಿವರ್ತಿಸಲಾಗಿದೆ.

ಗ್ರೇಸ್ ಅಂಕಗಳ ಸೂತ್ರವನ್ನು ಬದಲಾಯಿಸಲಾಗಿದೆ, ಈ ಹಿಂದೆ, ಮಂಡಳಿಯು ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಎರಡು ವಿಷಯಗಳಿಗೆ 5% ಗ್ರೇಸ್ ಅಂಕಗಳನ್ನು ನೀಡಿತ್ತು – ಒಂದು ಭಾಷಾ ವಿಷಯದಲ್ಲಿ ಮತ್ತು ಇನ್ನೊಂದು ಕೋರ್ ವಿಷಯದಲ್ಲಿ. ಆದರೆ ಈ ವರ್ಷ ನಿಯಮಕ್ಕೆ ತಿದ್ದುಪಡಿ ತಂದು ಯಾವುದಾದರೂ ಎರಡು ವಿಷಯಗಳಿಗೆ ಶೇ.5ರಷ್ಟು ಗ್ರೇಸ್ ಅಂಕ ನೀಡಲು ಅನುಮತಿಸಿದೆ. ಎಲ್ಲಾ ವಿಷಯಗಳಲ್ಲಿ ಒಟ್ಟು 600 ಅಂಕಗಳಿಗೆ 210 ಅಂಕಗಳನ್ನು ಪಡೆದ ವಿದ್ಯಾರ್ಥಿಯು ಗ್ರೇಸ್ ಅಂಕಗಳನ್ನು ಪಡೆಯಲು ಅರ್ಹತೆ ಹೊಂದಿದ್ದರು. ಒಟ್ಟು 10,153 ವಿದ್ಯಾರ್ಥಿಗಳು ಈ ಬಾರಿ ಗ್ರೇಸ್ ಮಾರ್ಕ್‌ಗಳ ಪ್ರಯೋಜನ ಪಡೆದಿದ್ದಾರೆ.