ಚಾಟ್‌ಜಿಪಿಟಿ ವಿದ್ಯಾರ್ಥಿಗೆ ಯಾವುದೇ ತರಗತಿಗೆ ಹಾಜರಾಗದೆ ಪರೀಕ್ಷೆಯಲ್ಲಿ ಶೇ.94 ಗಳಿಸಲು ಸಹಾಯ ಮಾಡಿದೆ
ಈ ಸ್ಪೂರ್ತಿದಾಯಕ ಕಥೆಯು ಶಿಕ್ಷಣದಲ್ಲಿ AI ಯ ಶಕ್ತಿಯನ್ನು ಎತ್ತಿ ತೋರಿಸುತ್ತದೆ ಅಲ್ಲದೆ ವಿದ್ಯಾರ್ಥಿಯ ಸೃಜನಶೀಲ ಚಿಂತನೆ ಮತ್ತು ನಿರ್ಣಯವು ಗಮನಾರ್ಹ ಫಲಿತಾಂಶಗಳಿಗೆ ಹೇಗೆ ಕಾರಣವಾಗಬಹುದು ಎಂಬುದನ್ನು ತೋರಿಸುತ್ತದೆ
Updated on: Apr 20, 2023 | 4:42 PM
ರೆಡ್ಡಿಟ್‌ನಲ್ಲಿ (Reddit) u/151N ಎಂದು ಕರೆಯಲ್ಪಡುವ ಕಾಲೇಜು ವಿದ್ಯಾರ್ಥಿಯು (Student) ಚಾಟ್‌ಜಿಪಿಟಿ, (ChatGPT) ಸುಧಾರಿತ AI ಭಾಷೆಯ ಮಾದರಿಯು ತಮ್ಮ ಶೈಕ್ಷಣಿಕ ಅಡತಡೆಯನ್ನು ಹೇಗೆ ಪರಿಹರಿಸಿತು ಎಂಬುದರ ಕುರಿತು ರೋಮಾಂಚಕ ಘಟನೆಯನ್ನು ಹಂಚಿಕೊಂಡಿದ್ದಾರೆ. ಪರೀಕ್ಷೆಗೆ ಕೇವಲ ಮೂರು ದಿನಗಳು ಮಾತ್ರ ಉಳಿದ ಸಂದರ್ಭದಲ್ಲಿ, ವಿದ್ಯಾರ್ಥಿ ಒಂದೇ ಒಂದು ಉಪನ್ಯಾಸಕ್ಕೆ ಹಾಜರಾಗಿರಲಿಲ್ಲ ಅಥವಾ ಯಾವುದೇ ಧ್ವನಿಮುದ್ರಣವನ್ನು ವೀಕ್ಷಿಸಲಿಲ್ಲ. ಇಂತಹ ಸಮಯದಲ್ಲಿ ಕೃತಕ ಬುದ್ದಿಮತ್ತೆ ಚಾಟ್‌ಜಿಪಿಟಿ ಇವರ ಸಹಾಯಕ್ಕೆ ಬಂದಿದೆ. ಇದರ ಸಹಾಯದಿಂದ ಈ ವಿದ್ಯಾರ್ಥಿ ಬರೋಬ್ಬರಿ 94% ಗಳಿಸಿದ್ದಾರೆ.
ವೈಯಕ್ತಿಕ ಸಮಸ್ಯೆಗಳ ವಿರುದ್ಧ ಹೋರಾಡುತ್ತಾ, ವಿದ್ಯಾರ್ಥಿ ಕೇವಲ ಮೂರು ದಿನಗಳಲ್ಲಿ 12 ವಾರಗಳ ಉಪನ್ಯಾಸ ಸಾಮಗ್ರಿಯನ್ನು ಹೇಗೆ ಕವರ್ ಮಾಡುವುದು? ಎಂದು ತಲೆ ಕೆಡಿಸಿಕೊಂಡಿದ್ದರು. ವಿದ್ಯಾರ್ಥಿಯು ಪರಿಹಾರಕ್ಕಾಗಿ ChatGPT ಯ ಮೊರೆ ಹೋದಾಗ, ಪರೀಕ್ಷೆಯು ಬಹು ಆಯ್ಕೆಯಾಗಿರುತ್ತದೆ ಮತ್ತು ಉಪನ್ಯಾಸದ ವಿಷಯವನ್ನು ಆಧರಿಸಿದೆ ಎಂದು ChatGPT ಗುರುತಿಸಿತು.
ಉಪನ್ಯಾಸ ಪ್ರತಿಗಳು Echo360 ನಲ್ಲಿ ಲಭ್ಯವಿವೆ ಎಂದು u/151N ಕಂಡುಹಿಡಿದುಕೊಂಡರು, ಆದರೆ ಚಾಟ್‌ಜಿಪಿಟಿಗ ನಿರ್ವಹಿಸಲು ಈ ಉಪನ್ಯಾಸಗಳು ತುಂಬಾ ಉದ್ದವಾಗಿದ್ದವು. ವಿಚಲಿತರಾಗದೆ, ವಿದ್ಯಾರ್ಥಿಯು ವಿಷಯವನ್ನು ಟ್ರಿಮ್ ಮಾಡಲು ಪಠ್ಯ ಸಾರಾಂಶವನ್ನು ಬಳಸಿದರು, ನಂತರ ಸಾರಾಂಶದ ಪ್ರತಿಗಳನ್ನು ವಿಶ್ಲೇಷಿಸುವ ಮತ್ತು ಪ್ರತಿ ಉಪನ್ಯಾಸದಿಂದ ಅಗತ್ಯ ಚರ್ಚೆಗಳನ್ನು ಹೈಲೈಟ್ ಮಾಡುವ ಕಾರ್ಯವನ್ನು ChatGPT ಗೆ ವಹಿಸಿದರು.
ವಿದ್ಯಾರ್ಥಿಯು ಮೊದಲ ದಿನವನ್ನು ಪ್ರತಿ ಉಪನ್ಯಾಸದಿಂದ ನಿರ್ಣಾಯಕ ಅಂಶಗಳ ಪಟ್ಟಿಯನ್ನು ರಚಿಸಿದರು, 24-30 ಗಂಟೆಗಳ ವಸ್ತುಗಳನ್ನು ಕೇವಲ 4-5 ಗಂಟೆಗಳ ಪಟ್ಟಿಯನ್ನಾಗಿ ತಯಾರಿಸಿದರು. ಎರಡನೆಯ ದಿನದಲ್ಲಿ, ಪಾಠದ ಪಠ್ಯಪುಸ್ತಕ ಮತ್ತು ಸಾರಾಂಶದ ಪ್ರತಿಗಳನ್ನು ಮಾತ್ರ ಬಳಸಿಕೊಂಡು ಉಪನ್ಯಾಸಗಳಿಂದ ಪ್ರತಿ ಮಹತ್ವದ ಪದವನ್ನು ವ್ಯಾಖ್ಯಾನಿಸಲು ChatGPT ಯನ್ನು ಕೇಳಿದರು. ಅಂತಿಮವಾಗಿ, ಅವರು ಕೊನೆಯ ದಿನವನ್ನು ಚಾಟ್‌ಜಿಪಿಟಿ ಒದಗಿಸಿದ ಮಾಹಿತಿಯನ್ನು ಪರಿಶೀಲಿಸುವಲ್ಲಿ ಕಳೆದರು.
ಇದನ್ನೂ ಓದಿ: ತಾಪಮಾನ ಹೆಚ್ಚಳ; ಏಪ್ರಿಲ್‌ನಲ್ಲಿ ಶಾಲಾ ಸಮಯವನ್ನು ಪರಿಷ್ಕರಿಸಿದ ರಾಜ್ಯಗಳ ಪಟ್ಟಿ
ಈ ರೀತಿ ಓದಿದ ಬಳಿಕ u/151N (ವಿದ್ಯಾರ್ಥಿ) ಪರೀಕ್ಷೆಯಲ್ಲಿ 94% ಅಂಕವನ್ನು ಗಳಿಸಿದರು, ಚಾಟ್‌ಜಿಪಿಟಿ ಮಾರ್ಗದರ್ಶನದ ಮೂರು ದಿನಗಳ ತೀವ್ರವಾದ ಅಧ್ಯಯನಕ್ಕೆ ಧನ್ಯವಾದಗಳು ಎಂದು ತಿಳಿಸಿದ್ದಾರೆ. ವಿದ್ಯಾರ್ಥಿಯು, ಅವರು ಮೋಸ ಮಾಡಲಿಲ್ಲ ಎಂದು ಒತ್ತಿ ಹೇಳಿದರು; ಬದಲಾಗಿ, ಅವರು ಓದುವಾಗ ಸರಿಯಾದ ದಿಕ್ಕಿನಲ್ಲಿ ಹೋಗಲು ಇಚ್ಛಿಸಿದರು, ಮತ್ತು ಇದಕ್ಕೆ AI ಅನ್ನು ಅವಲಂಬಿಸಿದ್ದಾರೆ.
ಈ ಸ್ಪೂರ್ತಿದಾಯಕ ಕಥೆಯು ಶಿಕ್ಷಣದಲ್ಲಿ AI ಯ ಶಕ್ತಿಯನ್ನು ಎತ್ತಿ ತೋರಿಸುತ್ತದೆ ಮಾತ್ರವಲ್ಲದೆ ಅಡೆತಡೆಗಳ ನಡುವೆಯೂ ಸಹ ಸೃಜನಶೀಲ ಚಿಂತನೆ ಮತ್ತು ನಿರ್ಣಯವು ಗಮನಾರ್ಹ ಫಲಿತಾಂಶಗಳಿಗೆ ಹೇಗೆ ಕಾರಣವಾಗಬಹುದು ಎಂಬುದನ್ನು ತೋರಿಸುತ್ತದೆ
