JEE Main 2023 Result: ಜೆಇಇ ಮೇನ್ಸ್‌ ಸೆಷನ್ 2 ಫಲಿತಾಂಶ ಪ್ರಕಟ; ಜೆಇಇ ಅಡ್ವಾನ್ಸ್ಡ್ 2023 ರ ಕಟ್-ಆಫ್ ಹೀಗಿದೆ

ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಜೆಇಇ ಮುಖ್ಯ ಪರೀಕ್ಷೆ 2023 ಸೆಷನ್ -2ರ ಫಲಿತಾಂಶವನ್ನು ಇಂದು ಅಧಿಕೃತ ವೆಬ್‌ಸೈಟ್‌ jeemain.nta.nic.in ನಲ್ಲಿ ಪ್ರಕಟಿಸಿದೆ. ನಾಳೆಯಿಂದ (ಏಪ್ರಿಲ್ 30) ಜೆಇಇ ಅಡ್ವಾನ್ಸ್ 2023 ಪರೀಕ್ಷೆಯ ನೋಂದಣಿ ಪ್ರಕ್ರಿಯೆಯು ಪ್ರಾರಂಭವಾಗಲಿದೆ.

ಜೆಇಇ ಮುಖ್ಯ ಫಲಿತಾಂಶ 2023

TV9 Web | Updated By: Digi Tech Desk
Updated on:Apr 29, 2023 | 11:34 AM

ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (NTA) ಇಂದು (April 29) ಜೆಇಇ ಮೇನ್ ಸೆಶನ್ 2 ಫಲಿತಾಂಶವನ್ನು (JEE Main Session 2 Result 2023) ಪ್ರಕಟಿಸಲಿದೆ. ಫಲಿತಾಂಶವನ್ನು ಪರಿಶೀಲಿಸಲು ಬಯಸುವ ಅಭ್ಯರ್ಥಿಗಳು NTA ಅಧಿಕೃತ ವೆಬ್‌ಸೈಟ್‌ jeemain.nta.nic.in ಅಲ್ಲಿ ಪರಿಶೀಲಿಸಬಹುದು. NTA ಏಪ್ರಿಲ್ 6 ರಿಂದ 15, 2023 ರವರೆಗೆ JEE ಮೇನ್ 2023 ಸೆಷನ್ 2 ಪರೀಕ್ಷೆಗಳನ್ನು ನಡೆಸಿತು. ಪ್ರವೇಶ ಪರೀಕ್ಷೆಗಳಿಗೆ ಹಾಜರಾಗಿರುವ ವಿದ್ಯಾರ್ಥಿಗಳು ತಮ್ಮ ಫಲಿತಾಂಶವನ್ನು ಪರಿಶೀಲಿಸಿ ನಾಳೆಯಿಂದ ಜೆಇಇ ಅಡ್ವಾನ್ಸ್ 2023 ಪರೀಕ್ಷೆಗಳಿಗೆ ನೋಂದಣಿ ಮಾಡಿಕೊಳ್ಳಲು ಅವಕಾಶವಿದೆ.

NTA JEE ಮೇನ್ ಸೆಶನ್ 2 ತಾತ್ಕಾಲಿಕ ಉತ್ತರ ಕೀಯನ್ನು ಬಿಡುಗಡೆ ಮಾಡಿದೆ. ಏಪ್ರಿಲ್ 19, 2023 ರಂದು ಅಭ್ಯರ್ಥಿಗಳಿಗೆ ಆಕ್ಷೇಪಣೆಗಳು ಮತ್ತು ಸವಾಲುಗಳನ್ನು ಎತ್ತಲು ಏಪ್ರಿಲ್ 21, 2023 ರವರೆಗೆ ಕಾಲಾವಧಿಯನ್ನು ನೀಡಲಾಯಿತು. ಎತ್ತಿದ ಸವಾಲನ್ನು ಆಧರಿಸಿ, NTA ಅಂತಿಮ ತಾತ್ಕಾಲಿಕ ಉತ್ತರ ಕೀಯನ್ನು ಏಪ್ರಿಲ್ 24, 2023 ರಂದು ಬಿಡುಗಡೆ ಮಾಡಿತು.

ಜೆಇಇ ಮುಖ್ಯ ಪರೀಕ್ಷೆ ಸೆಷನ್ -2 ಪರೀಕ್ಷೆಯಲ್ಲಿ ಟಾಪ್ 2.5 ಲಕ್ಷ ರ್ಯಾಂಕ್ ನಲ್ಲಿರುವ ಅಭ್ಯರ್ಥಿಗಳು ಐಐಟಿ ಜೆಇಇ ಅಥವಾ ಜೆಇಇ ಅಡ್ವಾನ್ಸ್ 2023 ಪರೀಕ್ಷೆಗೆ ಹಾಜರಾಗಲು ಅರ್ಹರತೆಯನ್ನು ಪಡೆದಿದ್ದಾರೆ ಎಂದು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ತಿಳಿಸಿದೆ. ಈ ವರ್ಷ ಜೆಇಇ ಅಡ್ವಾನ್ಸ್ಡ್ ಕಟ್ ಆಫ್ 90%ಗೆ ಹೆಚ್ಚಿದೆ.

ಜೆಇಇ ಅಡ್ವಾನ್ಸ್ ಕಟ್-ಆಫ್ ಅಂಕ

ಸಾಮಾನ್ಯ ವರ್ಗ – 90.7788642
ಸಾಮಾನ್ಯ -PwD – 0.0013527
EWS – 75.6229025
ಒಬಿಸಿ – 73.6114227
ಎಸ್‌ಸಿ – 51.9776027
ಎಸ್‌ಟಿ – 37.2348772

JEE ಮೇನ್ 2023 ಪರೀಕ್ಷೆಯ ಟಾಪ್ 2,50,000 ರಲ್ಲಿರುವ ಆಕಾಂಕ್ಷಿಗಳಿಗಾಗಿ ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿಯು JEE ಅಡ್ವಾನ್ಸ್ಡ್ 2023 ಪರೀಕ್ಷೆಯನ್ನು ನಡೆಸುತ್ತದೆ. ಪರೀಕ್ಷೆ ನಡೆಸುವ ಸಂಸ್ಥೆಯು ಅಧಿಕೃತ ವೆಬ್‌ಸೈಟ್‌ನಲ್ಲಿ JEE ಅಡ್ವಾನ್ಸ್ಡ್ 2023 ರ ಅರ್ಜಿ ನಮೂನೆಯನ್ನು ಬಿಡುಗಡೆ ಮಾಡುತ್ತದೆ.

ಇದನ್ನೂ ಓದಿ: ಸಿಬಿಎಸ್ಇ 10 ಮತ್ತು12ನೇ ತರಗತಿ ಫಲಿತಾಂಶ ಶೀಘ್ರದಲ್ಲೇ ಬಿಡುಗಡೆ: ರಿಸಲ್ಟ್ ಪರಿಶೀಲಿಸಲು ಇಲ್ಲಿದೆ ಮಾರ್ಗ