Madikeri Election Result 2023: ಮಡಿಕೇರಿ ವಿಧಾನಸಭಾ ಕ್ಷೇತ್ರ ಎಲೆಕ್ಷನ್ 2023 ರಿಸಲ್ಟ್: ಹಾಲಿ ಶಾಸಕ ಬಿಜೆಪಿಯ ಅಪ್ಪಚ್ಚುರಂಜನ್​ರನ್ನು ಸೋಲಿಸಿದ ಕಾಂಗ್ರೆಸ್​ನ ಮಂಥರ್ ಗೌಡ

Madikeri Assembly Election Result 2023: ಕೊಡಗಿನ ಎರಡು ವಿಧಾನಸಭಾ ಕ್ಷೇತ್ರಗಳ ಪೈಕಿ ಒಂದಾಗಿರುವ ಮಡಿಕೇರಿ ಬಹಳ ವರ್ಷಗಳಿಂದ ಬಿಜೆಪಿ ಮತ್ತು ಕಾಂಗ್ರೆಸ್ ನಡುವೆ ಜಿದ್ದಾಜಿದ್ದಿಗೆ ವೇದಿಕೆಯಾಗಿದೆ. ಇಂದು ಕರ್ನಾಟಕ ವಿಧಾನಸಭಾ ಚುನಾವಣೆಯ ಫಲಿತಾಂಶ ಪ್ರಕಟವಾಗಿದೆ. ಬಹಳ ಮಂದಿಯ ಕುತೂಹಲ ಕೆರಳಿಸಿರುವ ಕ್ಷೇತ್ರಗಳಲ್ಲಿ ಒಂದಾಗಿದ್ದ ಮಡಿಕೇರಿಯಲ್ಲಿ ಕಾಂಗ್ರೆಸ್ ಜಯಭೇರಿ ಭಾರಿಸಿದೆ. ಐದು ಬಾರಿ ಶಾಸಕರಾಗಿರುವ ಅಪ್ಪಚ್ಚು ರಂಜನ್ ಎಂ.ಪಿಗೆ ಸೋಲಾಗಿದೆ. ಡಾ. ಮಂಥರ್ ಗೌಡ ಜಯಭೇರಿ ಭಾರಿಸಿದ್ದಾರೆ.

ಮಡಿಕೇರಿ ವಿಧಾನಸಭಾ ಕ್ಷೇತ್ರದ ಪ್ರಮುಖ ಅಭ್ಯರ್ಥಿಗಳು:

• ಬಿಜೆಪಿ: ಅಪ್ಪಚ್ಚು ರಂಜನ್ ಎಂ.ಪಿ.
• ಕಾಂಗ್ರೆಸ್: ಡಾ. ಮಂಥರ್ ಗೌಡ
• ಜೆಡಿಎಸ್: ನಾಪಂಡ ಮುತ್ತಪ್ಪ

ಇಲ್ಲಿ ಬಿಜೆಪಿಯ ಅಪ್ಪಚ್ಚು ರಂಜನ್ ಗೆಲುವು ಬಹುತೇಕ ಶತಃಸಿದ್ಧ ಎನ್ನಲಾಗುತ್ತಿದೆ. ಆದರೆ, ಅಪ್ಪಚ್ಚುಗೆ ಈ ಬಾರಿ ಆರೆಸ್ಸೆಸ್​ನ ಆಶೀರ್ವಾದ ಇಲ್ಲ ಎಂಬ ಮಾತು ಕೇಳಿಬರುತ್ತಿದ್ದು ಇದು ಗಮನಾರ್ಹ ಎನಿಸಿದೆ. ಮಂಥರ್ ಗೌಡ ಅವರು ಮಾಜಿ ಸಚಿವ ಎ ಮಂಜು ಅವರ ಮಗ. ವಿಧಾನಪರಿಷತ್ ಚುನಾವಣೆಯಲ್ಲಿ ಸ್ವಲ್ಪದರಲ್ಲಿ ಸೋಲುಂಡಿದ್ದ ಡಾ. ಮಂಥರ್ ಗೌಡ ಈ ಬಾರಿ ಗೆಲುವಿನ ಫಲಿತಾಂಶ ಸಿಗಬಹುದು ಎಂಬ ಎಣಿಕೆಯಲ್ಲಿದ್ದಾರೆ. ಇಲ್ಲಿ ಯಾರ ಕೈ ಮೇಲಾಗಿ ಯಾರ ಕೊರಳಿಗೆ ಗೆಲುವಿನ ಹೂಮಾಲೆ ದೊರಕುತ್ತದೆ ಎಂಬುದು ಸದ್ಯದಲ್ಲೇ ಗೊತ್ತಾಗಲಿದೆ.

ಕರ್ನಾಟಕ ವಿಧಾನಸಭಾ ಚುನಾವಣೆಯ ಇನ್ನಷ್ಟು ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ