Rat in Pant: ಸಿನಿಮಾ ನೋಡುತ್ತಿರುವಾಗ ಅಮಿತಾಬ್ ಬಚ್ಚನ್ ಪ್ಯಾಂಟ್​ನಲ್ಲಿ ಇಲಿ ನುಗ್ಗಿತ್ತಂತೆ! ಇನ್ಸ್​​ಟಾಗ್ರಾಮ್​ನಲ್ಲಿ ಆತಂಕಕಾರಿ ಮಾಹಿತಿ ಹಂಚಿಕೊಂಡ ಬಿಗ್​ ಬಿ!

ಅಮಿತಾಭ್ ಬಚ್ಚನ್ (Amitabh Bachchan) ಭಾರತದ ಹಿರಿಯ ನಟರಲ್ಲಿ ಒಬ್ಬರು. ಅಮಿತಾಭ್ ಅವರ ಕ್ರೇಜ್ ಬಗ್ಗೆ ಹೇಳಬೇಕಾಗಿಲ್ಲ. ಐದು ದಶಕಗಳಿಂದ ತಮ್ಮ ನಟನೆಯಿಂದ ಕೋಟಿ ಕೋಟಿ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಆರಂಭದಿಂದಲೂ ಎತ್ತರದ, ನೀಳಕಾಯ ದೇಹ ಹೊಂದಿರುವ ನಟ ಅಮಿತಾಭ್ ಅವರ ಶೈಲಿ ಮತ್ತು ಡ್ರೆಸ್ಸಿಂಗ್ ಸೆನ್ಸ್​ ವಿಭಿನ್ನ ಮಟ್ಟದಲ್ಲಿದೆ. ಇನ್ನು ಅಮಿತಾಭ್ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಕಾಲಕಾಲಕ್ಕೆ ದೇವರ ಆಶೀರ್ವಾದ ಬೇಡುವ ಪೋಸ್ಟ್​ಗಳಿಂದ ಹಿಡಿದು ತಮ್ಮ ಜೀವನದ ಸ್ವಾರಸ್ಯಕರ ಸಂಗತಿಗಳನ್ನು ತಮ್ಮ ಅಸಂಖ್ಯಾತ ಅಭಿಮಾನಿಗಳಿಗೆ ಸಾಮಾಜಿಕ ಜಾಲತಾಣದ ಪೋಸ್ಟ್​​ಗಳ ಮುಖಾಂತರ ತಲುಪುತ್ತಾರೆ. ಇಂತಹುದೇ ಒಂದು ಸ್ವಾರಸ್ಯಕರ/ ಆತಂಕಕಾರಿ ಸಂಗತಿಯೊಂದನ್ನು ಅಮಿತಾಭ್​ ಇತ್ತೀಚೆಗೆ ಹಂಚಿಕೊಂಡಿದ್ದಾರೆ: 43 ವರ್ಷಗಳ ಹಿಂದೆ ತೆರೆಕಂಡ ‘ದೋ ಔರ್ ದೋ ಪಾಂಚ್’ ಸಿನಿಮಾದ ವೇಳೆ ನಡೆದ ಮೋಜಿನ ಆದರೆ ಆ ಕ್ಷಣದ ಆತಂಕವನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

‘2+2=5; ದೋ ಔರ್ ದೋ ಪಾಂಚ್ ಚಿತ್ರ ಬಿಡುಗಡೆಯಾಗಿ 43 ವರ್ಷಗಳಾಗಿವೆ. ಈ ಸಿನಿಮಾದ ಶೂಟಿಂಗ್ ತುಂಬಾ ಮಜವಾಗಿತ್ತು..! ಬೆಲ್ ಬಾಟಮ್ಸ್ ಮತ್ತು ಎಲ್ಲಾ!!! …. ಆ ಕಾಲದಲ್ಲಿ ಬೆಲ್ ಬಾಟಮ್ (Bell Bottom Pant) ತುಂಬಾ ಆಕರ್ಷಕವಾಗಿತ್ತು.. ನಾನು ಥಿಯೇಟರ್‌ನಲ್ಲಿ ಸಿನಿಮಾ ನೋಡಲು ಹೋದಾಗ ನನ್ನ ಪ್ಯಾಂಟ್‌ನಲ್ಲಿ ಇಲಿ (Rat) ಹರಿದಾಡಿತು.. ಧನ್ಯವಾದಗಳು ಬೆಲ್ ಬಾಟಮ್’ ಎಂದು ನಗುವ ಎಮೋಜಿಗಳನ್ನು ಇನ್ಸ್​​ಟಾಗ್ರಾಮ್​ನಲ್ಲಿ ಪೋಸ್ಟ್​ (Instagram) ಮಾಡಿದ್ದಾರೆ.

ಅಮಿತಾಭ್ ಇನ್ಸ್​ಟಾಗ್ರಾಮ್​ ಪೋಸ್ಟ್ ಮಾಹಿತಿ ಹೀಗಿದೆ:

“43 years of 2+2 = 5 ; Do aur Do Panch .. what fun this film was .. bell bottoms and all !!! …. Err the bell bottoms were very inviting those days .. went to see a film in a theatre, and a rat climbed into my pants .. thanks to the bell bottom (laughing emojis).”

View this post on Instagram

A post shared by Amitabh Bachchan (@amitabhbachchan)

ತಮ್ಮ ನೆಚ್ಚಿನ ನಾಯಕನ ಇಂತಹ ಮೋಜಿನ/ಆತಂಕಕಾರಿ ವಿಷಯ ಹಂಚಿಕೊಂಡರೆ ಅವರ ಅಭಿಮಾನಿಗಳು ಸುಮ್ಮನಿರುತ್ತಾರಾ? ಜನರು ಈ ಪೋಸ್ಟ್ ಬಗ್ಗೆ ವಿಭಿನ್ನ ವ್ಯಾಖ್ಯಾನಗಳನ್ನು ಮಾಡುತ್ತಾ, ಕಾಮೆಂಟ್ ಮಾಡುತ್ತಿದ್ದಾರೆ, ಇಷ್ಟಪಡುತ್ತಿದ್ದಾರೆ ಮತ್ತು ಮತ್ತೆ ಮತ್ತೆ ಹಂಚಿಕೊಳ್ಳುತ್ತಿದ್ದಾರೆ. ಏತನ್ಮಧ್ಯೆ, 1980 ರಲ್ಲಿ ಬಿಡುಗಡೆಯಾದ ದೋ ಔರ್ ದೋ ಪಾಂಚ್ ಚಿತ್ರದಲ್ಲಿ ಅಮಿತಾಭ್ ಜೊತೆಗೆ ಶಶಿ ಕಪೂರ್, ಹೇಮ್ ಮಾಲಿನಿ, ಖಾದರ್ ಖಾನ್, ಓಂ ಪ್ರಕಾಶ್, ಶ್ರೀರಾಮ್ ಲಾಗು ಮತ್ತಿತರರು ನಟಿಸಿದ್ದಾರೆ. ಅದು ಸೂಪರ್ ಹಿಟ್​ ಸಹ ಆಗಿತ್ತು!