64ರ ಪ್ರಾಯದ ಅನಿಲ್​ ಕಪೂರ್​ ಈಗಲೂ ಬಾಡಿ ಫಿಟ್​ ಆಗಿ ಇಟ್ಟುಕೊಂಡಿರುವುದು ಹೇಗೆ? ಇಲ್ಲಿದೆ ಉತ್ತರ

ಬಾಲಿವುಡ್​ ನಟ ಅನಿಲ್​ ಕಪೂರ್​ ಅವರು ಈಗಲೂ ತಮ್ಮ ಚಾರ್ಮ್​ ಉಳಿಸಿಕೊಂಡಿದ್ದಾರೆ. 1980ರ ಕಾಲದಿಂದಲೂ ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ಅವರಿಗೆ ಇಂದಿಗೂ ಅದೇ ಬೇಡಿಕೆ ಇದೆ. ಫಿಟ್ನೆಸ್​ ವಿಚಾರದಲ್ಲಿಯೂ ಅನಿಲ್​ ಕಪೂರ್​ ಅನೇಕರಿಗೆ ಮಾದರಿ ಆಗಿದ್ದಾರೆ. ಹದಿಹರೆಯದ ಯುವಕರೂ ನಾಚುವಂತೆ ಅವರು ತಮ್ಮ ದೇಹವನ್ನು ಫಿಟ್​ ಆಗಿ ಇಟ್ಟುಕೊಂಡಿದ್ದಾರೆ. ಹೊಸದಾಗಿ ಚಿತ್ರರಂಗಕ್ಕೆ ಕಾಲಿಡುವ ಯುವ ನಟನ ರೀತಿಯಲ್ಲಿ ಅನಿಲ್​ ಕಪೂರ್​ ಉತ್ಸಾಹ ಹೊಂದಿದ್ದಾರೆ. ತಮ್ಮ ಫಿಟ್ನಸ್​ ಸೀಕ್ರೆಟ್​ ಬಗ್ಗೆ ಅವರು ಇತ್ತೀಚೆಗೆ ಒಂದೇ ವಾಕ್ಯದಲ್ಲಿ ಹೇಳಿದ್ದಾರೆ.

ಕೊರೊನಾ ವೈರಸ್​ ಎರಡನೇ ಅಲೆ ಜೋರಾಗಿರುವುದರಿಂದ ದೇಶದೆಲ್ಲೆಡೆ ಲಾಕ್​ ಡೌನ್​ ಜಾರಿಗೊಳಿಸಲಾಗಿದೆ. ಮುಂಬೈನಲ್ಲೂ ಕಟ್ಟುನಿಟ್ಟಿನ ಲಾಕ್​ಡೌನ್​ ಪಾಲಿಸಲಾಗುತ್ತಿದೆ. ಹಾಗಾಗಿ ಎಲ್ಲ ಸಿನಿಮಾ, ಧಾರಾವಾಹಿ ಶೂಟಿಂಗ್​ ನಿಲ್ಲಿಸಲಾಗಿದೆ. ಪರಿಣಾಮವಾಗಿ ಸೆಲೆಬ್ರಿಟಿಗಳೆಲ್ಲ ಮನೆಯಲ್ಲೇ ಇದ್ದಾರೆ. ಅನಿಲ್​​ ಕಪೂರ್​ ಕೂಡ ಮನೆಯಲ್ಲಿ ಕುಟುಂಬದವರ ಜೊತೆ ಕಾಲ ಕಳೆಯುತ್ತಿದ್ದಾರೆ. ಅಲ್ಲದೆ ಅವರು ಬಾಡಿ ಟ್ರಾನ್ಸ್​ಫಾರ್ಮೇಶನ್​ ಕೂಡ ಮಾಡಿಕೊಂಡಿದ್ದಾರೆ.

ಲಾಕ್​ಡೌನ್​ನ ಕಠಿಣ ಸಮಯವನ್ನು ಅವರು ವರ್ಕೌಟ್​ಗಾಗಿ ಮೀಸಲಿರಿಸಿದ್ದಾರೆ. ಕಳೆದ ಹಲವು ದಿನಗಳಿಂದ ಕಟ್ಟುನಿಟ್ಟಾಗಿ ಕಸರತ್ತು ಮಾಡಿದ ಪರಿಣಾಮವಾಗಿ ಬಾಡಿ ಕಟ್ಟುಮಸ್ತಾಗಿದೆ. ಆ ಫೋಟೋವನ್ನು ಅವರು ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ‘ಲಾಕ್​ಡೌನ್ ಎಲ್ಲರಿಗೂ ಕಡ್ಡಾಯ. ಆದರೆ ಆ ಲಾಕ್​ಡೌನ್​ನಲ್ಲಿ ಏನು ಮಾಡಬೇಕು ಎಂಬುದು ಅವರವರ ಆಯ್ಕೆಗೆ ಬಿಟ್ಟ ವಿಚಾರ’ ಎಂದು ಆ ಫೋಟೋದ ಜೊತೆ ಅನಿಲ್​ ಕಪೂರ್​ ಕ್ಯಾಪ್ಷನ್​ ನೀಡಿದ್ದಾರೆ. ಈ ಪೋಸ್ಟ್​ಗೆ ಹಲವು ಸೆಲೆಬ್ರಿಟಿಗಳು ಕಮೆಂಟ್​ ಮಾಡಿದ್ದಾರೆ.

ನಟಿ ಶಿಲ್ಪಾ ಶೆಟ್ಟಿ ಈ ಫೋಟೋ ಕಂಡು ‘ವಾಹ್​’ ಎಂದು ಕಮೆಂಟ್​ ಮಾಡಿದ್ದಾರೆ. ನೀವೇ ನಮಗೆಲ್ಲ ಮಾದರಿ ಎಂದು ನಟಿ ನೀನಾ ಗುಪ್ತಾ ಹೇಳಿದ್ದಾರೆ. ಈ ವಯಸ್ಸಿನಲ್ಲೂ ಫಿಟ್ನೆಸ್​ ಬಗ್ಗೆ ಅನಿಲ್​ ಕಪೂರ್​ ಹೊಂದಿರುವ ಕಾಳಜಿಗೆ ಎಲ್ಲರೂ ಭೇಷ್​ ಎಂದಿದ್ದಾರೆ. ಈಗಲೂ ಚಿತ್ರರಂಗದಲ್ಲಿ ಅವರು ಸಕ್ರಿಯರಾಗಿದ್ದಾರೆ. ಕಳೆದ ವರ್ಷ ಲಾಕ್​ಡೌನ್​ ಸಂದರ್ಭದಲ್ಲಿ ಅವರ ‘ಎಕೆ ವರ್ಸಸ್​ ಎಕೆ’ ವೆಬ್​ ಸಿರೀಸ್​ ಬಿಡುಗಡೆ ಆಗಿತ್ತು. ‘ಜುಗ್​ ಜುಗ್​ ಜಿಯೋ’ ಸಿನಿಮಾದಲ್ಲೂ ಅನಿಲ್​ ಕಪೂರ್​ ನಟಿಸುತ್ತಿದ್ದಾರೆ.

ಇದನ್ನೂ ಓದಿ:‘ನಾನು ಜೈಲಿಗೆ ಹೋಗಲು ಹಿಂಜರಿಯುವುದಿಲ್ಲ’; ಪುತ್ರಿ ಸುಹಾನಾ ಬಾಯ್​ಫ್ರೆಂಡ್​ ಬಗ್ಗೆ ಶಾರುಖ್​ ಖಡಕ್​ ವಾರ್ನಿಂಗ್​