Anushka Sharma: ಲಾರ್ಡ್ಸ್ನಲ್ಲಿ ಭರ್ಜರಿ ಜಯದ ಬೆನ್ನಲ್ಲೇ ವಿಜಯದ ಭೋಜನ ಸವಿದ ವಿರುಷ್ಕಾ!
Virat Kohli: ಐತಿಹಾಸಿಕ ಲಾರ್ಡ್ಸ್ ಟೆಸ್ಟ್ ಜಯದ ಬೆನ್ನಲ್ಲೇ ವಿರಾಟ್- ಅನುಷ್ಕಾ ಜೋಡಿ ಲಂಡನ್ನ ಖ್ಯಾತ ರೆಸ್ಟೊರೆಂಟ್ ಒಂದಕ್ಕೆ ಡಿನ್ನರ್ ಡೇಟ್ಗೆ ತೆರಳಿದೆ. ಈ ತಾರೆಯರ ಚಿತ್ರಗಳು ಸದ್ಯ ಅಂತರ್ಜಾಲದಲ್ಲಿ ವೈರಲ್ ಆಗಿವೆ.
ಇಂಗ್ಲೆಂಡ್ನಲ್ಲಿ ನಡೆಯುತ್ತಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿಯ ಎರಡನೇ ಪಂದ್ಯವಾದ ಲಾರ್ಡ್ಸ್ ಟೆಸ್ಟ್ನಲ್ಲಿ ಟೀಂ ಇಂಡಿಯಾ ಭರ್ಜರಿ ಜಯ ದಾಖಲಿಸಿದೆ. ಈ ಸಂತಸಕ್ಕೆ ಭಾರತ ತಂಡದ ಕಪ್ತಾನ ವಿರಾಟ್ ಕೊಹ್ಲಿ ಹಾಗೂ ನಟಿ ಅನುಷ್ಕಾ ಶರ್ಮಾ ಜೋಡಿಯು ಲಂಡನ್ನಲ್ಲಿ ವಿಜಯದ ಭೋಜನ ಸವಿದಿದೆ. ಅಭಿಮಾನಿಗಳಿಂದ ವಿರುಷ್ಕಾ ಎಂದು ಕರೆಯಲ್ಪಡುವ ಈ ಜೋಡಿಯ ಔತಣದ ಫೊಟೊಗಳು ನೆಟ್ಟಿಗರ ಮನಗೆದ್ದಿದ್ದು, ವೈರಲ್ ಆಗಿವೆ.
ಲಂಡನ್ನ ಟೆಂಡ್ರಿಲ್ ರೆಸ್ಟೊರೆಂಟ್ನಲ್ಲಿ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಜೋಡಿ ಸಂಪೂರ್ಣ ಸಸ್ಯಾಹಾರಿ (ವೇಗನ್) ಮಾದರಿಯ ಭೋಜನ ಸವಿದಿದ್ದಾರೆ. ನಂತರ ಟೆಂಡ್ರಿಲ್ ರೆಸ್ಟೊರೆಂಟ್ನ ಮುಖ್ಯ ಬಾಣಸಿಗ ರಿಶಿಮ್ ಸಚ್ದೇವ ಅವರೊಂದಿಗೆ ಫೊಟೊಗೆ ಭರ್ಜರಿ ಪೋಸನ್ನೂ ವಿರುಷ್ಕಾ ನೀಡಿದ್ದು, ರೆಸ್ಟೊರೆಂಟ್ನ ಸಾಮಾಜಿಕ ಜಾಲತಾಣದಲ್ಲಿ ಇದನ್ನು ಹಂಚಿಕೊಳ್ಳಲಾಗಿದೆ. ‘ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ನಮ್ಮ ಹೋಟೆಲ್ಗೆ ಭೇಟಿ ನೀಡಿ ಔತಣ ಸವಿದು, ಸಂತಸಪಟ್ಟರು’ ಎಂದು ಬರೆದುಕೊಂಡು ಸಾಮಾಜಿಕ ಜಾಲತಾಣದ ಮೂಲಕ ಟೆಂಡ್ರಿಲ್ ರೆಸ್ಟೊರೆಂಟ್ ಚಿತ್ರಗಳನ್ನು ಅಪ್ಲೋಡ್ ಮಾಡಿದೆ.
ಟೆಂಡ್ರಿಲ್ ರೆಸ್ಟೊರೆಂಟ್ ಹಂಚಿಕೊಂಡ ಚಿತ್ರ:
ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಮತ್ತೊಂದು ಚಿತ್ರದಲ್ಲಿ ವಿರುಷ್ಕಾ ರೆಸ್ಟೊರೆಂಟ್ನ ಇತರ ಸಿಬ್ಬಂದಿ ವರ್ಗದವರೊಂದಿಗೆ ಫೊಟೊಗೆ ಪೋಸ್ ಕೊಟ್ಟಿದ್ದಾರೆ. ಅನುಷ್ಕಾ ಶರ್ಮಾ ಕೂಡಾ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಚಿತ್ರವೊಂದನ್ನು ಹಂಚಿಕೊಂಡಿದ್ದು, ತಾನು ಸವಿದ ಅತ್ಯುತ್ತಮ ಸಸ್ಯಾಹಾರಿ ಆಹಾರವಿದು ಎಂದು ಬರೆದುಕೊಂಡಿದ್ದಾರೆ.
ಅನುಷ್ಕಾ ಶರ್ಮ ಹಂಚಿಕೊಂಡ ಚಿತ್ರ
ಅನುಷ್ಕಾ ಶರ್ಮಾ ತಮ್ಮ ಮಗಳು ವಮಿಕಾಳೊಂದಿಗೆ ವಿರಾಟ್ ಕೊಹ್ಲಿಯ ಇಂಗ್ಲೆಂಡ್ ಪ್ರವಾಸದಲ್ಲಿ ಜೊತೆಗೆ ತೆರಳಿದ್ದಾರೆ. ವಿರುಷ್ಕಾ ಜೋಡಿ ಲಂಡನ್ನಲ್ಲಿ ಸುತ್ತಾಡುತ್ತಿರುವ ಚಿತ್ರಗಳನ್ನು ಆಗಾಗ ಹಂಚಿಕೊಂಡಿದ್ದರು. ಲಾರ್ಡ್ಸ್ ಟೆಸ್ಟ್ನಲ್ಲಿ ಭಾರತ ಗೆದ್ದಾಗ ಅನುಷ್ಕಾ ಶರ್ಮಾ ಫೊಟೊಗಳನ್ನು ಹಂಚಿಕೊಂಡು ಭಾರತ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ್ದರು. ಆ ಫೊಟೊದಲ್ಲಿ ‘ಎಂತಹ ತಂಡವಿದು! ಎಂತಹ ಜಯವಿದು!’ ಎಂದು ಅವರು ಬರೆದುಕೊಂಡಿದ್ದರು. ಲಾರ್ಡ್ಸ್ನಲ್ಲಿ ನಡೆದ ಎರಡನೇ ಟೆಸ್ಟ್ನಲ್ಲಿ ಭಾರತ 151 ರನ್ಗಳ ಐತಿಹಾಸಿಕ ಜಯ ದಾಖಲಿಸಿತ್ತು.
ರೆಸ್ಟೊರೆಂಟ್ನ ಇತರ ಉದ್ಯೋಗಿಗಳೊಂದಿಗೆ ವಿರುಷ್ಕಾ ಪೋಸ್
ಅನುಷ್ಕಾ ವೃತ್ತಿ ಜೀವನದ ವಿಷಯಕ್ಕೆ ಬಂದರೆ ಅವರು ನಟನೆಯಲ್ಲಿ ಇತ್ತೀಚೆಗೆ ಕಾಣಿಸಿಕೊಳ್ಳದಿದ್ದರೂ ನಿರ್ಮಾಣದಲ್ಲಿ ಸಕ್ರಿಯರಾಗಿ ತೊಡಗಿಸಿಕೊಂಡಿದ್ದಾರೆ. ಕಳೆದ ವರ್ಷ ನಿಧನರಾದ ನಟ ಇರ್ಫಾನ್ ಖಾನ್ರ ಪುತ್ರ ಬಬಿಲ್ ಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿರುವ ‘ಕಾಲ’ವನ್ನು ಅನುಷ್ಕಾ ನಿರ್ಮಿಸುತ್ತಿದ್ದಾರೆ. ಅವರ ನಿರ್ಮಾಣದ ವೆಬ್ ಸಿರೀಸ್ ‘ಪಾತಾಳ್ ಲೋಕ್’ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದಿತ್ತು. ಹಾಗೆಯೇ ನೆಟ್ಫ್ಲಿಕ್ಸ್ನಲ್ಲಿ ತೆರೆಕಂಡ ‘ಬುಲ್ಬುಲ್’ ವಿಮರ್ಶಕರಿಂದ ಮೆಚ್ಚುಗೆ ಪಡೆದಿತ್ತು. ಅನುಷ್ಕಾ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು 2018ರಲ್ಲೇ ಕೊನೆ. ಶಾರುಖ್ ಖಾನ್ ನಟನೆಯ ಜೀರೊ ಚಿತ್ರದಲ್ಲಿ ಅನುಷ್ಕಾ ಬಣ್ಣಹಚ್ಚಿದ್ದನ್ನು ಹೊರತು ಪಡಿಸಿ ನಂತರ ಅನುಷ್ಕಾ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿಲ್ಲ.
ಇದನ್ನೂ ಓದಿ:
‘ಮಹಾನಾಯಕ ಡಾ. ಬಿ.ಆರ್. ಅಂಬೇಡ್ಕರ್’ ಧಾರಾವಾಹಿಗೆ ಸಿಎಂ ಬಸವರಾಜ ಬೊಮ್ಮಾಯಿ ಬೆಂಬಲ; ಹೊಸ ಯುಗ ಶುರು
(After Lords Test win Virat Anushka went to Restaurant for dinner date)
Published On - 10:15 am, Thu, 19 August 21