‘ಅನಿಮಲ್’ ಸಿನಿಮಾದ ನಟಿ ತೃಪ್ತಿ ದಿಮ್ರಿ ಬಾಯ್ಫ್ರೆಂಡ್ ಫೋಟೋ ವೈರಲ್
ಈ ಮೊದಲು ಕೂಡ ತೃಪ್ತಿ ದಿಮ್ರಿ ಮತ್ತು ಸ್ಯಾಮ್ ಮರ್ಚೆಂಟ್ ಜೊತೆಯಾಗಿರುವ ಫೋಟೋ ವೈರಲ್ ಆಗಿತ್ತು. ಅದಾದ ನಂತರ ಅವರಿಬ್ಬರ ರಿಲೇಷನ್ಶಿಪ್ ಬಗ್ಗೆ ಗಾಸಿಪ್ ಹಬ್ಬಿತು. ಉದ್ಯಮಿ ಸ್ಯಾಮ್ ಮರ್ಚೆಂಟ್ ಹಾಗೂ ತೃಪ್ತಿ ದಿಮ್ರಿ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಗಾಸಿಪ್ ಹಬ್ಬಿತು. ಆದರೆ ಈ ವಿಚಾರವನ್ನು ಸದ್ಯಕ್ಕೆ ಅವರು ಒಪ್ಪಿಕೊಂಡಿಲ್ಲ.
ನಟಿ ತೃಪ್ತಿ ದಿಮ್ರಿ (Tripti Dimri) ಅವರು ಸಖತ್ ಜನಪ್ರಿಯತೆ ಗಳಿಸಿದ್ದಾರೆ. ಕಳೆದ ವರ್ಷ ಡಿಸೆಂಬರ್ 1ರಂದು ಬಿಡುಗಡೆಯಾದ ‘ಅನಿಮಲ್’ (Animal) ಸಿನಿಮಾದಿಂದ ಅವರ ಖ್ಯಾತಿ ಹೆಚ್ಚಾಗಿದೆ. ಆ ಚಿತ್ರದಲ್ಲಿ ಅವರು ಬೋಲ್ಡ್ ಪಾತ್ರ ಮಾಡಿದ್ದಾರೆ. ರಿಯಲ್ ಲೈಫ್ನಲ್ಲಿ ತೃಪ್ತಿ ದಿಮ್ರಿ ಹೇಗಿರುತ್ತಾರೆ ಎಂಬುದನ್ನು ತಿಳಿಯುವ ಕೌತುಕ ಅಭಿಮಾನಿಗಳಿಗೆ ಇದೆ. ಅವರಿಗೆ ಈಗ 29 ವರ್ಷ ವಯಸ್ಸು. ಮದುವೆ ಬಗ್ಗೆ ಅವರ ನಿರ್ಧಾರ ಏನಿದೆ ಎಂಬುದು ಸದ್ಯಕ್ಕೆ ತಿಳಿದಿಲ್ಲ. ಈ ನಡುವೆ ಅವರ ಬಾಯ್ಫ್ರೆಂಡ್ ಸ್ಯಾಮ್ ಮರ್ಚೆಂಟ್ (Sam Merchant) ಫೋಟೋ ವೈರಲ್ ಆಗಿದೆ. ಈ ಫೋಟೋವನ್ನು ಸ್ವತಃ ತೃಪ್ತಿ ದಿಮ್ರಿ ಅವರೇ ಹಂಚಿಕೊಂಡಿದ್ದಾರೆ.
ಹೋಟೆಲ್ ಉದ್ಯಮಿ ಆಗಿರುವ ಸ್ಯಾಮ್ ಮರ್ಚೆಂಟ್ ಜೊತೆ ತೃಪ್ತಿ ದಿಮ್ರಿ ಅವರು ಹಲವು ವರ್ಷಗಳಿಂದ ಸ್ನೇಹ ಹೊಂದಿದ್ದಾರೆ. ಇತ್ತೀಚೆಗೆ ಸ್ಯಾಮ್ ಮರ್ಚೆಂಟ್ ಅವರು ಬರ್ತ್ಡೇ ಆಚರಿಸಿಕೊಂಡಿದ್ದಾರೆ. ಈ ಪ್ರಯುಕ್ತ ತೃಪ್ತಿ ದಿಮ್ರಿ ಅವರು ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಫೋಟೋ ಹಂಚಿಕೊಂಡಿದ್ದಾರೆ. ಆ ಮೂಲಕ ಗೆಳೆಯನಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ.
ಇದನ್ನೂ ಓದಿ: ‘ಆ ಸೀನ್ ಇಲ್ಲ’: ಒಟಿಟಿಯಲ್ಲಿ ‘ಅನಿಮಲ್’ ಸಿನಿಮಾ ನೋಡಿದ ಪ್ರೇಕ್ಷಕರಿಗೆ ಬೇಸರ
2017ರಲ್ಲಿ ತೆಗೆದ ಫೋಟೋ ಮತ್ತು 2023ರಲ್ಲಿ ತೆಗೆದ ಫೋಟೋವನ್ನು ಜೊತೆ ಸೇರಿಸಿ ತೃಪ್ತಿ ದಿಮ್ರಿ ಪೋಸ್ಟ್ ಮಾಡಿದ್ದಾರೆ. ‘ಹ್ಯಾಪಿ ಬರ್ತ್ಡೇ ಸ್ಯಾಮ್ ಮರ್ಚೆಂಟ್. ‘ರಾಮ್ ಶ್ಯಾಮ್ ಪಾನಿಪುರಿ’ ತಿನ್ನುವುದನ್ನು ಬಿಡದೆಯೂ ನಾವು ಮತ್ತೊಮ್ಮೆ ತೆಳ್ಳಗೆ ಆಗಿದ್ದರೆ ಚೆನ್ನಾಗಿರುತ್ತಿತ್ತು’ ಎಂದು ಅವರು ಈ ಫೋಟೋಗಳಿಗೆ ಕ್ಯಾಪ್ಷನ್ ನೀಡಿದ್ದಾರೆ. ಎರಡೂ ಫೋಟೋದಲ್ಲಿ ಅವರಿಬ್ಬರು ಆಪ್ತವಾಗಿರುವುದು ಕಾಣಿಸಿದೆ.
ಇದನ್ನೂ ಓದಿ: ಒಟಿಟಿಯಲ್ಲಿ ‘ಅನಿಮಲ್’ ಬಂದಿದ್ದಕ್ಕೆ ರಶ್ಮಿಕಾಗೆ ಸಿಕ್ಕಾಪಟ್ಟೆ ಖುಷಿ
ಕಳೆದ ವರ್ಷ ತೃಪ್ತಿ ದಿಮ್ರಿ ಮತ್ತು ಸ್ಯಾಮ್ ಮರ್ಚೆಂಟ್ ಅವರು ಜೊತೆಯಾಗಿ ಆಪ್ತರ ಮದುವೆಯಲ್ಲಿ ಕಾಣಿಸಿಕೊಂಡ ಫೋಟೋ ವೈರಲ್ ಆಗಿತ್ತು. ಆ ಬಳಿಕ ಅವರಿಬ್ಬರ ರಿಲೇಷನ್ಶಿಪ್ ಬಗ್ಗೆ ಸುದ್ದಿ ಹಬ್ಬಿತು. ಸ್ಯಾಮ್ ಮರ್ಚೆಂಟ್ ಮತ್ತು ತೃಪ್ತಿ ದಿಮ್ರಿ ಅವರು ಪರಸ್ಪರ ಪ್ರೀತಿಸುತ್ತಿದ್ದಾರೆ ಎಂಬ ಗಾಳಿಸುದ್ದಿ ಹಬ್ಬಿದೆ. ಆದರೆ ಈ ವಿಚಾರವನ್ನು ಅವರಿನ್ನೂ ಒಪ್ಪಿಕೊಂಡಿಲ್ಲ. ‘ಅನಿಮಲ್’ ಗೆಲುವಿನ ಬಳಿಕ ತೃಪ್ತಿ ದಿಮ್ರಿ ಅವರಿಗೆ ಹೊಸ ಹೊಸ ಅವಕಾಶಗಳು ಹರಿದು ಬರುತ್ತಿವೆ. ಈ ಮೊದಲು ಅವರು ನಟಿಸಿದ ‘ಕಲಾ’ ವೆಬ್ ಸರಣಿ ಗಮನ ಸೆಳೆದಿತ್ತು.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ