Karnesh Sharma: ಅನುಷ್ಕಾ ಶರ್ಮಾ ತಮ್ಮನ ಜತೆಗಿನ ಡೇಟಿಂಗ್ ವಿಚಾರ ಅಧಿಕೃತ ಮಾಡಿದ ‘ಬುಲ್ಬುಲ್’ ನಟಿ
ಕರ್ಣೇಶ್ ಜತೆ ತೃಪ್ತಿ ಸುತ್ತಾಟ ನಡೆಸುತ್ತಿರುವುದು ಅಧಿಕೃತ ಆಗಿದೆ. ಕರ್ಣೇಶ್ ಜತೆ ಆಪ್ತವಾಗಿರುವ ಫೋಟೋನ ತೃಪ್ತಿ ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ತೃಪ್ತಿ ಕೆನ್ನೆಗೆ ಕರ್ಣೇಶ್ ಮುತ್ತಿಡುತ್ತಿದ್ದಾರೆ.
ಸೆಲೆಬ್ರಿಟಿಗಳು ಹಾಗೂ ಅವರ ಕುಟುಂಬದವರ ಮೇಲೆ ಅಭಿಮಾನಿಗಳು ಕಣ್ಣಿಟ್ಟಿರುತ್ತಾರೆ. ತಮ್ಮಿಷ್ಟದ ಸೆಲೆಬ್ರಿಟಿ ಕುಟುಂಬದವರು ಏನು ಮಾಡುತ್ತಾರೆ? ಯಾರ ಜತೆ ಸುತ್ತಾಟ ನಡೆಸುತ್ತಾರೆ ಎಂಬ ಬಗ್ಗೆ ಕಣ್ಣಿಟ್ಟಿರುತ್ತಾರೆ. ಅಭಿಮಾನಿಗಳ ದೃಷ್ಟಿ ನಟಿ ಅನುಷ್ಕಾ ಶರ್ಮಾ (Anushka Sharma) ಅವರ ಸಹೋದರ ಕರ್ಣೇಶ್ ಶರ್ಮಾ (Karnesh Sharma) ಮೇಲಿತ್ತು. ಅವರು ನಟಿ ತೃಪ್ತಿ ದಿಮ್ರಿಯೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗಿತ್ತು. ಇದು ನಿಜವಾಗಿದೆ. ಇದಕ್ಕೆ ಫೋಟೋ ಸಾಕ್ಷ್ಯ ಸಿಕ್ಕಿದೆ.
ನೆಟ್ಫ್ಲಿಕ್ಸ್ನಲ್ಲಿ ರಿಲೀಸ್ ಆದ ಹಿಂದಿಯ ‘ಬುಲ್ಬುಲ್’ ಸಿನಿಮಾದಲ್ಲಿ ತೃಪ್ತಿ ದಿಮ್ರಿ ನಟಿಸಿದ್ದರು. ‘ಬುಲ್ಬುಲ್’ ಚಿತ್ರಕ್ಕೆ ಬಂಡವಾಳ ಹೂಡಿದ್ದು ‘ಕ್ಲೀನ್ ಸ್ಲೇಟ್ ಫಿಲ್ಮ್ಸ್’. ಈ ಪ್ರೊಡಕ್ಷನ್ಹೌಸ್ ಅನ್ನು ಅನುಷ್ಕಾ ಶರ್ಮಾ ಹಾಗೂ ಕರ್ಣೇಶ್ ಒಟ್ಟಾಗಿ ಆರಂಭಿಸಿದ್ದರು. ಈಗ ಕರ್ಣೇಶ್ ಇದನ್ನು ಮುನ್ನಡೆಸಿಕೊಂಡು ಹೋಗುತ್ತಿದ್ದಾರೆ. ಈ ಮಧ್ಯೆ ಕರ್ಣೇಶ್ ಜತೆ ತೃಪ್ತಿ ಸುತ್ತಾಟ ನಡೆಸುತ್ತಿರುವುದು ಅಧಿಕೃತ ಆಗಿದೆ. ಕರ್ಣೇಶ್ ಜತೆ ಆಪ್ತವಾಗಿರುವ ಫೋಟೋನ ತೃಪ್ತಿ ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ತೃಪ್ತಿ ಕೆನ್ನೆಗೆ ಕರ್ಣೇಶ್ ಮುತ್ತಿಡುತ್ತಿದ್ದಾರೆ. 2022ರಲ್ಲಿ ತೆರೆಗೆ ಬಂದ ಕರ್ಣೇಶ್ ನಿರ್ಮಾಣದ ‘ಕಲಾ’ ಸಿನಿಮಾದಲ್ಲೂ ತೃಪ್ತಿ ಬಣ್ಣ ಹಚ್ಚಿದ್ದರು.
ಸಿನಿಮಾ ಸೆಟ್ನಲ್ಲಿ ಲವ್ ಹುಟ್ಟಿಕೊಂಡ ಕಥೆ ಸಾಕಷ್ಟಿದೆ. ಇವರ ಕಥೆಯೂ ಹಾಗೆಯೇ ಇದೆ. ‘ಬುಲ್ಬುಲ್’ ಸಿನಿಮಾದ ಶೂಟಿಂಗ್ ವೇಳೆ ಕರ್ಣೇಶ್ ಸೆಟ್ಗೆ ತೆರಳುತ್ತಿದ್ದರು. ಆಗ, ತೃಪ್ತಿ ಮತ್ತು ಕರ್ಣೇಶ್ ನಡುವೆ ಗೆಳೆತನ ಬೆಳೆದಿದೆ. ಗೆಳೆತನ ಪ್ರೀತಿಗೆ ತಿರುಗಿದೆ. ಇಬ್ಬರೂ ಜತೆಯಾಗಿ ಹಲವು ಕಡೆಗಳಲ್ಲಿ ಸುತ್ತಾಟ ನಡೆಸಿದ್ದಾರೆ. ತೃಪ್ತಿ ಡೆಹ್ರಾಡೂನ್ ಮೂಲದವರು. ಸದ್ಯ ಅವರು ಮುಂಬೈನಲ್ಲಿ ಸೆಟಲ್ ಆಗಿದ್ದಾರೆ.
ಹಲವು ಸಮಯದ ಹಿಂದೆ ಕರ್ಣೇಶ್ ಹಾಗೂ ತೃಪ್ತಿ ಜತೆಗೆ ನಿಂತಿರುವ ಫೋಟೋ ಅನ್ನು ಅನುಷ್ಕಾ ಶೇರ್ ಮಾಡಿಕೊಂಡಿದ್ದರು. ಕರ್ಣೇಶ್ ಜತೆ ತೃಪ್ತಿ ಇರುವ ಫೋಟೋ ಸಾಕಷ್ಟು ಕುತೂಹಲ ಮೂಡಿತ್ತು.
ಇದನ್ನೂ ಓದಿ: ತಾವೇ ಸ್ಥಾಪಿಸಿದ ನಿರ್ಮಾಣ ಸಂಸ್ಥೆಯಿಂದ ಹೊರನಡೆದ ಅನುಷ್ಕಾ ಶರ್ಮಾ; ಅಂಥದ್ದೇನಾಯ್ತು?
‘ಕ್ಲೀನ್ ಸ್ಲೇಟ್ ಫಿಲ್ಮ್ಸ್’ ಸಿನಿಮಾ ಬ್ಯಾನರ್ ಅಡಿಯಲ್ಲಿ ಸಾಕಷ್ಟು ಚಿತ್ರಗಳು ಸಿದ್ಧಗೊಂಡಿವೆ. ಕರ್ಣೇಶ್ ನಿರ್ಮಾಣದ ‘ಪಾತಾಳ್ ಲೋಕ್’ ವೆಬ್ ಸೀರಿಸ್ ಜನಮನ್ನಣೆ ಪಡೆದುಕೊಂಡಿತ್ತು. ಅಲ್ಲದೆ, ಸಾಕಷ್ಟು ಅವಾರ್ಡ್ಗಳನ್ನು ಕೂಡ ಪಡೆದುಕೊಂಡಿತ್ತು. ಈ ಸೀರಿಸ್ಗೆ ಪಾರ್ಟ್ 2 ಬರಲಿದೆ ಎನ್ನಲಾಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ