‘ಗದರ್ 2’ಗೆ ವಾರದ ದಿನವೂ 35 ಕೋಟಿ ರೂ. ಕಲೆಕ್ಷನ್; ‘ಕೆಜಿಎಫ್ 2’ ದಾಖಲೆ ಮೇಲೆ ಕಣ್ಣಿಟ್ಟ ಸನ್ನಿ ಡಿಯೋಲ್ ಸಿನಿಮಾ

‘ಗದರ್ 2’ ಸಿನಿಮಾದ (Gadar 2 Movie) ಅಬ್ಬರ ಸದ್ಯಕ್ಕಂತೂ ನಿಲ್ಲುವ ಸೂಚನೆ ಸಿಗುತ್ತಿಲ್ಲ. ಈ ಚಿತ್ರ ಆಗಸ್ಟ್ 11ರಿಂದ ಆಗಸ್ಟ್​ 16ರವರೆಗೆ ಒಂದೇ ರೀತಿಯ ಗಳಿಕೆ ಮಾಡುತ್ತಿದೆ. ವಾರದ ದಿನವೂ ಸಿನಿಮಾದ ಗಳಿಕೆ 35 ಕೋಟಿ ರೂಪಾಯಿಗೂ ಕೆಳಗೆ ಇಳಿದಿಲ್ಲ. ಸದ್ಯ ಸನ್ನಿ ಡಿಯೋಲ್ ಸಿನಿಮಾ ಯಶ್ ನಟನೆಯ ‘ಕೆಜಿಎಫ್ 2’ ಚಿತ್ರದ (KGF Chapter 2) ದಾಖಲೆ ಮೇಲೆ ಕಣ್ಣಿಟ್ಟಿದೆ. ಈ ಚಿತ್ರದ ಒಟ್ಟಾರೆ ಕಲೆಕ್ಷನ್ ಎಷ್ಟಾಗುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ. ಚಿತ್ರದ ಅಬ್ಬರ ಹೀಗೇ ಮುಂದುವರಿದರೆ ಮತ್ತಷ್ಟು ದಾಖಲೆಗಳು ಸೃಷ್ಟಿ ಆಗಲಿದೆ.

ಆ್ಯಕ್ಷನ್ ಸಿನಿಮಾ ಇಷ್ಟು ಪಡುವವರ ಸಂಖ್ಯೆ ದೊಡ್ಡದಿದೆ. ‘ಗದರ್ 2’ ಚಿತ್ರದಲ್ಲೂ ಭರ್ಜರಿ ಆ್ಯಕ್ಷನ್ ಇದೆ. ಪ್ರೀತಿ-ಪ್ರೇಮದ ಕಥೆ ಇದೆ. ಈ ಕಾರಣದಿಂದ ಚಿತ್ರವನ್ನು ಜನರು ಇಷ್ಟಪಟ್ಟಿದ್ದಾರೆ. ಜೊತೆಗೆ ಚಿತ್ರಕ್ಕೆ ಭರ್ಜರಿಯಾಗಿ ಬಾಯಿಮಾತಿನ ಪ್ರಚಾರ ಸಿಗುತ್ತಿದೆ. ಈ ಸಿನಿಮಾ ಬುಧವಾರ (ಆಗಸ್ಟ್ 16) 34.5 ಕೋಟಿ ರೂಪಾಯಿ ಬಾಚಿಕೊಂಡಿದೆ. ವಾರದ ದಿನ ಇಷ್ಟು ದೊಡ್ಡಮಟ್ಟದಲ್ಲಿ ಗಳಿಕೆ ಮಾಡೋದು ಅದು ಸಣ್ಣ ಸಾಧನೆಯೇನೂ ಅಲ್ಲ.

ಶುಕ್ರವಾರ (ಆಗಸ್ಟ್ 11) ಈ ಚಿತ್ರಕ್ಕೆ 40.10 ಕೋಟಿ ರೂಪಾಯಿ ಗಳಿಕೆ ಆಗಿತ್ತು. ಶನಿವಾರ 43.08 ಕೋಟಿ ರೂಪಾಯಿ ಹರಿದು ಬಂದಿದೆ. ಭಾನುವಾರ 51.70 ಕೋಟಿ ರೂ., ಸೋಮವಾರ 38.70 ಕೋಟಿ ರೂ., ಮಂಗಳವಾರ 55.40 ಕೋಟಿ ರೂ., ಹಣವನ್ನು ಸಿನಿಮಾ ಗಳಿಸಿದೆ. ಈಗ ಬುಧವಾರದ ಗಳಿಕೆಯೂ ಸೇರಿ ಚಿತ್ರದ ಒಟ್ಟಾರೆ ಕಲೆಕ್ಷನ್ 263.48 ಕೋಟಿ ರೂಪಾಯಿ ಆಗಿದೆ.

ಇದನ್ನೂ ಓದಿ: 173 ಕೋಟಿ ರೂ. ದಾಟಿದರೂ ನಿಲ್ಲುತ್ತಲೇ ಇಲ್ಲ ‘ಗದರ್​ 2’ ಅಬ್ಬರ; ದೊಡ್ಡ ಸ್ಟಾರ್​ಗಳ ದಾಖಲೆ ಕೂಡ ಉಡೀಸ್​

ಸದ್ಯ ‘ಗದರ್ 2’ ಸಿನಿಮಾ ತಂಡ ಕನ್ನಡದ ‘ಕೆಜಿಎಫ್ 2’ ಕಲೆಕ್ಷನ್ ಮೇಲೆ ಕಣ್ಣಿಟ್ಟಿದೆ. ‘ಕೆಜಿಎಫ್ 2’ ಚಿತ್ರ ಬಾಲಿವುಡ್​ನಲ್ಲಿ 434 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಈ ಚಿತ್ರದ ಗಳಿಕೆಯನ್ನು ‘ಗದರ್ 2’ ಮುರಿದು ಹಾಕಲಿದೆ ಎನ್ನಲಾಗುತ್ತಿದೆ. ‘ಜವಾನ್’ ಸಿನಿಮಾದ ಬಾಲಿವುಡ್ ಗಳಿಕೆ 543 ಕೋಟಿ ರೂಪಾಯಿ ಇದೆ. ಇದನ್ನು ಹಿಂದಿಕ್ಕೋದು ‘ಗದರ್ 2’ ಚಿತ್ರದಿಂದ ಸಾಧ್ಯವಾಗೋದು ಅನುಮಾನ ಎಂಬುದು ಅನೇಕರ ಅಭಿಪ್ರಾಯ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ