173 ಕೋಟಿ ರೂ. ದಾಟಿದರೂ ನಿಲ್ಲುತ್ತಲೇ ಇಲ್ಲ ‘ಗದರ್​ 2’ ಅಬ್ಬರ; ದೊಡ್ಡ ಸ್ಟಾರ್​ಗಳ ದಾಖಲೆ ಕೂಡ ಉಡೀಸ್​

ನಟ ಸನ್ನಿ ಡಿಯೋಲ್​ (Sunny Deol) ಅವರು ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದ್ದಾರೆ. ಅವರು ನಟಿಸಿದ ‘ಗದರ್​ 2’ ಸಿನಿಮಾ ಆಗಸ್ಟ್​ 11ರಂದು ಬಿಡುಗಡೆ ಆಯಿತು. ಈ ಚಿತ್ರಕ್ಕೆ ಜನರು ಭರ್ಜರಿ ರೆಸ್ಪಾನ್ಸ್​ ನೀಡಿದ್ದಾರೆ. ಗಲ್ಲಾಪೆಟ್ಟಿಗೆಯಲ್ಲಿ ಈ ಸಿನಿಮಾ ಮಾಡುತ್ತಿರುವ ಕಮಾಲ್​ ನೋಡಿ ಬಾಲಿವುಡ್​ ಮಂದಿ ದಂಗಾಗಿದ್ದಾರೆ. ಹಿಂದಿಯ ದೊಡ್ಡ ದೊಡ್ಡ ಸ್ಟಾರ್​ ನಟರ ಸಿನಿಮಾಗಳು ಮಾಡಿರದ ಸಾಧನೆಯನ್ನು ‘ಗದರ್​ 2’ (Gadar 2) ಸಿನಿಮಾ ಮಾಡಿದೆ. ಕೇವಲ ನಾಲ್ಕು ದಿನಕ್ಕೆ ಈ ಸಿನಿಮಾದ ಕಲೆಕ್ಷನ್​ 173 ಕೋಟಿ ರೂಪಾಯಿ ದಾಟಿದೆ. ನಟಿ ಅಮೀಶಾ ಪಟೇಲ್​ ಅವರಿಗೆ ಈ ಸಿನಿಮಾದಿಂದ ದೊಡ್ಡ ಗೆಲುವು ಸಿಕ್ಕಂತಾಗಿದೆ. ಇನ್ನೂ ಅನೇಕ ದಿನಗಳ ಕಾಲ ‘ಗದರ್​ 2’ ಸಿನಿಮಾ ಉತ್ತಮವಾಗಿ ಪ್ರದರ್ಶನ ಕಾಣಲಿದೆ. ಅನಿಲ್​ ಶರ್ಮಾ ನಿರ್ದೇಶನ ಮಾಡಿರುವ ಈ ಚಿತ್ರದ ಟೋಟಲ್​ ಕಲೆಕ್ಷನ್​ (Gadar 2 Box Office Collection) ಎಷ್ಟಾಗಬಹುದು ಎಂಬ ಕೌತುಕ ಮೂಡಿದೆ.

ಮೊದಲ ದಿನ ‘ಗದರ್​ 2’ ಸಿನಿಮಾ 40.10 ಕೋಟಿ ರೂಪಾಯಿ ಗಳಿಸಿತು. ಈ ಪರಿ ಓಪನಿಂಗ್​ ಸಿಗುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಮೊದಲ ದಿನದ ಕಲೆಕ್ಷನ್​ ನೋಡಿ ಎಲ್ಲರಿಗೂ ಅಚ್ಚರಿ ಆಯಿತು. ಎರಡನೇ ದಿನದ ಕಮಾಯಿ ಇನ್ನಷ್ಟು ಹೆಚ್ಚಾಯಿತು. 2ನೇ ದಿನ ಈ ಸಿನಿಮಾ ಗಳಿಸಿದ್ದು ಬರೋಬ್ಬರಿ 43.08 ಕೋಟಿ ರೂಪಾಯಿ. ಇನ್ನು, ಭಾನುವಾರವಂತೂ ‘ಗದರ್​ 2’ ಸಿನಿಮಾದಿಂದ ಗಲ್ಲಾಪೆಟ್ಟಿಗೆ ಶೇಕ್​ ಆಯಿತು. ಅಂದು ಈ ಚಿತ್ರಕ್ಕೆ 51.70 ಕೋಟಿ ರೂಪಾಯಿ ಕಲೆಕ್ಷನ್​ ಆಯಿತು.

ಇದನ್ನೂ ಓದಿ: ಅವಕಾಶ ಕೊಟ್ಟರೆ ಭಾರತಕ್ಕೆ ಹೋಗಿ ಸೆಟಲ್ ಆಗುತ್ತೇವೆ ಎಂದ ಪಾಕ್ ಯುವಕರು; ಇದು ‘ಗದರ್ 2’ ಎಫೆಕ್ಟ್

ಸೋಮವಾರ ‘ಗದರ್​ 2’ ಸಿನಿಮಾದ ಹವಾ ಕಡಿಮೆ ಆಗಬಹುದು ಎಂದು ಕೆಲವರು ಊಹಿಸಿದ್ದರು. ಆದರೆ ಹಾಗಾಗಿಲ್ಲ. ಸೋಮವಾರ ಕೂಡ ಈ ಸಿನಿಮಾ 38.70 ಕೋಟಿ ರೂಪಾಯಿ ಕಲೆಕ್ಷನ್​ ಮಾಡಿ ಬೀಗಿದೆ. ಇನ್ನು, ಮಂಗಳವಾರ (ಆಗಸ್ಟ್​ 15) ಸ್ವಾತಂತ್ರ್ಯ ದಿನಾಚರಣೆ ಪ್ರಯುಕ್ತ ರಜೆ ಇದೆ. ಎಲ್ಲ ಕಡೆಗಳಲ್ಲಿ ಈ ಸಿನಿಮಾ ಹೌಸ್​ಫುಲ್​ ಪ್ರದರ್ಶನ ಕಾಣುತ್ತಿದೆ. ಮಂಗಳವಾರದ ಕಲೆಕ್ಷನ್​ ಮೊತ್ತ ಎಷ್ಟಾಗಿದೆ ಎಂಬುದನ್ನು ತಿಳಿದುಕೊಳ್ಳಲು ಎಲ್ಲರೂ ತುದಿಗಾಲಿನಲ್ಲಿ ನಿಂತು ಕಾಯುತ್ತಿದ್ದಾರೆ. ಒಟ್ಟಿನಲ್ಲಿ ಈ ಸಿನಿಮಾ ಬ್ಲಾಕ್​ಬಸ್ಟರ್​ ಆಗಿದೆ.

ತರಣ್ ಆದರ್ಶ್​ ಟ್ವೀಟ್​:

200 NOT OUT *TODAY*… #Gadar2 is UNSTOPPABLE… Continues its DREAM RUN on Monday… Monday *almost* AT PAR with Friday, UNBELIEVABLE… Sure to DEMOLISH *lifetime biz* of many biggies… Fri 40.10 cr, Sat 43.08 cr, Sun 51.70 cr, Mon 38.70 cr. Total: ₹ 173.58 cr. #India biz.

Biz in… pic.twitter.com/NTJUopVwng

— taran adarsh (@taran_adarsh) August 15, 2023

‘ಗದರ್​ 2’ ರಿಲೀಸ್​ ಆದ ದಿನವೇ ‘ಒಎಂಜಿ 2’ ಚಿತ್ರ ಕೂಡ ಬಿಡುಗಡೆ ಆಯಿತು. ಅಕ್ಷಯ್​ ಕುಮಾರ್​ ನಟನೆಯ ಆ ಚಿತ್ರಕ್ಕೆ ಜನರು ನಿರೀಕ್ಷಿತ ಮಟ್ಟದಲ್ಲಿ ಮೆಚ್ಚುಗೆ ನೀಡಿಲ್ಲ. ಹಾಗಾಗಿ ಬಾಕ್ಸ್​ ಆಫೀಸ್​ನಲ್ಲಿ ‘ಒಎಂಜಿ 2’ ಚಿತ್ರಕ್ಕೆ ಹಿನ್ನಡೆ ಆಗಿದೆ. ಇನ್ನು, ದಕ್ಷಿಣ ಭಾರತದಲ್ಲಿ ರಜನಿಕಾಂತ್​ ನಟನೆಯ ‘ಜೈಲರ್​’ ಸಿನಿಮಾ ಅಬ್ಬರಿಸುತ್ತಿದೆ. ಈ ಮೊದಲೇ ರಿಲೀಸ್​ ಆಗಿದ್ದ ಕನ್ನಡದ ‘ಕೌಸಲ್ಯ ಸುಪ್ರಜಾ ರಾಮ’ ಸಿನಿಮಾ ಉತ್ತಮವಾಗಿ ಪ್ರದರ್ಶನ ಕಾಣುತ್ತಿದೆ. ಈ ಎಲ್ಲ ಸಿನಿಮಾಗಳ ನಡುವೆ ‘ಗದರ್​ 2’ ಸಿನಿಮಾದ ನಾಗಾಲೋಟ ಮುಂದುವರಿದಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.