ಎಂಟು ಎಕರೆಯಲ್ಲಿ ಸಿದ್ಧವಾಗುತ್ತಿದೆ ಫಾರ್ಮ್​ಹೌಸ್​; ಅನುಷ್ಕಾ-ವಿರಾಟ್ ಇದಕ್ಕೆ ಖರ್ಚು ಮಾಡುತ್ತಿರುವುದೆಷ್ಟು?

ನಟಿ ಅನುಷ್ಕಾ ಶರ್ಮಾ (Anushka Sharma) ಹಾಗೂ ಕ್ರಿಕೆಟರ್ ವಿರಾಟ್ ಕೊಹ್ಲಿ ಹಾಯಾಗಿ ಜೀವನ ನಡೆಸುತ್ತಿದ್ದಾರೆ. ಮಗಳು ವಮಿಕಾ ಜನಿಸಿದ ಬಳಿಕ ಈ ದಂಪತಿ ಬಾಳಲ್ಲಿ ಸಂತಸ ಹೆಚ್ಚಿದೆ. ಈ ದಂಪತಿ ಅನೇಕ ಕಡೆಗಳಲ್ಲಿ ಪ್ರಾಪರ್ಟಿ ಹೊಂದಿದ್ದಾರೆ. ಇವುಗಳ ಬೆಲೆ ನೂರಾರು ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಕಳೆದ ವರ್ಷ ಅನುಷ್ಕಾ-ವಿರಾಟ್ (Virat Kohli) ಮುಂಬೈನ ಹೊರ ಭಾಗ ಅಲೀಬಾಗ್​ನಲ್ಲಿ ಎಂಟು ಎಕರೆ ಜಾಗ ಖರೀದಿ ಮಾಡಿದ್ದರು. ಈಗ ಇಲ್ಲಿ ಫಾರ್ಮ್​ಹೌಸ್ ನಿರ್ಮಾಣ ಮಾಡುವ ಕೆಲಸ ಆಗುತ್ತಿದೆ.

ಅನುಷ್ಕಾ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ಮದುವೆ ಆಗಿ ಹಲವು ವರ್ಷ ಕಳೆದಿದೆ. ಇವರು ಹಾಯಾಗಿ ಸಂಸಾರ ನಡೆಸುತ್ತಿದ್ದಾರೆ. ಸದ್ಯ ಈ ದಂಪತಿ ಮುಂಬೈನಲ್ಲಿ ವಾಸವಾಗಿದ್ದಾರೆ. ಆಗಾಗ ಒಟ್ಟಾಗಿ ಸಮಯ ಕಳೆಯಲು ವಿದೇಶಕ್ಕೆ ತೆರಳುತ್ತಾರೆ. ಈಗ ಮುಂಬೈ ಹೊರ ಭಾಗದಲ್ಲಿ ಒಂದು ಫಾರ್ಮ್​​ಹೌಸ್ ನಿರ್ಮಾಣ ಮಾಡುವ ನಿರ್ಧಾರಕ್ಕೆ ಇವರು ಬಂದಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಕಳೆದ ವರ್ಷ ಅಲೀಬಾಗ್​ನಲ್ಲಿ 8 ಎಕರೆ ಜಾಗವನ್ನು ಇವರು ಖರೀದಿ ಮಾಡಿದ್ದರು. ಈಗ ಇಲ್ಲಿ ಫಾರ್ಮ್​ಹೌಸ್ ನಿರ್ಮಾಣ ಮಾಡುವ ಕೆಲಸ ಆಗುತ್ತಿದೆ.

ಮಂಜುದರ್ ಬ್ರಾವೋ ಅವರು ಈ ಫಾರ್ಮ್​ಹೌಸ್​ನ ಡಿಸೈನ್ ಮಾಡಿದ್ದಾರೆ. ಮೂಲಗಳ ಪ್ರಕಾರ ಇಲ್ಲಿ ವಾಸಕ್ಕೆ ದೊಡ್ಡದಾದ ಮನೆ, ಸ್ವಿಮ್ಮಿಂಗ್ ಪೂಲ್, ಕ್ರಿಕೆಟ್ ತರಬೇತಿಗೆ ವಿಶೇಷ ವ್ಯವಸ್ಥೆ, ತೋಟ ಸೇರಿ ಅನೇಕ ಅಂಶಗಳು ಇರಲಿವೆ. ಈ ಜಾಗವನ್ನು ವಿರಾಟ್-ಅನುಷ್ಕಾ 19 ಕೋಟಿ ರೂಪಾಯಿ ಕೊಟ್ಟು ಖರೀದಿ ಮಾಡಿದ್ದರು. ಈ ಫಾರ್ಮ್​ಹೌಸ್ ನಿರ್ಮಾಣಕ್ಕೆ ನೂರು ಕೋಟಿ ರೂಪಾಯಿಗೂ ಅಧಿಕ ಹಣ ಖರ್ಚಾಗುತ್ತಿದೆ ಎನ್ನಲಾಗಿದೆ.

View this post on Instagram

A post shared by AnushkaSharma1588 (@anushkasharma)

ಇದನ್ನೂ ಓದಿ: ಪ್ರಿಯಾಂಕಾ ಚೋಪ್ರಾ ತಿರಸ್ಕರಿಸಿದ ಪಾತ್ರ ಮಾಡಲು ಅನುಷ್ಕಾ ಶರ್ಮಾ ನಕಾರ; ಫರ್ಹಾನ್​ ಅಖ್ತರ್​ಗೆ ಹೆಚ್ಚಿತು ಚಿಂತೆ

ಬಾಲಿವುಡ್ ಸ್ಟಾರ್ ನಟ ಸಲ್ಮಾನ್ ಖಾನ್ ಅವರು ತಮ್ಮದೇ ಫಾರ್ಮ್​ಹೌಸ್ ಹೊಂದಿದ್ದಾರೆ. ಇದು ನೂರಾರು ಕೋಟಿ ರೂಪಾಯಿ ಬೆಲೆ ಬಾಳುತ್ತದೆ. ಇನ್ನು, ದೀಪಿಕಾ ಪಡುಕೋಣೆ-ರಣವೀರ್ ಸಿಂಗ್, ಶಾರುಖ್ ಖಾನ್-ಗೌರಿ ಖಾನ್, ಶಾರುಖ್ ಮಗಳು ಸುಹಾನಾ ಖಾನ್ ಸೇರಿ ಅನೇಕರು ಅಲೀಬಾಗ್​ನಲ್ಲಿ ಪ್ರಾಪರ್ಟಿ ಹೊಂದಿದ್ದಾರೆ.

ಅಲೀಬಾಗ್​ನಲ್ಲಿರುವ ಪ್ರಾಪರ್ಟಿಯಲ್ಲಿ ವಿರಾಟ್ ಕ್ರಿಕೆಟ್ ಮೈದಾನ ಮಾಡುತ್ತಾರೆ ಎಂಬ ಸುದ್ದಿ ಹರಿದಾಡಿತ್ತು. ಆದರೆ, ಇದನ್ನು ವಿರಾಟ್ ಕೊಹ್ಲಿ ಅಲ್ಲ ಗಳೆದಿದ್ದರು. ಸುದ್ದಿ ಪತ್ರಿಕೆಯಲ್ಲಿ ಪ್ರಕಟವಾದ ಸುದ್ದಿಯನ್ನು ಇನ್​ಸ್ಟಾಗ್ರಾಮ್ ಸ್ಟೇಟಸ್​ನಲ್ಲಿ ಪೋಸ್ಟ್ ಮಾಡಿ ಇದು ಸುಳ್ಳು ಎಂದಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 7:11 am, Wed, 16 August 23