ಬೇಬಿ ಬಂಪ್​ಗೆ ಹೊಸ ಹೆಸರು ಕೊಟ್ಟ ನಟಿ ಇಲಿಯಾನಾ; ಮಗುವಿನ ತಂದೆಯ ಹೆಸರು ಇನ್ನೂ ನಿಗೂಢ

ನಟಿ ಇಲಿಯಾ ಡಿಕ್ರೂಜ್ (Ileana D’Cruz) ಅವರು ತಾಯಿ ಆಗುತ್ತಿರುವ ಖುಷಿಯಲ್ಲಿದ್ದಾರೆ. ಶೀಘ್ರವೇ ಅವರ ಮನೆಗೆ ಹೊಸ ಸದಸ್ಯನ ಆಗಮನ ಆಗಲಿದೆ. ಪ್ರೆಗ್ನೆಂಟ್ ಆದಾಗಿನಿಂದಲೂ ಅವರು ವಾರಕ್ಕೆ ಕನಿಷ್ಠ ಒಂದು ಫೋಟೋ ಆದರೂ ಹಂಚಿಕೊಳ್ಳುತ್ತಿದ್ದಾರೆ. ಈಗ ಇಲಿಯಾನಾ ಅವರು ಹೊಸ ಫೋಟೋ ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರ ಬೇಬಿ ಬಂಪ್ ಕಾಣಿಸಿದೆ. ಇದಕ್ಕೆ ಅವರು ಚೆಂದದ ಕ್ಯಾಪ್ಶನ್ ನೀಡಿದ್ದಾರೆ. ‘ಕ್ಯಾಪ್ಶನ್ ಆ ಬಳಿಕವೂ ಕೊಡಬಹುದು, ಮೊದಲು ಮಗುವಿನ ತಂದೆಯ ಹೆಸರನ್ನು ಹೇಳಿ’ ಎಂದು ಕೆಲವರು ಈ ಪೋಸ್ಟ್​ಗೆ ಕಮೆಂಟ್ ಮಾಡಿದ್ದಾರೆ.

ಮರೂನ್ ಬಣ್ಣದ ಬಟ್ಟೆ ಧರಿಸಿ ಇಲಿಯಾನಾ ಅವರು ಮಿರರ್ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಈ ಫೋಟೋದಲ್ಲಿ ಅವರ ಹೊಟ್ಟೆ ಹೈಲೈಟ್ ಆಗಿದೆ. ಈ ಫೋಟೋಗೆ ಅವರು ‘ಮೈ ಲಿಟಲ್ ವಾಟರ್​ಮೆಲನ್’ ಎನ್ನುವ ಕ್ಯಾಪ್ಶನ್ ನೀಡಿದ್ದಾರೆ. ಬೇಬಿಬಂಪ್​ಗೆ ಇಲಿಯಾ ಕೊಟ್ಟ ಹೆಸರು ಇದು ಎಂದು ಅನೇಕರು ಅಭಿಪ್ರಾಯಪಟ್ಟಿದ್ದಾರೆ.

ಇಲಿಯಾನಾ ಅವರು ಟಾಲಿವುಡ್ ಹಾಗೂ ಬಾಲಿವುಡ್​​​ನಲ್ಲಿ ಗುರುತಿಸಿಕೊಂಡವರು. ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಅವರು ಅನೇಕರ ಜೊತೆ ಸುತ್ತಾಟ ನಡೆಸಿಯೂ ಸುದ್ದಿ ಆಗಿದ್ದರು. ಮದುವೆ ಆಗದೆ ಪ್ರೆಗ್ನೆಂಟ್ ಆದ ವಿಚಾರವನ್ನು ಅವರು ರಿವೀಲ್ ಮಾಡಿದ್ದು ಅನೇಕರಿಗೆ ಅಚ್ಚರಿ ಆಗಿತ್ತು. ಏನೇ ಆದರೂ ಅವರು ಮಗುವಿಗೆ ತಂದೆ ಯಾರು ಎನ್ನುವ ವಿಚಾರ ರಿವೀಲ್ ಮಾಡಿರಲಿಲ್ಲ. ಇದನ್ನು ಆದಷ್ಟು ಬೇಗ ತಿಳಿಸಲಿ ಎಂದು ಫ್ಯಾನ್ಸ್ ಕಾಯುತ್ತಿದ್ದಾರೆ.

ಇಲಿಯಾನಾ ಅವರು ಹೊಸ ಫೋಟೋ ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರ ಬೇಬಿ ಬಂಪ್ ಕಾಣಿಸಿದೆ. ಇದಕ್ಕೆ ಅವರು ಚೆಂದದ ಕ್ಯಾಪ್ಶನ್ ನೀಡಿದ್ದಾರೆ.

ಇದನ್ನೂ ಓದಿ: ಕೊನೆಗೂ ಮಗುವಿನ ತಂದೆ ಯಾರೆಂದು ತೋರಿಸಿದ ಇಲಿಯಾನಾ; ಆದರೂ ಒಂದು ಗುಟ್ಟು ಹೊರಬರಲೇ ಇಲ್ಲ

ಇತ್ತೀಚೆಗೆ ಇಲಿಯಾನಾ ಅವರು ಬಾಯ್​ಫ್ರೆಂಡ್ ಫೋಟೋ ಹಂಚಿಕೊಂಡಿದ್ದರು. ಈ ಫೋಟೋಗೆ ಅವರು ‘ಡೇಟ್​ ನೈಟ್’ ಎನ್ನುವ ಕ್ಯಾಪ್ಶನ್ ನೀಡಿದ್ದರು. ಆದರೆ, ಎಲ್ಲಿಯೂ ಅವರು ಬಾಯ್​ಫ್ರೆಂಡ್ ಹೆಸರನ್ನು ರಿವೀಲ್ ಮಾಡಿರಲಿಲ್ಲ. ಇದೇಕೇ ಎನ್ನುವ ಪ್ರಶ್ನೆ ಅನೇಕರಲ್ಲಿ ಮೂಡಿದೆ. ಆದರೆ, ಇದಕ್ಕೆಲ್ಲ ಅವರು ಉತ್ತರ ಕೊಡುವ ಗೋಜಿಗೆ ಹೋಗಿಲ್ಲ. ತಮಗೇನು ಸರಿ ಎನಿಸುತ್ತದೆಯೋ ಅದನ್ನೇ ಮಾಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 7:46 am, Thu, 27 July 23