ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜು: ರಾಜಸ್ಥಾನ ತೆರಳಿದ ಬಾಲಿವುಡ್​ ಜೋಡಿ ಕತ್ರಿನಾ -ವಿಕ್ಕಿ ಕೌಶಲ್​

ಮುಂಬೈ:ಸಪ್ತತುದಿ ತುಳಿಯಲು ಸಿದ್ಧವಾಗಿರುವ ಬಾಲಿವುಡ್​ ನಟಿ ಕತ್ರಿನಾ ಕೈಫ್​ ಹಾಗೂ ವಿಕ್ಕಿ ಕೌಶಲ್​ ರಾಜಸ್ಥಾನಕ್ಕೆ ತೆರಳಿದ್ದಾರೆ. ಮುಂಬೈ ಏರ್ಪೋಟ್​ನಿಂದ ಹೆಲಿಕಾಪ್ಟರ್​ ಮೂಲಕ ನಿನ್ನೆ ರಾತ್ರಿ ಕತ್ರಿನಾ ಹಾಗೂ ವಿಕ್ಕಿಕೌಶಲ್​ ಕುಟುಂಬದೊಂದಿಗೆ ತೆರಳಿದ್ದಾರೆ. ಕತ್ರಿನಾ ನಿನ್ನೆ ವಿಮಾನ ನಿಲ್ದಾಣದಲ್ಲಿ ಹಳದಿ ಬಣ್ಣದ ಶರಾರಾ ಉಡುಗೆಯಲ್ಲಿ ಸಖತ್​ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಪ್ಯಾಷನ್​ ಡಿಸೈನರ್ ಅನಾಮಿಕ ಖನ್ನಾ ಅವರು ತಯಾರಿಸಿದ  ಉಡುಗೆಯಲ್ಲಿ ಕತ್ರಿನಾ ನಿನ್ನೆ ಕಾಣಿಸಿಕೊಂಡಿದ್ದರು. ರಾಜಸ್ಥಾನದ ಜೈಪುರ ಬಳಿಯ ಸವಾಯಿ ಮಾಧೋಪುರದಲ್ಲಿರುವ ಸಿಕ್ಸ್ ಸೆನ್ಸಸ್​ ಪೋರ್ಟ್ ಖಾಸಗಿ ಹೋಟೆಲ್​ನಲ್ಲಿ ಬಾಲಿವುಡ್​ನ ಕ್ಯೂಟ್​ ಗರ್ಲ್ ಕತ್ರಿನಾ ಹಾಗೂ ಹ್ಯಾಂಡಸಮ್​ ಬಾಯ್​ ವಿಕ್ಕಿ ಕೌಶಲ್​ ಮದುವೆ ಡಿ.9ರಂದು ನಡೆಯಲಿದೆ. ಇದಕ್ಕಾಗಿ ರಾಜಸ್ಥಾನ ದಲ್ಲಿ ಅದ್ದೂರಿಯಾಗಿ ತಯಾರಿ ನಡೆಯುತ್ತಿದೆ.

ಮದುವೆಯ ಪೂರ್ವ ತಯಾರಿಯಾಗಿ ಇಂದು ಮೆಹಂದಿ ಹಾಗೂ ಅರಿಶಿನ ಕಾರ್ಯಕ್ರಮಗಳು ನಡೆಯಲಿದೆ. ಬಾಲಿವುಡ್​ ಕ್ಯೂಟ್ ಜೋಡಿಯ ವಿವಾಹಕ್ಕೆ 120 ಜನರನ್ನು ಮಾತ್ರ ಆಹ್ವಾನಿಸಲಾಗಿದೆ. ಕರಣ್​ ಜೋಹರ್, ನೇಹಾ ದೂಪಿಯಾ, ಸಲ್ಮಾನ್ ಖಾನ್​ ಸೇರಿದಂತೆ ಒಟ್ಟು 120 ಮಂದಿಗೆ ಮಾತ್ರ ಮದುವೆಯಲ್ಲಿ ಭಾಗವಹಿಸಲು ಆಮಂತ್ರಿಸಲಾಗಿದೆ.

ಹಲವು ದಿನಗಳ ಕಾಲ ಕತ್ರಿನಾ ಹಾಗೂ ವಿಕ್ಕಿ ಕೌಶಲ್​ ನಡುವಿನ ಸಂಬಂಧಗಳ ಬಗ್ಗೆ ಬಾಲಿವುಡ್​ ಅಂಗಳದಲ್ಲಿ ಗುಸುಗುಸು ಆರಂಭವಾಗಿತ್ತು. ಇದರ ನಡುವೆಯೇ ತಾವು ಪ್ರೀತಿಸಿರುವುದು ನಿಜ ಎಂದು ಹೇಳಿಕೊಂಡಿದ್ದರು. ಎಂದು ಕತ್ರಿನಾ ಹಾಗೂ ವಿಕ್ಕಿ ಕೌಶಲ್​ ಘೊಷಿಸಿ, ಹರಿದಾಡುತ್ತಿದ್ದ ವದಂತಿಗಳಿಗೆ ತೆರೆ ಎಳೆದಿದ್ದರು. ಇದೀಗ ಡಿ.9ರಂದು ಹಸೆಮಣೆ ಏರಲಿರುವ ಕತ್ರಿನಾ ಹಾಗೂ ವಿಕ್ಕಿಕೌಶಲ್​ ಮದುವೆ ತಯಾರಿ ಭರದಿಂದಲೇ ಸಾಗಿದೆ.

ಇಂದು ಮೆಹಂದಿ ಕಾರ್ಯಕ್ರಮದ ಬಳಿಕ ಸಂಗೀತ ಕಾರ್ಯಕ್ರಮ ಇರಲಿದ್ದು, ಕಾಲಾ ಚಶ್ಮಾ ಹಾಡಿಗೆ ಹಸಮಣೆ ಏರಲಿರುವ ಜೋಡಿ ಹೆಜ್ಜೆ ಹಾಕಲಿದ್ದಾರೆ. ವಿಕ್ಕಿ ಕತ್ರಿನಾ ಮದುವೆಗೆ ಇಟಲಿಯಿಂದ 5 ಹಂತದ ಕೇಕ್​ ತರಿಸಲಾಗಿದೆ. ಇಟಲಿಯ ಬಾಣಸಿಗರು ವಿಶೇಷವಾಗಿ ತಯಾರಿಸಿದ ನೀಲಿ ಮತ್ತು ಬಿಳಿ ಬಣ್ಣದ ಟಿಫಾನಿ ವೆಡ್ಡಿಂಗ್​ ಕೇಕ್​ ಅನ್ನು ವಿಕ್ಕಿ ಹಾಗೂ ಕತ್ರಿನಾ ಕತ್ತರಿಸಲಿದ್ದಾರೆ ಎಂದು ತಿಳಿದುಬಂದಿದೆ. ಮದುವೆಗೆ ಆಗಮಿಸುತ್ತಿರುವವರಿಗೆ ಕೋವಿಡ್​ ವ್ಯಾಕ್ಸಿನ್​ ಕಡ್ಡಾಯವಾಗಿದ್ದು, ಆರ್​ ಟಿ ಪಿಸಿಆರ್​ ನೆಗೆಟಿವ್​ ವರದಿ ತೆಗೆದುಕೊಂಡು ಬರುವಂತೆ ಸೂಚನೆ ನೀಡಲಾಗಿದೆ.

ಇದನ್ನೂ ಓದಿ:

ಹಣ ದ್ವಿಗುಣಗೊಳಿಸಿ ಕೊಡುವುದಾಗಿ ವಂಚನೆ! ಚಿತ್ರದುರ್ಗ ನಗರಸಭೆ ಸದಸ್ಯನ ವಿರುದ್ಧ ಎಫ್ಐಆರ್ ದಾಖಲು

ಕತ್ರೀನಾ- ವಿಕ್ಕಿ ಕೌಶಲ್​ಗೆ ಒಟಿಟಿಯಿಂದ 100 ಕೋಟಿ ರೂಪಾಯಿಯ ಆಫರ್​; ಏಕೆ ಗೊತ್ತಾ?