ವಿವಾದಗಳ ಕಿಂಗ್ ರಣವೀರ್ ಸಿಂಗ್; ಮಾಡಿಕೊಂಡ ಎಡವಟ್ಟುಗಳು ಒಂದೆರಡಲ್ಲ

ರಣವೀರ್ ಸಿಂಗ್ ಅವರು ಬಾಲಿವುಡ್​ನ ಬೇಡಿಕೆಯ ಹೀರೋ. ಇದರ ಜೊತೆಗೆ ಅವರು ವಿವಾದಗಳ ಮೂಲಕವೂ ಆಗಾಗ ಸುದ್ದಿ ಆಗುತ್ತಾರೆ. ಅವರು ಮಾಡಿಕೊಂಡ ವಿವಾದಗಳು ಒಂದೆರಡಲ್ಲ. ಅವರಿಗೆ ಇಂದು (ಜುಲೈ 6) ಜನ್ಮದಿನ. ಸೋಶಿಯಲ್ ಮೀಡಿಯಾದಲ್ಲಿ ಅವರಿಗೆ ಶುಭಾಶಯ ಬರುತ್ತಿವೆ. ಈ ಮಧ್ಯೆ ಕೆಲವರು ಅವರು ಮಾಡಿಕೊಂಡ ವಿವಾದಗಳನ್ನು ನೆನಪಿಸಿಕೊಳ್ಳುತ್ತಿದ್ದಾರೆ. ಅವರು ಮಾಡಿಕೊಂಡ ಕೆಲವು ವಿವಾದಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ರಣವೀರ್-ಅನುಷ್ಕಾ ವಿವಾದ

ರಣವೀರ್ ಸಿಂಗ್ ಅವರು 2010ರಲ್ಲಿ ರಿಲೀಸ್ ಆದ ‘ಬ್ಯಾಂಡ್ ಬಾಜಾ ಬಾರಾತ್’ ಸಿನಿಮಾದಲ್ಲಿ ಅನುಷ್ಕಾ ಜೊತೆ ನಟಿಸಿದರು. ಅನುಷ್ಕಾ ಬಗ್ಗೆ ಅವರು ಅಶ್ಲೀಲ ಕಮೆಂಟ್ ಮಾಡಿದ್ದರು. ಕರಣ್ ಜೋಹರ್ ಅವರ ‘ಕಾಫಿ ವಿತ್ ಕರಣ್​’ ಶೋನಲ್ಲಿ ಭಾಗಿ ಆಗಿದ್ದರು. ಈ ವೇಳೆ ‘ನಾನು ನಿಮ್ಮ ಬ್ಯಾಕ್​ನ ಪಿಂಚ್ ಮಾಡಬಹುದೇ’ ಎಂದಿದ್ದರು. ಇದನ್ನು ಅನೇಕರು ಟೀಕಿಸಿದ್ದರು. ಸ್ವತಃ ಅನುಷ್ಕಾಗೂ ಇದು ಮುಜುಗರ ತಂದಿತ್ತು.

ರಣವೀರ್-ಪ್ರಿಯಾಂಕಾ

ರಣವೀರ್ ಸಿಂಗ್ ಹಾಗೂ ಪ್ರಿಯಾಂಕಾ ಚೋಪ್ರಾ ‘ಗುಂಡೇ’ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದರು. ಈ ಚಿತ್ರದ ಪ್ರಮೋಷನ್ ವೇಳೆ ಪ್ರಿಯಾಂಕಾಗೆ ಕಿಸ್ ಮಾಡಲು ರಣವೀರ್ ಪ್ರಯತ್ನಿಸಿದ್ದರು. ಇದರಿಂದ ಪ್ರಿಯಾಂಕಾ ಸಿಟ್ಟಾದರು. ಆ ಬಳಿಕ ಪ್ರಿಯಾಂಕಾ ಜೊತೆ ಕೆಲಸ ಮಾಡಲ್ಲ ಎಂದು ಶಪತ ಮಾಡಿದರು.

ಎಕ್​ ಥಾ ಟೈಗರ್ ವಿವಾದ

2012ರಲ್ಲಿ ಸಲ್ಮಾನ್ ಖಾನ್ ನಟನೆಯ ‘ಏಕ್ ಥಾ ಟೈಗರ್’ ಸಿನಿಮಾ ರಿಲೀಸ್ ಆಯಿತು. ಈ ಚಿತ್ರವನ್ನು ರಣವೀರ್ ಅವರು ಬೋರಿಂಗ್ ಎಂದು ಕರೆದಿದ್ದರು. ಇದರಿಂದ ಸಲ್ಲು ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾದರು.

ಎಐಬಿ ವಿವಾದ

2014ರಲ್ಲಿ ರಣವೀರ್ ಸಿಂಗ್, ಅರ್ಜುನ್ ಕಪೂರ್, ಕರಣ್ ಜೋಹರ್ ಅವರು ಕಾಮಿಡಿ ಗ್ರೂಪ್ ಎಐಬಿ ಈವೆಂಟ್​ನಲ್ಲಿ ಭಾಗಿ ಆಗಿದ್ದರು. ಈ ವೇಳೆ ಅಶ್ಲೀಲ ಪದಗಳ ಬಳಕೆ ಹಾಗೂ ಸನ್ನೆ ಮಾಡಲಾಗಿತ್ತು. ಇದರಿಂದ ರಣವೀರ್ ವಿವಾದ ಮಾಡಿಕೊಂಡರು. ಕರಣ್ ಗೇ ಎಂಬರ್ಥದಲ್ಲಿ ರಣವೀರ್ ಮಾತನಾಡಿದ್ದರು. ಇದನ್ನು ಕೇಳಿ ಕರಣ್ ಕೂಡ ಖುಷಿಯಿಂದ ನಕ್ಕಿದ್ದರು.

ಇದನ್ನೂ ಓದಿ:  ರಣವೀರ್ ಸಿಂಗ್-ದೀಪಿಕಾ ಪಡುಕೋಣೆ ಪೈಕಿ ಶ್ರೀಮಂತರು ಯಾರು? ಇಲ್ಲಿದೆ ಅಚ್ಚರಿಯ ವಿಚಾರ

ಪದ್ಮಾವತ್ ವಿವಾದ

‘ಪದ್ಮಾವತ್’ ಚಿತ್ರಕ್ಕೆ ಮೊದಲು ‘ಪದ್ಮಾವತಿ’ ಎನ್ನುವ ಶೀರ್ಷಿಕೆ ಇಡಲಾಗಿತ್ತು. ಈ ಸಿನಿಮಾ ಬಗ್ಗೆ ಕರಣಿ ಸೇನಾದವರು ಅಪಸ್ವರ ತೆಗೆದಿದ್ದರು. ಆ ಬಳಿಕ ಚಿತ್ರದ ಶೀರ್ಷಿಕೆ ಬದಲಾಯಿಸಲಾಯಿತು.

ಜಾಹೀರಾತು

ಇತ್ತೀಚೆಗೆ ರಣವೀರ್ ಸಿಂಗ್ ಅವರು ಪೋರ್ನ್​ ಸ್ಟಾರ್ ಜಾನಿ ಸಿನ್ಸ್ ಜೊತೆ ಜಾಹೀರಾತೊಂದರಲ್ಲಿ  ಕಾಣಿಸಿಕೊಂಡಿದ್ದರು. ಇದನ್ನು ಅನೇಕರು ಟೀಕೆ ಮಾಡಿದ್ದರು.

ಬೆತ್ತಲೆ ಶೂಟ್

2022ರಲ್ಲಿ ರಣವೀರ್ ಸಿಂಗ್ ಮ್ಯಾಗಜಿನ್ ಒಂದರ ಶೂಟ್​ನಲ್ಲಿ ಭಾಗಿ ಆಗಿದ್ದರು. ಈ ವೇಳೆ ಅವರು ಬೆತ್ತಲಾಗಿ ಪೋಸ್​ ಕೊಟ್ಟಿದ್ದರು. ಇದನ್ನು ಅನೇಕರು ಪ್ರಶ್ನೆ ಮಾಡಿದ್ದರು. ಅವರ ವಿರುದ್ಧ ಎಫ್​ಐಆರ್ ಕೂಡ ದಾಖಲಾಯಿತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.