ಶಾರುಖ್ ಖಾನ್ಗೆ ಇದೆ ವಿಚಿತ್ರ ಹವ್ಯಾಸ; ಇದಕ್ಕಾಗಿ ಅವರು ಖರ್ಚು ಮಾಡಿದ್ದು 40 ಲಕ್ಷ ರೂಪಾಯಿ
ಶಾರುಖ್ ಖಾನ್ ಮನೆ ತುಂಬಾನೇ ದೊಡ್ಡದಿದೆ. ಅವರ ಮನೆಯಲ್ಲಿ ಹಲವು ಬೆಡ್ರೂಂಗಳು ಇವೆ. ಎಲ್ಲಾ ಬೆಡ್ರೂಂನಲ್ಲೂ ಶಾರುಖ್ ಖಾನ್ ಒಂದು ಟಿವಿ ಇಟ್ಟಿದ್ದಾರೆ.
ಶಾರುಖ್ ಖಾನ್ ಅವರು (Shah Rukh Khan) ನಟನೆಯಿಂದ ಕೊಂಚ ಅಂತರ ಕಾಯ್ದುಕೊಂಡಿದ್ದರು. ಆದಾಗ್ಯೂ ಅವರಿಗೆ ಬೇಡಿಕೆ ಕಡಿಮೆ ಆಗಿಲ್ಲ. ಸದ್ಯ ಮೂರು ಸಿನಿಮಾ ಕೆಲಸಗಳಲ್ಲಿ ಶಾರುಖ್ ಖಾನ್ ಬ್ಯುಸಿ ಆಗಿದ್ದಾರೆ. ಶಾರುಖ್ ಖಾನ್ ಅವರು ಅತ್ಯಂತ ಶ್ರೀಮಂತ ಸೆಲೆಬ್ರಿಟಿ ಕೂಡ ಹೌದು. ಅವರ ಮನೆಯಲ್ಲಿ ಏನೆಲ್ಲ ಇದೆ ಎಂಬುದನ್ನು ತಿಳಿದುಕೊಳ್ಳುವ ಕುತೂಹಲ ಫ್ಯಾನ್ಸ್ಗೆ (Fans) ಇರುತ್ತದೆ. ಶಾರುಖ್ ಖಾನ್ ಅವರು ಇತ್ತೀಚೆಗೆ ಒಂದು ಅಚ್ಚರಿಯ ವಿಚಾರ ಬಿಚ್ಚಿಟ್ಟಿದ್ದಾರೆ. ಈ ವಿಚಾರ ಕೇಳಿ ಫ್ಯಾನ್ಸ್ ಹುಬ್ಬೇರಿಸಿದ್ದಾರೆ.
ಶಾರುಖ್ ಖಾನ್ ಮನೆ ತುಂಬಾನೇ ದೊಡ್ಡದಿದೆ. ಅವರ ಮನೆಯಲ್ಲಿ ಹಲವು ಬೆಡ್ರೂಂಗಳು ಇವೆ. ಎಲ್ಲಾ ಬೆಡ್ರೂಂನಲ್ಲೂ ಶಾರುಖ್ ಖಾನ್ ಒಂದು ಟಿವಿ ಇಟ್ಟಿದ್ದಾರೆ. ಅವರಿಗೆ ಟಿವಿ ನೋಡುವ ಹವ್ಯಾಸ ಹೆಚ್ಚಿದೆ. ಇದಕ್ಕಾಗಿ ಅವರು ಖರ್ಚು ಮಾಡಿದ್ದು ಬರೋಬ್ಬರಿ 40 ಲಕ್ಷ ರೂಪಾಯಿ!
ಹೌದು, ಇತ್ತೀಚೆಗೆ ಟಿವಿ ಕಂಪನಿಯೊಂದರ ಕಾರ್ಯಕ್ರಮದಲ್ಲಿ ಶಾರುಖ್ ಪಾಲ್ಗೊಂಡಿದ್ದರು. ಈ ವೇಳೆ ಅವರು ಮನೆಯಲ್ಲಿರುವ ಟಿವಿಯ ಬಗ್ಗೆ ಮಾತನಾಡಿದ್ದಾರೆ. ‘ನನ್ನ ಮಲಗುವ ಕೋಣೆಯಲ್ಲಿ ಒಂದು ಟಿವಿ ಇದೆ. ನನ್ನ ಲಿವಿಂಗ್ ರೂಂನಲ್ಲಿ ಒಂದು ಟಿವಿ ಇದೆ, ಮಗ ಅಬ್ರಾಮ್ನ ಕೋಣೆಯಲ್ಲಿ, ನನ್ನ ರೂಂನಲ್ಲಿ, ಆರ್ಯನ್ನ ಕೋಣೆಯಲ್ಲಿ, ನನ್ನ ಮಗಳ ಕೋಣೆಯಲ್ಲಿ, ಜಿಮ್ನಲ್ಲಿ ಟಿವಿ ಇದೆ’ ಎಂದಿದ್ದಾರೆ ಶಾರುಖ್ ಖಾನ್.
‘ಪ್ರತಿ ಟಿವಿಯ ವೆಚ್ಚ ಸುಮಾರು ಒಂದರಿಂದ ಒಂದೂವರೆ ಲಕ್ಷ ರೂಪಾಯಿ. ಆ ಲೆಕ್ಕಾಚಾರದ ಪ್ರಕಾರ, ನಾನು ಟಿವಿಗೆ ಸುಮಾರು 30-40 ಲಕ್ಷ ರೂಪಾಯಿ ಖರ್ಚು ಮಾಡಿದ್ದೇನೆ’ ಎಂದಿದ್ದಾರೆ ಶಾರುಖ್ ಖಾನ್. ಈ ವಿಚಾರ ಕೇಳಿ ಫ್ಯಾನ್ಸ್ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
#ShahRukhKhan @iamsrk has TVs worth 30-40 lakhs in his home. ?
I feel poor now.! #SRK #KingKhan #LG @iamsrk pic.twitter.com/G8o4kIkl8B
— Mirza Faisal SRKian (@MirzaFaisal4SRK) May 24, 2022
ಲೀಕ್ ಆಗಿತ್ತು ‘ಡಂಕಿ’ ಸಿನಿಮಾ ಫೋಟೋ
ರಾಜ್ಕುಮಾರ್ ಹಿರಾನಿ ಜತೆ ಶಾರುಖ್ ಖಾನ್ ಇದೇ ಮೊದಲ ಬಾರಿಗೆ ಕೆಲಸ ಮಾಡುತ್ತಿದ್ದಾರೆ. ಸಂಜಯ್ ದತ್, ಆಮಿರ್ ಖಾನ್ ಜತೆಗೆ ಈ ಮೊದಲು ಹಿರಾನಿ ಕೆಲಸ ಮಾಡಿದ್ದಾರೆ. ಇತ್ತೀಚೆಗೆ ಒಂದು ಪ್ರೋಮೋ ವಿಡಿಯೋ ಹಂಚಿಕೊಳ್ಳುವ ಮೂಲಕ ಈ ಬಗ್ಗೆ ಘೋಷಣೆ ಮಾಡಲಾಗಿತ್ತು. ಈ ಸಿನಿಮಾ ಬಗ್ಗೆ ಸಾಕಷ್ಟು ಕುತೂಹಲ ಅಭಿಮಾನಿಗಳಲ್ಲಿದೆ. ರಾಜ್ಕುಮಾರ್ ಹಿರಾನಿ ಬಾಲಿವುಡ್ನ ಯಶಸ್ವಿ ನಿರ್ದೇಶಕ. ‘ಮುನ್ನಾ ಭಾಯ್ ಎಂಬಿಬಿಎಸ್’, ‘ಪಿಕೆ’,‘ಸಂಜು’ ರೀತಿಯ ಹಿಟ್ ಚಿತ್ರಗಳನ್ನು ಅವರು ನೀಡಿದ್ದಾರೆ. 2018ರಲ್ಲಿ ಬಂದ ‘ಸಂಜು’ ಬಳಿಕ ಅವರು ನಿರ್ದೇಶಿಸುತ್ತಿರುವ ಮುಂದಿನ ಸಿನಿಮಾ ಇದಾಗಿದೆ. ಇತ್ತೀಚೆಗೆ ಫೋಟೋ ವೈರಲ್ ಆಗಿತ್ತು. ಶಾರುಖ್ ಖಾನ್ ಅವರು ಸಖತ್ ಹ್ಯಾಂಡ್ಸಮ್ ಆಗಿ ಕಾಣಿಸಿಕೊಂಡಿದ್ದರು. ಅವರ ವಯಸ್ಸಿನ ಬಗ್ಗೆ ಎಲ್ಲರೂ ಅಚ್ಚರಿ ಹೊರ ಹಾಕಿದ್ದರು. ಶಾರುಖ್ ವಯಸ್ಸು ಈಗ 56. ಅವರು ಫಿಟ್ನೆಸ್ಗೆ ಹೆಚ್ಚು ಆದ್ಯತೆ ನೀಡುತ್ತಾರೆ. ಈ ಬಗ್ಗೆ ಫ್ಯಾನ್ಸ್ ಮಾತನಾಡಿದ್ದರು. ‘ಶಾರುಖ್ ಖಾನ್ ಇನ್ನೂ 40 ಹರೆಯದವರಂತೆ ಕಾಣುತ್ತಾರೆ’ ಎಂದು ಹೇಳಿದ್ದರು.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.