ತಲೆ ಬೋಳಿಸಿಕೊಂಡ್ರಾ ಉರ್ಫಿ ಜಾವೇದ್​? ಫೋಟೋ ನೋಡಿ ಹಿಗ್ಗಾಮುಗ್ಗ ಉಗಿದ ನೆಟ್ಟಿಗರು

ನಟಿ ಉರ್ಫಿ ಜಾವೇದ್​ (Urfi Javed) ಅವರು ಮಾಡದ ಡ್ರಾಮಾಗಳು ಇಲ್ಲ. ಜನರನ್ನು ಆಕರ್ಷಿಸಲು ಅವರು ವಿವಿಧ ರೀತಿ ಸರ್ಕಸ್​ ಮಾಡುತ್ತಾರೆ. ಸದಾ ಸುದ್ದಿಯಲ್ಲಿ ಇರಬೇಕು ಎಂಬುದು ಅವರ ಉದ್ದೇಶ ಆಗಿರುವಂತಿದೆ. ಪ್ರತಿ ಬಾರಿಯೂ ಚಿತ್ರ-ವಿಚಿತ್ರವಾದ ಬಟ್ಟೆಗಳನ್ನು ಧರಿಸಿ ಬರುವ ಉರ್ಫಿ ಜಾವೇದ್​ ಅವರ ಫೋಟೋಗಳು (Urfi Javed Photos) ವೈರಲ್​ ಆಗುತ್ತವೆ. ಈಗ ಅವರು ತಲೆ ಬೋಳಿಸಿಕೊಂಡಂತೆ ಇರುವ ಫೋಟೋವನ್ನು ಪೋಸ್ಟ್​ ಮಾಡಿದ್ದಾರೆ. ಅದನ್ನು ನೋಡಿ ಕೆಲವರಿಗೆ ಶಾಕ್​ ಆಗಿದೆ. ಆದರೆ ಇನ್ನೂ ಕೆಲವರು ಹಿಗ್ಗಾಮುಗ್ಗಾ ಟ್ರೋಲ್​ (Troll) ಮಾಡಿದ್ದಾರೆ.

ನಟಿಯರಿಗೆ ಹೇರ್​ ಸ್ಟೈಲ್​ ತುಂಬ ಮುಖ್ಯ. ಅವರು ತಲೆ ಬೋಳಿಸಿಕೊಂಡರೆ ನಿಜಕ್ಕೂ ಅಚ್ಚರಿ ಆಗುತ್ತದೆ. ಮೊದಲಿಗೆ ಉರ್ಫಿ ಜಾವೇದ್​ ಅವರ ಫೋಟೋಗಳನ್ನು ನೋಡಿ ಜನರಿಗೆ ಶಾಕ್​ ಆಯಿತು ಎಂಬುದು ನಿಜ. ಆದರೆ ಆ ಫೋಟೋವನ್ನು ಸ್ವಲ್ಪ ಗಮನವಿಟ್ಟು ನೋಡಿದಾಗ ಅದರೊಳಗಿನ ಅಸಲಿಯತ್ತು ಏನು ಎಂಬುದು ಬಯಲಾಗಿದೆ. ನಿಜವಾಗಿ ಉರ್ಫಿ ಜಾವೇದ್​ ತಲೆ ಬೋಳಿಸಿಕೊಂಡಿಲ್ಲ.

ಇದನ್ನೂ ಓದಿ: 100 ಕೆಜಿ ತೂಕದ ಬಟ್ಟೆ ಧರಿಸಿದ ಉರ್ಫಿ ಜಾವೇದ್; ಎಲ್ಲರಿಗೂ ಅಚ್ಚರಿ

ಯಾವುದೋ ಫಿಲ್ಟರ್​ ಬಳಸಿ ಉರ್ಫಿ ಜಾವೇದ್​ ಅವರು ಈ ಫೋಟೋ ಕ್ಲಿಕ್ಕಿಸಿದ್ದಾರೆ. ಆ ಫಿಲ್ಟರ್​ ಯಾವುದು ಅಂತ ಹೇಳಿ ಎಂದು ಅನೇಕರು ಕಮೆಂಟ್​ ಮಾಡಿದ್ದಾರೆ. ಫಿಲ್ಟರ್​ ಅಲ್ಲ ಎಂಬುದಾದರೆ ಇದು ಎಡಿಟ್​ ಮಾಡಿದ ಫೋಟೋ ಎಂದು ನೆಟ್ಟಿಗರು ಊಹಿಸಿದ್ದಾರೆ. ಅಲ್ಲದೇ, ಇದು ಜಗತ್ತಿನ ಅತಿ ಕೆಟ್ಟ ಎಡಿಟಿಂಗ್​​ ಎಂದು ಅನೇಕರು ಟೀಕೆ ಮಾಡಿದ್ದಾರೆ. ಯಾಕೆಂದರೆ ಉರ್ಫಿ ಜಾವೇದ್​ ಅವರ ಕುತ್ತಿಗೆಯ ಹಿಂದೆ ಕೂದಲು ಇರುವುದು ಕಾಣಿಸಿದೆ.

ಎಲ್ಲ ನಟಿಯರಿಗಿಂತ ಭಿನ್ನವಾಗಿ ಉರ್ಫಿ ಜಾವೇದ್​ ಅವರು ಗುರುತಿಸಿಕೊಂಡಿದ್ದಾರೆ. ಕಿರುತೆರೆಯ ಸೀರಿಯಲ್​ಗಳಲ್ಲಿ ಅವರಿಗೆ ನಿರೀಕ್ಷಿತ ಅವಕಾಶಗಳು ಸಿಗಲಿಲ್ಲ. ನಂತರ ‘ಬಿಗ್​ ಬಾಸ್​ ಒಟಿಟಿ’ ಶೋನಲ್ಲಿ ಭಾಗವಹಿಸಿ ಖ್ಯಾತಿ ಪಡೆದರು. ಬಳಿಕ ಬೋಲ್ಡ್​ ಆದಂತಹ ಹಾಗೂ ವಿಚಿತ್ರವಾದ ಬಟ್ಟೆಗಳನ್ನು ಧರಿಸುವ ಮೂಲಕ ಅವರು ಹೊಸ ಸೆನ್ಸೇಷನ್​ ಸೃಷ್ಟಿ ಮಾಡಿದರು. ಅವರು ನಟಿಸಿದ ‘ಲವ್​ ಸೆ*ಕ್ಸ್​ ಔರ್​ ದೋಖಾ 2’ ಸಿನಿಮಾ ಇತ್ತೀಚೆಗೆ ಬಿಡುಗಡೆಯಾಗಿ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.