ಒಂದೇ ಚಿತ್ರದಲ್ಲಿ ಪಠಾಣ್-ಟೈಗರ್; ಈ ಸಿನಿಮಾದಲ್ಲಿ ಇರಲಿದೆ ಭರಪೂರ ಆ್ಯಕ್ಷನ್
ಶಾರುಖ್ ಖಾನ್ ಹಾಗೂ ಸಲ್ಮಾನ್ ಖಾನ್ಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಇವರ ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ನೂರಾರು ಕೋಟಿ ರೂಪಾಯಿ ಕಲೆಕ್ಷನ್ ಮಾಡುತ್ತವೆ.
‘ಪಠಾಣ್’ ಸಿನಿಮಾ (Pathaan Movie) ಅಬ್ಬರದ ಕಲೆಕ್ಷನ್ ಮಾಡಿತು. ಈ ಚಿತ್ರವನ್ನು ನೋಡೋಕೆ ಫ್ಯಾನ್ಸ್ಗೆ ಹಲವು ಕಾರಣಗಳಿದ್ದವು. ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ನಟಿಸಿದ್ದು ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಯಿತು. ಅವರ ಅತಿಥಿ ಪಾತ್ರದಿಂದ ಸಿನಿಮಾದ ತೂಕ ಹೆಚ್ಚಿತ್ತು. ಈ ಕಾರಣಕ್ಕೆ ಸಲ್ಲು ಫ್ಯಾನ್ಸ್ ಕೂಡ ಸಿನಿಮಾನ ಕಣ್ತುಂಬಿಕೊಂಡರು. ವಿಶೇಷ ಎಂದರೆ ‘ಟೈಗರ್ 3’ (Tiger 3) ಚಿತ್ರದಲ್ಲಿ ಶಾರುಖ್ ಖಾನ್ ಅವರು ಅತಿಥಿ ಪಾತ್ರ ಮಾಡುತ್ತಿದ್ದಾರೆ. ಈಗ ಶಾರುಖ್ ಹಾಗೂ ಸಲ್ಮಾನ್ ಖಾನ್ ಒಟ್ಟಾಗಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಭರಪೂರ ಆ್ಯಕ್ಷನ್ ಇರಲಿದೆ ಎನ್ನಲಾಗುತ್ತಿದೆ. ಈ ವಿಚಾರ ಕೇಳಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ.
ಯಶ್ ರಾಜ್ ಫಿಲ್ಮ್ಸ್ ತನ್ನದೇ ಸ್ಪೈ ಯೂನಿವರ್ಸ್ ಸೃಷ್ಟಿ ಮಾಡಿಕೊಂಡಿದೆ. ಯೂನಿವರ್ಸ್ ಎಂದರೆ ಸಿನಿಮಾಗಳ ಗುಚ್ಚ. ‘ಏಕ್ ಥಾ ಟೈಗರ್’, ‘ಟೈಗರ್ ಜಿಂದಾ ಹೈ’, ‘ಟೈಗರ್ 3’ ಚಿತ್ರದಲ್ಲಿ ಬರುವ ಟೈಗರ್ ಪಾತ್ರ, ‘ವಾರ್’ ಚಿತ್ರದ ಕಬೀರ್ ಪಾತ್ರ ಹಾಗೂ ‘ಪಠಾಣ್’ ಚಿತ್ರದ ಪಠಾಣ್ ಪಾತ್ರಕ್ಕೆ ಲಿಂಕ್ ಕೊಡುವ ಕೆಲಸ ಆಗುತ್ತಿದೆ. ಹೀಗಿರುವಾಗಲೇ ಪಠಾಣ್ ಹಾಗೂ ಟೈಗರ್ ಪಾತ್ರಗಳನ್ನು ಒಂದುಗೂಡಿಸುವ ಆಲೋಚನೆಯಲ್ಲಿ ಯಶ್ ರಾಜ್ ಫಿಲ್ಮ್ಸ್ನ ಆದಿತ್ಯ ಚೋಪ್ರಾ ಇದ್ದಾರೆ.
ಶಾರುಖ್ ಖಾನ್ ಹಾಗೂ ಸಲ್ಮಾನ್ ಖಾನ್ಗೆ ದೊಡ್ಡ ಅಭಿಮಾನಿ ಬಳಗ ಇದೆ. ಇವರ ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ನೂರಾರು ಕೋಟಿ ರೂಪಾಯಿ ಕಲೆಕ್ಷನ್ ಮಾಡುತ್ತವೆ. ಒಂದೊಮ್ಮೆ ಇಬ್ಬರೂ ಒಂದೇ ಸಿನಿಮಾದಲ್ಲಿ ಹೀರೋಗಳಾಗಿ ನಟಿಸಿದರೆ ಆ ಚಿತ್ರ ದಾಖಲೆಗಳ ಮೇಲೆ ದಾಖಲೆ ಬರೆಯಬಹುದು ಎಂಬುದು ಬಾಲಿವುಡ್ ಬಾಕ್ಸ್ ಆಫೀಸ್ ಪಂಡಿತರ ಲೆಕ್ಕಾಚಾರ.
ಇದನ್ನೂ ಓದಿ: 400 ಕೋಟಿ ರೂ. ಆಸೆ ತೋರಿಸಿದ್ರೂ ಕರಗಲಿಲ್ಲ ನಿರ್ಮಾಪಕನ ಮನಸ್ಸು; ಏನಿದು ಬಗೆಹರಿಯದ ಬಿಗ್ ಡೀಲ್?
ಸದ್ಯ ಆದಿತ್ಯ ಚೋಪ್ರಾ ಅವರೇ ಈ ಕಥೆಯನ್ನು ಡೆವಲಪ್ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಕಬೀರ್ (ಹೃತಿಕ್ ರೋಷನ್) ಅತಿಥಿ ಪಾತ್ರ ಮಾಡುವ ಸಾಧ್ಯತೆ ಇದೆ. ಹಾಗಾದಲ್ಲಿ ಸಿನಿಮಾಗೆ ಮತ್ತಷ್ಟು ಹೈಪ್ ಸಿಗಲಿದೆ. ಹಿಂದಿ ಬಾಕ್ಸ್ ಆಫೀಸ್ನಲ್ಲಿ ಮೊದಲ ದಿನ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ ಎನ್ನುವ ಖ್ಯಾತಿ ‘ಪಠಾಣ್’ಗೆ ಇದೆ. ಒಂದೊಮ್ಮೆ ಶಾರುಖ್ ಖಾನ್ ಹಾಗೂ ಸಲ್ಲು ಒಂದೇ ಸಿನಿಮಾದಲ್ಲಿ ನಟಿಸಿದರೆ ಸಿನಿಮಾದ ಒಟ್ಟಾರೆ ಕಲೆಕ್ಷನ್ ಎಷ್ಟಾಗಬಹುದು ಅನ್ನೋದು ಸದ್ಯದ ಕುತೂಹಲ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ