ಸೈಫ್-ಕರೀನಾ ಮದುವೆಯಲ್ಲಿ ಪಾತ್ರೆ ತೊಳೆದಿದ್ದ ಈ ನಟ, ಬಿಗ್ ಬಾಸ್ ಮನೆಗೆ ಎಂಟ್ರಿ

ಬಿಗ್ ಬಾಸ್ ಹೊಸ ಸೀಸನ್ ಅದ್ಧೂರಿಯಾಗಿ ಚಾಲನೆ ಪಡೆದುಕೊಂಡಿದೆ. ತೆಲುಗು, ಹಿಂದಿ, ತಮಿಳು, ಕನ್ನಡ, ಮಲಯಾಳಂ ಹಾಗೂ ಬಂಗಾಳಿ ಭಾಷೆಗಳಲ್ಲಿ ಏಕಕಾಲಕ್ಕೆ ಶೋ ಶುರುವಾಗಿದೆ. ಸಲ್ಮಾನ್ ಖಾನ್ ನಿರೂಪಣೆಯ ಹಿಂದಿಯ 20ನೇ ಸೀಸನ್‌ಗೆ ಹಲವು ಸ್ಪರ್ಧಿಗಳು ಮನೆ ಪ್ರವೇಶಿಸಿದ್ದಾರೆ. ಈ ಪೈಕಿ ಹಿಂದಿ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟಿರುವ ನಟ ಆಸಿಫ್ ಖಾನ್ ಅವರ ರಿಯಲ್ ಲೈಫ್ ಸ್ಟೋರಿ ಈಗ ಎಲ್ಲರ ಗಮನ ಸೆಳೆಯುತ್ತಿದೆ.

ಇಂದು ಜನಪ್ರಿಯ ನಟನಾಗಿ ಗುರುತಿಸಿಕೊಂಡಿರುವ ಆಸಿಫ್ ಖಾನ್ ಅವರ ಜೀವನದ ಹಾದಿ ಸುಲಭದ್ದಾಗಿರಲಿಲ್ಲ. ಮುಂಬೈಗೆ ಬಂದ ಆರಂಭದಲ್ಲಿ ಕುಟುಂಬದ ನಿರ್ವಹಣೆಗಾಗಿ ಹೋಟೆಲ್‌ಗಳಲ್ಲಿ ವೇಟರ್ ಆಗಿ ಕೆಲಸ ಮಾಡುತ್ತಿದ್ದ ಇವರು, ಕಠಿಣ ಪರಿಶ್ರಮದಿಂದಲೇ ತಮ್ಮ ಹಣೆಬರಹ ಬದಲಾಯಿಸಿಕೊಂಡವರು.

This is Panchayat fame actor Aasif Khan.

He is currently participating in Bigg Boss 20.

But in a 2024 interview, he said that he would never go on Bigg Boss. He said he had received offers before but rejected them, and that the reason he didn’t want to participate was because… pic.twitter.com/8j0mQydcbK

— Amit Kumar Sindhi (@AMIT_GUJJU) September 7, 2026

2012ರಲ್ಲಿ ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಅವರ ವಿವಾಹ ಆರತಕ್ಷತೆ ಮುಂಬೈನ ತಾಜ್ ಹೋಟೆಲ್‌ನಲ್ಲಿ ನಡೆದಿತ್ತು. ಆಗ ಅದೇ ಹೋಟೆಲ್‌ನಲ್ಲಿ ವೇಟರ್ ಆಗಿದ್ದ ಆಸಿಫ್, ಮದುವೆಯ ಶುಭಸಮಾರಂಭದಲ್ಲಿ ಪಾತ್ರೆಗಳನ್ನೂ ತೊಳೆದಿದ್ದರು! ಆ ಸಮಯದಲ್ಲಿ ಸೈಫ್-ಕರೀನಾ ಜೋಡಿಯನ್ನು ಒಮ್ಮೆ ಭೇಟಿಯಾಗಲು ಮ್ಯಾನೇಜರ್ ಬಳಿ ಅನುಮತಿ ಕೇಳಿದಾಗ ನಿರಾಕರಣೆ ಎದುರಾಗಿ ನಿರಾಶೆಯಿಂದ ಹಿಂತಿರುಗಿದ್ದರು.

ಇದನ್ನೂ ಓದಿ: ಬಿಗ್ ಬಾಸ್ ಮನೆಗೆ ಮೊದಲ ದಿನವೇ ಬಂದ ಹೊಸ ಸ್ಪರ್ಧಿ; ದಿನವೀಡಿ ಅಳು

ನಂತರ ಚಿತ್ರರಂಗಕ್ಕೆ ಕಾಲಿಟ್ಟ ಆಸಿಫ್ ಅವರಿಗೆ ಅಮೆಜಾನ್ ಪ್ರೈಮ್‌ನ ಸೂಪರ್ ಹಿಟ್ ‘ಪಂಚಾಯತ್’ ವೆಬ್ ಸರಣಿಯ ‘ಗಣೇಶ್’ ಪಾತ್ರ ದೊಡ್ಡ ಬ್ರೇಕ್ ನೀಡಿತು. ಇಂದು ಪ್ರಸಿದ್ಧ ನಟನಾಗಿ ಬೆಳೆದು ಸಲ್ಮಾನ್ ಖಾನ್ ನಡೆಸಿಕೊಡುವ ಬಿಗ್ ಬಾಸ್ ವೇದಿಕೆ ಏರಿರುವ ಆಸಿಫ್ ಖಾನ್ ಅವರ ಈ ಸಾಧನೆ ನಿಜಕ್ಕೂ ಸಿನಿಮೀಯ ತಿರುವುಗಳಿಗಿಂತ ಕಡಿಮೆಯಿಲ್ಲ.ಅವರು ದೊಡ್ಡನೆ ಪ್ರವೇಶ ಮಾಡಿರುವುದು ಸಾಕಷ್ಟು ಕುತೂಹಲ ಮೂಡಿಸಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.