Devara First Half Review: ಹೇಗಿದೆ ‘ದೇವರ’ ಸಿನಿಮಾ ಮೊದಲಾರ್ಧ? ಇಲ್ಲಿದೆ ಡೀಟೇಲ್ಸ್

‘ಅರವಿಂದ ಸಮೇದ’ ಬಳಿಕ ಜೂನಿಯರ್ ಎನ್​ಟಿಆರ್ ಅವರು ಸೋಲೋ ಹೀರೋ ಆಗಿ ಕಾಣಿಸಿಕೊಂಡ ಸಿನಿಮಾ ಎಂದರೆ ಅದು ‘ದೇವರ’ ಚಿತ್ರ. ಈ ಸಿನಿಮಾ ಬಗ್ಗೆ ಅಭಿಮಾನಿಗಳು ದೊಡ್ಡ ಮಟ್ಟದ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ‘ಆಚಾರ್ಯ’ ಮೂಲಕ ಸೋಲು ಕಂಡ ಕೊರಟಾಲ ಶಿವ ಅವರು ‘ದೇವರ’ ಸಿನಿಮಾ ಮೂಲಕ ಕಂಬ್ಯಾಕ್ ಮಾಡುವ ಪ್ರಯತ್ನದಲ್ಲಿ ಇದ್ದಾರೆ. ಈ ಚಿತ್ರದಲ್ಲಿ ಬಾಲಿವುಡ್ ಕಲಾವಿದರಾದ ಜಾನ್ವಿ ಕಪೂರ್ ಹಾಗೂ ಸೈಫ್ ಅಲಿ ಖಾನ್ ನಟಿಸಿದ್ದಾರೆ.

‘ದೇವರ’ ಸಿನಿಮಾದ ಕಾಲಘಟ್ಟ ರೆಟ್ರೋ ಶೈಲಿಯಲ್ಲಿ ಮೂಡಿ ಬಂದಿದೆ. 80 ಹಾಗೂ 90ರ ದಶಕದಲ್ಲಿ ಸಿನಿಮಾದ ಕಥೆ ಸಾಗುತ್ತದೆ. ಜೂನಿಯರ್ ಎನ್‌ಟಿಆರ್ ಅವರ ಎಂಟ್ರಿ ಗಮನ ಸೆಳೆದಿದೆ. ಭರ್ಜರಿ ಮಾಸ್ ಆಗಿ ಅವರ ಆಗಮನ ಆಗುತ್ತದೆ. ಸಿನಿಮಾದಲ್ಲಿ ಗ್ರಾಫಿಕ್ಸ್ ಹೆಚ್ಚು ಹೈಲೈಟ್ ಆಗಿದೆ. ಪ್ರತಿ ದೃಶ್ಯಗಳನ್ನು ಅದ್ದೂರಿಯಾಗಿ ತರಲು ಪ್ರಯತ್ನ ನಡೆದಿದೆ.

ಜಾನ್ವಿ ಕಪೂರ್ ಅವರ ಆಗಮನ ಮೊದಲಾರ್ಧದಲ್ಲಿ ಆಗುವುದೇ ಇಲ್ಲ. ಹೀಗಾಗಿ, ರೊಮ್ಯಾಂಟಿಕ್ ಸಾಂಗ್‌ನ ಆಗಮನ ಆಗಿಲ್ಲ. ಸಿನಿಮಾ ಉದ್ದಕ್ಕೂ ಆ್ಯಕ್ಷನ್ ದೃಶ್ಯಗಳು ಹೇರಳವಾಗಿ ಇದೆ. ಇದು ಎನ್‌ಟಿಆರ್ ಅಭಿಮಾನಿಗಳನ್ನು ರಂಜಿಸುತ್ತದೆ.

ಸಿನಿಮಾ ತುಂಬಾನೇ ನಿಧಾನವಾಗಿ ಸಾಗುತ್ತದೆ. ಆಗಾಗ ಸಪ್ಪೆ ದೃಶ್ಯಗಳು ಇವೆ. ಸಮುದ್ರದ ತೀರದಲ್ಲೇ ಸಿನಿಮಾದ ಕಥೆ ಸಾಗುತ್ತದೆ. ‌ಅದ್ದೂರಿ ಸೆಟ್‌ಗಳು ಗಮನ ಸೆಳೆಯುತ್ತವೆ. ನೆಗೆಟಿವ್ ಶೇಡ್‌ನಲ್ಲಿ‌ ಸೈಫ್ ಅಲಿ ಖಾನ್ ಅವರು ಮಿಂಚಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.