Hrithik Roshan: ‘ಸಿಟಾಡೆಲ್’ ವೆಬ್ ಸಿರೀಸ್ ನೋಡಿ ಮೆಚ್ಚುಗೆ ಸೂಚಿಸಿದ ಹೃತಿಕ್ ರೋಷನ್; ಪ್ರಿಯಾಂಕಾಗೆ ಖುಷಿ
Citadel Web Series: ಪ್ರಿಯಾಂಕಾ ಚೋಪ್ರಾ ಅವರಿಗೆ ಹೃತಿಕ್ ರೋಷನ್ ಅವರಿಂದ ಸಿಕ್ಕ ಮೆಚ್ಚುಗೆ ಕಂಡು ಖುಷಿ ಆಗಿದೆ. ಅದಕ್ಕೆ ಅವರು ಪ್ರತಿಕ್ರಿಯೆ ನೀಡಿದ್ದಾರೆ.
ಹಾಲಿವುಡ್ನಲ್ಲಿ ನೆಲೆ ಕಂಡುಕೊಂಡಿರುವ ಖ್ಯಾತ ನಟಿ ಪ್ರಿಯಾಂಕಾ ಚೋಪ್ರಾ ಅವರ ಇತ್ತೀಚಿನ ವೆಬ್ ಸೀರೀಸ್ ‘ಸಿಟಾಡೆಲ್’ (Citadel Web Series) ಅನ್ನು ನಟ ಹೃತಿಕ್ ರೋಷನ್ (Hrithik Roshan) ಅವರು ವೀಕ್ಷಿಸಿದ್ದಾರೆ. ನಂತರ ಅವರು ತಮ್ಮ ಅನಿಸಿಕೆ ಹಂಚಿಕೊಂಡಿದ್ದಾರೆ. ಪ್ರಿಯಾಂಕಾ ಚೋಪ್ರಾರನ್ನು ಅವರು ಹೊಗಳಿದ್ದಾರೆ. ಹೃತಿಕ್ ರೋಷನ್ ಅವರು ತಮ್ಮ ವಿಮರ್ಶೆಯನ್ನು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ‘ಪ್ರಿಯಾಂಕಾ ನಮ್ಮ ಹೆಮ್ಮೆ’ ಎಂದು ಹೃತಿಕ್ ಹೊಗಳಿದ್ದಾರೆ. ಪ್ರಿಯಾಂಕಾ ಚೋಪ್ರಾ (Priyanka Chopra) ಮತ್ತು ಹೃತಿಕ್ ರೋಷನ್ ನಡುವೆ ಹಲವು ವರ್ಷಗಳ ಸ್ನೇಹ ಇದೆ. ‘ಕ್ರಿಶ್’ ಫ್ರಾಂಚೈಸ್, ‘ಅಗ್ನಿಪಥ್’ ಮುಂತಾದ ಚಿತ್ರಗಳಲ್ಲಿ ಅವರು ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಈಗ ಸ್ನೇಹಿತೆಯ ವೆಬ್ ಸೀರಿಸ್ಗೆ ಹೃತಿಕ್ ರೋಷನ್ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
‘ಸಿಟಾಡೆಲ್’ ನೋಡಿದ ಬಳಿಕ ಹೃತಿಕ್ ರೋಷನ್ ಅವರು ಅದರ ಪೋಸ್ಟರ್ ಅನ್ನು ಹಂಚಿಕೊಂಡಿದ್ದಾರೆ. ‘ಪ್ರಿಯಾಂಕಾ ಅವರನ್ನು ಸಿಟಾಡೆಲ್‌ನಲ್ಲಿ ನೋಡುವುದು ತುಂಬಾ ಅದ್ಭುತವಾಗಿದೆ. ಅದ್ಭುತ ಕೆಲಸ. ಅಲ್ಲದೆ, ಅದ್ಭುತ ಪರ್ಫಾರ್ಮೆನ್ಸ್. ಅತ್ಯುತ್ತಮ ನಿರ್ದೇಶನ ಮತ್ತು ಚಿತ್ರಕಥೆ. ಪ್ರಿಯಾಂಕಾ ಅವರೇ, ನೀವು ಈ ಬಾರಿ ತುಂಬಾ ಚೆನ್ನಾಗಿ ನಟಿಸಿದ್ದೀರಿ. ತುಂಬ ಹೆಮ್ಮೆ ಎನಿಸುತ್ತದೆ’ ಎಂದು ಹೃತಿಕ್ ರೋಷನ್ ಅವರು ತಮ್ಮ ವಿಮರ್ಶೆ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Priyanka Chopra: ತಂಗಿ ಎಂಗೇಜ್ಮೆಂಟ್ಗೆ ಬಂದ ಪ್ರಿಯಾಂಕಾ ಚೋಪ್ರಾ; ವಿಮಾನ ನಿಲ್ದಾಣದಲ್ಲಿ ಆಗಿದ್ದೇ ಬೇರೆ
ಪ್ರಿಯಾಂಕಾ ಚೋಪ್ರಾ ಅವರಿಗೆ ಹೃತಿಕ್ ರೋಷನ್ ಅವರಿಂದ ಸಿಕ್ಕ ಮೆಚ್ಚುಗೆ ಕಂಡು ಖುಷಿ ಆಗಿದೆ. ಅದಕ್ಕೆ ಅವರು ಪ್ರತಿಕ್ರಿಯೆ ನೀಡಿದ್ದಾರೆ. ಪ್ರಿಯಾಂಕಾ ಅವರು ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಗಳಲ್ಲಿ ರೀ-ಪೋಸ್ಟ್ ಮಾಡಿದ್ದಾರೆ. ‘ಧನ್ಯವಾದಗಳು ನನ್ನ ಸ್ನೇಹಿತನೇ’ ಎಂದು ಬರೆದುಕೊಂಡಿರುವ ಅವರು ಹೃತಿಕ್ ರೋಷನ್ರ ಖಾತೆಯನ್ನು ಟ್ಯಾಗ್ ಮಾಡಿದ್ದಾರೆ. ಅಮೇಜಾನ್ ಪ್ರೈಂ ವಿಡಿಯೋದಲ್ಲಿ ‘ಸಿಟಾಡೆಲ್’ ಪ್ರಸಾರ ಆಗುತ್ತಿದೆ.
ಇದನ್ನೂ ಓದಿ: Priyanka Chopra: ‘ಮಗಳಿಗಾಗಿ ಕೆಲಸ ತೊರೆದು, ದೇಶ ಬಿಟ್ಟುಹೋಗಲು ಸಿದ್ಧ’: ಪ್ರಿಯಾಂಕಾ ಚೋಪ್ರಾ ಜೋನಸ್
ಪ್ರಿಯಾಂಕಾ ಚೋಪ್ರಾ ಅವರು ಈಗ ಹಾಲಿವುಡ್ನಲ್ಲೇ ಹೆಚ್ಚು ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಹಿಂದಿ ಸಿನಿಮಾಗಳಿಂದ ಅವರು ಅಂತರ ಕಾಯ್ದುಕೊಂಡಿದ್ದಾರೆ. ಈಗ ‘ಲವ್ ಅಗೇನ್’ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಈ ಸಿನಿಮಾದ ಪ್ರೀಮಿಯರ್ ಶೋ ಇತ್ತೀಚೆಗೆ ನಡೆಯಿತು. ನ್ಯೂಯಾರ್ಕ್ನಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಪ್ರಿಯಾಂಕಾ ಚೋಪ್ರಾ, ಸ್ಯಾಮ್ ಹ್ಯೂವನ್ ಜೊತೆ ನಿಕ್ ಜೋನಸ್ ಕೂಡ ಭಾಗಿ ಆಗಿದ್ದರು. ಪ್ರಚಾರದ ವೇಳೆ ಮಾಧ್ಯಮದ ಕ್ಯಾಮೆರಾಗೆ ಪೋಸ್ ನೀಡುವಾಗ ಪ್ರಿಯಾಂಕಾ ಅವರ ಮೂಗಿನ ಮೇಲೆ ಸ್ಯಾಮ್ ಹ್ಯೂವನ್ ಅವರು ಕಿಸ್ ಮಾಡಿದ್ದರು.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.